Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Нурлан Насип: «ҮЙДӨ ЭЧ КИМ ЖОКТО ЫЙЛАП АЛАМ»

№409 3-9-сентябрь, 2010-ж.


“Жаным” деген ыр радио түйүндөрүнөн жаңыра баштаганда көпчүлүк “бул жигиттин өңүн көрсөк болот эле, кандай жигит болду экен?” деп чыдамсыздык менен күтүшкөн. Анан тез эле аталган ырдын клиби чыкты. Ыр дегенде үстөмөндөн түшкөн Нурлан Насип, ошентип, ыр ышкыбоздорунун жан дүйнөсүнөн орун алды.

ҮЙ-БҮЛӨЛҮК АНСАМБЛЬ
Нурлан Насип 1990-жылы Токтогул районундагы Терек-Суу айылында туулган. Беш бир туугандын төртүнчүсү. Ата-энеси азыр кичүү карындашы менен айылда турушат. Алар “бизди эми ким багат? Кичүү балабыз минтип ырчы болуп Бишкекте жүрөт” деп көп жолу сөз кылышкан. Нурлан болсо “мен баккандан качпайм” деп ата-энесинин көңүлүн жайгарып келет. Баласынын таланттуу экенин билген ата-эне ырчыны айылга, өздөрүнүн жанына алышкан эмес. Нурландын үй-бүлөсүндө апасынан башкасынын баары музыкага жакын. Атасы аккордеон, эжеси комуз, байкеси гитарада ойнойт, карындашы ырдайт. А Нурлан болсо бир нече аспапта ойной да, ырдай да алат.

МҮНӨЗҮ
Мүнөзү ар кандай. Маанайы жокто орой. Бирок өтө ак көңүл. Достору каякка жүрү дебесин, кете берет. Мунун зыянын көп тартат. Анткени Нурлан “бир жакка барып келели десе, ошол эле достору ар кайсыны шылтоолоп барбай коюшат. Ага деле кек сактабайт. Өзүнө унутчаактыгы, уйкучулугу жакпайт.

ЫЙ ЖАНА КҮЛКҮ
Нурлан досторунун ичинен эң эле күлкүчүсү. “Тамашоучулардын” таймашын калтырбай көрөт да, боору эзилгенче күлөт. Качан ыйлайт? Үйдө эч ким жокто. Ызакор болгондуктан, пикир келишпестиктер болуп кетсе, жумушу оңунан чыкпаса, бирөө ызалантса жан дүйнөсүндө кандайдыр бир кыйноо пайда болот. Анан "көкүрөгүмө бук, көзүмө жаш толгондо ыйлай баштайм. Бирок бул көз жашты бирөөнүн көрүшүн каалабайм" дейт ырчы.

ЖАМБАШТАП ЖАТСАҢ СОНУН ДА...
Нурлан ичимдиксиз эс алат. Анткени буга чейин беш маал намаз окуган такыбаа жигит болчу. 7-классында орозо кармаган. Кечки намаз окулчу маалда достору менен мечитке барып даават угуп жүрүп катуу таасирленип, беш маал намаз окуп, башына топу кийип калган. Анын баарын борборго келгенде таштап койгон. “Намаз окуп, дин жолунда жүрүп, борборго келгенде бузулдум” дейт ырчы жигит. Ошондон улам балдар болуп кафеде же башка той-топурда жолукканда колуна ичимдик кармагандан алыс. Бирок ичкендерден кем калышпай гитара чертип, ырдап шаңдуу отурат. Күндүз сейил бактарга барып, достору менен сырдашып, кыздарга тийишип... Эң жакын сырдаш досу - ырчы Аваз Акимов. Аны менен Күрөңкеев атындагы музыкалык окуу жайында төрт жыл бир группада окуган.

АШКАНАДА
Жатаканада жашагандыктан, тамак жасаганды дурус эле билет. Укмуш даамдуу жасабаса да, жеңил тамактарды заматта даяр кылууга эптүү.
Студент кезде анча-мынча тойлордо ырдап калчу. Тойдон түшкөн акча, ата-энеси салган акча болуп отуруп, тамак-аштан өксү болчу эмес. Суюк тамакка караганда манты, куурулган картошка, оромо сыяктууларды жакшы көрөт. “Аял алсам, күн алыс манты түйдүрөм” деген ички кыялы дайыма жадымында.

АДАМДЫН КӨРКҮ ЧҮПҮРӨК
Мода кубалабайт. Көбүнчө “Дордой” базарынан кийинет. Кийимди Нурсултан деген бөлөсү тандап берчү. Ал жакында эле Орусияга кеткендиктен, кийим аларда кимди ээрчитерин билбей баш катырат. Арзан, кымбатына эмес, жарашыгына карайт. Бишкекке жаңы келгенде “түшпөйсүзбү, кичине арзан берсеңиз эмне болот? Тигил жакта мынчадан экен го” деп аябай соодалашчу. Азыр аты тааныла баштагандан бери соодалашуудан уялып калды.

"МАГА СҮЙҮҮ КЕЛЕ ЭЛЕК"
– Жоопсуз сүйүүгө кабылдың беле?
– 8-класста бир кыз мени тоготпой койгон. Ал менден бир жаш кичүү болчу. Жакшы көрүнөйүн деп күнүгө ар башка көйнөк кийип жасанып, кечинде үйүнө барам. Көп учурда кыздын үйүнүн жанынан классташтарым менен жолугуп калам. Башында байкабаптырмын, көрсө, аны менден башка да балдар жакшы көрүшчү экен. Ошону билип калганда бирөө тартып албасын деп шашып, сүйүүмдү билдирдим. Ал жооп бербей койгон. Андан бери бирөөнү жактырып көрө элекмин.
– Класста тың, жакшы окуган 1-2 бала же кыз болот. Аны классташтарынын көбү жакшы көрөт. Мындай көрүнүш бардык эле жерде болсо керек. Сен мектепте кайсы топко кирчү элең?
– 5-класска чейин жалаң бешке окуп, класском болдум. Андан кийин начарладым, динге берилдим. Ошого карабай көп кыздын сүйүктүүсү болуп жүрдүм.
Динге берилип жүргөндөгү бир окуяны айтып берейинчи. Сабакка кирбей, намаз окулчу маалда айылды жаңырта микрофон менен мечитте азан чакырганды адат кылып алгам. Сабак башталганда мугалим фамилия менен окуучуларды жоктойт эмеспи. Бир жолу эжеке менин фамилиямды атайт, анда бир бала “эже, азан чакырып жаткан ушул бала” дептир. Эртеси мектепке барсам, мугалим “сен молдо бол же сабак оку” деп урушкан.
– Улуу муундагы акындар, обончулар ырдын текстин, обонун сатып алгандан качышып, жеңил-желпи ырларды өздөрү жазышат дейт. Буга кошуласыңбы?
– Кошулбайм. Анткени азыркы ырлардын баары эле жеңил-желпи эмес.
Бизде эптеп эле ыр жаратуу максат эмес. Маанилүү, угумдуу ыр жараткыбыз келет. Жакында болуп өткөн окуяларга карата “Кыргызстан” деген ыр жараттым. Мунун сөзү да, обону да мага таандык. Текстин Кыялбек Урманбетов деген акын агайыбызга текшертип алайын деп жатам.
– Продюсериң милдетин кандай аткарып жатат, ортоңордо келишим барбы?
– Ортодо эч кандай келишим жок. Канат Кадыржан экөөбүз эркекче кол алышып эле иштеп жатабыз. Ал өтө деле катуу адам эмес. Бир нерсе жасаарда мен оюмду, ал оюн айтат, анан ортодон бир бүтүм чыгарабыз. Канаттын телефон чалганда эч качан жооп бербегени жакпайт. Керек убакта чала берип, нервим чыңалып чыгат. Атайын албайбы, билбейм. “Эмне алган жоксуң?” десем, “укпай калыптырмын” дей берет. 2-сентябрь Канаттын туулган күнү болчу. Учурдан пайдаланып, туулган күнү менен куттуктайм. Ага бардык жакшылыктарды каалап кетмекчимин.
– Ырчы кыздардын жана жигиттердин арасынан кимди сулуу, келбеттүү деп ойлойсуң?
– Кыздардан Кундуз Канатбек кызын сулуу деп эсептейм. Ал сахна үчүн жаралгандай. Жигиттерден Мирбек Атабеков го... Бирок Мирбекти айрымдар жактырса, кээ бирөөлөр “аябай арык” дешет. Мен, негизи, жигиттерге жакшы баа бере албайт экем.
– Чыгармачылыкта кимге карап түздө­нөсүң?
– Бир адамды эле карай бербейм. Мисалы, Атабековдун, Садыралиевдин ырдагандары жагат. Абдыразаковдун жараткан ырларына суктанам. Мына ушул жигиттерден үлгү алсам дейм.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
04.09.2010. 17:47 
Тайпасы:
Жаран
Комментарийлердин саны:
78
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
+1
Nurlandyn yilap algany jakty..negizi adam yilap bugun chygaryp alsa jakshy..
29.10.2010. 23:09 
Тайпасы:
Кыймылы жок
Комментарийлердин саны:
5
Катталган:
18-05-2010
Соӊку аракети:
14-08-2015 06:08
Жынысы:
Белгисиз
0
Мен дагы эч ким жокто ыйлайм.
10.11.2010. 13:30 
Тайпасы:
Жаран
Комментарийлердин саны:
37
Катталган:
24-09-2010
Соӊку аракети:
26-10-2017 15:31
Жынысы:
Белгисиз
0
ууууу менда
24.09.2011. 02:45 
Тайпасы:
Түйүлдүк
Комментарийлердин саны:
483
Катталган:
07-08-2011
Соӊку аракети:
25-10-2016 17:50
Жынысы:
Белгисиз
0
Нурлан эн жакшы ырчылардын катарына кирет, таланттуу ырчы. Онорун оркундой берсин, маанилуу ырларды жарата бер!
19.05.2012. 14:46 
Тайпасы:
Кыймылы жок
Комментарийлердин саны:
3
Катталган:
17-05-2012
Соӊку аракети:
12-06-2012 13:12
Жынысы:
Белгисиз
0
Мага Нурлан Насиптин баардык ырлары жагат,уккан сайын уккун келет
11.03.2013. 17:58 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
0
хе-хе Жеки Чанга окшош болуп калыптыр акыркы суротундо.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: