Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖҮРӨГҮ КЫРГЫЗ ДЕП СОККОН МЕКЕНДЕШТЕР

№411 17-23-сентябрь, 2010-ж.


Мезгил үнү

Жумушсуздуктун айынан эмгек миграциясы күчөп, канчалаган мекендештерибиз чет жакта эмгектенип жүрүшкөнү – чындык. Бүгүн редакциябызга дүйнөнүн ар кайсы жеринде жашоо кечирип жүргөн жердештерибиздин өкүлдөрүн чакырдык. Алар бөтөн элде кандай жашап жатканы, өлкөдөгү акыркы жана башка окуялар тууралуу ой бөлүшүштү.

“КОРЕЙЛЕРГЕ ТУРМУШКА ЧЫГЫП,
ЖАРАНДЫК АЛГАН КЫЗДАРЫБЫЗ БАР”

ЭРКИН АБДЫЖАПАРОВ, Түштүк Кореянын Сеул шаарындагы «Максат» коомдук борборунун кызматкери. Үй-бүлөлүү, 2 уулдун атасы. Бишкекте жашаган үй-бүлөсүнө үч айда бир келип, сагынычын таркатып кетет.

– Кыргызстанда ишим жүрүшпөй жатканынан 2002-жылы агамдын чакыруусу боюнча Кореяга иштегени баргам. Агам “Максат” коомдук борборун ачкан эле. Ал борбор Кыргызстандан барган мигранттарга жумуш таап берип, аларды иш менен гана камсыз кылбастан, башка майда-барат маселелерин чечүүгө көмөгүн көрсөтөт. Учурда мен да ошол жерде иштейм. Барган жердештерибизди оруспу, дунганбы, улутуна карабай, “Кыргызстандын жаранымын” дегендерге Сеул шаарынан сырткары башка шаарларга да жумушка жөнөтөбүз. Ар бир шаарга атайын лидер, өзүбүзчө айтканда, губернатор шайлап койгонбуз. Лидерлерибиз кыргыздардын көйгөйүн угуп, бизге айтып келишет, биз биргелешип чечүүгө аракеттенебиз.
Майрамдарды дайыма чогуу белгилейбиз. Өзгөчө Ноорузду. Улуттук тамактарды жасап корей тааныштарыбызды чакырганда алар “тамагыңар күчтүү, бирок аябай даамдуу” дешет. Алардын ашказаны күрүч, чөп-чарга көнгөн да.
Учурда 3 миңден ашуун кыргызстандыктар Кореяда иштейт. Алардын миңден ашууну келишим менен баргандар. Арасында студенттер да кездешет. “Ким иштесе, ал тиштейт” дегендей, ал жакта акча тапканга чоң мүмкүнчүлүк бар. Бир адамдын иштеп тапканы Кыргызстанда орто жашаган 2-3 бүлөнү бага алат. Ай сайын жок дегенде үйүнө 1000 доллардан жөнөтүп турушат.
Негизинен, жигиттер заводдордо, кыздар фабрикаларда иштешет. Көбүнчө жумуш берген киши тамак-аш жана жатакана менен да камсыз кылат. Эмгек мигранттары үчүн аталган өлкөдө жакшы эле шарттар түзүлгөн, албетте, эгер мыйзам жолу менен барган болсо. Мыйзамсыз баргандардын маселеси көп. Бизге андайлар да кайрылышат. Дайыма чечип берүүгө аракеттенебиз. Кореяда жарандыкты алуу өтө кыйын. Ошондуктанбы, айтор, айрым кыздарыбыз жеңил жол деп корей жаранына турмушка чыгып алышат.


“КОРЕЙЛЕР БИЗДИ “БАШ КЕСЕРЛЕР” ДЕП...”

РУСЛАН САРТПАЕВ, 26 жашта. Бойдок. Түштүк Кореянын Ыйджонбу шаарында жашап, иштейт.

