Архив
897   898  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

САХНАДА ЖЫЛДЫЗ, КӨШӨГӨ АРТЫНДА ЗОРДУКЧУ АТАЛГАН КОРЕЙ АТАКТУУЛАРЫ

№897 9-15-январь, 2020-жыл


Эсиңиздерде болсо, гезитибиздин мурунку сандарында зомбулукка кабылган атактуу корей актриса, ырчылары тууралуу сөз кылганбыз. Бул ирет, тескерисинче, өзүнүн атактуулугун пайдаланып аялзатына зомбулук көрсөткөн корей мырзалары тууралуу айтууну туура көрдүк.

ӨЗҮНӨ ЖАЗА КАТАРЫ ӨЛҮМДҮ ТАНДАГАН ЖО МИН ГИ

Экрандагы актёр-актрисалардын талантына суктанабыз, андай адамдар ката кетирбеген, идеалдуу сезилет. Анын үстүнө ал мугалим болсо, жаман жолго барат деп ойлобойсуң. Бирок кезектеги каарман бул кесиптин ээлерине көлөкө түшүргөнү чындык. Бирок ал жаза катары өлүмдү тандады...

2017-жылы “Сүйүү жана амбициялар”, “Бейиштен чыгышка карай”, "Алоолонгон жүрөктөр: Корё" жана башка сериалдарда, театрда көптөгөн ролдору менен таанымал актёр Жо Мин Гини сексуалдык зомбулукка күнөөлөгөн билдирүү интернет желесине тарады. Териштирүү иштери башталгандан кийин полицияга дагы 20 аялдан арыз келип түшкөн. Чонжу университетинде иштеген актёр 8 жыл аралыгында бир нече студент кызды зордуктап, дагы көбүнө сексуалдык иш-аракеттерди жасап келгени маалым болгон. Студент жигиттерден көрсөтмө алышканда алар “группалаш кыздар профессор Жо Мин Гиден ушунчалык коркуп калышкан. Анан биз план түзүп, агайдын сабактарында кыздарды аны менен жалгыз калтырбай, жандап жүрчүбүз” дешкен. Алгач бардыгын танып жаткан Жо Мин Ги акыры күнөөсүн моюнуна алып, эл алдында кечирим сураган. Университеттин администрациясы профессорду жумуштан айдаса, актёр тартылып, экранга жаңыдан чыгып жаткан “Кичинекей Кудайдын балдары” дорамасынан Жо Мин Ги катышкан сценалар кыркылып алынган.

Көп жылдык кылмышы билингенге ыза болдубу же чындап күнөөсүн көтөрө албадыбы, Жо Мин Ги 2018-жылы өз өмүрүнө кол салган. Ал каза болордун алдында: “Ушунча жыл коркок болуп кылмышымды жашырып келгеним үчүн кечирим сурайм. Өзгөчө өзүн искусствого арнаган Чонжу университетинен жана театр факультетинин студенттеринен кечирим сурайм...”- деген акыркы катын калтырган.

КЫЯЛДАРДЫ ТАЛКАЛАГАН ЧВЕ ИЛЬ ХВА

2018-жылы сексуалдык зомбулук көрсөтүүгө атактуу актёр Чве Иль Хванын да аты илинген. “Мага сексуалдык зомбулук көрсөткөн” деген билдирүүлөр тарап баштаганда эле Чве Иль Хва кечирим сурап, театрда, университетте ээлеп турган кызматтарынан жана сериалда ойноп жаткан ролунан баш тарткан. Бирок “анын кылгандарын жеңил гана сексуалдык иш-аракет деп коюу туура эмес, ал чыныгы зордукчу” деген аял журналисттерге маек берген.

– Бул окуя 25 жыл мурун болгон. Анда мен 24 жашта, университетти жаңыдан бүтүп, актриса болууну кыялданган кыз элем. Театрда “Хенекен” пьесасына башкы каармандын ролуна мени бекитишти. Чве Иль Хва менин дикциямды оңдош керек экенин, күндө аны менен машыгып турушум керектигин айтты. 1 жумадай машыктык. Бир күнү ал мени чогуу тамактанууга чакырды. Бир маалда кызып калып, менин кемчиликтеримди айта баштады. Анан ал мени күч колдонуп зордуктап салды... Ошол убакта коомчулук зордукталган кыздардан “сени зордуктаганга эмне түрткү болду?”, “балким, сен өзүң туура эмес иш-аракет жасагандырсың?” деп сурачу. Мен ошондой суракка туш болгум келген жок. 3 күн эч нерсе билмексен болуп жүргөнгө аракет кылдым. Төртүнчү күнү Чве Иль Хва мени кайрадан жолугушууга чакырганда бакырып жибердим, ал мени бетке эс-учумду билбей кулаганчалык күч менен чапты.

Мен кыялымдагыдай актриса болбой калганым үчүн өкүнөм. Ал менин театрдагы эң биринчи жана акыркы ролум болду. Бир жолу Чве Иль Хвага “кечирим сура” деп айтам деп театрга бардым. Ал жанымдан эч нерсе болбогондой, керекпи тааныбагандай бир кылчайбай өтүп кетти. Мен аны токтото албадым. Дале коркот экем, көз карашынан жүрөгүм титирейт экен... Азыр эмчек рагы менен жабыркайм. Бул өмүр менен коштошкуча Чве Иль Хванын оозунан кечирим сураганын уккум келет...

Учурда аталган актёрдун ысымы бирде болбосо бирде жылт этип, кайрадан экрандарга кайтуусу мүмкүн деген имиштер чыгып турат. Таланты жеңип экранга кайтабы же уяты ага жол бербейби, аны убакыт көрсөтөт. Чве Иль Хваны “Бийик кыялдан”, “Шаар аңчысы”, “О, менин Венерам”, “Алдамчылар”, “Эки коп” жана башка популярдуу дорамалардан көрө аласыз.


МЫКААЧЫ АТАЛГАН КИМ КИ ДУК

Быйыл жайында Кыргыз өлкөсүнө келип, табиятка суктанган атактуу корей режиссёру, сценарист, продюсер Ким Ки Дук “Кудайдын коңгуроосу” деп аталган тасма тартып кеткен. Кино дүйнөсүндө "Крокодил", "Реалдуу ой", "Байланыш", “Жаз, жай, күз, кыш... Кайрадан жаз” жана башка тасмалары менен орчундуу орун ээлеген режиссёрдун артынан да чуулгандуу кептер ээрчип жүрөт. Түштүк Кореянын беделдүү MBC каналынын «PD’s Notepad» телеберүүсүндө аты-жөнүн атагысы келбеген 3 актриса режиссёр Ким Ки Дукту сексуалдык байланышка мажбурлаганын айтып чыгышкан. Алардын бири режиссёрдун айткандарын аткарбаганы үчүн роль албай калганын айткан. Ал эми калган 2 актриса Ким Ки Дук тарабынан зордукталганын айтып, ага кошумча кино тартуу учурунда макулдашылбаган интимдик сценаларга мажбурлап тартып, көп ирет кол көтөргөнүн да айтып чыгышкан. Териштирүүлөрдүн натыйжасында режиссёр зордуктаганы боюнча далил жок деп акталып, ал эми актрисаны урган кадр видеодо болгон үчүн 5 миң доллардай айып пулга жыгылган.

Акталып чыккандан кийин Ким Ки Дук аброюма шек келтирди деп өзүн күнөөлөгөн актрисаларды жана MBC каналынын «PD’s Notepad» телеберүүсүн сотко берерин айтып, “мендей үй-бүлөлүү адам үчүн оор эле сокку болду. «PD’s Notepad» телеберүүсүндө айтылгандай мыкаачы адам эмесмин. Менде интимдик мамилелер мурда болгон, бирок эки тараптуу каалоонун негизинде гана. Азыр ушундай күнөө коюлуп жатканына уялып турам” деген. Ал эми «PD’s Notepad» берүүсүнүн продюсери интернеттеги баракчасына берүү эфирге чыгардан мурун чыгармачыл топ бир нече ишенимдүү булактардан маалыматтарды тастыктаганын айтып, “башынан оор сыноо өткөн актрисалар ачыкка чыгуу үчүн көп убакыт, эрк керектелген. Эми аларды кайра соттоо өкүнөрлүк иш” деп жазган.

Асыл Орозбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
13.01.2020. 12:54 
Тайпасы:
Конок
Комментарийлердин саны:
37
Катталган:
06-12-2019
Соӊку аракети:
27-01-2020 02:23
Жынысы:
Белгисиз
0
Анан? ,Болдубу? Аябай кызык экен э?
19.01.2020. 00:10 
Тайпасы:
Жаран
Комментарийлердин саны:
421
Катталган:
12-09-2015
Соӊку аракети:
27-01-2020 03:58
Жынысы:
Белгисиз
Калаасы:
Ню Йорк
0
Eliza-Arapbaeva,))))
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: