Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Саламат Садыкова: «АПАМ КАРАҢГЫЛЫКТЫН КУРМАНДЫГЫ БОЛГОН»

№410 10-16-сентябрь, 2010-ж.


Апам жапкан нанды сагынам

Эненин мээриминин табы канча жыл өтсө да өчпөсүнө мен маектешим Саламат Садыкова менен сүйлөшүп отуруп сездим. Ал эми эненин тарбиясы балага кандай таасир берерин Урмат Усенов менен баарлашууда түшүндүм. Демек, кайрадан сиздер менен апалар тууралуу баллада.

"АПАМ "АЛЫМКАНДЫ" ЫРДАГАНДА..."
– Менин апамдын аты – Мария. Чачы согончогуна жеткен сулуу аял болчу. Узун чачын тыкыйтып экиге өрүп алчу. Кызык, апамды эстегенде анын тынымсыз иш кылып жүргөнү көз алдыма тартылат. Анан да кашкайган күлкүсүнөн жанбаган жүзүн көп эстейм. Апамдын каткырыгы тиги көчөдөн бул көчөгө угулган шайыр жан болчу. Жакшы да ырдачу. Кээде үйдөн “Алымканды” укмуш созуп калар эле. Бир жолу инимди аркасына көтөрүп туруп, “аттиң, мен турмушка чыгып силерди төрөп үйдө отуруп калбаганда, тиги Мыскалдын жанында жүрөт элем” деп күңгүрөнгөнү эсимде.
Апамдын убагында Мыскал Өмүр­канова­нын атагы алыска жайылып турган кези болсо керек. Апамдын ошол арманынан менин ырчылык ийгилигим жаралдыбы деп ойлоп калам. Анткени апасы жетпеген нерсеге кызынын жеткени бул жашоонун мыйзамы экенине ынанып жүрбөйбүзбү.

"АПАМДЫН ТАМАГЫ"
– Апамдын эсимде калган тамагы – нан палоо. Тандырга жабылган нанды чарчы кылып кесип, эт, сабиз, пияз менен кууруп, палоо катары басып берер эле. Бул тамакты азыр менин кыздарым, неберелерим да жакшы көрүшөт. Нан палоону ышкы менен жасоо мага апамдан калган болсо керек. Апамдын тандырга жапкан наны да өзгөчө эле. Кийин апам каза болгондон кийин бүт түйшүк мага түшүп, тандырга боюм жетпей нан жаба албай далай кыйналгам.

"АПАМДЫН МЭЭРИМИ"
– Мен – апамдын биринчи никесинен жаралган кызмын. Кийинки күйөөсүнөн төрт баласы бар. Апамдын мени эркелеткени эсимде жок. Кургурум, тиги күйөөсүнөн корунуп, өзүн менден оолак кармап көнгөн окшобойбу. Өзүн менден оолак кармаса да, мени балдарынан өзгөчө жакшы көрөрүн түшүнчүмүн. Бооруна кыса кучактап өппөсө да, жумуш кылып жатканда ар дайым мээримдүү көздөрү менен эркелете тиктеп өтөр эле. Баса, чачыма аябай камкор мамиле кылчу. Алгач айран менен жууп, анан “гүлкайыр терип келчи” дечү. Терилген гүлкайырды сууга салып коюп, ошонун суусу менен башымды жакшылап чайкап берчү. Көрсө, гүлкайыр азыркылардын бальзамы экен. Анан чачымды өрүп, учуна пахта байлап койчу. Апамдын айтылбаган мээримин анын жумшак колдорунан сезчүмүн.

"ОШОЛ КАРАҢГЫ ТҮН ӨМҮР БОЮ ЭСИМДЕ КАЛДЫ"
– Апам 27 жашында төрөттөн каза болду. Мен анда тогуз жаштагы секелек болчумун. Эсимде, кечки убак апамдын толгоосу капысынан кармап калды. Өгөй атам ичкиликке жакын адам эле. Ал адаттагыдай үйдө жок. Чырылдаган жаш балдар, чыйылдап жүргөн мен. Үйдүн жанында устун бар болчу. Апам таптакыр кыйналып кетти. Эптеп ошол устундун жанына барып, аны бекем кучактап алып толготуп жатат. Үйдүн ичинин баары кан. Эмне кыларымды билбей, чарбагыбыздын ылдый жагында жайгашкан бир үйгө жүгүрүп бардым. Анда бир кемпир жашачу. “Чоң эне, апам кыйналып төрөй албай жатат” десем, ал “мен көк кийим менен төрөп жаткан аялдын үстүнө кирбейм” деп кол шилтеп койду. Көрсө, ал аялдын жакындарынын бири каза болуп, азалуу экен. Ошол кемпирдин кайдигерлигине, ырымды шылтоолоп апама жардамга келбей койгонуна азыр да түтөп кетем. Келип апама каралашып койсо, балким, тирүү калмак. Кайра чуркап келсем, апам төрөп коюптур. Баланы алыш керек экенин деле билбедим. Апамды кармай салсам көзү аңтарылып, шайы ооп баратыптыр.
Ошол учурда өгөй атам кирип келди. Кыйратып койгонсуп бутуна тура албай мас экен. “Сиз кайда жүрөсүз? Апам өлүп калса эмне болот?!” деп ыйладым. Ал бирөөнүн мотоциклин айдатып келди. Люлкасы бар мотоциклдер болчу эле го. Баласы менен кошо апамды ошого салып кетишти. Бирок сактап кала алышкан жок.
Өлөрүндө байкуш апам башка балдарын да, жаңы төрөлгөн наристени да эмнегедир эстебептир. Өгөй атама карап, “Саламат... Саламатты жакшы карап коюңуз...” деп жатып үзүлүп кеткен экен. Кийин билсем, баланын тону түшпөй жатып каза болуп калыптыр. Ошентип, апамдан да айрылып, томолой жетим калдым.

"АПАМДЫН ООКАТТАРЫН ӨРТТӨП..."
– Апам укмуштай уз киши болчу. Түрдөп сайма сайып, кийим бычып эле отурар эле. Каза болгондон кийин бир топ иши бүтпөгөн бойдон калды. Саймалары, туш кийиздери... Бүтпөй калган бул буюм-тайымдарын карап, баарыбыз медер тутуп жүрчүбүз.
Убакыт өтүп, өгөй атам аял алды. Апамдын ордуна келген аял мээримсиз, кырс аял болуп чыкты. Ал келери менен апамдын бүтпөй калган буюмдарын чогултуп туруп өрттөп жиберсе болобу. Азыркыга чейин ошол жорукка түшүнө албайм. Апамдын буюмдарын өрттөө менен ал эмнени далилдегиси келди экен? Балким, баарыбыздын жүрөгүбүздөгү апамдын элесин ошол буюмдар менен кошо өрттөп салгысы келди бекен? Баягы апамдын буюмдарын медер тутуп жүргөн жаным аябай ыйладым. Колунан жулуп алып “апамдыкы!” дей турган ал менде жок эле. Көз алдымда күйүп жаткан буюмдары...Акылсыз аял менин жүрөгүмдөгү апамдын жаркын элесин өрттөй албай турганын билбеди көрүнөт.
Өгөй атам апамдын "Саламатты жакшы кара" деген керээзин аткарган жок. Жетимдиктин азабын көп тарттым. Кийин атым чыгып калганда өгөй атам ооруканада экенин угуп, апамдын арбагы үчүн барып коюуну туура көрдүм. Ал мени көрүп солкулдап ыйлады. “Саламат, сен өзүңдү-өзүң адам кылдың. Мен сени мындай адам болот деп ойлогон эмесмин, кечирип кой?!” деп өтүндү. Колумдагы ага арнаган нерселерди берип, терс бурула бердим.

"АПАНЫН КУДУРЕТИН АПА БОЛГОНДОН КИЙИН ТҮШҮНДҮМ"
– Өзүм да апа болдум. Апа болуунун азабын да, кол жеткис бакытын да туйдум. Менин төрөтүм да апамдыкындай оор болуп, баланын тону түшпөй, аз жерден бул дүйнө менен коштошуп кете жаздагам. Бул жашоодо баары кайталанат көрүнбөйбү. Менин кызымдын төрөттөн кийин мага айткан сөзү көкүрөгүмдө сакталып калды. “Мама, сен байкуш бизди кантип төрөдүң экен?” деген сөздүн аркасында эмне деген ыраазычылык, энеге, энеликке табынуу жатканын түшүндүм. Чын эле, башка түйшүгүн айтпай эле коёюн. Миң тамыры зыркырап, баланы төрөө эле эмне деген эрдик?!

ЭНЕ ЖӨНҮНДӨ ИКАЯ
Жарык дүйнөгө келе турган наристе Кудайдан сурайт:
– Мен жашоого эмнеге келатканымды түшүнбөйм. Мен бул жарыкта эмне кылышым керек?- десе, Кудай ага минтип жооп берет:
– Мен сага төрөлөрүң менен бир периште кошуп берем. Ал ар дайым жаныңда болот. Ал периште сенин бул жашоодогу ордуң, максатың кайсы экенин түшүндүрүп берет.
– Мен аны кантип түшүнөм? Анын тилин билбейм да...
– Ал сени өзүнүн тилине үйрөтүп алат.
– Аны мен тааныбай калсамчы?..
– Жок, сен аны тааныйсың. Биринчи көзүңдү ачканда эле анын ким экенин билесиң.
– Менин периштемдин аты ким?
– Анын ар кайсы тилде, ар кандай аты бар. Бирок аны сен “апа” деп гана атайсың.

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  11 
Комментарийлер(5)
11.09.2010. 14:51 
Тайпасы:
Жаран
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
0
Апалар ылайым өмүрүңөр узууууууун болсун!!! Якутиядан Тити.
15.09.2010. 12:06 
Тайпасы:
Жаран
Комментарийлердин саны:
194
Катталган:
12-02-2009
Соӊку аракети:
15-09-2018 22:12
Жынысы:
Белгисиз
0
Саламат эже, Сиздин эрктуулугунуз менен жана чыгармачылгыныз менен сыймыктанабыз!!!! Бар болунуз! Сиздин Апаныз корбой калган жакшылыктардын баарын эм Сиз коруп, бактылуу ЭНЕ болунуз!
18.09.2010. 14:39 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
+1
Саламат эже, куруп берген маегинизди окуп отуруп козумо жаш келди. Сиздин чыгармачылыгыныздан коп кабарым болбосо да, айткан создорунуздон, басып откон жашоо жолунуздан аябай зээндуу, кайраттуу адам экениниз билинип турат.
18.09.2010. 14:43 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
0
Сиздей "Акыл Карачач" аялдар коп болсо экен. Создорунуз адамдын жан дуйносуно синип барчудай. Окуп отуруп, мен дагы оз апамды ойлоп кеттим, кантип конулун алып, ыраазычылыгымды билдирсем экен деп.
18.09.2010. 14:46 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
0
Эненин кадырын билиш учун озундун эне болушунду кутуунун кажети жок, ар дайым кадырлай билишибиз керек. Конулун оорутпай, унду бийик чыгарбай, айткан акылын угуп журсок эле, ошонун озу ыраазычылык го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: