Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БОЙДОК ЫРЧЫ МЫРЗАЛАР КИМДЕР?

№236 11-17-май, 2007-ж.


Өткөн саныбызда бойдок ырчы кыздарыбыз жөнүндө жазып, бир аз чычалаттык эле, аны окуган бойдок ырчы жигиттерибиз мыйыгынан күлүп, жылмайып калышкан болчу. «Күлгөнгө күлө жетет, аркасынан кубалай жетет» болуп, эми бул санда ырчы мырзаларыбызга кезек келди. Анда эмесе, кыздарга бойдок ырчы мырзаларыбызды сунуштаган азил-чыны аралаш макала назарыңыздарда.

Султан Садыралиев
«Сүйө албас сени мендей эч ким» деп ырдаган Султан, кыязы, башкача сүйөт окшобойбу?! Башкача сүйгөндө кандай, жарымы казакча, жарымы кыргызчабы? Эмнеси болсо да, бул жигитти өмүрлүк жар кылам дегендерге кеңеш: бул жигитти мактаарда этият болууңузду эскертебиз. Кантсе да Султанда казактын каны бар эмеспи, бир аз эле мактап койсоңуз, сизди тааныбай калышы мүмкүн. Анткен менен 21 жаштагы бул жигитибиздин машинасы бар. Учурда кыздар жигиттерди машинасына карап сүйүп калышпадыбы.

Мирбек Иманбеков
Бир гана Таластын эмес, жалпы кыргыздын кыздарын тамшандырган Мирбек Иманбековго «өмүрлүк жар болом» деген кыздар көп. Ушунча кыздын жүрөгүн өзүнө багындырууда Мирбекке анчалык деле кыйынчылык туулган эмес. Анткени, Мирбектин кыздарды бир секундда имерип ала турган куралы бар. Ал – бетиндеги эки уячасы. Айта кетсек, 22 жаштагы Мирбектин үйү болбосо да, сизди каалаган жериңизге жеткирип тура турган машинасы бар. Бирок, бир жаман жери: Мирбекке турмушка чыккан кыз ага өзүнүн атын улам эскертип туруусу керек. Себеби, 10 балалуу болгондон кийин деле «жада калса, жаным, сурабаптырмын атың ким деп» деп элдин көзүнчө уят кылышы мүмкүн.

Чыңгыз Мырзаев
«Кайрылуу» деген ырынын клибинде сүйгөн кызын атасы башкага берип койгондо таарынып, «Айдын перисин» издеп асманга учуп кеткен эле. Ал жактан эч кандай майнап чыкпаган соң өзүнүн концертинде аркан менен асмандан жалгыз түшкөнүнө күбө болгонбуз. Кандай болгон күндө да, Чыңгызга баш байлаган кыздар жалгыз эрке келин болуп өтөт го, чиркин. Ал эми келечектеги келинибиз тың чыкса, Чыңгызды өзү семиртип алаар. Кыздар, 24 жаштагы бул ырчы мырзабыздын жашай турган үйү да белен, машинасы да бар. Андыктан, шашылгыла.

Замир Мырза
Замир Мырзаны сүйүп калсаң, анда «өлдүм» дей бер. Анткени, ал алгач сизди жамгыр жаап жатканда бийлетип, болушунча сынайт. Сынаганда да кандай сынайт билесизби? Билбесеңиз билип алыңыз: мугалим окуучудан экзамен алып жаткандай сынайт. Мына ушул жамгыр алдындагы бий экзаменинен өткөн­дөн кийин колду булгалаган боюнча Ош жакка сапар тартасыз. Анан да Замирди сүйгөн кыздар арык, денеси аппак болушу зарыл. Себеби, Замирдин денесине салыштырганда сиздики кара болуп турса өзүңүз да уялсаңыз керек.

Урмат Усенов
«Кыргыздын мачосу» аталган Урматтын басканы да жай, сүйлөгөнү андан жай. Урмат «шашкан шайтандын иши» деген принцип менен жашайт көрүнөт. Бирок, Урматты күйөө кылам десеңиз, жолуңуздун болгону. Анткени, өзүнүн жеке бизнеси бар, канча калың кааласаңыз төлөп бергенге күчү жетет. «Тынбай жазам sms» деп жашынып алып арзуусун жалаң гана sms аркылуу билдирген Урмат башы бош эмес экенин өткөндө өзү кыйытып өттү эле. Бирок, муну көңүлүңүзгө албаңыз, урматтуу бийкеч. Азырынча үйлөнбөстүгүн да белгилеп кетти. Балким, Урматтын чыныгы махабаты сиз болуп калаарсыз.

Кубаныч Сатаев
Атасынын жолун жолдоп, жалаң түштүк кыздарга ашык болгон Кубанычка кайсы кыз буюруп турду экен? Эгер сиз Кубанычка ашык болуп калсаңыз, «кантип акча табабыз?» деп ойлонбой эле койсоңуз болот. Анткени, бул ырчы жигитке атасы бир өмүргө жете турган ырларын калтырып кеткен. Ал ырлар улам эскирген сайын жаңы аранжировка жасатып алып, ырдап акча таба берсеңер болот.

Мирбек Атабеков
Таластын бул ырчы жигити алгач «Сени гана» деп сиздин жүрөгүңүздү багындырып алат. Андан кийин жакпай калсаңыз, сиз менен «Не моя» деп коштошуп коюшу мүмкүн. 21 жаштагы бул ырчы мырзабыздын ата-энесинин чоң үйү бар. Бирок, машинасы жок. Тапкан акчасынын баарын продюсери экөө таксиге кетирип жүргөн убактары.

Сапар Сопубеков
10 жылдан ашуун убакыт Айчүрөк эжесинин колунда тарбияланып жүрө берип, мүнөзү да жумшак, назик болуп калды Сапардын. Бул мырзабыздын жашы 30дан ашып калса да, үйлөнүүгө умтулбагынында күмөн бардай. Же «азырынча жанымда Назми бар» деп кыздар жөнүндө ойлонбой жүргөндөгүсүбү? Кой, Сапар, эрте күндү кеч кылбай аракет кыла бер. Назмини бирөө илип кетсе, жалгыз калып жүрбө. Баса, кыздар, Сапарды Назмиден кызганбай эле койгула, биздин билишибиз боюнча, экөөнүн ортосунда чыгармачылыктан башка байланыш жок.

Азиз Жетигенов
Алина Жетигенова баласы Азизди көлөкөгө бакканбы же кичинекейинде өзү сабизди көп жегенби, айтор, боюнун узарганы токтобой койду. Эчтеке эмес, «бою пастын ою пас» демекчи, бул жигитке жеткен да арманда, жетпеген да арманда. Анткени, Азиз жарымын орусча, жарымын кыргызча ырдаса да, өзүнүн жубайын бакканга кудурети жетет. Эмне, Алина эжеге келин болсоң жаманбы? Кайненең Алина ырдаса, кайынсиңдиң Азель бийлесе, таежең Назира күлдүрсө, күйөөң ырдаса, демек, сен ал үйбүлөгө алпаруучу болушуң керек. Чыгармачыл үйбүлө деп ушуну айт!

Темир Назаров
Вай-вай, Оштон чыккан ырчы жигит Темирди сүйгөндөр көп болсо керек, аа? Ата-энесинин карыганда тапкан эрке баласы Темирге «Гүлнара Калдарованын сиңдиси Мунараны кудалап койгон» деп да жүрүштү. Андан кийин «калп» деп да чыгышты. Кайсынысы чын, кайсынысы калп, ким билсин? Эмнеси болсо да, эми Темирге кыргыз кыздар жетишпей жаткансып, орус кыздар да жармаша баштаган имиш. Шамал болбосо чөптүн башы кыймылдабайт да. Темир, сахнага гана эмес, өзүңө да кайтып келчи, суранабыз.

Акбар Сүйүнбаев
Башында чыкканда «Махабатым» деп ырдап чыкты. Анан эле анын махабатын ким талашты билбейбиз, «Ал менин махабатым» деп ырдап калды. Акбар, коркпо, Султанга ыр жазып бергени гана болбосо, ал сенин эле махабатың. Билебиз, сенин Таласка күйөө бала болооруңду. Бирок, кыздар, аракет кылсаңар, балким, келечекте Акбар силердин махабатыңар болуп калышы мүмкүн.

Ильяз Абдразаков
Эки жашабай эле «Арманым» деп сыздаган Ильяз арман эмне экенин өзү деле билбесе керек. Малыш болсо да артынан сыздаган кыздарды «Эркем, ай» деп эркелетип койгонун кантесиң? Бирок, азаматсың, Ильяз, өзүң теңдүүлөр нанды «нана» деп жүргөндө өз күчүң менен нан таап жегенге жараган. Караторусунан келген Оштун бул жигити 19 жашта, машинасы бар. Мындай жүрүш менен кетсе, малыш кезинде эле дагы далай ийгиликтерди багындырат го. Бул жигитке турмушка чыккан кыз эч өкүнбөйт, анткени, азыртадан эле Ильяз келечегинин фундаментин куруп алды көрүнөт.

Даярдаган Замира Рахманбердиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: