Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айдин Шер: «ЫРЧЫ КЫЗГА ҮЙЛӨНҮШҮМӨ КӨЗҮМ ЖЕТПЕЙТ»

№407 20-26-август, 2010-ж.


Мүнөзү шайыр Айдин Шер менен маектешүү кимге болбосун жагымдуу маанай тартуулаарына ишене бериңиз. Себеби болгонун болгондой айтып, эч жасалмасыз сүйлөйт. Азыр ал болгону 20 жашта экенине карабай, ырчылык менен бирге тергөөчүлүккө да киришиптир.

– Айдин, экөөбүз бир жыл мурда маектешкен элек. Ошондон бери сенде эмне өзгөрүү болду?
– Ооба, эсимде. Андан бери кыйла чоңойдук дегендей. Бир жылдын ичинде көп жакшы нерселерге жетиштим. Жаңы ырларды жазып, клип тарттык, анан киного тартылдым. Эң ийгиликтүүсү деп жумушка орношконумду эсептейм.
– Кандай кызматты аркалап жатасың?
– Өзүмдүн кесибим программист. Бирок юридикалык факультетке которулуп жатам. Азыр окуум боюнча чуркап жүрөм. Ысык-Ата райондук прокуратурасында тергөөчүлүктүн сырларын үйрөнүп баштадым.
– Орун кут болсун. Жумушуңа кантип келип калдың?
– Рахмат. Тааныштар аркылуу кирип калдым. Кичинемден өзүмдөн ырчылык менен тергөөчүлүктү көрчүмүн. Таякемдердин көбү мамлекеттик кызматта иштеген адамдар. Мүмкүн, алардын таасиринен уламдыр.
– Анда кыздарга таптакыр кол бошобой жатат экен да. Болочок тергөөчүгө кандай кыздар жагат жана жакпайт?
– Кичипейил, боорукер, ачык мүнөз кыздар жагат. Бой-келбети боюнча, бою 180 сантиметр кыздар болсун дебейм. Жылдыздуу кара каштар болсо... Анан эң негизгиси, тамакты даамдуу жасашы керек. Бир сөз бар го “кыздын кыздай, кыштын кыштай болгону жакшы” деген. Азыр кыздар арасында тамеки тартуу модага айланды. Мурда жашынып тамеки тартса, азыр ачык эле мактангандай тартышат го. Өзүм тамеки тартып, ичкилик ичпегендиктен, мага андай кыздар жакпайт. Сөгүнүп-сагынган кыздарды жиним сүйбөйт.
– Макалдатып сүйлөгөнүңө караганда, сөз байлыкты кеңейтип жаткансың го...
– Азыркы жумушумда көбүнчө орус тилинде иш алпарылат. Бирок киргиз эмес, кыргыз эле баламын. Апам теледе иштегендиктен, урушканда деле, эркелеткенде деле макалдатып кирет. Кээде апамды туурайм деп такалып же макалды тескерисинче айтып күлкүгө салам.
– Кантип көңүл ачасың?
– Досторум менен акырын музыка коюп алып, тынч жерде эс алганды жактырам.
– Айдин деген лакап атка бат эле көнүп кеттиңби же көнө албай кыйналдыңбы?
– Өзүм да, үйдөгүлөр да лакап атыма көнүп калдык. Таятам Шерчик, эжем Шераалы деп чакырып калышты. Атам жактагылар көбүнчө өзүмдүн атымдан чакырышат. Өзүбүздүн үй-бүлө азан чакырган атымдан аташат.
– "Ырчылыкка оошума апам түрткү болду. Атам каршы болууда" деген элең...
– Азыр баары жакшы. Туура, башында атам "артист болуп не кыласың?" дечү. Ырдап калган соң "бул менин балам" деп сүйүнчү болду. Анан дагы жумушка орношкондон бери көңүлү жай алып калды. Апам баягыдай эле колдон-буттан таяп турат.
– Үй-бүлөдө эки бир тууган белеңер?
– Биз 4 бир тууганбыз. Мен мурда эки байкемди айтчу эмесмин. Себеби алар чоң атамдын колунда өскөндүктөн, анча жакын эмес элем. Улуусу Талант 30, Адис байкем 28 жашта. Экөө тең үй-бүлөлүү. Жеңелерим менен жакшы мамиледемин. Наргиза эжем болсо жакында эле турмушка чыкты. Жездем Токтогулдан болот. Азыр алар Стамбулда жашашат.
– Эжеңе жакын өскөн болсоң, турмушка чыкканда ичиң ачышкандыр?
– Апам экөөбүз сыздап жатып, эми көнүп калдык. Эжем кийимиме, чачы-башыма чейин карап турчу. Анын турмушка чыкканына эми көнүп келатканда кечээ үйгө конокко келишти. Кайра кетсе дагы жаман болом го.
– Клиптериңде дайыма эле бактылуу үй-бүлөнү көрүп, суктана бересиң. Үй-бүлөлүү болгуң келип жатабы?
– Азыр жашпыз. Кээде клиптегидей болуп эле үйлөнгүм келип кетет. Өзүм балага жакынмын. Кинодо Айгерим экөөбүз кыздуу болобуз да. Эмнегедир ошол “кызымды” азыр сагынып жатам. Өткөндө түшүмө да кирди. Кинодо бөбөк бакырып ыйлап жатат. Ызылдап ары-бери чуркап жүрөм. Ошентип, тартыларда момоюп уктап калды. Ошол сюжет сонун болду.
– Кино жаатында өзүңдү сынап көрдүң, кандай кыйынчылыктар жана кызыктар менен коштолду?
– Мага актёрлук оңой сезилчү. Өзүң тартылганда таптакыр башкача болот экен. Кыйынчылык көп деле болгон жок. Тасмада сүйгөнүм сууга чөгүп кеткен учур бар. Биз тартылып жаткан пляж анча терең эмес экен. "Мотор" дегенде жээктен кызга сүзүп баргыча чарчап калам десеңиз. Анан экөөбүз сууга түшөлү десек, терең эмес, тайыз. Улам эле бирде бутубуз, бирде чыканагыбыз суудан чыгып калат. Айтор, Айгерим экөөбүз кучакташкан боюнча каткырып сууга жыгылабыз. Ошентип, суудагы жерин 10-15 жолу тарттык.
– Ыйлаган жеринде эмнени эстеп ыйладың? Башкалар сөйкө салып, турмушка чыгып кеткен кызыңды эстедиңби?
– Тасмада кыз экөөбүз кучакташып ыйлаган жери бар. Башында ыйлай албай кыйналдым. Мүмкүн, сиз айткандай, ошол кызды эстеп ыйлагандырмын. Ак футболка кийип алган элем. Ыйлап бүтүп карасак, футболкам помада, тушь, суу болуп калыптыр. Кино бүткөндөн кийин үйгө келип, чыгармачыл топту сагындым. Айрыкча кичинекей бөбөккө көнө түшкөн экем.
“Тушалган махабатым” деп боздоп барып эле, кайра “мага сүйүү келе элек" деп калдың. Ырга байлагым келбейт, бирок жүрөккө сүйүү келдиби?
Сүйүү келбей жатат го. Канча күтсөм да карааны көрүнбөйт. Анын үстүнө жумуштан кол бошобой...
"Түштүк дарбаза жактагы сейил бактан Айдинди бир кыз менен көрдүк" дешсе, бирөөлөр "Бегимай Эсенгулова күнүгө эле бир жигиттин колун кармап ошол жакта сейилдеп жүрөт” деп айтып калышат...
– Алысыраак деп ошол жакка барган элем, аны да көрүп коюшкан турбайбы. Менин жакын досум Бегимайдын группалашы менен сүйлөшөт экен. Бир жолу Бегимайдын окуу жайына досум экөөбүз барганбыз. Анан төртөөбүз ошол сейил бакты көздөй басып, серүүндөп келгенбиз. Сыягы ошону айтышса керек.
– Көрдүңбү, сенин баскан-турганыңа чейин акмалаган күйөрман кыздар бар экен...
– Жакында эле кыздар "автограф алабыз" деп прокуратурага чейин кирип келишиптир. Бир убакта эле жетекчим "мага кир, Айдин" деп чакырат. Барсам, "сен эмне бул жерде концерт уюштуруп жатасың?" деди. Сыртка чыксам, 5-6 кыз туруптур автограф сурашып... Бир жолу сахнага жаңы чыгып жаткан кезде Таласта концерт коюп калдык. Баары жабылып ырчылардан автограф алып жатат. Ал гана эмес, оператордон да кол тамга алышууда. Бир маалда карасам, оператор Спартак деген бала ышкыртып эле Айдин деп коюп жатат. Көрсө, кыздар мени тааныбай, Спартак менен алмаштырып алышыптыр.
– Ырчы кызды сүйүп калсаң үйлөнөт белең?
– Анда катуу тарбия керек го. Бирок ырчы кызды алышыма көзүм жетпейт. Үй-бүлөдө бир эле ырчы жетишет го...
– Ырларыңды жазып берген жигит “Айдин иниме кээде таарыныч болот” дегендей сөз айтты эле. Ыр го, сага ийгилик алып келди дейли, а сен автордун атын чын эле атабай койдуң беле?
– Ий де. Аны Кудрет байке айтпайт, ээ, мага. Чынында, атаганга аракет кылабыз. Бирок кайсы жерден ката кетирип койдум экен? Бизден кетсе кечирип коюңуз, алдыңызга түшүп барайын дейинчи азыр.
– Азыркы чөйрөң сага жагабы?
– Ооба, жагат. Сиңип калдым. Баары менен эң жакшы мамиледемин. Продюсерим Динара эже барына да Кудайга шүгүр. Кээде эркелеп кетем, аны деле көтөрөт.
– Кызыктуу маек куруп бергениңе рахмат. Ишиңе ийгилик.

ЭМНЕДЕН...
...кыжырың келет? Алдамчылыктан.
...эргүү аласың? Мени мактап-жактагандан.
...тажайсың? Ызы-чуудан.
...коркосуң? Жакындарымды жоготуп алуудан.
...тартынасың? Ата-энемдин көзүнчө тост айткандан.
...кызарасың? “Мен Айдиндин апасымын” дегенде апамды “айтпаңыз” деп уялам.
...жыргайсың? Ырдап калганыма.
...кыйналасың? Ар бир адамдын жашоосунда кыйынчылык болсо керек. Кичинемден ар кандай жумушта иштеген күндөр көп болгон. Аны эстесем, ыйлагым келип, кыйналып кетем.

МЕН...
...Кийинем... көбүнчө “Дордойдон”.
...Ырдайм... эргүү менен.
...Бийлейм... тердеп-кургап.
...Ойнойм... шахмат.

МЕН ҮЧҮН...
...Ата-эне... байлыгым.
...Акча... көп деле маанилүү эмес, бирок керектелүүчү каражат.
...Байлык... болочокто кура турган үй-бүлөм. Жашоомдун учурларынан алынган ырларым.
...Махабат... өмүр көркү.


Жылмайып коюңуз!

Айдин досу менен Ысык-Көлдүн жээгинде баратышат.
– Вау! 10 доллар таап алдым!
– Азаматсың... Келесоо, эмне ыргытып жибердиң?
– Жасалма экен.
– Эмнеге?
– 10 доллар эки нөл менен жазылбайт да...

Бурул Исмаилова
star
@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  16 
Комментарийлер(4)
21.08.2010. 00:44 
Тайпасы:
Жаран
Комментарийлердин саны:
44
Катталган:
02-08-2010
Соӊку аракети:
25-10-2018 10:41
Жынысы:
Белгисиз
Калаасы:
Hamburg
0
daaa kyzdyn kyzdai kyshtyn kyshtai bolgonu jakshy.jakshy makal eken
22.08.2010. 13:27 
Тайпасы:
Кыймылы жок
Комментарийлердин саны:
15
Катталган:
18-08-2010
Соӊку аракети:
13-01-2015 17:43
Жынысы:
Белгисиз
Калаасы:
Жалалабад
0
Черешняя жеп жаткан суроту аябай жакты! ийгиликтер!

free poker
24.08.2010. 09:36 
Тайпасы:
Кыймылы жок
Комментарийлердин саны:
4
Катталган:
12-08-2010
Соӊку аракети:
09-11-2012 14:09
Жынысы:
Белгисиз
0
макала мыкты болуптур. жакшы даярдалган макала. журналистке 5!
26.09.2010. 18:42 
Тайпасы:
Кыймылы жок
Комментарийлердин саны:
1
Катталган:
26-09-2010
Соӊку аракети:
01-02-2014 22:22
Жынысы:
Белгисиз
0
tochno daiardalgan,jurnalisty alga
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: