Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«СЕН МЕНИН ТҮШҮМСҮҢ» ЖЕТПЕЙ КАЛГАН СҮЙҮҮГӨ АРНАЛГАН

№918 9-15-июль, 2020-ж.


«Сен менин түшүмсүң» ыры жаңыланып ырдалган сайын ажары ачылып, бийиктигин жоготпой келе жатат. Ырды элге тааныткан Каныкей Эралиева менен Кадыралы Артыков болсо, 2 жыл мурун Талант Кадыров менен Айя Садырова дуэт катары ырдап чыгышкан. Андан кийин Токтобек Асаналиев менен жаш ырчы Миргүл Асаналиева ырдашты. Бул ырдын сыры, сыйкыры эмнеде? Ырды жараткандар айтып беришсин.

Өмүрбек Дөлөев, акын: «ЫР АГА АРНАЛЫП ЖАЗЫЛГАНЫН БИЛБЕГЕН БОЮНЧА КАЛДЫ»

– Бул ыр биринчи менин жыйнак китебиме чыккан. Ошол жыйнакты Атайбек Бөдөшовго берген элем. Каныкей Эралиева, Атайбек Бөдөшов менен чыгармачылык жакшы мамиледебиз. Ыр жыйнактын ичинен Атайбек ушул ырга обон жазган. Жаңы жылдын алдында көрсөтүлгөн телеберүүлөр болот эле. Көп жыл ошол жаңы жылдык концерттерде жаңырып турду. Алгач Кадыралы Артыков менен Каныкей Эралиева ырдап чыгышты. Кийин Каныкей Султан Каримов менен ырдады. Ырдын маңызы – кадимки адамдык тагдыр, таза сүйүү. «Канча жылдар өтсө дагы сен жүрөктүн түпкүрүндө жашай бересиң, ээрчишкен жубай болбосок да, сен да бир жерлерде бактылуу турмуш кечирип жатканыңа шүгүр кылам. Мен деле бактылуумун, бирок улуу сүйүү бизди шыктандырат. Түшүбүздө көрүшкөнүбүзгө деле ыраазымын» деген маанини камтыган ыр. Талант менен Айя ырдап чыгып клип тартылбадыбы, клип ырдын маани-маңызын аябай жакшы ачып берген деп ойлойм. Кийин Токтобек Асаналиев менен жаш кыз ырдап чыкты, ал да өзүнчө көркөм. Ыр ушунча убактан бери ырдалып келе жатканы сөзүнө обон төп келишип калганында. Атайбектин обону классика да, мындай татаал обонду эч ким чыгара албайт. Көп ырларыма обон чыгып жүрөт, бирок мындай көпкө эч бири жашаган жок. Ырчылардын баары жакшы ырдашты. Каныкей Эралиева, Кадыралы Артыков, Султан Каримов классика жанрында мыкты ырдашты. Талант менен Айяныкы өзүнчө бир назик, сыбызгып көкүрөктүн сырын ачкандай мукам болду. Токтобек менен Миргүл аткарган дуэт таштан-ташка урулгандай албуут, аска тоону жаңыртып, турмуштун бир долуланган агымын айтып жаткандай шаң менен чыкты. Ырчылардын баарына ыраазымын.

«Ыр саптары кимге арналган?» деп эле такып калдың, бул менин жетпей калган сүйүүмө арналган. Жигит курагымдагы эң таза сезимим болгон. Мен ал адамды көп жылдан бери көрө элекмин. Бул ырды укканда ал да биздин жакшы мамилебизди эстесе керек. Менимче, ыр ага арналганын билбейт. Таптаза, адамгерчиликтүү сүйүү болгону үчүн көп нерселер ортобузда айтылбай калган. Тагдыр буюрбаптыр, чогуу болгон жокпуз. Ал дагы бала-чакасы менен бактылуу турмуш кечирип жаткандыр, мен да бала-чакалуумун. Мындай караганда чоң өкүнүч бар, бирок чоң өкүнүч жок дагы. Анткени жетпей калган үчүн, балким, бул сезим бийик сакталып калгандыр деп ойлойм. Кандай болсо да сүйүүбүздүн ыр сабында жашап калганы да чоң нерсе.

Атайбек Бөдөшов, Кыргыз Республикасынын Эл артисти: «ЫРДЫ АТКАРГАН 7 ЫРЧЫГА ТЕҢ ЫРААЗЫМЫН»

– 1998-жылы аталган обонду жараткам. Ырдын обонунда жаңылык бар. Музыкалык тил менен айтканда, канон стилинде жазылган обон. Азыр бул обонго окшоштуруп чыгаргандар болуп жатат, бирок мага чейин обончулар бул стилдеги обонду чыгара элек болчу. Кыргыз обонуна кошкон салымым ушул обон болду деп ойлойм. Биринчи ырды таап алып обон чыгарган жакшы, обонду чыгарып алып ага текст издеген бир азап. Мында текстти жактырып, анан обон чыгаргам. Автордун уруксаты менен сөздөрдү оңдоп, обонго ылайыктап кайра жазып чыккам. «Обонго ылайыктуу болсо өзгөртө бер» деп уруксат берген. Надырбек Алымбеков деген акын бар, ал такыр сөздөрдү оңдогонго уруксат бербейт. Автордун сөзү мыйзам да, андай учурда оңдой албай каласың. Мен жомок болуп кала турган обончулардын катарындамын десем болот. 500дөн ашуун обонум бар. Обон жаралып жатканда "ушул жакшы чыгат же жакшы чыкпайт" деп болжолдой албайсың. Ал аткаруучудан жана элдин кабыл алуусунан көз каранды.

«Сен менин түшүмсүң» ырына деле басым койгон эмесмин. Чыгарманын адамдардыкындай эле тагдыры, өмүрү, төбөсү көрүнгөн учуру, кайра тарткан учуру болот. Кээ бир учурда өзүңө аябай жаккан обондун, тескерисинче, өмүрү кыска болуп калат. Бул ырдын обону узун болду. Канча жолу жаңыланып ырдалса, ошончолук сыймык. Дагы далай ырчылар ырдайт болуш керек. Менин обондорумду үнү жок ырчылар ырдай албайт. Кыйналып калышат. Он чакты эстрада ырчыларына обондорумду сунуштап көрсөм келишти, ырдап көрүштү, анан «дагы байкайлычы» деп акырын туруп кетип калышты. Үндөрү отурбай калганын билдим. Кээ бир ыр болот, үндүн кереги жок дүңкүлдөк-даңкылдак менен ырдап койсо боло турган. Ал ырлардын келечеги жок, эки-үч жыл жашайт, кайра эч ким ага кайрылбайт. Кээде ырларды даңкылдак-дүңкүлдөк кошом деп бузуп салышат, андайда Каныкей да (ред.: Эралиева, жубайы), мен да эскертүү беребиз. Анан да таң калганым – кээде ырдын сөзүн туура эмес айтып эле ырдай беришет. Ушуга таң калып бүтпөйм, ырдын маанисин билбей туруп кантип ырдаса болот? Ал эми «Сен менин түшүмсүң» ырын аткарган 7 ырчынын баарына эч бир сөзүм жок, мыкты аткарышкан. Ыр жаңыланып ырдалып турса, автор жана обончу үчүн сыймык. Сүйүнүп каласың.

Талант Кадыров, ырчы: «БУЛ ЫР МАГА ИЙГИЛИК АЛЫП КЕЛДИ»

– Бул ыр мага бала кезимден бери жагат. Каныкей Эралиева менен Султан Каримов ырдаган вариантында эсимде калыптыр. Ырды жактырып, ким менен ырдасам деп ырчы кыздарды көзүмдөн өткөрүп жүргөндө бир кечеде Айя Садырова менен жолугуп калдым. Айя көптөн бери ырдабай жүргөн, мен да сахнадан бир аз четтеп, кайра кайтып келген кезим эле. Сунушумду айтсам макул болду, дароо эле Каныкей эжеге чалып, уруксат сурап ырдап чыктык. Сөзүн жазган Өмүрбек байке клип чыккандан кийин жолугуп калып ыраазычылыгын билдирип, китептерин белек кылган. Ал киши биринчи сүйгөнүнө арнаган экен. Толкунданып, рахматын айтып кеткен. Токтобек Асаналиев менен Миргүл Асаналиева экөө ырдап чыкканын силердин гезиттен билдим, ага чейин билген эмесмин. Токтобек байке туура эле айтыптыр, биз эстрада менен ырдап чыктык, алар классикалык жанрда ырдашты. Алардын варианты да жакшы чыгыптыр. Репертуарымдагы эң жакшы көргөн бул ырым мага көп ийгиликтерди алып келди. Клипти жакшы тартканга аракет кылганбыз, элге жакшы алынды.

«СЕН МЕНИН ТҮШҮМСҮҢ»

Сөзү: Өмүрбек Дөлөевдики

Обону: Атайбек Бөдөшовдуку

Өттү мезгил сен өчпөдүң

Сен өчпөдүң көңүлдөн,

Жүрөгүмдөн орун алдың

Орун алдың өмүрдөн.

Негедир билбейм түштө бирге

Түштө бирге жашайсың,

Эске салып күндөрүмдү2

Эске салып күндөрүмдү көрүнгөн.

Өмүр атын миң чуркатып арытпай,

Махабатым миң жолугуп кайыптай.

Улам бийик, улам ыйык сезилди,

Бир кылымдан бир кылымга

Бир кылымдан бир кылымга жарыктай.

Издесем да канаттарым

Канаттарым кайрылып,

Калсам дагы канча жылдар

Канча жылдар айрылып.

Түн өткөрбөй түштө өзүң

Түштө өзүң жомоксуң,

Каркырадай жазда келген2

Каркырадай жазда келген кайрылып.

Сөздөрүңдө жөндөмөдөй жөндөлүп,

Менде жашап калганына шерденип.

Ойгонсом түш, сен барасың жаркырап,

Унутуумдан учкан жылдыз2

Унутуумдан учкан жылдыз өңдөнүп.

Ар бир күндүн сенден мага2

Сенден мага гүлдөрдүн,

Сага айланып жашай берем2

Жашай берем күндөрдү.

Санаамда сен көргөн жакшы2

Көргөн жакшы түшүмсүң,

Сага айланып жашай берем2

Сага айланып жашай берем түндөрдү.

Бир ыр болуп кайталанып, түбөлүк,

Ойлорума күнү-түнү ширелип.

Сезимимдин күнүндөйсүң жаркытып,

Өмүрүмдү өзүңө сен2

Өмүрүмдү өзүңө сен имерип.

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(2)
13.07.2020. 11:59 
Тайпасы:
Жаран
Комментарийлердин саны:
40
Катталган:
31-05-2011
Соӊку аракети:
04-08-2020 01:35
Жынысы:
Белгисиз
Калаасы:
москва
+2
Токтобек Асаналиев менен Миргул Асаналиеванын аткаруусундагы варианты абдан жакты. Журоктон чыгарып,журоко жеткире ырдашыптыр.
13.07.2020. 13:06 
Тайпасы:
Жаран
Комментарийлердин саны:
438
Катталган:
28-09-2011
Соӊку аракети:
01-08-2020 02:12
Жынысы:
Белгисиз
+1
Созу отто маанилу, обону топ келет кылымдап ырдалчу ыр. Мага Талант Кадыров менен Айянын аткаруусундагы версиясы жагат. Талантын уну отто соонун тушкон.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: