БЕЛГИЛҮҮ САЯСАТЧЫ БОЛОТ ШЕР 61 ЖАШЫНДА КАЗА БОЛДУ

Белгилүү саясатчы, мамлекеттик жана коомдук ишмер, Жогорку Кеңештин бир нече жолку депутаты, “Ата Мекен” партиясынын көрүнүктүү өкүлү Болот Шер 21-июнда мезгилсиз дүйнө салды. 61 жаштагы саясатчы үчүнчү жолу инсульт алып, өзүнө келе албаганы айтылды.

Маркум 23-июнда кичи мекени Таластын Чоң-Капка айылында жерге берилди. Туулган жеринде жерге берүү саясатчынын өзүнүн керээзи экени айтылды.

Болот Шер – Жогорку Кеңештин 3 жолку чакырылышынын депутаты. 2010-жылкы Апрель революциясынын лидерлеринин бири жана ИИМдин мурдагы жетекчиси. Учурда популярдуу улуттук оюн болгон көк бөрүнү өнүктүрүү максатында 1998-жылы өлкөдө Көк бөрү федерациясын негиздеген.

“Супер-Инфо” гезитинин эмгек жамааты мезгилсиз дүйнөдөн кайткан Болот Шердин үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 916, 25-июнь-1-июль, 2020-ж.