Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Рустам Аскаров: «ЭКИ ИРЕТ ТЕРРАКТКА КАБЫЛЫП, АМАН КАЛГАМ»

№409 3-9-сентябрь, 2010-ж.


Кесип

Учкуч болууну кыялданбаган бала болбосо керек. Бирок өжөрлөнүп талпынгандар гана максатына жетип, учкуч формасын кийип, учу- кыйырсыз асманды багынта алышат. Бүгүнкү биздин каарман – “Кыргызстан” авиакомпаниясынын учкучу Рустам Аскаров. Ал авиакомпаниянын ишенген учкучу болуп эсептелет.

АНКЕТАСЫ
Туулган жылы – 1980-жылы 17-апрелде Бишкекте төрөлүп, өскөн.
Билими – Бишкектеги Суворов атындагы аскер лицейин жана Кыргыз авиациялык колледжин аяктаган.

Кызмат өтөгөн компаниялары:

  • 2000-2002-жылдар аралыгында “Кыргызстан аба жолдору” жана “Алтын эйр” авиакомпанияларында экинчи учкуч болуп иштеген.
  • 2003-жылы БАЭде жашап, авиакомпанияда кызмат өтөгөн.
  • 2004-жылы Кыргызстанга келип, “Кыргызстан” авиакомпаниясында (мурунку “Алтын эйр”) ишин улантып, азыркыга дейре эмгектенип келет.

Учурда бир эле мезгилде – Ту-154 учагында командир, Ан-24 жана Hawker Beechcraft King Air 350 Proline 21 учагында командир-инструктор болуп кызмат кылат.
Барып көргөн өлкөлөрү – Дүйнөнүн дээрлик бардык өлкөлөрү (Япония, Корея, Австралия, Бразилиядан тышкары).
Кызыккан спорттору – Кикбоксинг менен машыгат. Окуучу кезинде каратэ менен алектенген.
Хоббиси – Балык уулоо, лыжа тебүү.
Ашканада – Палоо, шорпо жасаганды билет. Шишкебек бышыруунун устаты.
Үй-бүлөлүк абалы – Үй-бүлөлүү, 1 кыз, 1 уулдун атасы.
Максаты – Бардык типтеги учактарды башкарууну өздөштүрүү.

Жолугушуу белгиленген жерге белгиленген убакытта машина келип токтоп, андан түшкөн жигит сылык салам узатты. Дароо эле баарлашчу жигит ушул экенин аңдадым. Аптапта сейил багын аралай маекке кирдик. Сөздөрүнөн кыраакы, абдан билимдүү жана мекенин сүйгөн адам экендиги билинип турду.

– Аэронавт, учкуч, авиатор... Бул сөздөр ар башка айтылганы менен, мааниси бир. Рустам, айтсаң, бул кесипке кандайча келип калгансың?
– Биздин туугандар ичинде учкучтар династиясы бар десек болот. Айта кетсем, абам (атамдын иниси) жана анын баласы, бир тууган эжемдин баласы, анан мен учкучпуз. Мага көбүнчө абамдын таасири тийди. Аны менен жолукканыбызда учактар, алардын түрлөрү, чет элдер тууралуу сөз кылчу. Мен да кыялымда абамдай болуп чоң учакты башкарып, дүйнөнү көрүүнү самачумун. Акыры тилегим ишке ашып, минтип учкучтук кызматты аркалап келем. Чынын айтсам, учакка биринчи жолу отурганымда мунун баары түшүм эмеспи деп да кеткем.
– Учактар канча чакырымга дейре көтөрүлөт? Мындай кезде сени кандай сезимдер коштойт?
– Алыскы рейстерге учканда учактар 11 чакырымга дейре бийикке көтөрүлүшөт. Жерди карасаң суулар көпкөк, токойлор жапжашыл, ал эми чокусу ак каптаган тоолор күмүштөй жылтырап, тим эле бейиштегидей көрүнөт. Ал эми экологиясы бузулган, токойлору өрттөнгөн аймактар куту учуп, көзгө комсоо көрүнөт. Ушундан улам “адамдар, экологияны сактагыла. Эч нерсени бүлүнтпөйлү!” деп кыйкыргың келет.
– Сөзүңө караганда табиятка жакын көрүнөсүң...
– Ооба, кооздукка, табиятка жакынмын. Кайсы өлкөгө каттабайын, убакыт боло калса эле тарыхый жерлери жана табияты менен таанышууга кызыгам. Менин акыл-эс кампамды ар өлкөгө каттаган рейстерим байытып жатат деп койбоюнбу...
– Байыган демекчи, билишимче, Дубайда жашап-иштеп келгенсиң. Анан эмне үчүн ал жакта калып калган жоксуң?
– Чынын айтсам, мен башка өлкөнү көздөй бет алып жерден көтөрүлүп жатканда эле Кыргызстандан биротоло кетип жаткандай ичим сыйрыла түшөт. Даанышмандардын “адамдын киндиги туулган жери менен туташкан” деген сөзү бар го... Дал ушул сөздүн касиетин ошентип алыскы өлкөгө учуп жатып сезип, билем. Мына ушул сезим мен материалдык байлыкты көздөгөн күндө да чет элде иштөөмө тушоо болот. Ошон үчүн азыр Кыргызстандамын.
– Кесибиң жер, эл таанууга шарт түзүп берет экен. Ал эми ишиңердин оор жагы кайсылар?
– Эң оору, жооптуусу – учуунун коопсуздугун камсыздоо. Бул деген учакты жана анын ичиндеги жүргүнчүлөрдү же жүктү аман-эсен өз убагында белгиленген жерге жеткирүү. Кокус учуу маалында приборлордун бири иштебей калса, анда аны дароо жөнгө салуу, күтүлбөгөн кырдаалга жараша бат чечим кабыл алуу... Кыскасы, учкучтун акылы, көрүүсү, угуусу, туюусу учуу кезинде 100 пайыз иштеп, 5 секунд да алаңдап калбоосу керек. Ошол 5 секунд тагдырды чечип коюшу мүмкүн. Кыскасы, жүргүнчүлөрдүн жана учактын тагдыры сенин колуңда. Демек, ишенимди кандай болсо да актоо керек.
Кээде бел чечпей иштеген учурлар болот. Мисалы, апрель окуяларында Жалал-Абад менен Ошко күнүгө 4-5 рейстен каттап, гуманитардык жардам ташыдык. Ушинтип тынымсыз 2 апта иштедик. Мындан тышкары абалы оор, ок жеген адамдарды операция үчүн Ош, Жалал-Абаддан Бишкекке, Москвага ташып жаттык. Ошондо онтогон адамдарды көрүп, операцияга чейин аман жетип, айыгып кетишсе экен деп тиледим.
– Учактын тетиктеринин бири бузулуп, оңдоого туура келген же күтүүсүз кырдаалдан улам учуу маршрутун өзгөрткөн учур болобу?
– Мындайлар жолугат. 2-3 жолу учактын генераторунун бири иштебей калып, запастагы генераторду ишке кошконбуз. Кээде нөшөргө, калың кара булуттарга кез келебиз. Калың булуттарды аралай учканда учак бир аз калдаңдап, адамдар силкине башташат. Мисалы, Ту-154 учагы салмагы 104 тонна экендигине карабай силкинет. Мындай учурда жүргүнчүлөрдүн ыңгайлуулугу үчүн учуу маршрутунан 1,5 чакырымдан тарта 150 чакырымга чейин четтеп учабыз. Кээде учакка мас же психикасы начарлар түшүшөт. Мастар өзүн кыйын сезип, төшүн ургулап, кыйкырып буйрук бере башташат. Психикасы начарлар жакындарын, өкмөттү жамандагандан баштап азыр учактын кулап түшөрүнө чейин, айтор, ар нерсени айтып, элди бейпайга салышат. Мындай кезде аларга сылык түрдө 3-4 ирет эскертүү берилет. Болбосо экипаж мүчөлөрү чыгып аны байлап, борт-механиктин жанындагы орундукка отургузуп коёбуз.
Кээде айрымдардын оорусу кармап калат. Мындай учурда атайын көрсөтмөгө ылайык керектүү жерлер менен байланышып, жакын жердеги аэропортко конууга аргасыз болобуз. Оорулууну ал жерден “Тез жардам” алып кетет.
– Рустам, силердин авиакомпаниянын жетекчилигинин айтымында, Кыргызстандын өкмөт жетекчисин жана өкмөт мүчөлөрүн ташуучу атайын рейстерди сага ишенип тапшырышат. Буга эмне себепкер? Стажыңдын көптүгүбү же учактардын түрүн өздөштүрө алганыңбы?
– 10 жыл ичинде мен Ан-12, Як-40, Ан-24, Ту-154, ВАС-1-11, Hawker Beechcraft King Air 350 Proline 21 учактарын башкарууга жетиштим. ВАС-1-11 учагын өздөштүрүү үчүн Англиядан, ал эми Hawker Beechcraft King Air 350 Proline 21 учагын өздөштүрүү үчүн Америкадан окуп, стажировкадан өткөм. 2009-жылы King Air 350 учагын Америкадан Кыргызстанга алып келдим. Болгондо да Вичита (Канзас штаты) -Канада-Гренландия-Исландия-Финляндия-Казакстан аркылуу.
Булардан тышкары Дубайда иштеп жүргөндө Ирак, Иран, Ооганстан, Пакистан, Африка, Индия, Индонезия, Иорданияга эл, жүк ташыдым. Иракка каттап жүрүп, 2 жолу террактка да кабылдым. Ушулардын баары мени ишке бышырып, тажрыйбамды арттырды. Администрациянын ишеним көрсөткөнүн ушул жана оң сапаттарымдан деп билем.
Учак менен министрлерди, депутаттарды ташыгандан тышкары ШКУ кезинде Беларустун президенти Лукашенко менен Грузиянын президенти Саакашвилини Бишкектен Тамчыга жеткирдим.
– Террактка кабылганың тууралуу айтып берсең...
– Экөөндө тең окуялар окшош кайталанды. Иракка гуманитардык жардам жеткирип барган элек. Учак эми конгондо эле граномёттон ок ата башташты. Кырдаалды дароо аңдап, учактан секирип түштүк. Чуркап, керектүү жерден жата калып тоголонуп дегендей, октон кутулуп кеттик. Кудайдын колдоосу менен учагыбыз да жабыр тарткан жок. Бирок экинчи жолкусунда ажал менен бет келгендей болгом.
– Кайсы өлкөлөр эмнелери менен эсте калды?
– Мага Арабия, Англия, АКШ бардык жагы менен жагат. Негизи, ар өлкө, шаарлар түрдүү өзгөчөлүгү менен эсте калат. Лондондон Биг-Бен (атактуу чоң саат), Диана атындагы сейил багы жакты. Бактын ичиндеги плитада “мында ханбийке Диана сейилдөөнү жакшы көрчү” деген жазуу бар.
Ал эми Африканын Жибути өлкө­сү­нө барганымда элдин жашоосунун начарлыгы, суунун тартыштыгы жана кымбаттыгы зээнимди кейитти. Кондиционер деген жок, калтыратма оорусун чакыруучу чиркейлер толтура. Акыры ал өлкөнү экинчи кыдыргыс болдум.
– Маегиңе рахмат. Ишиңде ийгилик болсун!

Канымжан Усупбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(4)
03.09.2010. 18:14 
Тайпасы:
Кыймылы жок
Комментарийлердин саны:
1
Катталган:
10-08-2010
Соӊку аракети:
08-09-2010 00:29
Жынысы:
Белгисиз
0
келинчеги орусбу?
03.09.2010. 23:56 
Тайпасы:
Жаран
Комментарийлердин саны:
82
Катталган:
26-11-2009
Соӊку аракети:
30-10-2018 00:28
Жынысы:
Белгисиз
Калаасы:
Жер эне
0
Кыргыз аба жолдору тезарада "кара тизмеден" чыгып дүйнөнүн баардык жагына уча турган кез да келээр!
05.09.2010. 20:38 
Тайпасы:
Кыймылы жок
Комментарийлердин саны:
8
Катталган:
30-04-2010
Соӊку аракети:
18-04-2015 15:47
Жынысы:
Белгисиз
0
Орус болсо да анча мынча кыргыз кыздарга караганда жакшы карап, кызганбай этпей бала-чакасы менен кутуп иштоого мумкунчулук бергенине ырахмат деш керек орус женебизге
06.09.2010. 09:40 
Тайпасы:
Тартип бузгандар
Комментарийлердин саны:
5
Катталган:
01-09-2010
Соӊку аракети:
06-12-2012 19:50
Жынысы:
Белгисиз
0
Jazgul seni kiziktirgan jalgiz suroo ushulbu??? Ozu dele kirgiz emes, birok Kyrgyzstandyn chynygy patriot jigitterinen eken Rustam baykebiz. Respect Rustam bayke.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: