ПРОДЮСЕР КАНАТ КАДЫРЖАНДЫН КӨРҮҮСҮ НАЧАРЛАП, ЖАРДАМГА МУКТАЖ

Продюсер Канат Кадыржан ден соолугу начарлап жардамга муктаж экенин социалдык тармактагы баракчасына жазды:

"Бардык тааныштарга айтып кетейин, кокустан сиздерди көрүп учураша албай калсам, кечирим сурайм. Анткени алысты жана караңгыда көрбөй калып жатам. Аба ырайы өзгөргөндө көзүмдөн жаш агат. Бардык дарыларды колдонуп көрдүм. Жыйынтык болбоду. Көзүмө шашылыш түрдө операция жасатуу үчүн колунда бар, кайдыгер карабаган адамдардан жардам сурайм. Балким, клиника же дарыгер сунуштайсыз... Ашказаным ооруйт, каным аз. Колдон келишинче дарылап жатам. Дуба кылып коюңуздарчы".

Канат Кадыржан менен байланышканыбызда көз оорусу тууралуу төмөнкүлөрдү кошумчалады:

– Негизи көзүм менен алышып жатканыма 5-6 жыл болду. Офтальмологдор жазып берген дарылардын баарын колдонуп көрдүм. Бирок жардам берген жок. Социалдык тармакка билдирүүмдү аргасыз жаздым. Анткени алысты жакшы көрбөй жатканыма байланыштуу кесиптештерди көрбөй, тааныбай, ыңгайсыз абалда калып жатам. Аларга абалымды түшүндүрсөм кээ бири түшүнсө, айрымдары туура түшүнбөй калышы мүмкүн. Ошондуктан баарына айтып коюуну туура көрдүм. Учурда көрүүм -7. Түрк офтальмологдору көзүмө операция жасатыш керек деп айтышты.

Радиодо 9-класстан бери ди-джей болуп эмгектендим. Керели кечке компьютерде отуруп иштегенимдин таасири болуп калдыбы деп ойлоп калам,- дейт продюсер.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

suban78

2020-02-24 09:24:08

Алла Таалам шыпаасын берсин, дуба кылабыз. Эртерээк айыгып кет

kelemdedin

2020-02-24 14:44:53

Аллаз шыпаа берсин

BeStOne

2020-02-24 21:17:33

Аллах шыпаа берсин, сизди өзүмдүн абалымдагыдай түшүнүп атам. Мен да бир аз компютер карагандан кийин көзүмө плёнка капталып калгансып көрбөй калчу болду

rafo80

2020-02-25 02:28:29

Убагында Нурлан Насипти белгилүү кылган продюсер үшул жигит эле. Эми Нурлан ушундай маалда жардам берип койсо болмок иштешпей калдык дебей.

meku9205

2020-02-29 08:14:33

Көп ырчыларга пайдасы тийген эми ооруп калганда карабай жардам бербей койгон жаман компьютерде күнү түнү отуруп ошолорду белгилүү ырчы кылды да эми асмандан жылдыз болуп келгенсип эч ким жардам бербейт. Ырчылар чогултуп берип акчасын жардам берип койгула...

meri.kg

2020-03-01 02:46:35

Алла колдоп сакайып келсин

jon.as

2020-03-04 05:22:00

Кудайым шыпаа берип айыгып кетсин Оомин

ZHaziko

2020-03-11 02:29:03

Иншаллах аллахым шпаа берсин аминь

Комментарий калтыруу үчүн өз ысымыңыз менен кириңиз же каттоодон өтүңүз.

№ 903, 20-26-февраль, 2020-ж.