Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Данияр Көбөнов: «АМЕРИКАДА ЖҮРҮП ЖАЛКООЛУКТАН АРЫЛДЫМ»

№411 17-23-сентябрь, 2010-ж.


Өткөн аптада Данияр Көбөнов Москвада өткөн Дүйнө чемпиондугунда коло медаль тагынып, көпчүлүктүн көңүлүн өзүнө бура алды. Кезинде “Бээжин-2008дин” алдында Азиянын чемпионунан үмүт чоң эле. Бирок ал медаль биякта турсун, Олимпиадага катышууга жолдомо ала алган эмес. Андан кийин Америкага кетип калган.
Айтылуу балбан бүгүн бизге Бээжинге барбай калгандыгынын сырын ачып, Америкага болгон сапары жана келечектеги максаттары тууралуу ой бөлүштү.

Көбөнов Данияр Өмүрбекович
Туулган жылы – 1982-жыл, 8-сентябрь
Туулган жери – Жети-Өгүз району, Саруу айылы
Бою – 175 сантиметр
Салмагы – 74 килограмм
Грек-рим күрөшү боюнча 2 жолку Азия чемпиону (“Кытай-2005”, “Кыргызстан-2007”), Кореяда өткөн Азия оюндарынын күмүш жана Катарда өткөн Азия оюндарынын коло медалчысы, Дүйнө чемпиондугунун (“Орусия-2010”) коло медалынын ээси.
Үй-бүлөдө 5 бир тууган. Бактияр деген агасы, Бектияр, Элдияр деген инилери жана Гүлжан аттуу карындашы бар.
ЖОЖду юриспруденция адистиги боюнча бүтүргөн.
Бойдок. Учурда Бишкекте жашайт.

“СУГАТЧЫ ЖЕ КОЙЧУ БОЛМОКМУН”
– Данияр, сизди алгач Дүйнө чемпиондугунда коло байгеге ээ болушуңуз менен куттуктап кетели. Күрөш менен канча жашыңыздан баштап машыгасыз?
– Рахмат. Күрөш менен мектеп босогосун аттагандан тарта эле алектенип келем. Дене тарбия сабагындагы көнүгүүлөргө алымсынбай, өзүм кошумча машыкчумун. 3-класста окуп жүргөндө айылыбызда Аскар Сартов аттуу машыктыруучу күрөш секциясын ачкандан кийин кыялымды ишке ашырууну баштагам.
– Балалык кыялыңыз спортчу болуу беле?
– Ооба.
– Спортчу болушуңузга кимдир бирөө таасирин тийгизген да. Мүмкүн, силердин тукумда балбан спортчулар бардыр?
– Менин спортко жакын өсүшүмө атам Өмүрбектин таасири зор. Ал өзү ушул күнгө чейин спорттун бир нече түрүн сүйүп, алектенип келет. Уругубузда атагы чыккан балбан деле жок. Болгону, учурда иним Бектияр менин жолумду жолдоп, күрөш менен машыгып келет.
– Мектепте кандай окугансыз?
– Орто окучумун. Спортчулардын көбү окушпайт го. Ошондой эле да. “5” эмес, “2” эмес, “3”, “4” десе болот. А дене тарбиядан, албетте, “5”. Союз убагында айтышчу эле го, “жакшы окугула, окубасаңар, тракторчу болосуңар” деп. Башкысы, окуу эмес, а кызыккан нерсеге берилип, алдыга умтулуу экен. Мага спорт көп нерсе берди. Мен спорттон баарын таптым. Эгер спортчу болбосом, айылда калып, сугатчы же койчу болмокмун.
– Классыңызда атаман болсоңуз керек?
– Классымда 2-атаман болчумун. Анткени 1-атаман улуу бала болчу. Анын үстүнө кичинекей да элем. Күрөшө баштагандан кийин эч кимден коркпой калгам. 8-класстан кийин Бишкектеги спорт интернатына келгем.
– Спорт интернаты, демек, окуу, машыгуулар жана дедовщина...
– Ооба, спорт интернатында окуу кыйын. Ал жак өзүнчө эле кичинекей армия. Анын бүтүрүүчүлөрү жашоого тың болушат. Анткени жаш кезинен таяна турган байкеси жок, өз алдынча болуп тарбияланышат. Кээде курсагың тоёт, кээде тойбойт. Окуу гана эмес, тынымсыз машыгуулар, кечинде дедовщина, эркелеткен эч ким жок... Ушул спорт интернатын окуп бүтүп алганыма сүйүнөм.

“ОЛИМПИАДАДАН КИЙИН ҮЙЛӨНӨМ”
– Жеке жашооңузга келсек. Сүйлөшкөн кызыңыз барбы?
– Азырынча сүйлөшкөн кызым жок.
– Ишенбейм. Кантип эле ошондой болсун?
– Жок, чын. Сүйлөшкөн кызым жок. Убактылуу эркин жүрүп турууну чечтим. Мүмкүн, көңүлүмө жаккан кыз чыгып калса, ал оюмдан кайтам.
– Үй-бүлө курууну качанкыга пландаштырып жатасыз?
– Спортто көп жылдан бери жүргөндүктөн, аягына чыгып, ийгиликтерге жетишким келет. Үйлөнүү боюнча айтсам, Лондон Олимпиадасынан кийин үйлөнөм. “Спорттун өмүрү кыска” деген сөз бар го. 30 жаштан кийин күрөшө албай калышым мүмкүн. Андыктан күчкө толуп турган кезде көздөгөн максаттарга жетишим керек.
– А кандай кыздар жагат?
– Мага токтоо, аз сүйлөгөн кыздар жагат окшойт. Анткени өзүм көп сүйлөйм. Негизи, ошентип коюшат го. Плюс менен минус тартылат деп. Бир сөз менен айтканда, жылдыздуу кыздар жагат.

АКТУАЛДУУ
– Спортчулар башкаларга караганда патриот келишет. Өз үнү, позициясы болот дегендей. Учурда эл баштап жүргөн лидерлердин кайсы бирин колдойсуз?
– Мекенинин келечегине кайдигер карабаган бардык жаштар сыяктуу мен да өз оюмду айтайын. Билишимче, Өмүрбек Текебаев өз командасы менен эгемендик жылдарында туруктуу бир позицияда болуп келди. Мен бул лидерди биринчи кезекте туруктуулугу үчүн колдойм. Текебаевдин тегерегине учурда өз тармагында көп ийгиликтерге жетишкен адамдар чогулган. Андыктан алар бийликке келип, Кыргызстандын өнүгүшүнө салымын кошо алат деп ишенем.
– Өзүңүздү келечекте галстук тагынган депутат катары элестете аласызбы?
– Негизи, спорт саясаттан тышкары болот. Бирок кези келсе, саясатка аралашып, спорттун өнүгүшүнө көмөктөшүүгө эмне үчүн болбосун? Албетте, анын баары келечектин иши. Убагы келгенде көрөбүз. Азыр мен үчүн спорт биринчи орунда.

АМЕРИКА
– Сиз тууралуу «нааразы болгондуктан, Америкага кетип калган» деген кептер бар...
– Ушундай сөз чыгып кетиптир. Эч кандай нааразычылык болгон эмес. Ооба, “Бээжин-2008ге” жолдомо ала албай калдым. Аны моюнга алам. Анан Америкадагы досторум: “Нью-Йоркто эл аралык ачык чемпиондук болот, келип күчүңдү сынап көрбөйсүңбү?”- деп калышты. Олимпиадага барбай калгандан кийин жок дегенде ошол жакта күрөшүп көрөйүн дедим. Ал мелдеште 3-орунду ээледим. Айтып коюш керек, спорт интернатында чогуу окуган Бакай Оморов деген досум бар. Ал мени тосуп алып, жардам көрсөтүп жатты. Ошентип, сунуштарды кабыл алып, машыгуу сборлорун өтүп, тажрыйба алмашайын деп калууну чечтим.
– Түшүнүктүү. “Бээжин-2008де” сизден үмүт чоң эле. Бирок сиз жолдомо да ала албадыңыз. Муну кантип түшүндүрөсүз?
– Мен муну эки нерсе менен түшүндүрөм. Биринчиден, чектен чыга машыгууга берилип кеттим. Машыгууну убагында токтото албадым. Бир аз ашыгыраак иштеп алдым. Ошону менен, мындайча айтканда, баягы спорттук калыбына келүү болбой калды. Экинчиден, күчүмдү калыбына келтирүүгө мүмкүнчүлүгүм болсо да, андан пайдалана албадым. Узакка созулган машыгуулардан кийин Италияда өткөн Олимпиадага жолдомо берчү 1-мелдешке барбай, эс алышым керек болчу. Анан кийинкилеринен жолдомо алмакмын. Бирок баары калыбына келет деп үмүт кылып Италияны коё бере албадым. Натыйжада, Италияда чарчап турган организмим биротоло чарчап калды окшойт. Эми андай каталарга жол бербейм. Не дейбиз, спорт деген ушул да. Дайыма бир калыпта жүрүү кыйын.
– Америкада канча жүрдүңүз? Айтылуу “америкалык кыялыңыз” ишке аштыбы?
– Мен айтпайм, Американы багынттым, “америкалык кыялым” ишке ашты деп. Анткени мен ал жакка акча тапканы барган эмесмин. Эл аралык сборлордо болуп, тажрыйба арттырып келдим. Жанарбек Кенжеев экөөбүз АКШнын курама командасы менен да машыгып жүрдүк. Огайо штатында баш-аягы 1,5 жыл жүрдүк.
– Америка сизди өзгөртө алдыбы?
– Ооба. Кандайдыр бир даражада ошентип айтсам болот. Мурда кичинекей бир көлчүктө жүргөн болсом, азыр жашоого болгон көз карашым өзгөрүп, кенен ойлонуп калдым. Америкада жүрүп жалкоолуктан арылдым. Америкалыктардын эмгекчилдиги таң калтырды. Асман тиреген имараттары бар Нью-Йорк шаары чоң таасир калтырды. Аны бекеринен Дүйнөнүн борбору дебесе керек.
– Америкалык кыздар биздин кыздардан эмнеси менен айырмаланышат?
– Эми америкалык кыздар, орусча айтканда, “без комплекcов” болушат. А кыргыздын кыздарына тартынчаактык мүнөздүү эмеспи. Анан дагы америкалык кыздар биздин кыздарга караганда сөөк-саактуу келишет экен.

“ЛОНДОНДО АЛТЫН МЕДАЛЬ ТАГЫНСАМ...”
– Келечекке кандай максат­тарыңыз бар?
– Мына 2 айдан кийин Гуанчжоуда жылдын башкы мелдеши боло турган Азия оюндары өтөт. Максатым – ага татыктуу катышып, быйылкы жылды ийгиликтүү аяктоо. Эмки жылдан баштап 2012-жылкы Лондон Олимпиадасына жолдомо берчү эл аралык мелдештер башталат. Аларга катышып, Олимпиадага жолдомо алуу үчүн колдон келген күч-аракеттерибизди жумшайбыз. Анан, албетте, башкы максатым – “Лондон-2012де” алтын медаль тагынып, чемпион болуу. Эгемен Кыргызстандын тарыхында Олимпиадада алтын медаль тагынган спортчулар чыга элек. Канат менен Руслан ошол чокуларды тосуп турган тосмолорду тешип беришти. Эми ошол тосмону кулатып, жаштарга жол ачып берүү үчүн кезек келди деп ойлойм. Кыргызстандан Олимпиада чокусун багынтуучу спортчу чыгарына ишенем!
– Маегиңизге рахмат. Көздөгөн максаттарыңыздын орундалышына тилектешпиз!

Базарбек Абдураимов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(13)
18.09.2010. 09:32 
Тайпасы:
Кыймылы жок
Комментарийлердин саны:
49
Катталган:
21-10-2007
Соӊку аракети:
15-07-2015 09:55
Жынысы:
Белгисиз
0
Ийгилик сизге! Ойлогон ой, максаттарыныз орундалсын. Саруу, бутун Кыргыз эли сиз менен сыймыктанат.
18.09.2010. 13:34 
Тайпасы:
Кыймылы жок
Комментарийлердин саны:
67
Катталган:
28-06-2010
Соӊку аракети:
27-04-2012 12:08
Жынысы:
Белгисиз
Калаасы:
РФ Тюмень Ялуторовск
0
Азаматсыз сизге чон-чон ийгилик!!!
18.09.2010. 18:27 
Тайпасы:
Жаран
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
0
Айда брат алдыга тизгинди коё бер да алга умтул алга, алга кыргызстан!
18.09.2010. 23:52 
Тайпасы:
Кыймылы жок
Комментарийлердин саны:
42
Катталган:
25-08-2010
Соӊку аракети:
25-08-2014 12:51
Жынысы:
Белгисиз
Калаасы:
kubafinnka
0
za tskogo zamush vishla bi
19.09.2010. 12:18 
Тайпасы:
Жаран
Комментарийлердин саны:
59
Катталган:
04-09-2010
Соӊку аракети:
12-03-2018 19:20
Жынысы:
Белгисиз
0
silerdei er azamattar bar ekenine kubanabyz brat alga alga alga .
19.09.2010. 18:10 
Тайпасы:
Кыймылы жок
Комментарийлердин саны:
30
Катталган:
18-09-2010
Соӊку аракети:
20-12-2014 13:58
Жынысы:
Белгисиз
0
Биз Кыргызстан эли келечекте сизден коп нерсени умуттонобуз, ийгилик.
20.09.2010. 16:44 
Тайпасы:
Кыймылы жок
Комментарийлердин саны:
340
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Красавчик, алга!
20.09.2010. 17:49 
Тайпасы:
Жаран
Комментарийлердин саны:
1
Катталган:
04-09-2010
Соӊку аракети:
16-09-2018 20:39
Жынысы:
Белгисиз
0
Удачи вам!!! нам не нужна ЗОЛОТОй медаль=) Лондон ждет вас с золотой!!!
22.09.2010. 11:57 
Тайпасы:
Жаран
Комментарийлердин саны:
3
Катталган:
17-09-2010
Соӊку аракети:
24-04-2017 08:18
Жынысы:
Белгисиз
0
Ишине ийгилик! Ден соолугун чын болсун. Дагы коп коп жетишкендиктерди кутобуз! Алга!
24.09.2010. 20:48 
Тайпасы:
Кыймылы жок
Комментарийлердин саны:
4
Катталган:
01-08-2009
Соӊку аракети:
19-03-2012 19:36
Жынысы:
Белгисиз
Калаасы:
Бишкек
0
Данияр салам!
Сару жана Кыргызстан болунгус нерсе!Андыктан атагын алыска чыгып, Кыргызга караан бол. Ылайым, "Чорный" дегендерден алыс бол. Мээнде бир гана "Курош" болсун! Саруу айылынын жашоочулары. Болот аван, Мурат аван, Дастан аван, Тынтчыкбек Аван (радио)Жокилик инин,
27.09.2010. 08:56 
Тайпасы:
Тартип бузгандар
Комментарийлердин саны:
2
Катталган:
26-09-2010
Соӊку аракети:
04-11-2010 09:26
Жынысы:
Белгисиз
Калаасы:
USA
0
Talantynar orkyndop Aziyadan iygilikterge jetkile. USA OHIO CINCCINNATInin jigitteri !!! Alga KYRGYZSTAN
02.10.2010. 16:07 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
0
Акыркы суротундо "красава" болуп калыптыр...
18.09.2011. 20:16 
Тайпасы:
Кыймылы жок
Комментарийлердин саны:
17
Катталган:
26-07-2011
Соӊку аракети:
11-02-2012 19:31
Жынысы:
Белгисиз
Калаасы:
Балыкчы
0
красавчик данияр кобонов кыргыз элин кандай багындырды
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: