ЭЛ АРАЛЫК ТУРНИРДЕ ЭРКИН КҮРӨШ БОЮНЧА КЫЗ-КЕЛИНДЕР КУРАМАСЫ 2-ОРУНГА ТАТЫДЫ

10-12-январда Түркиянын Стамбул шаарында өткөн эл аралык Yasar Dogu 2020 турниринде эркин күрөш боюнча кыз-келиндер курамасы 2-орунду алды.

Бул беттешке Кыргыз өлкөсүнүн атынан башкы машыктыруучу Нурбек Изабековдун 3 тарбиялануучусу катышкан.

62 килограммга чейинки салмактык ченде Айсулуу Тыныбекова 4 беттеште тең атаандаштарын жеңип, беттеште жеңүүчү аталды. Ал эми 76 килограммга чейинки салмактык ченде Айпери Медет кызы 3-орунга ээ болуп коло медаль тагынса, 59 килограммдык салмак ченинде Назира Марсбек кызы 1-орунду багындырып алтын медалга татыган.

Жалпы турнирдик жадыбалда Кыргыз өлкөсү 3 медалы менен 2-орунду алды. Ал эми биринчи орунга 16 медалы менен Түркия жазылган.

Динара Акимова
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

bulathan

2020-01-20 09:54:33

Олимпте жеңишке жетиш, ага ччейин сакта озунду баатыр кыз

Eureka

2020-01-21 09:32:20

Ушундай чемпион кыздарды даярдаган Нурбек Изабеков агайга алкыш!!! Бул кишиге эң жогорку сыйлыктарды берүүнү жана үй бүлөсүн камсыздоону мамлекет колго алуусу керек.

Комментарий калтыруу үчүн өз ысымыңыз менен кириңиз же каттоодон өтүңүз.

№ 898, 16-22-январь, 2020-ж.