Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Нурзада Жолдошова: «МЕНИ ӨРТТӨП ЖИБЕРЕТ ДЕП КОРКТУМ»

№408 27-август - 2-сентябрь, 2010-ж.


Адамдын үнү турмушта чоң роль ойнойт. Жадакалса ошол жагымдуу үнүнүн жардамы менен бактысын таба алат. Буга чейин канча деген ди-джей кыздарыбыздын үнүн сүйүп, анан өзүн сүйгөн жигиттер артынан чуркап жүрүп алып кетишти. Бүгүнкү биздин конок Нурзада Жолдошованын назик үнүнө арбалган угармандар да жүздөп саналары турган кеп.

МЕЙМАН ТУУРАЛУУ КЫЗЫКТАР

  • Нурзадага “улутуң ким?” деген суроону көп беришет.
  • Мектепти артыкчылык менен аяктаган.
  • Быйыл КУУнун журналистика факультетин "көк диплом" менен бүтүрдү.
  • Жигиттердин тегин, жерлигин сүрүштүргөнгө эптүү.
  • Өзүнө шоктугу, оюнкарактыгы, бир барган жерин экинчи жолу таап бара албастыгы жакпайт. Ал эми өжөрлүгү жагат.
  • Бир уюлдук телефондон экинчиге ыр көчүргөндү ким үйрөтпөсүн, унутуп кала берет.

– Нурзада Жолдошова деген ысым ди-джей катары таанылган эле. Эми телеалпаруучу да боло баштадың...
– Өз кесибимдин мыкты адиси болуш үчүн күн сайын, ал гана эмес, саат сайын аракет кылуудамын. Жетишпейм, чарчадым деген сөздөрдү айтканда өзүмдөн өзүм чарчап, артка кете баштайм. Адам өзү көп кырдуу талант болот экен. Менин дагы ачыла элек жөндөмдөрүм бар деп ойлойм.
– Теледе жана радиодо иштесең, анан тойлорго чакыруу алсаң, чөнтөгүң акчадан өксү болбойт экен да...
– Теледеги ишимдин маянасы мени эч кызыктырбайт. Ал жерге акча табуу үчүн эмес, такшалайын деп киргем. Акчам өзүмө жетет, дүнүйө жыйнайын деген деле оюм жок.
– Таксиге акчаңды короткончо же зарыгып коомдук транспортту күткөнчө машиналуу болгонуң жакшы эмеспи?
– Эки жыл мурун ата-энем менен баратып, Аксы жактагы чоң ашуудан кырсыкка учураганбыз. Машина талкаланып кеткени менен, үчөөбүз тең эч нерсе болгон эмеспиз. Ошондон кийин айдагандан бир аз коркуп калгам. Бирок ата-энем жакында темир тулпар белек кылабыз деп жатышат.
– Радиого, телеге кастинг аркылуу келдиңби же башка жол мененби?
– Жакшы сүйлөйүн, такалбайын деп күзгүнүн маңдайына туруп алып жомок, монолог айта берчүмүн. Мени ди-джей кылган курсташтарым болду. Жаңы студент болгондо мугалимдерге токтолбой, эфирде сүйлөп жаткандай жооп берчү экем. Курсташтарым “Нурзада, сен ди-джей болсоң жарашат. “Кыргызстан Обондоруна” барып көрсөң” деп жатышып, кастинг болбосо деле жөнөтүшкөн. Ошентип, ди-джейлик жашоом башталган. Ал эми телевидениеге сунуш менен келгем.
– Сени “жасалма сүйлөйт” дешет, өзүң байкайсыңбы?
– Жумушка жаңыдан киргенде үч жыл жасалма сүйлөгөм. Аны моюнга алам. Мени чоңдор угуп жатат деген коркуу сезими дайыма болчу. Анан жаңылып калбайын деп же шашып кетип аптыгып жасалма сүйлөп алчумун. Азыр андай эмес. Жашоодо аябай түнтмүн. Бирок микрофонду көргөндө 100 пайызга өзгөрүп, ачылып кетем. Үйгө бир курбум келип, эжеме “Нурзада менен жашаган жакшы болуш керек. Зериктирбейт эмеспи” деп жатпайбы. Анда эжем “кайдан, бул үйдө түнт” деди. Менин чыныгы жүзүмдү билгендер радиодон тыкылдап сүйлөп жатсам, “жасалма сүйлөп жатат” дешет.
– “Ырчы ди-джейлер өздөрүнүн эле ырларын бере беришет” дегенге кошуласыңбы?
– Ырдын тизмесин ди-джейлер эмес, музыкалык редактор түзөт. Биз болгону, “Ыр дүкөндө” гана угармандардын суроосу боюнча коё алабыз. Менин ырымды төрт-бешөө суранса гана берем. Болбосо жогорудагыдай сөзгө кабылышым мүмкүн. Ал эми кесиптештерим Чыңгыз байке менен Назира эженин ырларын бере берем, бирок чеги менен.
– Фотосессияларыңда өзбек ырчысы Райхонго абдан окшошсуң. Атайылап окшошосуңбу?
– Сүрөткө түшөрдө менин жеке стилисттерим, кеңешчилерим барат. Алар кесиптештерим, досторум, клипмейкерлер болушу мүмкүн. “Райхонго окшошуп калыпсың” деген сөздөрдү көп уккандыктан, ага окшогум келбей, телеге чачымды өрүп чыктым. Бирок профессионал стилисттер “бул сага эч жарашпайт” дешти. Анан өрбөй калдым. Чынында, мен ага атайын окшошпойм, болгон өң-келбетим ушул.
Түштүктөгү окуя курчуп турганда бир жолу жумуштан чыксам, бир бала улам-улам карап ээрчип алды. Анын мени өзбекке окшоштуруп жатканын дароо түшүндүм. Колундагы бөтөлкөдө бензин бар экенин байкап, коркконумду сурабаңыз. Азыр бензин чачып туруп ширеңке жакса эмне болот дедим. Бирок мен кыргызмын, бул менин мекеним деп ишеничтүү кете бердим. Тигил бала да калып калды.
– Ырчылык карьераңда эмне жаңылык бар?
– Азыр кыздарды жигити таштап кеткен учур көп болуп жатпайбы. Бир курбу кызым жигити башка кызга кетип калганда артынан аябай чуркап, көпкө кыйналган. Ошондон идея келип, кыз жандуу мырзаларга арнап ыр жаздырдым. Жалпысынан 15ке жакын ырым бар. Негизи, радиолорго бербеген ырларым абдан көп.
– Капысынан эле ырчы болуп калбасаң керек?
– Кичине кезимде эле ырчы болом же ди-джей болом деп олуялык кылып койгом. Айтканым дал келип, эки кесиптин тең ээси болдум.
Бир тууган таякем Улукмырза Полотов көп ырчыларды тарбиялап чыгарган. Мен дагы таякемден ырдоо боюнча сабак алдым. Анан радиого киргенде эле ыр жаздырдым. Ди-джей болгон үчүн ырымды жетекчилик коё бербей коюшкан. Көгөрүп, дагы ырларды жаздыра бердим. Башка радио түйүндөрүнө берсем, алар жактырды. Угармандар сурана башташты. Анан айласы жок биздин жетекчилер да алышты.
– Ким болорун кичинесинде эле жаңылбай билген кыздын балалыгы, окуучулук күндөрү кандай өттү экен?
– Апам мени кырк жашында төрөгөн. Этегине эрмешип, кайда барса артынан калбай чоңойдум. Ал мектепте отуз жылдан ашуун балдарга билим берип эмгектенген. Апам иштеген Аксынын Кош-Дөбө айылындагы №7-Тойматов атындагы мектепти бүтүрдүм. 3-класска чейин Алымкан атка конуп жүрдүм. Сабакка баргым келбесе, “бутум ооруп жатат, башым салмактанып калыптыр” деген шылтоо менен үйдө калып, куурчак ойночумун. Бүтүрүүчү класстан мугалим мүнөздөмө жазат го, ошону окусам, “Нурзада жакшы окуйт, тыкан кыз, бирок себепсиз сабактан көп калат” деп жазып коюптур. Чынында, 3-класстан кийин сабактан качмайды азайтканым менен, таштабаптырмын.
Мен ушул деңгээлге мектептеги билимден мурун үйдөгү тарбиядан улам жетип жатам. Эфирде колдонгон сөздөрүмдүн көбү апамдын айткандары. Апам жалгыз кыз. Жалгыз болгонуна катуу өкүнүп койгон окшойт, беш кыз төрөгөн. Бешөөбүз тең Бишкектебиз. Эки эркек бир тууганымдын бири айылда, экинчиси Москвада иштейт.
– Сүйүү жаатында тылың кандай?
– Ошону ойлогонго убакыт жок.
– Сүйүүгө кандай болгон күндө да убакыт табылат. Убакыт жок деген сөз жөн гана шылтоо...
– Ушул сөздү жакында эле дагы бир кыздан уктум. Ошондон кийин жигиттер кафеге же конокко чакырса барайын деп чечтим. Ошол, ким кайда чакырат деп күтүп жатам... Тамаша! Буга чейин сөз айткан мырзалар болгон. Алардын арасында көңүлүмө жакканы кезиккен эмес.
– Өзгөчө сүйүүсү менен эсиңде калганы барбы?
– Бир жолу кеңсебиздин тепкичине бирөө өчпөй тургандай кылып сыя менен “Нурзада, сени сүйөм” деп жазып кетиптир. Аны пол жууган эжелер “Нурзада болбой кал” деп жинденип сүртүп жатышат. Угуп алып, Нурзада экенимди билгизбей акырын өтүп кеттим.


Жылмайып коюңуз!

Нурзада “Ыр дүкөн” программасын алып барууда.
– Кутмандуу күнүңүз менен! Кимге салам жолдойсуз?
– Мен папамды туулган күнү менен куттуктайм! Узун өмүр, ден соолук каалайм деп до члена.
– Ыя? Эмне дейт!? Атын туура эмес айтып алды окшойт, кечирип коюңуздар.
– Жок, эже, дочь Лена.

Cүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(10)
27.08.2010. 22:26 
Тайпасы:
Кыймылы жок
Комментарийлердин саны:
110
Катталган:
01-08-2010
Соӊку аракети:
31-07-2015 09:45
Жынысы:
Белгисиз
Калаасы:
USA Bishkek Kyrgyzstan
0
Jakshi! Bul kizda kop talant bar dep esepteym.Ozu dagi jakshi kiz bolush kerek turmushta.
28.08.2010. 13:55 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Талантыныз менен алгалай бериниз,ийгилик каалайм!
28.08.2010. 14:15 
Тайпасы:
Кыймылы жок
Комментарийлердин саны:
98
Катталган:
22-05-2008
Соӊку аракети:
14-06-2014 17:26
Жынысы:
Белгисиз
Калаасы:
Алма-Ата
0
Мага чындап жагат НУрзада.Уну да абдан приятный,келбети.Ийгилик сага НУрзада!!!
29.08.2010. 16:52 
Тайпасы:
Кыймылы жок
Комментарийлердин саны:
15
Катталган:
18-08-2010
Соӊку аракети:
13-01-2015 17:43
Жынысы:
Белгисиз
Калаасы:
Жалалабад
0
жакшы
31.08.2010. 11:02 
Тайпасы:
Кыймылы жок
Комментарийлердин саны:
58
Катталган:
25-11-2008
Соӊку аракети:
13-06-2011 16:08
Жынысы:
Белгисиз
0
"Эки-үч жыл мурун жасалма сүйлөчүмүн" дейби? Азыр деле дал ошондой, жасалма сүйлөйсүң, чоң кыз. "Обондорду" угуп отуруп, эфир сага келгенде башка толкунга өткүчө шашам. Ашыкча жасалмасын. Ал нерсе адамдын кыжырын келтирет.
31.08.2010. 12:53 
Тайпасы:
Кыймылы жок
Комментарийлердин саны:
57
Катталган:
18-05-2009
Соӊку аракети:
15-10-2013 14:39
Жынысы:
Белгисиз
0
Бир телефондон экинчи телефонго ыр откоро албайт экен, кызык андай болсо килтейген радионун пультун кантип башкарып жатат? Кыргызстан обондорун качан койбо, сагынам жаным, сагынамын деп анан "колдон тушту гулум... чечилгис арман, коенектер" деп эле Чынгыз менен Нурзаданын жана башкаларынын ырлары жанырат го...
03.09.2010. 10:56 
Тайпасы:
Кыймылы жок
Комментарийлердин саны:
23
Катталган:
25-02-2009
Соӊку аракети:
29-02-2012 18:02
Жынысы:
Белгисиз
0
It Yro beret,kerben jYro beret degen synary ishine iygilik Nurzada,saga karshy.Yrgondorgo konYl burba.TALAS
03.09.2010. 10:59 
Тайпасы:
Кыймылы жок
Комментарийлердин саны:
23
Катталган:
25-02-2009
Соӊку аракети:
29-02-2012 18:02
Жынысы:
Белгисиз
0
Siz menen bir tYn bolsom Yilonboi koior elem.
05.11.2010. 13:02 
Тайпасы:
Кыймылы жок
Комментарийлердин саны:
4
Катталган:
19-09-2010
Соӊку аракети:
08-10-2012 11:32
Жынысы:
Белгисиз
0
"KYRGYZ KULunu:Siz menen bir tYn bolsom Yilonboi koior elem."
Нурзада жондо эмне деп келжиреп атасын? Оозунду озуно каратып кое электе, эсине келсенчи. Нурзаданын артында ким турганын билбеген учун, ушунтип доодуроп атасын окшойт э? И ещё, башкалар суйлосо, "мен дагы суйлоймун" - деп доодуросон, ба
05.11.2010. 13:08 
Тайпасы:
Кыймылы жок
Комментарийлердин саны:
4
Катталган:
19-09-2010
Соӊку аракети:
08-10-2012 11:32
Жынысы:
Белгисиз
0
байкуш болуп каласын. Ты учти, что будешь отвечать за свои слова. Башка олкодо болсон да, мы тебя спокойно вычислим не беспокойся, андан кийин шашпай жолугуп суйлошобуз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: