Архив
897   898   899   900   901   902   903   904   905   906   907   908   909   910   911  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Назира Токонова, ырчы: “БАСПАЙ ТӨШӨКТӨ ЖАТКАНДА УУЛУМДУН ЧОҢОЙГОНУН КӨРБӨЙ КАЛАМБЫ ДЕП ОЙЛОГОМ”

№909 7-13-май, 2020-ж.


Ырчы Назира Токонова турмушка чыккандан бери сахнадан алыстап кеткен. Үй-бүлө күтүп, уулдуу болгондон кийин ооруп да калган эле. Ырчыга байланышып, ден соолугун сурап, үй-бүлөсү тууралуу баарлаштык.

– Назира, салам! Ден соолугуң жакшыбы? Өткөндө бизге берген маегиңде операция болгонуңду айттың эле...

– Салам! Кудайга шүгүр, ден соолугум жакшы. Белиме суук тийип өөрчүшүп кетиптир, ошол боюнча операция болгом. Бул дарт уулумду төрөгөндөн кийин тынчымды ала баштаган. Дароо дарыгерге барбай, өзүм билемдик кылып сыныкчыга кайрылгандан кийин такыр эле баса албай төшөктө жатып калдым. Ооруп төшөктө жатканда “мындан ары баспай калам го. Ушинтип эле өтүп кетемби? Баламдын чоңойгонун көрбөй каламбы?” деген жаман ойлор келген. “Айыгып кетсем эч нерсенин кереги жок, ырдабайм дагы” дегем. Анткени баарына кайыл болуп калат экенсиң.

Суук тийгенден кийин дароо дарылабай койгонго бир омурткам желип калыптыр. Операция болгонумда ошол омуртканын ордуна имплант коюшту.

Ошол учурда кайын журтум, үй-бүлөм колдоп турушту. Айрыкча кайын тарабым чоң колдоо көрсөттү, аябай ыраазымын. Инстаграмдан дагы жакшы адамдар жазып жатышты. Бир кыз дал мендей ооруптур. “Ооруп жатат” деп сиздер чыгаргандан кийин ал кыз жазыптыр “кабатыр болбоңуз, баары жакшы болот. Мен дагы сиздей болуп ооругам” деп. Номерин алып дароо чалдым. Ал байкуштун тынчын алып күнү-түнү деле чала бердим. Ал күйөрманым да көп жардам берди. Буюрса, ал күндөр артта калды. Ооруну сезбей жашап келатканыма 5-6 ай эле болуп калды. Ден соолуктун кадырын билип калдым.

– Мындан ары ооруба, ден соолугуң бекем болсун! Уулуң чоңоюп калдыбы?

– Мен 30 жашымда эне болдум. Жаштын тилегин берет деген чын окшойт. “29 жашымда күйөөгө тийсем, 30 жашымда төрөсөм” деп тилей берчүмүн. Оозума сала бергендей эле болду. Азыркыга чейин уулумду карап “ушул менин баламбы?” деп ишене албай кетем. Уулумдун атын кайненем менен кайнатам Ариет деп коюшкан. 1 айдан кийин 2 жашка чыгат.

Балам төрөлгөндөн кийин эле ооруп калганга аны көтөрүп, эркелете албай калдым. 5-6 айлык баланы көтөргөн сонун го. Мына ушул сезимге тойбой калганыма ичимде бир аз боштук бар. Ошол кезде баланы да, мени да кайненем бакты. Күчтүү укол алганга баламды эмчектен чыгарууга да мажбур болгом.

Баламды атасы көп карап калганга атасына жакын, ишенсеңер, мага такыр келбейт. Атасы жокто эле алдап коёт. Атасы барда эч кимге барбайт.

– Азыр карантинде эмне менен алексиң?

– Учурда Көлдө кайын журтумдукунда жүрөм. Төшөк көктөп жатам. Кайненем көп нерсени үйрөтүп жатат. Азыр сиз менен баарлашып жатып да төшөк көктөп отурам (күлүп).

– Келин болуп келгениң тууралуу айтып берсең. Кайын журтуң ырчы кызды кандай кабыл алышты?

– Башында жолдошум ата-энесине үйлөнөрүн айтса “ырчы кыз аласыңбы?” деп таң калышыптыр. Мен жөнүндө изилдеп, интернеттен маалыматтарды окуп чыгышыптыр. Кайын журтум сонун адамдар, бриллиант десем болот. Меникиндей кайнене эч кимде жок болушу керек деп ойлойм. Кээ бирөө “бул кошомат кылып жатат” деп ойлоп калышы мүмкүн. Кайненемди башынан көргөндө эле жактыргам. Мүнөзү да меникине окшошуп кетет. Көбү бизди окшоштурушат. “Уулум сени мага окшоштуруп тандаса керек” дейт. Жолдошум “апама окшошсуң деген эмес, апам да жакшы ырдайт” деген.

“Бул жерин минтип эле койбойсунбу. Ушуну да билбейсиңби?” деп урушкан кайненелер болот го. Билбей жатсам апам “балам, андай эмес, мындай кылсаң туура болот” деп үйрөтөт. Ички дүйнөсү таза, пейили кенен. “Келин алганда мен да сиздей кайнене болом” дейм.

Кайнатам да жакшы адам. Жаңы келин болуп келгенде “келиндин колунан тамак жейли” деп калышты. Очокко тамак жасап көргөн эмесмин. Эшикке чыгып казанга тамак жасап баштадым. Балыкчыда шамал го. Эшикке чыксам шамал. Жолдошумдун досуна от жактырып алып, “тамак күйүп кеткен жокпу?” деп чыйпылыктап жүрөм. Ошол маалда терезеден кайнатам көрүп боору ооруган экен. Жеңеме айтып “барып келиниме жардамдашып койчу. Кечээ эле телевизордо ырдап жүрүп, бүгүн казандын жанында жүргөнүнө боорум ооруп жатат” дептир (күлүп). Ушундай сонун адам. Кудайга ыраазымын ушундай үй-бүлөгө туш келгениме.

– Жолдошуң тууралуу да айта кетсең...

– Негизи калп айтпаган, жөнөкөй жигиттерди баалачумун. 8-9 ай кыз-жигит болуп сүйлөштүк. Үйлөнүү сунушуп киргизгенде карап көрсөм 29 жашка келип калыптырмын, анан “кой, убакыт келиптир” деп макулдугумду бергем. Жолдошум экөөбүз сүйлөшүп жүргөндө сүрөтүбүздү Инстаграмга жүктөп койсом “ата-энеңе наалат. Кыргыздан жигит таппай калдыңбы? Башка улутту эмне кыласың?” деп жазышкан. Азыр да “күйөөсү кыргыз эмес, тажик, түрк го” деп жазып калышат. Сиздер аркылуу айта кетейинчи, жолдошум канында эч кандай аралашмасы жок кыргыз.

Бактыма жараша, жолдошум дагы жүрөгү таза адам. Башында эле “чыгармачыл чөйрөдөгү адамга турмушка чыга албайт болушум керек” дечүмүн. Анткени чыгармачыл эркектер сезимтал, назик деген ойдо элем.

Каалаганымдай жолдошум бул чөйрөдөн алыс, аскер кызматында эмгектенет. Ал чыгармачылыгыма такыр кызыкпайт. Ушул убакка чейин “ырдап берчи” деп сураган эмес (күлүп). Мен ырдап жатсам да уккусу келбейт. “Жаным, тиги үйгө чыгып алып ырдачы” дейт (күлүп). Бир эле жолу “жакшы ырдайсың” деген, ошол боюнча чыгармачылыгыма карата комплимент уккан жокмун. Ырга жакын эмес. Кайненем экөөбүз ырдап жатсак “акырын ырдагылачы” деп эшикти жаап кетет. Ал “ырчылыгыңа каршы болбойм, болгону мени аралаштырба” деген. Маек берүүгө макул болбойт. “Чыгармачылыгымды сыйлап бир эле жолу маек берүүгө барып койчу” деп сурансам да такыр болбой койгон.

– Сахнаны сагынып, ичиңе бук толгондо кантип алаксыйсың?

– Сахнаны чындап сагындым. Ичте жаткан талант оңой менен коё бербейт экен. Кайненем жакшы ырдайт, сагынганда экөөбүз кошулуп ырдап калабыз. Мен ырдагым келип буулугуп калганымды байкап калса “залга кирип ырдап ал” дейт. Ырдагым келип, өзүнчө депрессияга түшөм. “Ушинтип эле ырдабай каламбы?” деген ойлор келет. Сахнаны таштабайм. Буюрса, жаңы ырларды жаздырып чыгып калам.

– Маегиңе рахмат! Ишиң ийгиликтүү болсун! Ден соолукта бол!

Динара Абдыкадырова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(4)
01.05.2020. 13:33 
Тайпасы:
Жаран
Комментарийлердин саны:
0
Катталган:
19-10-2010
Соӊку аракети:
29-05-2020 08:54
Жынысы:
Белгисиз
+5
Бир нерсесин тушунбой калдым ооруп жатканда экинчи ырдабайм деп анан сахнага чыгам дегени ммм
01.05.2020. 13:42 
Тайпасы:
Жаран
Комментарийлердин саны:
11
Катталган:
13-02-2018
Соӊку аракети:
11-05-2020 15:19
Жынысы:
Белгисиз
+2
Мен да ошентип ойлопмун.
02.05.2020. 10:36 
Тайпасы:
Жаран
Комментарийлердин саны:
302
Катталган:
03-02-2018
Соӊку аракети:
28-05-2020 04:37
Жынысы:
Белгисиз
+2
Жакшынакай айым экен.
04.05.2020. 10:49 
Тайпасы:
Жаран
Комментарийлердин саны:
20
Катталган:
26-01-2016
Соӊку аракети:
29-05-2020 09:09
Жынысы:
Белгисиз
Калаасы:
♡♡♡ОШ♡♡♡
+2
Чыгармачылыгын баалайм.Женил желпи эмес.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23946;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: