Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БҮТПӨЙ КАЛГАН СҮРӨТ

№408 27-август - 2-сентябрь, 2010-ж.


Жүрөк сыры

Жамгыр... Ошол жамгыр өзгөчө болчу. Кол чатырдын алдында дүкүлдөгөн жүрөктөр бир ыргакта согуп жаткандай сезилген. Негедир жүрөгүм бакытымдын кыска болорун туйгандай кысыла ооруп алганы эсимде. Бардыгы эсимде...

– Сүрөт эле тартып жүрөсүң. Үйгө кол кабыш кылсаң болбойбу?- деп жумшак күңкүлдөгөн апамды аягына чейин сүйлөтпөй бетинен өөп алып сыртка чуркап чыктым.
– Тез эле келем, апа.
Минтип күңкүлдөгөнү менен, менин өнөрүмө апам сыймыктанарын билем. Жаз жыттанган аллеяга тез жетип, сүйүктүү калемимди колума алгым келип шашып бараттым. Шашып келе жатып мен сүйгөн аллеяда мольбертти алдына коюп сүрөт тартып жаткан кызды көзүм чалды. Белгисиз күч мени ал тарапка тартып, жакын барып, уурдана сүрөтүн карап калдым. Чочуп кеткен ал артка кылчая берди.
– Ой...
– Кечиресиз, эмне тартып жатканыңызды көрөйүн дегем.

Экөөбүз бири-бирибизди тиктеп туруп калдык. Карегинен нур төгүлгөн мөлтүр көздөрдөн көзүмдү ала албадым. Кыз турган турушу менен жүрөгүмө жакын сезилди. А колуна калем кармап турушу, салкын желге серпилген чачтары, назик, апакай колдору да негедир тааныш эле. Адамды мынча кадалып карай алчу эмесмин. Акыры тартып жаткан сүрөтүнө тигилдим. Бактуу аллеядагы жамгырды тартып жаткан экен.

– Сиз мыкты тартат экенсиз...
– А мен сизди тааныйм. Биздин окуу жайдын жогорку курсунда окуйсуз.
– Мен сизди көрбөптүрмүн. Кайда жүргөн, бул көздөрүм сизди байкабай...
Кыздын жагымдуу жылмаюусу дагы бир жолу жүрөгүмдү булкуп алды. Сезим экөөбүз ушинтип тааныштык. Кийин баш ийкеше саламдашып жүрүп жакшы достордон болуп калдык. Анан достугубуз сүйүүгө айланды.
Ал жамгырды өтө сүйчү. Бир күнү чөнтөк телефонум шыңгырады. Сезим экен.
– Нурдин, жамгыр сонун жаап жатат, кел, жолугабыз.
– Макул, биздин аллеядан күтөм.
Шаардын сыртына чыгып алып Сезимдин машинасы менен зуулдап бараттык. Рулга мени отургузуп, Сезим бирде чачымды уйпалап, бирде колумду сылап шоктонуп жатты. Ошол күнү бардыгы экөөбүз үчүн жаралгандай эле. Нөшөрлөтө төккөн жамгыр да, алдыбыздагы жол да, атүгүл Жер шары да бизге арналгандай сезилген.
Сезим терезеден башын чыгарып алып:
– Э-эй, тоолор, карагылачы, мен кандай бактылуумун! Жамгыр, сен менин бактымды сезип жатасыңбы?- деп кыйкырып кирди.
– Эй, жинди кыз, ыргып кетесиң!
– Жок...
Эрке мүнөзү менен сөзүмдү укпай кайрадан терезеге жабышты. Сезимдин оюнкарак мүнөзүн буга чейин жакшы билчүмүн. Ошол мүнөзү мага жагып, куду жаш баладай аярлап турчумун. Аттиң, эрке мүнөзү экөөбүздүн тең жашообузга кара чекит коёрун убагында түшүнгөн эмес экем. Ошол күнү Сезимдин атасынын дачасында калдык. Суу болгон кийимдерибизди чечип, каминге от жагып коюп кучакташып отурдук. Кыздын тумсак денеси денеме жабышып, ээ-жаа бербеген сезим канымды дүргүтүп жатты. Мендеги сезим аны да кыйнап жатканын сезгеним менен, даай албадым.
– Сезим, экөөбүздүн бул жакка келгенибизди билсе, атаң...
– Унчукпа...
– Сезим...

Көздөрүнөн бир тамчы жаш мөлт деп сызыла берди. Сызылган бир тамчы жашта мени кыйнаган жооп бар болчу. “Мен сендикмин. Мен сени сүйөм” деп жатты көздөр. Ошол түн биздики болду. Кучагымда туйлап, кумар отунун жалынына да, кыйноосуна да туруштук берип жаткан жан мен үчүн ыйык болуп каларын ошондо эле туйгам.

ХХХ

– Нурдин, ал кыздын атасы чоң деп уктум. Теңине албай, сындырып койбос бекен?
Апамдын назик үнү талуу жериме тийди. Өзүм да кийинки кездери ошол нерсени көп ойлоп, кыйналып жүргөм. Ордумдан туруп, апамды коркута тамак ичпеген боюнча окуума жөнөдүм. Окуудан кийин заказга тарткан сүрөттөрдү жеткирип берүү оюмда турган. Аркамдан келип көзүмдү жаба калган кичинекей алакан жүрөгүмдү ысыта берди.
– Салам.
Шоктоно көзүн кыскан бул ысык жан тирүү­лүктүн түмөн түйшүгүн унуткарчу. Адатынча мени менен эсептешип койбой, бүгүн чатырдын үстүнө чыгып сүрөт тартарыбызды айтты.
– Чатырдын үстүнө чыгыппы? Эмнеге?
– Менин бардык жерде түшкөн сүрөтүм бар экен. Чатырдан гана тарта элексиң. Ошол үчүн шаардагы эң бийик, көп кабаттуу үйдүн үстүнө чыгабыз да, сен мени сүрөткө тартасың.
– Сезимка, менин иштерим...
Сөзүмдү бүтүрбөй сумкасындагы кымбат фотоаппаратты алып чыкты. Фотоаппараты көргөндө баары эсимден чыгып, аны ээрчидим.
Эң жогорку кабатка чыгып сүрөткө тарта баштадым. Жылмайган, кабагын түйө мурчуйган, чачын жазган сүрөттөрдү кумарлана тартып жаттым. Бир кезде шоктоно чатырдын кырына тура калды.
– Сезимка, токто...
– Сонун кадр чыгат, тартсаң...
Аргасыз башымды чайкай, фотоаппаратка үңүлө берип Сезимдин кыска кыйкырыгын угуп, жүрөгүм токтоп калгандай болду. Эми эле маңдайымда турган Сезим...

Калган окуянын баарын түшүмдө көрүп жаткандай болдум. Улуп-уңшуп келе калган “Тез жардам”, кайдан-жайдан пайда болгон формачандар бүдөмүк көрүнүп жатышты. Даана көргөнүм боортоктоп жаткан Сезимдин үстүнө ак шейшеп жабылып жатканы эле.

– Жок! Мындай болушу мүмкүн эмес! Сезим! Сезимка!
Кыйкырып Сезимге жулунуп жаттым. Бирок эки колумду кайрыган милиция кызматкерлери күч менен машинага салып жөнөштү.
Ошентип, жанымдын жартысындай болгон ыйыгымдан айрылып кала бердим. Мени көп жылга отургузуу үчүн Сезимдин атасы болгон күчүн жумшады. Ак экенимди апам байкуш гана түшүнүп, ал гана менин чындыгыма күйүп кала берди.
10 жыл! Айтканга оңой болгону менен, адамга оор экен. Күнөөсүз күнөөлүү болуп, жаштыгымдын жалындаган жылдарын муздак дубалдарда өткөрүп жаттым. Ошондо да Сезимимдин ысымын келме сыяктуу оозумдан түшүрчү эмесмин.

20 жаштагы күлгүн жигит отузду ашканда түрмөдөн эркиндикке аттанды. Канчалык жаным жанчылганы менен, кайрадан жашашым керек эле. Апам үчүн! Дүйнөдөгү ыйык адамым үчүн өзүмдү колго алып, жаңы турмушка бет алдым. Жакшы келинчекке туш болдум. Балалуу да болдум. Сүрөтчү катары атым тааныла баштады.

Бир күнү менин сүрөтүмдүн жанына буурул чач адам туруп алып жүз аарчы менен көз жашын аарчып жатканын көрдүм. Көрдүм да, жүрөгүм шуу дей түштү. Сезимдин атасы экен.
– Жигит, бул сүрөттү сен тарткансыңбы?
– Ооба.
– Таңкалганым, менин кызымдын бүтпөй калган сүрөтүнө окшош экен. Ушул аллеяны жана жамгырды тарта берчү, байкушум. Баса, сүрөт канча турат?
– Сизге бекер.
Бүшүркөй караганы менен, ал мени тааныган жок. Өз күйүтү менен жүзүмдү деле дааналап карабаса керек. Балким, түрмө мени таанылгыс кылып өзгөрткөндүр?

ХХХ

Эртең менен туруп балдарымды эркелетем. Келинчегимдин чайын ичем. Анан ар күнү үйүмдүн дубалына илинген сүрөткө бир тигилип алам. Бул сүрөттө аллеяда калемин кармап турган кыздын карааны турганын эч ким деле капарына албайт. Ааламга сыйбаган сүйүүм ушул рамкага сыйып турганын эч адам билбейт. Бул менин түбөлүк сырым...

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(7)
27.08.2010. 19:45 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Эхх суйуу суйуу,бул турмушта нелер гана болбойт э.Окунучтуу окуя экен.
28.08.2010. 07:25 
Тайпасы:
Кыймылы жок
Комментарийлердин саны:
197
Катталган:
13-11-2009
Соӊку аракети:
03-03-2015 22:05
Жынысы:
Белгисиз
Калаасы:
Алтын тор
0
Ex Allah! Emnege eki adamdy sujdurup, ekoonu eki zholgo salasyn?
28.08.2010. 10:35 
Тайпасы:
Жаран
Комментарийлердин саны:
12
Катталган:
24-05-2010
Соӊку аракети:
02-10-2017 11:24
Жынысы:
Белгисиз
Калаасы:
Korea ,Pusan
0
suiuu-arman
29.08.2010. 01:35 
Тайпасы:
Жаран
Комментарийлердин саны:
37
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
aiabai okunuchtuu eken...kyz kichine toktoorok bolgondo myndai bolboit bele..
29.08.2010. 06:29 
Тайпасы:
Тартип бузгандар
Комментарийлердин саны:
55
Катталган:
07-06-2010
Соӊку аракети:
20-05-2014 18:33
Жынысы:
Белгисиз
0
choogu bolso bolmok eken
30.08.2010. 15:42 
Тайпасы:
Тартип бузгандар
Комментарийлердин саны:
34
Катталган:
27-08-2010
Соӊку аракети:
10-09-2010 11:24
Жынысы:
Белгисиз
0
Эгер чыныгы турмуштан алынган окуя болсо, окунучтуу экен. Окунучтуусу да, кыз кылган куноосу менен аркы дуйного кете бериптир. Жок дегенде дачага барардан мурда дуйно салганда...
08.08.2011. 20:58 
Тайпасы:
Кыймылы жок
Комментарийлердин саны:
13
Катталган:
26-07-2011
Соӊку аракети:
26-12-2011 16:45
Жынысы:
Белгисиз
0
бир кем дунуйо!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: