Орусиянын Омск шаарында көр казуучулар арасында сынак өтөт. Бул тууралуу РИА Новости басылмасы жазды. “Некрополь” жарманкесин уюштуруу комитетинин билдиргенине караганда, сынак аза кызматтарын көрсөтүүчү агенттиктердин форуму алкагында өтөт. Сынактын сайтына шарттар киргизилип, көрдүн көлөмү, тереңдиги кандай болуш керек экендиги жазылган. Ошондой эле табытты түшүрүүдө кыйынчылык жаралбашы керек деген шарт да каралган. Сынак качан өткөрүлөрү такталып жатканы маалым болду. Ушундай эле көр казуу боюнча сынак Казакстанда да уюштурулуп, бирок катышуучулардын саны аз болгондуктан ишке ашпай калган.
Гүлжан Асанкожоева
koom@super.kg