ДАРЬЯ МАСЛОВА ТОКИО-2020 ОЛИМПИАДАСЫНА ЖОЛДОМО УТТУ

Жөө күлүк Дарья Маслова Токио-2020 Олимпиада оюндарына жолдомо утуп, Кыргызстан үчүн 5-лицензияны алып келди. Бул тууралуу Жаштар иштери, дене тарбия жана спорт боюнча мамлекеттик агенттиги билдирет.

1-декабрда Дарья Маслова Испаниянын Валенсия шаарында өткөн эл аралык лицензиялык марафонго катышып, 2 саат 28 мүнөт 19 секунд убакытта марага жетти. Марафонго олимпиадалык норматив 2 саат 29 мүнөт 30 секундду түзөт. Ошентип спортчунун убактысы Токиодогу олимпиадалык оюндарына лицензиянын нормативин аткарууга мүмкүнчүлүк түздү.

Буга чейин Олимпиадага жолдомону суучул Денис Петрашов, жөө күлүк Юлия Андреева, балбандар Айсулуу Тыныбекова жана Атабек Азисбеков жеңишкен.

Гүлжан Асанкожоева
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

murat17

2019-12-09 14:51:20

Даша жана Айсулуудан умут чон

Комментарий калтыруу үчүн өз ысымыңыз менен кириңиз же каттоодон өтүңүз.

№ 892, 5-11 декабрь, 2019-жыл