ТЫНАР КУРБАНАЛИЕВГЕ КЫСЫМ КӨРСӨТҮЛҮП ЖАТАБЫ?

Белгилүү куудул Тынар Курбаналиев бийлик тарабынан ага кысым көрсөтүлүп жатканын айтып, социалдык тармактардагы баракчасына билдирүү жазды. Анда куудул “Урматтуу достор, биздин саясатчылар туура эмес жумуш жасап жатканын сатира аркылуу элге жеткиргеним туура элеби? Эгерде туура болсо, анда эмнеге мага кысым башталды? Түшүнбөй калдым” деген. Бул тууралуу Курбаналиевге байланышканыбызда ал:

– Маданият министрлиги эмнени сүйлөш керек, эмнени сүйлөбөш керектиги боюнча чектөө киргизген токтом чыгарып алыптыр. Ал жакта иштегендерден сурасам “бул тууралуу билбейбиз” деп жатышат. Министрлик менен такташып алгандан кийин пикиримди айтпасам, азырынча толук маалымат бере албайм,- деди.

Бул тууралуу Маданият, маалымат жана туризм министрлигинин маалымат катчысы Айнура Асанбаева мындай жооп берди:

– Тынар агайдын сатираларын көрүп жүргөн жарандардан “Тамашалары чектен ашып кетти. Адамдын жеке кадыр-баркына шек келтирген, түндүк-түштүк деп бөлгөн тамашаларды коюп жатат. Министрлик көңүл буруп койбойбу” деген кайрылуу түшкөн. Ошол маалда куудулдун телефону өчүк болуп калгандыктан байланыша алган эмеспиз. Анан социалдык тармактардан агайдын жазган постун көрүп калдык. Бийлик тараптан Тынар Курбаналиевдин чыгармачылыгына эч кандай кысым көрсөтүлгөн жок.

Ал сатираны кандай коёрун өзү билет. Негизгиси, өлкөнүн стабилдүүлүгүн бузбаган, адамдардын аброюна шек келтирбеген, жерликке бөлбөгөн сатиралары менен чыкса болду.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

Adil18

2020-02-24 11:00:11

Айнура Асанбаева жомокту айтып коюпсуз го.Кайрылуулар келип тушкон деп.
Тынар жонундо айтсам бийликтин кемчилигин корсотот,элдин оюндагы нерсени бийликке жеткирет.Бирок акыркы коюла турган концертинин (же коюлуп буттубу билбейм) рекламасында ЖКнын торагасын шылдындагандай болуп калыптыр.Бул адамгерчиликке туура келбейт.Франкфурт на Майне деген соз боюнча шылдындаса туура болмок.
Тынар ага чыгармачылык ийгилик каалайм.

fanatka19

2020-02-24 14:15:37

Баш ооруткан саяттан тажап куудулдарга барсак,булар дагы саясатты айтат.Жана интернетте звезда болуп кеткендерди туурайт мисаоы абересин дегендерди аларды биз коруп кундо коруп атабыз го кацра сахнадана аларды туураштын эмне кереги бар.

ulan030484

2020-02-24 15:26:48

Кыргызда Жыгылганды теппейт деп коет..... Бирок ушу Тынар жыгылган адамды..... (политикпи же жонокой жаранбы айырмасы жок) аябай тепкилеп мыскылдагандан ырахат алат. Сатиралары давно тузу жок жанагы эле ошто, нарында, баткенде. Тапканы эле ошол. Анан политика. Элдер да жалал абад ошто эле концертине барып калбаса башка облустарда кадыр баркы жок. Хотябы орустардын сатираларын кыргызчага которуп мээнет кылса жакшы эле сатиралар чыкмак. Бизде эл кулбойт деп эле жата бербей.

ulan030484

2020-02-24 15:29:01

Орустардын чыгаан сатириктери да эл арасынан чыккан сатира жазган кишилердин сатираларын айтып жазып колдонушат. Сен да бир озум жаздым дей бербей профессионал сатириктерден акыл кеп кенеш алсан болмок.

katerina.li

2020-02-24 21:52:40

Такыр жакпайт ушул куудул. Ар кимди табалап эле басып журот

AksyKum

2020-02-25 23:41:50

Чынында аша чаап кетти.саясатдан башка нерсе менен кулдурсо болот эле.торт коздоп ЖК карап отурабы билбейм ,бир депутат туура эмес суйлодубу болду ошо менен концерт коюп Бут Кыргызстанды кыдырып чыгат.Атамбаевдин кызы торосо орустан жээндуу болдук деп коюп чыккан.

admin_portal

2020-02-26 16:00:48

Djal1987, кимдир бирөөнүн кадыр-баркына шек келтирүүгө тыюу салынган. Эскертүү!

-1

Dani

2020-02-28 12:48:22

Тынарды мен тааныгандан бери сатирасында эч кандай озгоруу жок,куло турган дери деле жок

Bermet068

2020-03-02 00:36:55

Сатирасына Баткенди эле кошуп журот го аяш ава деп.Ошондон башка сатирасы жокпу же. Бироону кемсинткен болбойт негизи.

Комментарий калтыруу үчүн өз ысымыңыз менен кириңиз же каттоодон өтүңүз.

№ 903, 20-26-февраль, 2020-ж.