БИР БҮРКҮМ. ӨЛКӨДӨ ТОЙКАНАЛАР ЖАБЫЛДЫ...

Муфтият: Коронавирус коркунучунан улам жума намазды чогулуп окуу убактылуу токтотулсун.
18-марттан тарта Ош шаарына жылуулук берүү токтотулду.
Өлкөдө тойканалар убактылуу жабылды, талапка баш ийбегендер жоопкерчиликке тартылышат.
Кылмышка шектелип жаткан генерал Курсан Асановдун жан сакчысы Дамирбек Пайзылла уулу үй камагына чыгарылды.
Жогорку Кеңештин депутаттары 23-марттан тарта шайлоочулар менен жолугушууга кетишет.
Өзгөчө кырдаалдар министрлиги: Тоолуу аймактарда кар көчкү түшүү коркунучу жогору.
Жалал-Абад облусунда бир апта ичинде 33 айдоочу мас абалында кармалды.
Экс-депутат Анарбек Калматов президентке караштуу Ырайым кылуу маселелери боюнча комиссиянын жооптуу катчысы болуп дайындалды.
Өкмөт доллардын сомго карата курсу азыркы көрсөткүчтөн жогорулабай турганын билдирди. Учурда 1 доллар 72 сом 90 тыйынга бааланууда.
Бишкек шаарына жылуулук берүү 19-мартта токтотулат.
Түзүлгөн кырдаалга байланыштуу өлкөдө медициналык бет кап кошумча нарк салыгынан бошотулду.
Чет өлкөдө саякатта жүргөн 200гө жакын Кыргыз жараны өлкөгө кайтып келе албай жатканы айтылды.
Кыргыздын медициналык окуу жайлары чет элдик абитуриенттерди кабыл алууну токтотту.
ЖЭБ сотундагы жарыш сөздө айыпталуучу Айбек Калиев күнөөсүз экенин айтып, соттон актоону суранды.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 907, 19-25-март, 2020-ж.