Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Съездбек Искеналиев, ырчы: «ШАЙЛООДО АЙРЫМ ПАРТИЯЛАРГА ЫРДАГАНЫМ ҮЧҮН УЯЛАМ»

№917 2-8-июль 2020-жыл


Маектешим «Супер-Инфо» гезитинин тандоосу боюнча «2019-жылдын сахна адамы», ырчы, обончу, актёр, продюсер жана ишкер Съездбек Искеналиев. Жакында төртүнчү ирет ата болуп, кубанып турган ырчы мырза позитивдүү маанайда кызыктуу маек курду.

– Саламатсызбы, Съездбек байке? Жакында перзенттүү болдуңуз. Куттуктайбыз!

– Саламатчылык! Чоң рахмат. Үйгө кирип келатканда кермеде наристенин кийимдери, жалаяктары жайылып, желге термелип турат. Ошол сонун көз ирмемдер мага жагат. Биз ошол бакытка ээ болуп отурабыз. Кудайга ыраазыбыз. Кызыбыздын атын Аруужан деп койдук.

– Кырк жылкылуу болуптурсуз да...

– Кудай буюрса, 120 жылкым бар (күлүп). Буга чейин биздин эки кызыбыз, бир уулубуз болгону үчүн уулубузга шерик болсун деп уул күткөнбүз. «Уулдуу бололу» деп эсептетип баланын төрөлүшүн пландадык. Бирок Кудай бизге кыз берди. Бир байке «Кудай кызды аздектеген үй-бүлөгө гана кыз берет» деген жакшы сөз айтты. Азыр кызыбызды баарыбыз аябай жакшы көрөбүз. Уулум да инилүү болууну каалаган. Бирок азыр бизден өтүп жакшы көрүп, «ананайын, секет кетейин» деп эркелетип жатат.

– Балдарыңыздын ичинен чыгармачылыкка жакыны барбы?

– Улуу кызым Даткайым чыгармачылыкка жакын. Учурда Пётр Шубин атындагы балдар музыкалык мектебинде окуйт. Өзү «чыгармачыл адам болбойм. Мугалим болом» дейт. Балдарым өзү каалаган кесиптин ээси болсун. Аларга эч нерсени таңуулабайм. Бирок ар бир балама музыкалык билим бергим келет. Алма сабагынан алыс түшпөйт дейт го. Эртеңки күнү ырчы, музыкант болгусу келип калышы мүмкүн. Эң негизгиси, музыка менен азыктанган бала жаман адам болбойт.

– Карантин маалында «элдин эсебинен акча таап жүрүп, эми унчукпай отурасыңар» деп ырчыларды коомчулук сынга алып жатты. Кандай кабыл алдыңыз?

– Туура кабыл алдым. Чын эле элдин адамыбыз да. Алардын бизге сын айтканга акысы бар. Ошол эле учурда колдогондор болду. Мен колумдан келген жардамымды коомчулукка жарыя кылбай эле бердим. Элге чыгарсаң да, чыгарбасаң да жаман. Кыскасы, ал учурда эл кимден ачуусун чыгарарын билбей турган. Анан ырчыларга бир тийди. Элге таарынбаш керек, дегеле эч кимге таарынбаш керек. Оорунун баары таарынычтан, ичи тардык, көрө албастыктан башталат.

– «Мына минтип» деген ырыңыз да сынга кабылды. Аны да туура кабыл алдыңызбы?

– Сынды туура кабыл алам. Сын менен мактоо мени ушул күнгө алып келип отурат. Бирок «жеңил-желпи ыр» дегендерге кошулбайм. «Мына минтипке» сын айткандан тышкары талдап түшүнгөндөр да болду. Ырдын сөзүндө такыр калет жок. Кыргыздын бийин, кыргыздын аспаптарын колдонуп музыкасын даңазаладык. Сөзү ага дал келет. Бул ыр эмне үчүн хит болду? Анткени «мына минтип» деген сөз көп колдонулат. Элдик музыкаларда, күүлөрдө да бул сөз колдонулат. Бул элге сиңген кайрык.

Залкар композитор Абдылас Малдыбаев атабыз «Мына минтип» аттуу балдар ырына обон жазган. Ал «Тоголонуп топ түштү. Топ артынан биз түштүк. Мына минтип, мына минтип» деген ыр. Бул ыр «Алтын фонддо» бар. Мен ушул обонду азыркы учурга ылайыктап, өз вариантыма салып, жаңы аранжировка жасатып, элдин жүрөгүнө сиңген дүйнөлүк хит ырлардын кайрыктарын кошуп, элге аткарып берип койдум, болгону ошол.

– Кандай болсо да ырыңыз элге жакшы тарады. Сизден дагы кандай ырларды күтсөк болот?

– «Ырдесте» деген ырым жазылып жатат. Ошол ырда «Съездбек сизге ыр арнайт» деген сабы бар. Ошол сап аябай жакты. Ырдагым келип жүрөт. Азыркы оор абал өтүп кетсе ырдап чыгам. Байкасаңар, мен муңдуу ырлардан алысмын, жадырап-жайнап жүргөн жагат. Балким, жан дүйнөм ушундай. Обон жан дүйнөдөн чыгат да. Муңдуу мелодия жазышым мүмкүн. Бирок баары бир түпкүрүндө бир шаң камтылган болот. Элимди шаңга бөлөгүм келет. Коомдогу негативдердин арасынан жок дегенде шаңдуу ыр угуп туралы.

