ВАЙНЕР ЭМИЛ ТОКТОШЕВ АЛА КАЧУУНУ ПРОПАГАНДАЛАП СЫНГА КАБЫЛДЫ

Вайнер Эмил Токтошев Инстаграмдагы баракчасына такси кызматынын жарнамасын жүктөдү. Анда жигиттер көчөдө бара жаткан кызды ала качуу үчүн унаага салганда унаасы жүрбөй калат. Жигиттер аны жүргүзүүнүн убарасын тартып жатканда каршылык көрсөтүп жаткан кыз токтой калып, такси кызматынын номерин айтат. Такси келгенде кыз жигиттер менен чогуу кетет.

Бул жарнама “ала качуу кылмышын пропагандалап жатат” деп коомчулуктун сынына кабылды. Сындардан кийин вайнер роликти баракчасынан өчүрдү. Окуя тууралуу Эмил Токтошев мындай дейт:

– Видеодо пропаганда жок. Пропаганда болорун билгенде мындай ролик тартпайт элем. Ызы-чуу кылган кыздар менен жазыштым. Алар түшүнбөйт экен. Бул тамаша иретинде тартылган ролик да. Теңелбей эле коёюн деп видеону өчүрүп салдым. Байкасаңар, роликте кыз тескерисинче ала качкан балдарды ойнотуп коёт.

Өзүм ала качууга каршымын. Бир кызды зордоп ала качып баратканын көрсөм, таяк жегениме карабай ал кызды алып калмакмын.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

nurda00

2020-07-06 20:01:18

Мен ал видеодон тамашаны кана коро алдым

Комментарий калтыруу үчүн өз ысымыңыз менен кириңиз же каттоодон өтүңүз.

№ 917, 2-8-июль 2020-жыл