Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«СҮЙҮНЧҮ, СИЗ МАШИНА УТУП АЛДЫҢЫЗ!»

№409 3-9-сентябрь, 2010-ж.


Мезгил үнү

Буга чейин уюлдук телефону жок эле күн кечирип келгенбиз. Бирок ал жашообузга болуп көрбөгөндөй ылдамдыкта жайылып кетти. Эми мектеп окуучуларынан баштап эңкейген карыга чейин чөнтөк телефон көтөрүшөт. Миңдеген адамдар күнүгө бирдик салмай менен алек. Бир жагы кабардын, байланыштын тездиги жакшы деңизчи, бирок акыркы мезгилде уюлдук телефонду пайдаланган шылуундар көбөйдү.

“ОРОЗОДО СООП ИЗДЕГЕН АДАММЫН”
"Сиз муздаткыч уттуңуз, түстүү телевизор утуп алдыңыз, бирдик салыңыз" десе, алданып бирдик салыпмын" деген сөздөрдү тааныштарымдан угуп, "ушундай болбогон калптарга эмнеге ишенесиң?" деп акыл үйрөтчү элем. Эми өзүм кантип алдамчылар жайган торго түшүп калганымды билбейм".
Бир күнү кесиптештерибиздин бири жумушка ушинтип кейип-кепчип сүйлөнүп келди. Баяндап берсе, шылуундар биздин кызды жарым сааттын ичинде 3000 сомго алдап кетишиптир. Капаланган кесиптешибиз төмөнкүлөрдү айтып берди.

"Дем алыш күнү базар аралап жүрсөм, телефонум чырылдап калды.
– Алло, чоң кыз, саламатсыңар, силер өзгөндүк Кайраттын (аты-жөндөрү өзгөртүлдү) эжеси болосуңарбы?
– Жок, эжеси эмесмин, эмне болду (эмнегедир трубканы коюп салгым келди)?
– Сен угуп тур. Азыр мен Кайраттын карындашы Нуржанга чалсам, Өзгөндө экен. Ал сенин номериңди берди.
Эмне маселе экенин сурагыча болбой, тиги көп нерсени бежиреп жиберди.
– Ошол, карындаш болосуңбу же менден улуусуңбу билбейм, бирок Кайратты машина коюп кетти.
– Эмне дейсиз?! Каякта, кандайча?!
– Токтой туруңуз, карындаш, мени угуп туруңуз.
Аны укканга болобу? "Машина уруп кетти" десе өң-алеттен кеткен мен сөз укпай эле суроолорду жаадырып жатам. Бир маалда өзүмдү токтотуп:
– Байке, айтыңыз, ал тирүүбү?!
– Эх, карындаш, тирүү болгондо кандай жакшы болмок?! Биз, Орусиядагы кыргыздар акча топтоп мусулмандык милдетибизди аткарып, сөөктү алып келатабыз. Бирок кыргыз-казак чек арасынан өткөрбөй жатышат. Азыр Кордайда турам.
– Байке, мен улуураак туугандарга чалайын. Башыма эч нерсе кирбей калды.
– Карындаш, бирдигим түгөнүп баратат. Мага 100 бирдик сал да, улуураак бирөөнүн номерин бер.
Ишенесиздерби, кайсы жерден бирдик салганым эсимде жок. Улам чалып күйпөлөктөп "ысыктын күнүндө кыйнадыңар..." деп сүйлөнөт. Айтмакчы, орозодо сооп иш кылып келе жаткан киши өзүн Эркинбаев Улан Халилович деп тааныштырган. Анан Уланга жездемдин номерин бердим. Бир аздан соң мага кайра чалды.
– Жездең дүнүйө десе өлгөн адам экен. Мага ишенбей жатат. Күн ысыкта сөөк менен айлам кетти. Казактар да жинге тийишти. Мына бул казактын номерине 4000 сом салчы, бай болгур. Анан Бишкекке барганда ошол акчаны кайтарып эле берейин. Бул жерде бирдик салуучулар жок экен.
– Байке, менде анча акча жок, сиз жездеме кайсы жерде турганыңызды айтыңыз, табытты ошол алып кетет.
– Ой, жездең мага ишенбей жатат. Орозонун күнүндө калп айтып башыма таш тийдиби?!
Ал буркан-шаркан түшө кыйкырып кирди. Коркуп кетип жездем келгиче айткан номерине 1000 сомго бирдик салдым. Эмне дээр экен деп турдум.
– Бирөөдөн үстөккө болсо да акча алчы, айланайын, тууган керекпи?!- деп демитип кирди. Эже-жездемдин келишин күтпөй, дагы 2000 сомго бирдик жүктөдүм. Заматта 3100 сомго бирдик жүктөптүрмүн. "Мүмкүн, алдап жүрбөсүн?.." деген ой мээге кылт эткенинен шашып Кайраттын номерин терип кирдим. Кашайып башка бирөө алып "ал жок" деп кыйкырып, трубканы коюп салбаспы! Эми чындап жүрөгүм түшүп айылдагы атамдын карындашына чалдым. Трубканы баласы алып "эже, жаман иш болуптур. Азыр мага бирөө чалып, "бөлөң Кайрат каза болуп калды" деп айтышты" деди. Ий, мына сага, кыямат ошондо башталды. Кайрат атамдын карындашынын уулу. Ата-энесине кантип айтам деп отуруп, атамдын кичүү карындашына чалдым. Ал байкуш ыйлаган боюнча күйпөлөктөп калды. Сыягы, жездем экөө Кайраттын үйүн көздөй жөнөштү окшойт. Ичим түтпөй жанагы "сооп иш кылып жүргөн" Уланга кайра чалдым.
– Байке, силер качан келип кала­сыңар?
– Өзүңдү карма, Кайратты 12-август күнү машина коюп кеткен, бүгүн 3 күн болду. Ысыкта сөөгү бузулуп кетти окшойт. 387 номерлүү кызыл Газель менен келатам. 2 саатта батыш автобекетине барып калам. Ошко кеткенге 4 миң сом даярдап тур...
Сөзү аягына чыкпай байланыш үзүлүп калды.
Бул убакта тууган-урук дүрбөлөңгө түшүп, "жаман кабарды баланын ата-энесине кантип билдиребиз?.." деген ой менен убара эле. Телмирип телефонду тиктеп отурсам, СМС келди. "Дагы 1000 сом сал, Кордайдан өтөйүн деп калдым" деген. Эми чындап жиним келип, Уланга чалып кыйкырып кирдим. Кандайча минтип эр жүрөк болуп кеткенимди да түшүнбөй калдым.
– Эй, акмак экенсиң! Мен Кайрат менен сүйлөштүм! Аман-эсен эле экен! Орозонун күнүндө эмне алдадың?!
Сөзүмдү аягына чейин укпай телефонду өчүрүп таштады".

“ЭЖЕ, МЕН ТИРҮҮМҮН”
Ошол убакта байкем чалды. “Мен Кайрат менен сүйлөштүм. Эмне дүрбөлөң болуп, кимге эле акча берип жатасың?!” дейт. Кимисине ишенеримди билбей алсырап отура калдым. Дал ушул маалда телефонум кайрадан чырылдап кирди. Ала койсом Кайрат! Жүрөгүм жарылып кете жаздады. “Эже, мен тирүүмүн! Ким чалды сизге? Кудайга шүгүр, жумушум жакшы, иштеп жатам. Бүгүн дем алыш болгондуктан, азыр эс алуудамын”,- дейт. Андан ары чыдай албадым. Солкулдап ыйлап жибердим.
Ошентип, орозонун күнүндө тирүү адамды өлүккө айлантып ыйманын жеген алдамчы Улан Эркинбаев (оюна келген ысымды атап койду да) менин эле эмес, бир канча адамдын кан басымын көтөрдү.

Мына ушундай, окурман, мындай алдамчылардын торуна биздин кесиптеш эле эмес, эртең сиз да түшүп калып жүрбөңүз. “Акча уттуң” биякта калсын, адамды өлдү деп акча тапкан айлакер алдамчылар арабызда бар экен. Аларды ыйык Орозо айы да токтото албайт өңдүү.

Интернет-форумдардагы талкуулардан улам телефон аркылуу алдап акча табууга кынык алгандар төмөнкү номерлерден чалышканы белгилүү болду. Эске бекем түйүп алууну сунуш кылабыз:
0772 47 34 71, 0772 83 61 54, 0773 88 45 27,
0773 13 81 68,
0777 64 11 17, 0777 12 62 66, 0772 86 59 14,
0550 64 17 18,
0777 76 41 37, 0773 94 11 31, 0777 89 39 28, 0550 30 35 66

"КӨБҮНЧӨ АБАКТА ОТУРГАНДАР АЛДАШАТ"
Талкуулар эле ушунча, алданып милицияга кайрылгандар да көп болсо керек деген ойдо Бишкек шаардык
БИИБинин Кылмыш иликтөө бөлү­мүнө кайрылдык. Аталган бөлүм­дүн Мүлктөргө байланыштуу кылмыштарды иликтөө бөлүм­чөсүнүн башчысы Айбек Жайлообаев бизге төмөнкүлөрдү айтып берди:
– Сиз айтып жатпайсызбы, сураштырсак телефон аркылуу алдангандар өтө көп экен деп. Бирок бизге кайрылгандар көп эмес. Сыягы, алданып калганын түшүнгөн соң сөгүнүп алып кол шилтеп коюшат окшойт.
Иш тажрыйбабыздан айтсак, телефон аркылуу адамдарды алдап акча иштегендердин көпчүлүгү абакта жаза өтөп отургандар болуп чыгууда. Ар кандай “жомокторду” айтышканы менен, баары эле телефонго бирдик жүктөөнү талап кылып жатышпайбы. Анткени абактарда бирдик жүктөөчү күркөлөр жок. Анан да камакта отурган адамдын уюлдук телефон алып жүрүүгө акысы жок. Тилекке каршы, иш жүзүндө бул эреже аткарылбай жатат.
Учурдан пайдаланып, калкка кайрылгым келет. Канчалык ишенимдүү же жүрөк түшүргөн окуяны айтышпасын, ишенбегиле. Бейтааныш адам телефон чалып, кайсы бир окуяны айтып “бирдик жүктөп койчу” деп сурандыбы, сөзсүз текшерип, териштирип көрүп, анан жардам бергиле. Экинчиден, ырас, алданып акчаңарды алдырып жиберсеңер, сөзсүз түрдө милиция бөлүмүнө кайрылып, арыз жазгыла. Анткени кылмыш болгон менен, жабырлануучунун арызы жок туруп биз иликтөө жүргүзө албайбыз.
Айбек Жайлообаев биз менен маектешип отуруп бир жагдайды белгилеп өттү. “Азыр Казакстан, Орусияга көптөгөн мекендештерибиз барып, иштеп келишүүдө. Айрымдар акча иштеп келип эле тим болбостон, ушундай шылуундуктарды да үйрөнүп келишет. Бизде 3-4 жылдан бери күчөй баштаган телефон аркылуу алдоо кылмыштарынын идеясы ошол Орусия тараптан алынып жатат”,- дейт.
Бул маселе тууралуу иликтөө жүргүзүп көрүп, бир ойго келип такалдык. Балким, телефон аркылуу алдап акча алуунун өнүгүп кетишине уюлдук компаниялардын да күнөөсү бардыр. Дегеним, ошол эле Орусия, Казакстанда симкалар паспортсуз сатылбайт да. Албетте, шылуундар анда деле жолун, эбин табышат дечи, бирок бизге да симкаларды сөзсүз түрдө документ менен сатуу киргизилсе, мындай кылмыштардын саны бир кыйла азаймак.

Шаиста Шатманова
koom@super.kg


«Супердин» сурак бурчу

ТЕЛЕФОНДОН АЛДАГАНДАРГА КАБЫЛДЫҢЫЗ БЕЛЕ?

Назгүл,
30 жашта, сатуучу:
– Былтыр бирөө чалып, көп суммада акча утуп алгандыгымды, аны алуу үчүн бир номерге 1000 сомго бирдик салышым керектигин айткан. Дароо эле уюлдук компаниянын операторуна чалсам, эч кандай акция жүргүзүлүп жатпагандыгын билдирди. Ошентип алданбай калгам.

Азамат,
27 жашта, жеке ишкер:
– Бир ай мурун бирөө “25 миң сом утуп алдыңыз” деп чалды. Бирдик сал деген жок, бирок паспортум менен бир дарекке келишимди сурады. Андай жомокторду көп угуп калгандыктан, ишенген жокмун. Анткени аяшым ушундай эле жомокко алданып, миң сомго күйгөн.

Капар,
65 жашта, пенсионер:
– Өмүрүмдө андай нерсеге кабылган эмесмин. Жакындарымдан деле мындайды укпаптырмын. Алдап же тамашалап койгон учурлардан кабарым бар. Өзүм болсо чөнтөк телефон менен балдарыма эле байланышка чыгып турам.

Света,
48 жашта, бухгалтер:

– Ушул убакытка чейин мага бир топ жолу алдап чалышкан. Кээде номери көрүнүп турса, кээде жашыруун болуп чыгат. Мындан кийин “сүткө оозу күйгөн айранды үйлөп ичет” демекчи, башында ишенип жүрсөм, азыр аларды укпай да калгам. Аларга “жеңип алган буюмумду сага бердим” деп жооп берем.

Самара,
23 жашта, тигүүчү:
– Мага өткөндө “телевизор утуп алдыңыз” деп чалышты. Айтылган дарекке барайын деп чыксам, агам мени токтотуп калды. Ал мага чоо-жайын түшүндүргөндөн кийин ишенбей калдым. Эгерде агам токтотпой калганда, балким, мен да алданып калмакмын.

Равшан Жээнбеков,
40 жашта, саясатчы:
– Алданып көрө элекмин. Бирок жакында эле журналисттер тамашага салышты. Мага ал кызыктуу сезилди. Уят болгон жокмун деп ойлойм. Ал эми чет жерде жүргөндө миллиондогон долларга бааланган долбоорго катышууну өтүнгөн чындыкка коошпогон каттар байма-бай келип турчу.

Бегайым Абдыкадырова,
26 жашта, ди-джей:
– Жок, өзүм кабылган эмесмин. Бирок жакын бир таанышым телефон аркылуу миң сомго алданып калды. Кийин кайра чалса, чакырыктарга эч ким жооп бербей коюптур.

Эльвира Караева
Нурзат Акматалы кызы


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
04.09.2010. 18:05 
Тайпасы:
Жаран
Комментарийлердин саны:
78
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
adamdar kida baratyshat,akcha tabuu uchun adamdy da olturup jatyshsa degi ele aman bololu jana ushundai akmaktardan alys bololu..Kudai elibizge yiman bersin...
05.09.2010. 22:04 
Тайпасы:
Тартип бузгандар
Комментарийлердин саны:
12
Катталган:
05-09-2010
Соӊку аракети:
11-11-2014 00:36
Жынысы:
Белгисиз
Калаасы:
Москва
0
бул макаланы окугандан кийин ишенчээктерди сак болууга чакырам!!
06.09.2010. 10:01 
Тайпасы:
Тартип бузгандар
Комментарийлердин саны:
5
Катталган:
01-09-2010
Соӊку аракети:
06-12-2012 19:50
Жынысы:
Белгисиз
0
Meebizdi ushunday aldamchilik joluna emes, zavod fabrika kuruuga ishtetkenibizde go......
08.09.2010. 12:18 
Тайпасы:
Тартип бузгандар
Комментарийлердин саны:
34
Катталган:
27-08-2010
Соӊку аракети:
10-09-2010 11:24
Жынысы:
Белгисиз
0
Кыргызстанды башка бироо эмес, ушундай суткорлор сазга батырып баратат. Это еще ерунда, в сравнении с чиновниками, которые обманывают людей на миллионы долларов, не правда ли?
15.02.2012. 15:13 
Тайпасы:
Кыймылы жок
Комментарийлердин саны:
4
Катталган:
08-02-2012
Соӊку аракети:
22-06-2013 19:17
Жынысы:
Белгисиз
0
magada 2 ai murun chalip sis televizor utup aldiniz deshti.anan menin nomerime 700som salip pasportunuz menen keliniz deshti.apama aitsam al jalgan ishenbe dedi,birok men bashka uygo kirip kaira chaldim.al baala aytkan akchasin salmayincha maga chalba dedi.anan men mende ancha akcha jok desem,anda kechkecheyin salbasan utushun beker bolot dedi,ertesi kayra chalsam kechkecheyin ochuk boldu.oshondon beri aga baylanishalbay koydum.anin nomeri.0555515110
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: