Гүланда, ырчы: “КЫЯЛЫМДАГЫ ҮЙДӨ ЖАШАП ЖАТАМ”
Ырчы түгөйлөр Айбек Карымов менен Гүланда 2 жыл мурун Бишкектин четиндеги 3 кабаттуу үйүн сатып, шаардын борборунан 3 бөлмөлүү батир сатып алышкан. Ырчылардын жаңы курулган көп кабаттуу үйлөрдүн биринде жайгашкан батиринде конок болуп кайттык.
– Үйдүн дизайны өзүмө таандык. Үйгө келгенде көңүлүбүз көтөрүлүп, чарчообуз жазылсын деп баарын ак түстө жасалгалап, ак түстөгү эмеректерди тандадым.
– Үйгө конок көп келет. Өзүм да конок тосконду жакшы көрөм. Конок келери менен дароо дасторкон жаза калуу үчүн минтип идиштерди даярдап коюп койгом. Алтын түстү жакшы көргөндүктөн, ушул түстөгү идиштерди сатып алдым.
– Жумуштан чарчап келгенибизде телевизор көрүп, уктоочу бөлмөдө эс алабыз.
– Мен ушул күзгүнүн алдында отуруп, боёнуп-жасанам. Боёнууга жарым саат коротом.
– Бул эки баламдын бөлмөсү. Кызым 3-класста, уулум 1-класста окуйт. Бөлмө экөөнүн сабак окуп, эс алуусуна ылайыкталып жасалды.
– Көп убактым ашканада өтөт. Жолдошум менен балдарым көбүнчө камыр, эт кошулган тамактарды жакшы көрүшөт. Камырды колго жаям.
– Мурда гүл өстүрүүгө кызыкчу эмесмин. Айбек кызыгып, өзү карачу. Азыр гүлдөрдү жакшы көрүп, карап жатам. Гүлдү канчалык жакшы көрүп карасаң, ошончолук бажырайып өсөт экен.
– Сувенирлерди жакшы көрөм. Кайда барып эс албайлы, ошол жактан сувенир алып келгенге аракет кылам. Бул текчеде Таиланд, Египет, Өзбекстандан алынып келинген сувенирлер бар.
“ЖОЛДОШУМ ҮЙ ДАЯР БОЛГОНДО ГАНА КЕЛИП КӨРДҮ”
– Гүланда айым, шаар четиндеги хан сарайдан көп кабаттуу үйгө көчүп келүүңүздөрдүн олуттуу себеби барбы?
– Биринчиден, шаардын четинде жашап жатканда балдарымды күндө мектепке алып келүү оор болчу. Бул жакта мектеп үйдүн жанында. Анан да жумушубуздун көбү шаарда болгондуктан, шаар ичине көчүп келүү ыңгайлуу болду.
– Үйдүн жасалгасы өзүңүзгө гана таандык экенин айтып калдыңыз. Айбек байке такыр кийлигишкен жокпу?
– Ишенсеңер, Айбек үйдү алганда да көргөн эмес, дарегин да билген жок. “Сага жакса ала бер” деп акчасын санап берди да, үй толук бүткөндөн кийин келип көрдү. Өзүм тандап, өзүм ичин жасалгалаттым.
– Чоң үйдө да жашап көрдүңүз. Азыр көп кабаттуу үйдө жашап жатасыз. Кыялыңыздагы үй кандай?
– Ушул менин кыялымдагы үй. Бул үйдү 1 жыл издедим. Үйдүн аянты да, жайгашкан жери да, короосу да, баары көңүлүмө төп келди. Андыктан азыр өзүм каалагандай үйдө жашап жатам.
– Рахмат, үйүңүздөрдө жакшылыктар көп болсун!
Перизат Музуратбекова
Адилет Бектуров
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (20)
Эмнеге Лара Фабиан,Адель,Сара Джеронимо мактанышбайт. Папарацци андып журуп,дрондор менен эле жашаган особняктарын фото,видеого тартып алышбаса бир да интервьюсунда кыялымдагы уйдо жашайм,бир да эркек жетбеген машина айдайм деп айтышбайт. Кучтуу вокалдын ээлери,дуйнолук ареналарды багындырган ырчы айымдар. Именно айымдар. А биздин же уну,же таланты жок ХХХХХ мактанганын токтотушбайт.
Эмгеги менен тапкан уйлору кут болуп, Балдары менен биргеликте бактылуу болуп, кооп жашашсын. Уйу ак жолтой жакшы уй болсун.
Айбек адресин да билген эмес деп салыш керек да)).Кут болсун,бизде да болсун.
Бизге да насип кылсын ушундай уй.
Жакшы экен. Бирок тээтиги алтын түстөгү идиштерине бирдемке салып койсо болмок экен. Суперден келип тартышат деп даярданса керек. Жок дегенде жемиштерден
Gulandanin ele uiugo,Aibektin dele surottorun koyup koison bolmok
Gulanda maga jagat emnegedir suikumduu jarkildap
Жакшы мактанып алыпсың,азыр эми мындай элитка үйлөрдө жашаган жылдыздар мактанбай деле койсоңор болот....
Жакшы,мактанып алыпсың, эми азыр мындай үйдө жашаган жылдыздар мактанбай эле койсонор болмок.
Уйунордо ардайым тынчтык болсун.
Бирок ушу эки ырчы бири бирине чыдап жашап атканына баа бердим. Экоонун тен мунозу ч о ч к о
Койчу эй, азыр элдин баары аты жаман вирустан кантип кутулабыз деп турганда.Буйруса баары буткондо деле айта бересин.
Олкону коркунучтуу ооруу каптап атканда булардын уйу кимге кызыкчылыгы бар. Пайдалуу нерсе кылсынчы андан Коро уйуну мактабай. Кыргыз эстрадасында тажатмалар кобойуп кетишти пайдасы жоктор
Сонун уй экен. Жалан гана жакшылыктар болсун уйунордо. Бизге да насип кылсын
Биздин кошуна бир домдо жашайбыз
