Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫШКЫ ДАСТОРКОНГО КАМЫЛГА

№410 10-16-сентябрь, 2010-ж.


Дасторкон

Күздүн алгачкы айы да кирип келди. Кожойкелер банкаларын жууп, кышкы салаттардын камын көрө баштаган учур. Айымдар мактоону жасаган тамак-ашынан алат эмеспи. Анда келиңиз, быйыл да жыл сайын жасап жүргөн салат түрлөрүнө Жанара Атабекова менен бирдикте өзгөчөлүк кошуңуз.

ЧАЙ МАЕК
– Жанара, ашканадан чыкпай, кыш камын көрүп жаткан экенсиң...
– Буюрса, салаттарымды бүтүп калдым. 50-60 банка салат жапканга үлгүрдүм.
– Ашканада ар бир айымдын өзгөчө сыры бар эмеспи...
– Мен салат жасаймынбы же тамак бышырамбы, таптакыр капкагын жаппай жасаганга аракет кылам. Себеби бууланып, тамактын даамы өзгөрүп кетет. Ошондуктан идиш-аякты да өтө кылдаттык менен тандайм.
– Эмнени көп кайталап жасайсың?
– Жолдошум, балам куурма чай ичмейинче тура алышпайт. Ошол себептен эки күндүн биринде эле куурма чай жасайм.
– Мыкты жасаган тамагың?
– Макаронду жакшы басам. Негизи, мен тамак жасаганга кеч аралаштым. Үйдө эрке кыз болуп, ашкананы эжем башкарчу. Кийин Сыймык Бейшекеев менен көлгө гастролго чыгып калдым. Анан ал жактан биринчи жолу макарон басып жатпаймынбы. Эми тузу тим эле ачуу. Анан Сыймык апама келип, “Жанара өтө сарамжалдуу экен. Бир күн тамак жасаса, эки күн суу ичип жүрө берет экенбиз” деп уят кылган. Ошондон кийин намыстанып калганмынбы, айтор, макаронду мыкты басам.
– «Айымдын көңүлү чөксө, тамагы да ошого жараша болот» деп коюшат. Дегеним, акыркы жолу сен УТРКга таарынып, маанайың чөгүп жүрдү эле...
– Телеканал эки айлык эмгек акымды төлөбөй койду. Жетекчим Кубат Оторбаевдин өзүнө да кирдим, эч жыйынтык чыккан жок. Улам бир кызматкерге жумшап, “тиги чечет, бул чечет” деп тил эмизе беришкенинен тажап, “ошол акчага жыртыктарын бүтөп алышсынчы” деп жөн койдум.
Анда салаттарыңа кезек берели.


“ГҮЛДЕСТЕ” САЛАТЫ
Керектелүүчү азыктар:

Капуста – 1 килограмм
Сабиз, пияз – 1 килограммдан
Болгар калемпири – 1 килограмм
Помидор, бадыраң – 1 килограммдан
Петрушка, сельдерей – 1 боо
Туз – 10 чай кашык
Кумшекер – 12 чай кашык
Уксус – 1 аш кашык
Күн карама майы – 0,5 литр

Жасоо ыкмасы:
Керектелүүчү жашылчалар таза жуулган соң капустаны сүргүчтөн майдалап өткөзүп алабыз. Сабизди, таттуу калемпирди таякча кылып туурайбыз. Пиязды, помидорду, бадыраңды тегерек кылып туурап, бардыгын сыр идишке салып аралаштырабыз. Аларга туз, кумшекер, уксус кошулгандан кийин майда тууралган петрушка менен сельдерейди кошуп, жакшылап аралаштырабыз. Таза жуулуп даярдалган банкаларга салат ныкталып салынат. Андан соң банкаларды кайнаган сууга салып, 40 мүнөт кармайбыз (салат бууга бышышы керек). Салатты жабар алдында кайнап турган майдан ар бир банкага куюп, оозун бекитебиз да, жылуу жаап, эки күн тыныктырабыз. Андан кийин муздак жерге сактайбыз.

ФАРШТАЛГАН КАЛЕМПИР
Керектелүүчү азыктар:

Таттуу калемпир – 1,5 килограмм
Пияз – 1 килограмм
Сабиз – 2 килограмм
Томат ширеси – 3 литр
Туз – татымына жараша

Даярдоо ыкмасы:
Калемпирди таза жууп, баш жагын оюп, өзөгүн акырын алып, кайнак сууга 3-4 мүнөт чылап коёбуз. Андан соң 1-2 мүнөткө муздак сууга кармайбыз. Сабизди, пиязды майдалап туурап, ар бирин өзүнчө майга куурабыз. Эми экөөнү кошуп дагы бир аз кууруп, татымына жараша туз кошобуз. Бул куурма менен даяр турган калемпирлердин ичин толтурабыз да, банкага салабыз. Аягында томат ширесин кошуп, бууга 20 мүнөт кармайбыз. Акырында банкалардын оозу бекитилет.

“КАЙНЕНЕНИН ТИЛИ” САЛАТЫ
Керектелүүчү азыктар:

Кабак (кабачки) – 2 килограмм
Помидор – 1 килограмм
Болгар калемпири – 4 даана
Сарымсак – 2 баш
Чили калемпири – 1 даана
Өсүмдүк майы – 200 грамм
Кумшекер – 200 грамм
Туз – 2 аш кашык
Уксус (9) – 2 чай кашык

Даярдоо ыкмасы:
Кабакты кабыгынан жана уруктарынан тазалап алабыз. Анан узатасынан ичке тилче кылып кесебиз. Ал эми помидор, болгар калемпири, сарымсак, чили калемпирин эт туурагычтан өткөзүп алабыз да, май, кумшекер, туз жана уксус кошобуз. Бул массаны отко коюп, кайнап калганда кабактарды салып, дагы 40 мүнөт кармайбыз. Эскерте кетчү нерсе, чили калемпирин ачууну жактырбагандар кошпой деле койсо болот.

“БЕЛЕК” САЛАТЫ
Керектелүүчү азыктар:

Капуста – 1 килограмм
Помидор – 1 килограмм
Бадыраң – 1 килограмм
Сабиз – 1 килограмм
Пияз – 1 килограмм
Алма – 1 килограмм (катуу сортунан)
Лимон ширеси – 8 грамм
Лавр жалбырагы – ар бир банкага 1-2 жалбырак
Тоголок кара мурч – ар бир банкага 2-3 баштан
Туз, шекер – даамына жараша

Даярдоо жолу:
Капустаны сүргүчтөн өткөзүп, сабизди ичке тегерекче кылып туурайбыз. Анан капуста менен сабизди кайнак сууга жумшаргыча кармайбыз. Тегерекче кесилген бадыраңды, пиязды, алманы жана помидорлорду да жумшаргыча бир аз сууга бышырабыз. Даамына жараша туз, шекер салабыз. Сууга лимон кислотасын кошуп кайнатып шире жасап, салатка кошобуз. Салат банкаларга салынган соң 20 мүнөт бууга кармайбыз.

“КЫШ ЫЗГААРЫ” САЛАТЫ
Керектелүүчү азыктар:

Помидор – 2 килограмм 200 грамм
Бадыраң – 1 килограмм
Болгар калемпири – 800 грамм
Пияз – 500 грамм
Петрушка – 1 боо
Өсүмдүк майы – 20 аш кашык
Кумшекер – 20 чай кашык
Туз – 5 чай кашык
Уксус – 10 аш кашык сууга 1,5 аш кашык уксус кошулуп даярдалат

Даярдоо ыкмасы:
Керектелүүчү жашылчалар жуулуп, тазаланган соң помидорду, пиязды, болгар калемпирин тегерекче ал эми бадыраңды узун таякча түрүндө туурап алабыз. Петрушканы өтө майдалап алабыз да, бардык тууралган жашылчаларды сыр идишке салабыз. Туз, шекер, май жана уксус кошуп аралаштырабыз. Андан кийин жай отко коюп, 30 мүнөт кайнатабыз. Салат даяр болгон соң бууланган банкаларга салып оозун бекитип, муздак жерге коёбуз.

“ЖАЙКЫ КЕЧТЕР” САЛАТЫ
Керектелүүчү азыктар:

Сабиз – 200 грамм
Алма – 400 грамм
Хрен – 20 грамм
Туз – татымына жараша

Даярдоо ыкмасы:
Сабизди жана хренди тазалап, жууп, сүргүчтөн өткөзүп алабыз. Ал эми алманын ортосундагы катуусу алынып салынат да, кесек тиштүү сүргүчтөн өткөрүлөт. Даяр болгондорго туз кошуп, банкаларга салып, 20 мүнөт бууга кармайбыз. Банканын оозун бекитип, кышкы салаттардын катарына тизип коёбуз. Бул салатка уксус кошулбагандыктан, жаш балдар үчүн табылга.

Бахияна Сатылганова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(4)
11.09.2010. 16:30 
Тайпасы:
Жаран
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
-1
Коментарий жок паражняк.
27.09.2010. 07:16 
Тайпасы:
Жаран
Комментарийлердин саны:
308
Катталган:
01-11-2009
Соӊку аракети:
17-11-2018 02:18
Жынысы:
Белгисиз
Калаасы:
England
0
aha,jasap aldina koyso jesen kerek,sen jasachi koroyun titi,en ele sonun retsepter.
09.12.2010. 13:33 
Тайпасы:
Жаран
Комментарийлердин саны:
1
Катталган:
21-05-2007
Соӊку аракети:
24-04-2018 23:03
Жынысы:
Белгисиз
Калаасы:
Бишкек
0
Мен окубай эле дароо чыгарып алдым принтерден, кийин кереги тиет деп!
11.09.2013. 18:56 
Тайпасы:
Жаран
Комментарийлердин саны:
1
Катталган:
05-11-2011
Соӊку аракети:
26-04-2017 10:26
Жынысы:
Белгисиз
Калаасы:
.
0
рахмат сиздерге сонун экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: