БИР БҮРКҮМ. ЖЕМКОРЛОРДОН КАЙТАРЫЛГАН АКЧАГА МЕКТЕП КУРУЛУУДА...

20-декабрда Евразия экономикалык кеңештин жыйынына барган өлкө башчынын учагы бузулуп, ал каттамдык учак менен кайтты.
Сооронбай Жээнбеков: "Электр энергиясы тармагында калкка кызмат көрсөтүүлөрдүн сапаты жакшырып жатат".
Алайга Улуу Памирден 44 этникалык кыргыз көчүп келди, анын 24ү балдар.
Парламент комитетинде март айынын үчүнчү жумасын “Бак-дарактарды отургузуунун жалпы улуттук күнү” деп жарыялоо жөнүндө токтом долбоору колдоо тапты.
Өкмөт убактылуу айдоочулук күбөлүктүн жарактуу мөөнөтүн февралга чейин узартышы мүмкүн.
2020-жылдын январь айынан баштап Кыргыз-Казак чек арасындагы "Ак жол" – "Кордай" өткөрүү пункту реконструкция иштерине байланыштуу убактылуу жабылат.
31-декабрда чет жактан ташылып келген автоунааларга берилүүчү жеңилдетилген салыктын мөөнөтү аяктайт.
Укук коргоочу жана камактагы бир нече саясатчынын адвокаты Нурбек Токтакунов телефондон коркутуу болгонун айтып, милицияга арыз менен кайрылды.
Ошто жемкорлордон кайтарылган акчага 500 орундуу мектептин курулушу башталды.
Депутат Ирина Карамушкина: “Президентке импичмент жарыялоо мезгили келди”.
Жаштар иштери, дене тарбия жана спорт агенттиги: "2019-жылы кыргыз спортчулары жалпысынан 1306 медаль утушкан. Анын 442си алтын, 367си күмүш жана 497си коло".
Эмгек жана социалдык өнүктүрүү министрлиги: Өлкөдө Улуу Ата Мекендик согуштун 200дөн ашык ардагери бар.

Перизат Музуратбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 895, 26-декабрь-1-январь, 2019-жыл