Архив
897   898   899   900   901   902  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

"NINETY ONE": “БИЗ КЫЯЛДЫ ЭЭРЧИГЕН ТОП БОЛДУК”

№901 6-12-февраль, 2020-ж.


“Саган калай айталамын

Айтпай калай жай табамын...”

1-февраль күнү борбор шаарыбыздагы эс алуучу жайлардын биринде дал ушул ыр саптарын Казакстандын белгилүү “Ninety one” тобунун концертине барган күйөрмандар ырчыларга кошулуп үнү чыкпай калганча ырдап турушту. Ырдаган да, ыйлаган да күйөрман топтой алган топтун ырчылары менен концерт алдында эксклюзивдүү маек курганга жетиштик.

– Салам, жигиттер! Кыргыз жерине кош келипсиздер.

– Салам, кыргыз эли! Кайрадан жүз көрүшүп жатканыбызга кубанычтабыз.

– Кайрадан дегениңиздерге караганда буга чейин да келгенсиздер?

– Ооба, бул биздин Бишкекке алгачкы сапарыбыз эмес. Буга чейин Казакстанда бир сериалга тартылып, анын айрым эпизоддору Бишкекте тартылган. Андан сырткары топ тууралуу биографиялык тасмабыздын да айрым эпизоддорун Кыргыз жерине келип тартканбыз. Бишкек бизге меймандостугу менен жагат, качан келбейли кыргыз баурдастар жылуу тосуп алышат.

– Жакшы экен. Анда маегибизди чыгармачылыкка буралы. Алгач “Ninety one” тобу тууралуу кененирээк маалымат бере кетсеңиздер?

ZaQ: – Жаңы музыкалык топко кабыл алууга кастинг 2014-жылы жүргүзүлгөн. Каалоочулардын саны өтө көп болчу. Кастингден өткөндөн кийин дагы сынак жарыяланып, катышуучулар өз өнөрүбүздү көрсөтүп, мен жана A.Z. атаандаштарыбызды утуп чыктык. Кийин 2-ирет кастинг жарыяланганда Alem менен Bala бизге кошулушту. 2015-жылы катарыбызды Асе толуктады.

– “Ninety one” катары таанылганга чейин көп эле кыйынчылыктар болсо керек. Дегеним, топ түзүлгөн алгачкы жылдары Казакстандын бир катар шаарларында пландалган концерттериңер бут тосуулардан улам болбой калып жатты...

– Чындыгында эле алгачкы жылдары сын-пикирлерге көп кабылдык. Бирок биз кыялданган жана кыялды ээрчиген топ болдук. Андыктан жаман пикирлерге караганда алдыга койгон максатыбыз маанилүү болду. Азыр, Кудайга шүгүр, баары жакшы. Чыгармачылыгыбызды түшүнгөн күйөрман топтой алдык. Бул биздин ийгиликтерибиздин башталышы гана, баары алдыда.

– Азыр бир катар мамлекеттерде К-рор стилинде түзүлгөн бойз-бенддер көбөйүп кетти. Шоу чөйрөдө атаандаштык күчтүү эмеспи. Силердин өзгөчөлүк эмнеде?

– Дүйнө жүзү боюнча К-рор багытында түзүлгөн топтор чындыгында көбөйүүдө. Бирок биз Q-рор (казак поп музыкасы) багытындагы башкы чыгармачыл топ катары таанылганга аракет кылабыз. Алдыда дагы да иштейбиз, чыгармаларды жаратабыз, андыктан атаандаштыкка дайым даярбыз.

Өзгөчөлүк же окшоштук боюнча айтсак, ар бир адамда каалоо жана тандоо бар. Мисалы, ар бир адамда чач бар. Аны кандай түскө боёйт же кандай чач жасалга кылат, өз эрки. Чыгармачылыкта деле ошондой, каалоосуна жараша ыр жазат, обон чыгарат, бийлейт. Азыркы ырчылардын көбү окшош десеңиз, анткени тренд ошондой, бардыгы элдин суроо-талабына жараша. Биздеги өзгөчөлүктү күйөрмандарыбыз табитине жараша табат, жаккан ырын угат деп ишенебиз.

– Бир интервьюңуздарда “топтун максаты – дүйнөлүк деңгээлге чыгуу” деген элеңиздер. Ал максат орундалдыбы?

– Бул максаттын үстүнөн дагы да иштеп жатабыз. Азыркы учурда көптөгөн мамлекеттерде биздин фан-базалар бар. Ал базалар аркылуу кайсы мамлекетте күйөрмандарыбыз бар экенин биле алабыз жана алардын чакыруусу менен концерт койгонго аракет кылабыз. Мисалы, Түркия, Кытай, Түштүк Кореяда концерт койдук. Эми мына Кыргызстанда концерт бере турган маал келип отурат. Келечекте дүйнө жүзүн кыдырып өнөрүбүздү көрсөтөбүз деген ойдобуз. Жакынкы аралыкта Орусияга барышыбыз мүмкүн.

– Чыгармачылыкка аралашканыңыздарга 4 жылдан ашып калыптыр, бул аралыкта кандай ийгиликтерге жетиштиңиздер?

– Алгач бизге чоң сахнага чыгуунун өзү жетишкендик болду. Андан кийин биз менен бир толкундагы күйөрмандарды табуу да чоң жеңишибиз деп эсептейбиз. Азыр фандомубузду карап отуруп, бири-бирин такыр тааныбаган адамдар биздин музыканын жардамы менен бириккенин көрүп сыймыктанабыз. Бул керемет эмеспи.

– Асе, Түштүк Кореядагы “SM Entertainment” агенттигинен тажрыйба топтоп келиптирсиз. “ЕХО”, “Red Velvet” сыяктуу популярдуу топторду тарбиялап чыгарган агенттик тууралуу айтып берсеңиз?

Асе: – “SM’де” талап өтө катуу, тартип күчтүү. Ал жакта окуп, тажрыйба алыш үчүн моралдык жактан да, физикалык жактан да даяр болушуң керек. Агенттикте канчалаган профессионал адистер эмгектенишет, музыканттарына акыркы тренддеги чыгармаларды жаздырып, мыкты сапаттагы клиптерди тартышат, жаңыча стилдерди ойлоп таап турушат. Анан албетте, ал компаниянын музыканттары дүйнөлүк жылдызга айланып жатышат. Учурда музыканттар Түштүк Кореянын экспорттук бизнеси десем болот. Кореянын шоу-бизнеси элине киреше алып келе турган фабрика, заводго айланды.

– Ал агенттикке кандайча барып калдыңыз?

– 2011-жыл болчу. Ал кезде мен Алматыдагы оюн-зоок жайларынын биринде иштечүмүн. Интернеттен музыкалык кастингдер тууралуу маалыматтарды издеп, 4-5 жерге өзүм тууралуу маалымат жөнөткөн элем. Август айында “SM” агенттигине ырымды жөнөттүм. Бир айдан кийин алар кабарлашып, келип кетүүмдү айтышты. Ал жактан бий, вокал боюнча сабак алдым, чет тилдерди өздөштүрдүм, андан сырткары чыгармачылыкка тиешелүү майда деталдардан бери үйрөнгөнгө аракет кылдым. Жалпысынан маданий билим алдым. Ошентип 2014-жылдын аягы, 2015тин башы менен мекениме келдим.

– Дүйнөлүк жылдыздарды чыгарып жаткан агенттиктен эмнеге мекениңизге келе бердиңиз? Же компаниядан "кал" деген сунуш түшкөн жокпу?

– Негизи бир топтун мүчөсү катары дайындалып жаткам. Бирок өзүмдүн жеке себептерим, сезимдерим менен Алматыга келүүнү туура көрдүм. Мына азыр “роднойлорум” мененмин (күлүп).

– 2019-жылдын март айында Түштүк Кореяда “I can see your voice” музыкалык сынагында жеңүүчү болдуңуздар. К-рор ырчыларынын мекени болгон жерде жеңишке жетүү кандай болду?

– Сынакка даярдык көрүү үчүн бир ай Түштүк Кореяда жүрдүк. Айрым шарттарын аткаруу оор болду. Катуу даярдандык. Биринчи орун аларыбызга ишенген эмеспиз, бирок ийгилик биз тарапта болуп калды.

– Аталган шоудо араңыздардан ZaQ’ты депутат деп тааныштырышты?

ZaQ: – (Күлүп) Депутат эмесмин, жөн гана “Нур-Отан” партиясынын “Жас-Отан” жаштар канатынын мүчөсүмүн.

Асе: – Түштүк Кореядагы сиздер айтып жаткан сынакта бардыгын майдалап түшүндүрүп айтып же жазып коюуга мүмкүн эмес экен. Андыктан алар бир сөз менен “депутат” деп коюшкан.

– Бош убакытта эмне менен алектенесиздер?

Bala: – Мен, Асе, Alem үчөөбүз жекшемби күндөрү футбол ойноп турабыз. Андан сырткары даамдуу тамактарды жеп убакыт өткөрөбүз (күлүп). Чыгармачылыгыбызга керектүү тасмаларды көрөбүз, музыка угабыз.

– Маек соңунда сиздерге эркин микрофон.

– Кыргыз калкына, баарыңыздарга салам айтабыз. Концертибизге келбей калгандарга алдыда дагы көрүшөбүз демекчибиз.

– Маегиңиздер үчүн рахмат. Чыгармачылык ийгилик!


"Ninety one" тобунун концертинин уюштуруучусу Гүлзат Мамытбек:

– Биздин негизги максат – жаштарга дем берүү болчу. Көрдүңүздөр го, кино кандай жакшы кабыл алынды, концерт андан бетер кыйкырык-сүрөөн менен коштолду. "Ninety one" тобун чакырууга көп эле уюштуруучулар аракет кылышыптыр, бирок макул болушпаптыр. Кыргыздын кыздары кыйын да, бат эле макул кылып, мына бүгүн Бишкекке алып келдик.

Асыл Орозбекова
Адилет Бектуров
star@super.kg



"Ninety one" тобунан эксклюзив маек

Автор: Амирбек Исмаилов
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(5)
10.02.2020. 09:42 
Тайпасы:
Жаран
Комментарийлердин саны:
14
Катталган:
16-09-2013
Соӊку аракети:
20-02-2020 12:40
Жынысы:
Белгисиз
0
Мыкты топ! Мыкты балдар! Дуйно жузу боюнча миллиондогон куйормандарын топтой алган! Алардын катарында мен да бармын. Ар бир ырын ырахаттануу менен уккандан тажабайсын! 91 - нагыз сапат жана талант!
Super TV
11.02.2020. 17:42 
Тайпасы:
Жаран
Комментарийлердин саны:
108
Катталган:
19-04-2016
Соӊку аракети:
13-02-2020 22:51
Жынысы:
Белгисиз
0
такие клевые все-красивые парни)
11.02.2020. 19:09 
Тайпасы:
Жаран
Комментарийлердин саны:
32
Катталган:
21-09-2019
Соӊку аракети:
20-02-2020 13:06
Жынысы:
Белгисиз
0
Тааныбайт экем
12.02.2020. 10:37 
Тайпасы:
Жаран
Комментарийлердин саны:
16
Катталган:
26-01-2016
Соӊку аракети:
20-02-2020 12:36
Жынысы:
Белгисиз
Калаасы:
♡♡♡ОШ♡♡♡
0
Кызтекелер эч жакпайт.бтс эксо мексо дегенердин несин жакшы көрүшөт?
Super TV
16.02.2020. 10:54 
Тайпасы:
Жаран
Комментарийлердин саны:
10
Катталган:
18-11-2016
Соӊку аракети:
17-02-2020 16:40
Жынысы:
Белгисиз
0
❤️
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23623;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: