Канышай Рысбекова, телеалпаруучу: “КҮТҮҮ МЕНЕН ЖАШАШ ООР. АКЫРЫ ЧЕКИТ КОЙДУМ”
Канышай Рысбекова социалдык тармактагы баракчасы аркылуу жолдошу менен ажырашып кеткенин ачыктаган. Бул тууралуу телеалпаруучу менен кыскача маек курдук.
– Канышай, жакында эле декреттик өргүүдөн ишке чыгыптырсыз...
– Ооба. Негизи эне баласы 2 жашка чыккыча үйдө отуруп, башка турмуштук маселелерге баш катырбаса жакшы экен. Бирок, тилекке каршы, жумушка чыкканга мажбур болдум. Анткени баланы багышым керек дегендей. Декреттик өргүүдө болгону 5 ай отурдум.
– Жакында жолдошуңуз менен ажырашып кеткениңизди да ачыктадыңыз...
– Биздин ажырашып кеткенибизге бир жылдан ашты. Ал кезде мен 2 айлык кош бойлуу элем. Андан бери бул тууралуу дос, туугандарга деле айткан эмеспиз. Ата-энелерибиз дагы “балким, төрөп алгандан кийин кайра жарашып жашап каларсыңар” дешти. Өзүм дагы ошондой ойдо жүргөм. Бирок акыркы кездери тааныштарым, кесиптештерим “жолдошуңду тигил жактан көрдүм, бул жактан көрдүм” деп көп айта башташты. Чогуу жашабасаң да бул нерсе катуу тиет экен. Чын жүрөгүмдөн жакшы көрүп турмушка чыккам. Эми анын башкага баш кошуп, бактылуу жашашын гана каалайм. Бул нерсеге моралдык жактан даяр болдум. Болгону “ажырашып кетиптир” деген сөздөн уялып жүрдүм.
– Мыйзамдуу түрдө ажыраша элексизби?
– Мыйзамдуу түрдө ажырашканбыз.
– Ажырашууга эмне себеп болду?
– Бир жылга жетпеген убакыт чогуу жашадык. Ар бир эле үй-бүлөдө пикир келишпестиктер болуп турат эмеспи. 2018-жылы 4 айлык наристе боюмдан түшүп калды. Анда дагы жолдошум “төрөсөң төрө, төрөбөсөң өзүң бил” деп койгон. Бирок ага карабастан, баары жакшы болот деген үмүт менен жашай бердим. 3 ай өтпөй дагы кош бойлуу экенимди билдим. Врачтар “бул ирет жакшы сактанбасаң кийин өзүңө кыйын болот” дешти. Жолдошум мурдагыдай эле “төрөсөң, төрөбөсөң өзүң бил” деген жообун айтты.
– Ажырашуу шашылыш чечим болуп калды деп ойлобойсузбу?
– Ортодо бир жарым жыл эки бөлөк жүрдүк. Бул узак убакыт. Жолдошум тараптан бала үчүн чогуу жашайлы деген сунуш болгон жок.
– Кандайча баш кошуп калдыңыздар эле?
– Болгону 3-4 ай эле сүйлөшкөнбүз. Анын кандай адам экенин билбей калдымбы, билбейм. Бул суроолордун жообун өзүм да таба элекмин.
– Кичинекей наристе менен жалгыз бой калуу оор болсо керек?
– Абдан оор. Бала карап түнү менен уктабай, эртең менен ишке кеткен күндөрүм болду. Аял катары колдоо күтөт экенсиң. Жаныңдагыларга “мага баары бир, ансыз деле жашай алам” дей бергениң менен, чындыгында ичимден күтүп жүрдүм.
– Баланы атасы менен жолуктуруп турасыңбы?
– Жолуктуруп турмакмын, эгерде ал сураса. Бирок ал кызыкпайт деле. “Балаңдын бар экенин унутпа” деп бир нече жолу айттым. Бирок 2 айда бир сурап коёт. Үмүт менен жашаш абдан оор экен. Чекит коюуга туура келди. Менде азыр баары жакшы. Ата-энем бар, балам бар, бактылуу адаммын.
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (13)
Ушундай татынакай кыздын бактысын кор кылган эркек көр болсун?
Бир жиптин эки учу бар,ар бир адамдын оз чындыгы да бар дегендей..Эч нерсе деп айта албайсын бул жерде,айткан куноо болот го.
Балага карабай баш тартса, демек, ошончолук конулун калтырсан керек...
Samarish1216,кайсы эле эркек балага карап калыптыр?? Ажырашам деген эркек оолугуп калса он баланды деле чыркыратып тащтап кетет. Тимеле периште болуп аласынар арабдарды туурап. Куттум келеби деп атат,жашайм деген ниети болгон экен ырчы кыздын. Анан да конулу калыптыр куйоосунун дейсин,аялдардын конулу он жерде калса деле ,кой балам жетим калбасын деп жашай берет,олбой эле
katerina.li, эркектин конулу болсо, эч качан таштабайт эле. Жашаганга озунун конулу болсо да, куйоосунун конулу жок болгонун айтыптыр. Мен деле сен жазган мааниде жаздым. Арабдардын кандай тиешеси бар???
katerina.li,бул ырчы кыз эмес
Бактылуубол! Ал немеге Кудай сени ыраа көргөн жок, ошого ажыратты. Буюрса, андан мыктысына кезиктирет жараткан.
Деппрецияда жургон экен дагы деле, до родовой после родовой деппреция деп коет, анын устуно уй булоо бузулган бул оной нерсе эмес ар бир эле адам учун чооон депреция.Журогу ооруп кыйналып журот, бул кундор да отоор, кайгырба. Убакыт дарылайт. Бир жыл отуп кетсе Кызсайкалдай болуп алаксып каласын.
Кээ бир эркектер аялдарды кор кылып бала менен таштап кетип атат,бала жасадынбы багыш сен дагы?Баардык туйшукту аял киши тартат.Ушундай нерсени кучтуу аялдар женет женалбагандар,озун, баласын кошуп олтуруп алып атат.Озу аял киши болсом дагы башка улут дагы эркекби аялбы суйлосо кыжырым келет.Ушундай кылып биздин эркектер таштап кетсе, кететда кыздарыбыз башка улутка сыйлап,жакшы суйлосо.
Баланы торотот,анан кайра торосон торобосон озун бил деген эркекти эмне кыласын кутуп??
Азыр эркектерде жоопкерчилик деген нерсе жоголду. Уй-булоо курганда анын кандай жоопкерчилиги бар экенин кээ бир эркектерибиз билбейм да калат. А балага келсек бала учун эне баардык нерсеге барышты мумкун бирок ата бара албайт
Андан коро жаш катын алып жашоо буларга женилирээк
Хочу быть счастливым,Кетрин.Ли,Аримаз сексен тогуз,Бема альт бема,Самариш,Госпожашеток супер 2 чи жактан интервью алгандан кийин куноолосонор кантет ыя эркектаналарды?))
aydinnur,туура,бирок экинчи жагын деле ошо да ,кеткен келинди ким жакшы дейт. Тем более азыркы эркектер аялдардан отуп ушактайсынар
