БИР БҮРКҮМ. ПРЕМЬЕР ЭМГЕК ӨРГҮҮСҮНӨ ЧЫКТЫ...

Бишкекте сейил бактар 2 айлык карантинден кийин кайра ачылды.
Өкмөт башчы Мухаммедкалый Абылгазиев кыска мөөнөттүү эмгек өргүүсүнө чыкты.
Патрулдук милиция: “Бишкекте 1 аптада 4410 жол эрежесин бузуу фактысы катталды”.
Бишкек-Ош жолундагы Көк-Бел ашуусунан 25-майда жеңил унаа ылдый кулап, 4 адам каза тапты.
8-майда Кыргыз-Тажик чек арасында ок тийген жоокерлердин бирине Москвадан операция жасатуу пландалууда.
Өлкөдө жалпы республикалык тестирлөө 21-июндан 25-июнга чейин өтөрүн Билим берүү жана илим министрлиги билдирди.
Чаткал районунун акими Канжарбек Эшалиев кызматтан кетти.
Парламенттин тийиштүү комитети өлкө бюджетин колдоого Азия өнүктүрүү банкынан 25 миллион доллар кредит, 25 миллион доллар грант алуу макулдашуусун жактырды.
26-майда чартердик каттам менен Москвадан Бишкекке 393 Кыргыз жараны учуп келди.
Башкы прокуратурада ишкерлердин жана инвесторлордун укугун коргоо боюнча атайын бөлүм түзүлдү.
Улуттук банк: “Үстүбүздөгү жылдын 3 айында мигранттардын акча которуусу 19 пайызга азайды”.
Ошто уюшкан кылмыштуу топтун “Казак” аттуу өкүлү “зордуктоо” беренеси менен 10 жылга эркинен ажыратылды.
26-май күнү Жалал-Абад шаардык кеңешинин депутаты Нурбек Акановдун агасын белгисиз бирөөлөр атып кетишти.
Ысык-Көлдө үй карантини шартын бузган 3 адам обсервацияга алынды.
Сокулук районундагы Восточное көлүнө 20 жаштагы жигит чөгүп кетип, каза болду.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 912, 28-май 3-июнь 2020-жыл