– Алдыда парламенттик шайлоо күтүп турат. Сунуштар түшө элекпи?

– Түшө элек. Мен, балким, буга чейин үгүт иштеринде ырдаарда элди кандай адамдарды колдоого үгүттөп жатканыма маани берчү эмесмин. Бул ирет сунуш түшкөн партиялардын программасын дыкат талдап чыгам. Алар элге пайда алып келерине ишенгенимде гана ошол партия үчүн ырдоого макул болом. Анткени мурда айрым партиялардын үгүт кампанияларына катышканым үчүн азыр уялам. Мисалы, мурунку шайлоолордо мен үгүт иштерине катышкан партия, атын атабай эле коёюн, жаңы төрөлгөн бала үчүн сүйүнчү пулга 50 миң сом беребиз деп сөз беришкен. Бул келечек үчүн, жаштар үчүн стимул, чоң жардам деп сүйүнгөнбүз. Аларга ишенип, элге ушул убаданы айтчубуз. Азыр сүйүнчү пул 4 миң сом. Анан уяласың да. Сөз бергенден кийин аткарыш керек. Эл азыр калптан тажады. Андан көрө ачык эле айтышпайбы.

– Биз эч нерсе жасабайбыз деппи?

– Ооба, кнопка гана басып беребиз деп (күлүп). Кнопканы деле 1-2 эле киши басат экен го.

– Жарандык коом сөз эркиндигин ооздуктаган мыйзамга каршы митингге чыгышты. Бул окуяга сиздин көз карашыңыз кандай?

– Чоң байлыктарыбыздын бири – сөз эркиндигибиз. Айтсаң эле айткандын оозу жаман, көргөндүн көзү жаман болуп, элдин пикири менен эсептешпей коюшту. Мен да нааразымын. Курмангазы байке (ред.: Азыкбаев) чыркырап туруп баарын сөктү го. Мен да ошондой сөккүм келет. Бирок ал биринчи сөгүп салбадыбы (күлүп).

– «Супер-Инфо» гезитинин тандоосу менен «2019-жылдын сахна адамы» аталдыңыз. Күттүңүз беле?

– Күткөн эмесмин. Бирок бир жакшы нерсе болот деп сезип тургам. Анткени силер менин эмгегимди дайым баалап, чыгармачылыгымды колдоп турасыңар. Ошол күнү мени силер «конок катары келип кетиңиз» деп чакырдыңар. Наам алганда аябай толкунданып, ыраазы болдум. Себеби бул чыгармачыл адамдарга чоң стимул, дем берет. Татыктуулар көп. Алардын арасынан тандап мага бергениңиздерге чоң рахмат. Ушул жерден бир окуя айтып берейинчи. 2006-жылы митингдердин айынан концертиме аз киши келип калды. Мен анда өзүмдү жылдыз сезип жүргөн учурум болчу. Анан көңүлүм калып, ырчылыктан кетүүнү чечип, «мындан ары ырдабайм» деп маек бердим. Ошондо «Супер-Инфо» гезитинин негиздөөчүсү Кылычбек Султан атайын чакырып, аттын элеси түшүрүлгөн сувенир берип, «сен ырдашың керек, жөн жүр» деген эле. Ал сөз мага чоң стимул болду. Эгер баары ошондо көңүл кош мамиле кылып койсо, ырдабай калмак болушум керек. Режиссёр Рысбек Жабиров агабыз да жакшы сөздөрүн айткан. Алар дем беришкенден кийин кайра жанданып иштеп калгам. Ошол күндөн баштап бул адамдарга ыраазычылык айтып келем. Өткөн жылы ошондой демди «2019-жылдын сахна адамы» наамы берди. Сиздерге рахмат!

– Ийгиликтериңиз көбөйсүн! Маегиңизге рахмат!

Перизат Музуратбекова
star@super.kg




"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
06.07.2020. 13:21 
Тайпасы:
Жаран
Комментарийлердин саны:
11
Катталган:
12-08-2015
Соӊку аракети:
06-07-2020 15:51
Жынысы:
Белгисиз
+2
Молодец Сьездбек
06.07.2020. 18:21 
Тайпасы:
Жаран
Комментарийлердин саны:
327
Катталган:
18-07-2013
Соӊку аракети:
30-07-2020 12:15
Жынысы:
Белгисиз
Калаасы:
Плутон
+4
Эми ырдабагыла, уялып элден кечирим сураган ырчылар азаматсынар.
alibekova94 түзөттү 2020-07-06 18:22:07
08.07.2020. 00:55 
Тайпасы:
Жаран
Комментарийлердин саны:
1
Катталган:
26-08-2019
Соӊку аракети:
04-08-2020 02:18
Жынысы:
Белгисиз
+3
Эхеееей тим эле элди ойломуш болосунарда)))
08.07.2020. 21:51 
Тайпасы:
Жаран
Комментарийлердин саны:
1258
Катталган:
18-09-2018
Соӊку аракети:
28-07-2020 19:27
Жынысы:
Белгисиз
-1
Nadirabeby,ооба,ырчыларга ишенич жок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: