БИР БҮРКҮМ. КОРОНАВИРУС ТАЛАСКА ДА ЖЕТТИ...

Бишкектин мектептеринде быйыл 6593 окуучу 11-классты аяктады.
Жогорку Кеңештеги “Кыргызстан” фракциясынын лидери Алмазбек Баатырбеков мандатын тапшырып, парламенттен кетти.
Карантин маалында Бишкекте гумжардамдарды туура эмес даректерге тараткандардын үстүнөн кылмыш иши ачылды.
Экс-депутат Карганбек Самаковдун эжеси, Нарындагы Чкалов мектебинин директору Айчүрөк Самакова коронавирустан каза болду.
Канатбек Исаев парламентте “Кыргызстан” фракциясынын лидери болуп шайланды.
Өлкөдөгү футбол клубдары 8-июндан тарта машыгууларын жандантты.
Президент Сооронбай Жээнбеков 9-июнда Ирандын президенти Хасан Рухани менен өлкөлөрдүн кызматташуусу боюнча телефон аркылуу сүйлөштү.
3 ай мыкты сактанган Талас аймагында коронавирус жуктурган биринчи адам катталды.
8-июндан тарта Кыргыз-Казак чек арасындагы “Чалдыбар” көзөмөл-өткөрүү пункту кайрадан иштей баштады.
Парламент комитети өлкөгө желим баштыктарды алып келүүгө, өндүрүүгө жана сатууга тыюу салууну караган мыйзам долбоорун жактырды.
Талас шаардык мэриясынын кызматкери ишкерден пара алып жаткан жеринен кармалды.
9-июнда Түркиядан Кыргызстанга 328 мекендешибиз учуп келди.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 914, 11-17-июнь 2020-ж