ЖЫЛДЫЗ ТӨЛГӨ 16-ДЕКАБРДАН 22-ДЕКАБРГА ЧЕЙИН

КОЙ (21.03-20.04)

Тиричилик маселеси көп чыгып, маанай суз болот. Бир иш-чараны уюштуруу милдети жүктөлүшү мүмкүн. Өрт кырсыгынын алдын алып от жагуучу мештин абалын текшериңиз.

БУКАЧАР (21.04-20.05)

Айрымдар сыйлыкка татыйт. Шашылыш чечим кабыл алуучу окуя чыгат. Достор чөйрөсүндө болуу сиз каалаган эмоцияны тартуулабайт, анткени өз ара түшүнбөстүктөн чыр жаралат.

ЭГИЗДЕР (21.05-21.06)

Иште сиздин дарекке сындар айтылат. Бойдоктор көп ойлонбой туруп келечеги күмөн сүйүү романын башташат. Үйдө баарына оор тийүүчү мурас маселеси талкууланат.

БӨЙӨН (22.06-22.07)

Достордун айткан кеңештеринин баарын туура деп кабыл ала бербеңиз, зыяны тийчүсү да бар. Балдар бир топ түйшүккө салат. Аларды кысымга албай акырын тилин табуу керек.

АРСТАН (23.07-23.08)

Баарын жүрөгүнө жакын кабыл ала берген адамдар менен абайлап сүйлөшпөсөңүз, уруш чыгат. Кимдир бирөө белеги менен кубантат. Шашылыш иш менен сапарга чыгасыз.

БИЙКЕЧ (24.08-23.09)

Жоголду деген буюмуңуз табылат. Сүйүктүү адамыңыз камкордукка чулгайт. Соода менен алектенгендер шериктерине ишеним артпай, баарын өздөрү эсептеөлөрү кажет.

ТАРАЗА (24.09-23.10)

Пайдасы тийбей турган тааныштарга убакыт коротпоңуз. Иште ишенген адамыңыз сизди колдобой коюп таң калтырат. Жаман айтпаңыз, кезек бат эле келет. Жаңы буюмдуу болосуз.

ЧАЯН (24.10-22.11)

Иштериңиз кыйынчылыксыз бүтөт. Бир окуядан улам эркиндигиңизди чектегиси келгендер чыгат, моюн бербеңиз. Балдарга арнап белек аласыз. Туугандар конокко чакырат.

ЖААЧЫ (23.11-21.12)

Туугандар ортосунда чыккан маселе мамилелерди салкындатат. Акча тартыштыгынан пландалган жерлерге барбай калууңуз мүмкүн. Балдар ийгиликтери менен кубантат.

ТЕКЕЧЕР (22.12-20.01)

Аптада бирөөлөргө жардамдашып, акчага ээ болосуз. Пайдалуу маалыматтарды угасыз. Буга чейин сизге сый көрсөтүп келген туугандарды чакырып чай берүүгө туура келет.

СУУ КУЯР (21.01-19.02)

Апта жагымдуу сюрприздерди тартуулайт. Кичүүлөргө терс таасир этүүчү жаман адаттардан кутулууга киришиңиз. Кеченин коногу болууңуз күтүлүүдө.

БАЛЫК (20.02-20.03)

Киреше кирет. Бирок майда-баратка, көңүл ачууга көп акча коротпоңуз. Бойдокторго жолугушуп жүргөн адамы жакшы маанай тартуулайт. Айттырбай келген досторду сыйлайсыз.

Кыстарылган видео

Жылдыз төлгө. 16-22-декабрга чейин

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 893, 12-18-декабрь, 2019-ж