– 5 жыл мурун Бишкектен ЖОЖду бүтүргөн соң Кореяга келишим менен фармацевттик заводго иштөөгө жөнөдүм. Ал жакка барсам, “адашып калышкан экен” деп темир боёй турган ишканага киргизип коюшту. Атайын жол кире коротуп келгенден кийин аны актайын деп бардык кыйынчылыктарга моюн сунуп иштеп, жеңип чыктым. Жеңип чыктым дегеним, 3 ай ичинде корей тилин үйрөндүм. Ал жакта тилди жакшы билсең, жогорку маяналуу жана ден соолугуңа зыян эмес ишке оңой орношууга болот. Андыктан иштегени барам дегендерге алгач тил үйрөнгүлө дегим келет. Учурда заводдо менеджер болуп иштейм.
Немистер эмес, корейлер пунктуалдуу, аларда тартип күчтүү дегим келет. Ал жактын ар бир жараны мыйзам бузуудан коркот. Демек, тартип күчүндө. Мисалы, жумушка кечикпеш керек. 8де жумуш башталса, 5 мүнөт калганда келип иш ордуңду даярдап отуруп каласың. Тартипти бузсак, жаман-жакшы айтышпай эле маянадан кесип коюшат.
Өлкөбүздөгү акыркы болгон окуялар бизди да кабатыр кылды. Мекендештерибиз үчүн жүрөгүбүз оорубай койгон жок. Бизди ыза кылганы – маалыматтык согушта уттуруп койгонубуз. Корейлер “силер баш кесерлер турбайсыңарбы?!” деп да жатышты. Телефон аркылуу окуянын чын-бышыгын сурап, кандай болгонун баарына жеткире албай кыжалат болдук. Мекенибиздеги окуяга кайдигер караган жокпуз. 72 миң сомдук жардамды түштүк жергесине, ал эми апрель окуясында жабыр тарткандарга 62 миң сом жөнөттүк.
Канчалык акча таап, баары жайында болгон күндө да, көңүлүң туулган жериңде да. Аларды сагынуу деген күчтүү сезим бар. Мекенимде ата-энем, сүйгөн кызым калды. Кээде 100 долларга чейин акча коротуп, алар менен телефон аркылуу сүйлөшүп турам. Билем, мунун баары утурумдук. Бутка туруп алган соң кайтып келип, билимимди, билгенимди өз жериме, мекениме арнайм, эмгектенем деген ой көкүрөгүмдө.


“АБОРТ ЖАСАТКАНГА 6 МИҢ КЫРГЫЗ КАЙРЫЛЫП...”

ЖАМИЛЯ БЕКИЕВА, Москва шаарындагы “Ала-Тоо” аймактар аралык коомдук уюмдун президенти. 4 баланын энеси.

– 30 жыл мурун жолдошум экөөбүз Москва мамлекеттик университетинин аспирантурасына тапшыруу үчүн Москвага келгенбиз. Бирибиз окуп, экинчибиз иштеп, турмуштун кырдаалына баш ийип, ошол жакта жашап калдык. Мен биология илимдеринин кандидаты болдум. Учурда ММУда сабак берем. “Голос России” радиоберүүсүндө стилист-редактор болуп иштейм. Мындан тышкары “Ала-Тоо” коомунда иш алып барам. Союз мезгилинде Москвага окуганга гана барышчу эле, азыр эмгек мигранттарынын саны көбөйдү. Москвада жыргал жашоо жок. Кучак толо маселелер бар. Мына ошол маселелерди чечүүгө аракеттенебиз.
“Орусияда таштанды балдар көбөйүп кетти, алардын энелери кыргызстандыктар” деген маалыматтарды силердин деле кулагыңар чалса керек. Ооба, жаңыдан мектепти бүткөн кыздарды ата-энелери жөнөтүп жатышат. Алар “кандай шартта, кайсы жерде иштейт, ким көзөмөлдөйт?” деп ойлонушпайт. Эркиндикке чыккандар билгенин кылып, акыры жанагы боюнан алдырган кырдаалга туш болушууда. Москванын бир медицина борборунда кыргыз дарыгери иштейт. Анын берген маалыматы боюнча, бир жылда аборт жасатканы кыргыздын 6 миң кызы кайрылган. Алардын көпчүлүгү жаш кыздар, анан да маалы өтүп кеткен мөөнөттө жасатышкан экен.
Ал эми сактанууну билбегени аз келгенсип, түрдүү жыныстык ооруга чалдыгып жаткандары канча.


“ИРКУТСКТА ОРУСИЯНЫН ЖАРАНДЫГЫН АЛГАН 30 МИҢ КЫРГЫЗ БАР”

ТЫНЧТЫК АБДЫЛДАЕВ, КРнын Эмгек, ишке орноштуруу жана миграция министрлигинин Иркутск облусу боюнча коомдук өкүлү. 31 жашта. Үй-бүлөлүү, эки баланын атасы.

– Орусиянын Иркутск аймагында 40 миңге жакын кыргыз бар. Алардын 30 миңи Орусиянын атуулдугун алышкан.
2001-жылдан бери ошол жерде эмгектенем. Башында Новосибирск шаарында элем. Ал жерде соодада алданып, банкрот болуп, Бишкектеги үйүмдү сатып, анан ушул жакка келгем. Банкрот болгонумду ата-энеме айтпай, уялганымдан эки жыл дайынымды билдирбей койгом. Мен эне жүрөгүн ойлогон эмес окшойм. Апам Иркутскка чейин издеп келген эле. Көптөгөн кыйынчылыктарга чалдыктым. Бирок максатым ишке ашты. 4 бир тууганымды, апамды алып келип алгам. Баары иш менен камсыз. Өзүм бут кийим сатуу менен бизнес кылам. Заводдордон алып, сатуучуларга таркатам.
Өз ишим жүрүшкөн соң кыйналгандарга жардам берейин деп Миграция министрлигине киргем. Чынын айтсам, ар бир адамдын маселесин чечип берип, жүзүнөн жылмаюуну көргөндөн ырахат алам. Бул жерде деле кыргыздардын көпчүлүк бөлүгү соода менен алектенишет. Милицияда, мектептерде, ооруканада иштегендер бар. Мындан тышкары Кыргызстандан келип окуган студенттер менен да сыймыктанабыз.
Башка мигранттардын маселеси бизде да бар. Федералдык миграциянын кызматкерлери документтерди ашыкча эле текшерип кыйнай беришет. Бир чети туура, алар өз ишин аткарып жатышат дейсиң, бирок баары жайында болуп турса да, күчкө салган учурлар болот.
Түштүк окуясы болуп жаткан чакта бизде да чыр-чатактардын болуп кетпешине бүт аракетибизди жумшадык. Ал эми Кыргызстандагы абалга кабыргаң кайышат. Жүрөгүң ооруйт. Андыктан материалдык жактан да жардам көрсөтүүнү туура көрдүк. Иркутсктагы кыргыздар акча чогултуп, 1 миллион 550 миң 850 сомдук гуманитардык жардамды жабыр тарткандарга жөнөттүк.

Бактыгүл Сокушова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(10)
18.09.2010. 02:12 
Тайпасы:
Жаран
Комментарийлердин саны:
37
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
ushundai kyiynchylyk uchurunda biri-biribizdi koldoshubuz kerek;Azamatsynar!!!Al emi kyzdarybyz ga kelsek, ar kimdin bashy ozundo azda bolso, alystagy ata-enenerdi oilosonor,oshondoi ishke baryp jatkanda!!!
18.09.2010. 08:34 
Тайпасы:
Жаран
Комментарийлердин саны:
134
Катталган:
18-07-2010
Соӊку аракети:
28-02-2018 09:52
Жынысы:
Белгисиз
0
aminali ооруну жашырсан, олум ашкере кылат. Бул да болсо ачуу чындык.
18.09.2010. 11:22 
Тайпасы:
Кыймылы жок
Комментарийлердин саны:
59
Катталган:
22-05-2008
Соӊку аракети:
14-06-2014 17:26
Жынысы:
Белгисиз
Калаасы:
Алма-Ата
0
Албетте ушул гуманитардык жардам берген кыргыз атуулдарына чын дилимден ыраазычылк билдиргим келет.Иштерине ийгилик болсун!
БИРОК МЕНДЕ БИР СУРОО ТУУЛУП ЖАТАТ,ОШОЛ БЕРИЛГЕН АКЧА ОЗ ДАРАГИНЕ ЖЕТТИ БОЛДУ БЕКЕН,ЖК ЖЕТКИЧЕКТИ ЭЛЕ ЖГИЧТЕР ЖЕП КОЙДУБУ...
18.09.2010. 13:42 
Тайпасы:
Кыймылы жок
Комментарийлердин саны:
67
Катталган:
28-06-2010
Соӊку аракети:
27-04-2012 12:08
Жынысы:
Белгисиз
Калаасы:
РФ Тюмень Ялуторовск
0
менин досум дагы Туштук Кореяда иштеп журот ардайым алыстагы кыргыз эли аман болсун
18.09.2010. 15:04 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Iyigilik koshtosun baarynardy! Eki jakdan kelgen jardamdar koop ele bolup jatat,birok ozjerine jetbei ele.Bul abdan okunuchduu,Kg de jashagandar emne myncha achkoz,jep jutaiyn dep ele kalyshkan.
Chyndap ele,kyrgyzdar til uirongon jagynan molodzy, bashka uluttardy korobus 6-10 jyl 20-30 jyl jashagandar normalno suiloi alyshbait, a kyrgyzdar jok degende jarym jyldyn ichinde uje bilip,ozdoshturup alyshat....
18.09.2010. 18:17 
Тайпасы:
Жаран
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
0
Ошол жардам жеттиби же жетпедиби ошого кыжаалатмын.
20.09.2010. 17:14 
Тайпасы:
Кыймылы жок
Комментарийлердин саны:
181
Катталган:
11-05-2010
Соӊку аракети:
10-10-2016 21:55
Жынысы:
Белгисиз
Калаасы:
Кыргызстан
0
Тил уйронгондун бир жагы жакшы дегилечи,уйронуп алгандан кийин Кыргыз тилди экинчи,учунчу орунга коюп,а тугул суйлоштон уялган факторлор деле кездешип атпайбы.Орус тилдесуйлогондун эмнеси артык тушунбойм.
20.09.2010. 20:05 
Тайпасы:
Жаран
Комментарийлердин саны:
210
Катталган:
11-03-2010
Соӊку аракети:
06-01-2018 04:18
Жынысы:
Белгисиз
0
Мен дагы Россиядамын биз дагы Ош окуясы болгондо ушул жердеги кыргыздар акча чогулткан болчу бирок ошол жардамдар жеттиби экен деп ойлонуп жатам
22.09.2010. 13:16 
Тайпасы:
Тартип бузгандар
Комментарийлердин саны:
122
Катталган:
15-09-2009
Соӊку аракети:
15-12-2013 17:06
Жынысы:
Белгисиз
Калаасы:
Бишкек
0
Кыргыз элимди Аллахым озу колдосун! Элдин ырыскысын жеп,элге кыянат кылгандар , бул жашоодо ырахат алгат мите курттар оз жазасын алышат. Алдыдагы шайлоодо ыймандуу партия алсын деп тилейм!
22.09.2010. 20:08 
Тайпасы:
Кыймылы жок
Комментарийлердин саны:
2
Катталган:
22-09-2010
Соӊку аракети:
04-10-2010 11:13
Жынысы:
Белгисиз
0
Кыргыз калкы 5млн болсо, Россияда 1млн Кыргызстандын жарандары жашаары баарыбызга белгилуу. Ошондуктан Москвадагы "Кыргызстандыктарды коргоо жана жардам корсотуу" борборунун жетекчисинин "Мекен ыитымагы" саясий партиясын колдонуу чечтим. Анткени Кыргызымдын кадырын чет
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: