Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Эркин Рыскулбеков, алпаруучу: “МИГРАНТТАРДЫ КҮЙӨӨСҮНҮН ЗОМБУЛУГУНА ЧЫДАГАН АЯЛГА ОКШОТОМ”

№918 9-15-июль, 2020-ж.


Сонун жигит. Көптү билгени, анализдегени, эң башкысы эркектин негизги милдетин билгени жакты. Акылдуу сөздөрдү көп киши сүйлөй алат, бирок ар бир сөздү жүрөктөн өткөрүп сүйлөгөн башка эмеспи. Алпаруучу Эркин Рыскулбеков менен ошондой маанайда маектештик. Сизге кызыктуу болот деп ишенем.

– Эркин, тумоолоп жаткан элең, абалың кандай болуп калды?

– Даам, жыт сезбей калдым, жөтөлдүм. Бирок жеңил өтүп кетти. Шүгүр, азыр жакшы болуп калдым.

– Эл бул дарт менен күрөшүүдө өзү менен өзү калгандай болду. Сага да ошондой сезилип жатабы?

– Башка өлкөлөрдө “абал курчуп кетсе, мындай кылабыз” деген "Б" планы бар болчу. Мамлекет башчылары жаңы оорукана сала албаса да, бир имаратты бошотуп, керебеттерди, жок дегенде дем алдыра турган аппараттарды даярдап коюшу керек эле. Азыр ишкерлер жасап жаткан иштерди мамлекет апрель айында жасашы керек болчу. Аппараттарды алдырууга эмнеге ырчы Анжелика чуркап, башкалар акча чогултушу керек? Бул мамлекеттин түздөн-түз милдети да. Тилекке каршы, өкмөт функциясын аткарган жок. Эл биринчи жолу өзү менен өзү калган жок. Эсиңерде болсо, 2005-жылкы төңкөрүштө ыктыярдуу топ түзүлүп, “биз эл менен!” деген жазууларды жазып жатып соода-сатык тармактарын сактап калышкан. 2010-жылы ошондой эле төңкөрүш болду. Саясатчылар “ким каякка отурат?” деген кресло талашмай менен алек болуп жатышканда Бишкек талоондо калды. Мен ал кезде студент элем. Мен курдуу жигиттер менен чыгып түнү менен дүкөндөрдү кайтарып чыкканбыз. Кийин Ош коогалаңы болду. Анда жаш адис элем, элге жардам катары акча чогултканбыз. 3 жыл мурун Дача-СУга учак кулады, бирөө басып келдиби? Ажобуз басып келип көңүл айткан жок, кайра эле эл жардамга кол сунду. Элибиз өз киндигин өзү кесип келе жатат.

– Мунун “чекити” болобу? Качанкыга чейин өз киндигибизди өзүбүз кесе беребиз?

– Чекит коюш үчүн эл аң-сезимин өзгөртүшү керек. Тойлордо көп байкайм. Азыр батаны аксакал бербей, даражасы бийик министр, депутаттарга бердирип калганбыз. Депутаттар “биз тандалып келген эл өкүлдөрүбүз” деп жатышат, тандалып келсең жоопкерчиликти ал да. Мен салык төлөөчү катары, аларга добушумду берген жаран катары талап коё алам. Талап кылганды үйрөнсөк чекит коёбуз.

– Бул жолу маданият өкүлдөрүнө ыраазы болдум. Анын ичинде сен да барсың. Макул, пиар үчүн болсун, бирок жардам берилип жатат...

– Негизи жардам бергендер көп. Ишкерлер, колунда бары да, жогу да бири-бирине жардам берүүдө. Кесиптештеримдин социалдык тармакта катталуучулары көп болгону үчүн көзгө түшүп жатышат. Жарыялабай коёюн дейсиң, бирок сени ээрчиген адамдар көп болот экен, ошондуктан жарыя кылууга туура келди. Мисалы, тааныбаган эле бир байке Инстаграмдан жазып, 200 миң сом берди. “Республикалык штабга берели дегенбиз, бирок алар таза иштегенине күмөн санап калдык. Силерге ишендик” деп тапшырып кетишти. Ооба, быйыл маданият тармагындагы адамдардын жарандык позициясын көрдүм. Мурун “мен кыргыздын уулу болгонум үчүн сыймыктанам” деп сахнага чыгып бир-эки пафос сөз айтып, ийиле жүгүнүп, ошону менен жок болуп кетишчү. Эл акыркы жумада кыйналып кетти, ошондо ырчылар “мени чоңдор той-топуруна, мамлекеттик иш-чараларга чакырбай калат, жөн эле отуруп турайынчы” дебей, ачык позициясын билдиришкенине кубандым.

– Апаң жөнүндө жазган блогдоруңду окуп калабыз. Бул жолу атаң тууралуу айтып берсең...

– Атамдын көзү өтүп кеткенине 16 жыл болду. Мен атага тең уул да боло албадым деп ойлойм. Жайдары, март, элди ээрчиткен лидер адам болчу. Сүйлөсө атам сүйлөсүн, ырдаса атам ырдасын дегендей эле. Өңүм, анан элдин сүрүнөн коркпой алпаруучу болуп кеткеним атама окшош деп ойлойм. Мага атамдай болуш кайдан.

– Жашооңдо бактылуу кокустук болгонбу?

– Жолум ачык, “везунчик” баламын. Студентмин, курстун алдыңкы үч студентин Анталияга билимин тереңдетүү үчүн жиберишчү. Мен алдыңкы үчтүккө эмес, ондукка да кирчү эмесмин. Байрам Кара деген түрк улутундагы деканыбыз бар эле, мени чакыртып жибериптир.”Окуу жайдан чыгарып жибербесе экен” деп корктум. Барсам “Эркин, мына бааларың. Сен Кудайдан жөө качкан эле бала экенсиң. Студенттин биринчи функциясы – жакшы окуу. Бирок сени теледен көрүп калдым. Мыкты үч студент барышы керек эле, бирок тааныштарымды салып жатып сени төртүнчү кылып коштум. Өзүмдүн атыман ТРТга стажировка өтөгөнгө сага жолдомо алдым. Теле сеники экен, бул тармакта өзүңдү өстүр” деп жиберген. Дагы бир бактылуу кокустук, Мелис Эшимканов кокустан тепкичтен кезигип калып эле 2-курстун студенти экениме, дипломум жок экенине карабай телеканалга жумушка алган. Бактылуу кокустуктар, көп адамдар, жагдайлар бул атты жасашыма жардам беришти.

– Шайыр-шатман жүрөсүң. Өзүң менен өзүң калган учурда эмне тууралуу ойлоносуң?

– Өзүм менен өзүм калганда куураган куу кекиртек демекчи, эртеңки жөнүндө ойлоном. “Ремонтту бүтүрүш керек, бастырманын алдын жасап коюшум керек” дегендей тиричилик тууралуу ойлоном. Бирок андай ойлордон качам, өзүмдү алаксытканга аракет кылам. Жашоомдо терең депрессияга кирип кеткен учурларым болгон.

– Сүйүүдөн уламбы?

– Жок, эки жолу тең “жашоодо жолумду туура эле тандап алдымбы? Мени менен тең балдар мындай ийгиликтерге, бийиктиктерге жетип жатат” деген ойлордон улам кирип кеткем.

– “Эркектин биринчи милдети – каражат табуу” деген оюң жакты.

– Таш доорунан бери эле эркек куралын алып сыртка чыгып тамак-аш таап келет, аял тукум улайт. Экөө биригип тукумдарын коргойт. Бул мыйзам. Биз табияттын бул мыйзамын жоготуп алдык. Батыш, орустар, арабдар дедик. Аларды туурадык. Эч биринин жакшы жактарын ала алган жокпуз, өзүбүздүкүн да сактап кала албадык. Түпкүрүндө эркектер морт. Сынып калат. Дагы бир кыргыз эркегинин жаман адаты – куру намыс. Стамбулда кафеде отурсаң 50гө чыгып калган официант эркек келип тыпылдап тейлеп кетет. Эч уялбайт. Бизде 40тан өтсө курсак байлайт, галстук тагынып бир жерде отуруш керек. Антпесе үйдө отуруш керек. Үйдө отурган эркек майдаланат, чүнчүйт, ызакор болот, ичкиликке жакындайт. Анан барып табигый функциясын унутуп калат. Агрессия башталып, жанагы дөңгөлөктү асып алып урган эркекке айланат.

– Ал аял арызын кайтарып алды...

– Эч таң калган жокмун. Мен биздин аялдарды мигранттарга салыштырам. Аялдар зомбулукка кабылганда “кайда барам? Өзүмдүн билимим жок болсо эмне кылам?” деп аргасыз зөөкүр күйөө менен элдешкенге макул болушат. Мигранттар да күйөөсү урган аялдардай эле айласыз. Башка улут деп кордолгондо, укугу корголбогондо түкүрүп туруп “Москваңды желкемдин чуңкуру көрсүн” деп басып кеткиси келет. Бирок кайда барат? Келсе мамлекети алсыз, иш менен камсыз кыла албайт. Баарына чыдаш керек болот. Ошол эле айласыздык сузактык эжеде болду.

– Өткөнкү шайлоодо “үгүт иштерине катышпайм” деп катышпай койгонсуң. Бул жолу да ошол принциптесиңби?

– Оюм эки эсе бекемделди. Рахмат, ошону эскертип койгонуңарга. Беш жылдын ичинде ошол партиялардын бири да жыргаткан жок. Келе жатканына да катышпайм. Азыр той да жок, эч нерсе жок. Бирок ачка калсам да үгүт иштерине катышпайм, анткени моюнума саясий жүктү үйгүм келбейт. Ошол учурда көбүнө айткам, “тыйынды башка жактан да табабыз. Мобулардын оюнуна катышып ырдабай эле койгулачы” десем угушкан эмес. Ошого эми аң-сезимдери жетип отурат. Мирбек Атабеков менен кечээ эле кофе ичип отуруп сүйлөштүм, ал дагы катышпайм деди. Атактуулук бул да бир жоопкерчилик да. Бирөө мисалы, ал партияны тааныбайт, бирок Мирбек Атабековду таанып, жакшы көргөнү үчүн ал үгүт кылган партияны шайлашы мүмкүн.

– Эркиндик деп эле кыйкыра беребиз, сенин түшүнүгүңдө ал эмне?

– Эркиндик мен үчүн мамлекетимде мыйзамдардын так аткарылышы. Мен эртең менен коркпой, интернеттеги социалдык тармактар аркылуу “мага бет кап жетпей жатат” деп айта алганым. Ал үчүн бирөө келип кайра кечирим суратпаганы. Дагы мен шайлаган адам үчүн салган добушумдун башкача болуп өзгөрүлбөшүнө кепилдик. Идеалдуу коомду мен мындай көрөм. Мечит турат, мечиттин жанында мектеп турат, мектептин жанында кафе турат, анын жанында китепкана турат. Айтылган имараттын кайсынысына кирсем да, өзүмдүн тандоом болсо, аны эч ким сөз кылбаса ошол менин эркиндигим. Өзүмдүн атым менен жазамбы, фейк менен жазамбы ага эч ким киришпесе, ал менин эркиндигим.

– Кел, сүйүү тууралуу ойлор менен маекти жыйынтыктайбыз. “30 жаштын ары жагында сүйүү болбойт” деп Алыкул акын туура айткан бекен же жаңылыптырбы?

– Бар да, болбосо Раймалы кайдан чыгат эле. Отуздан кийин оор басырыктуу, жоопкерчиликтүү, акыл калчаган махабат келет. Билимдүү, жан дүйнөсү терең адамдарды баалай баштайсың. Үйлөнгөндөн кийин сүйүү да, жапайы кумар да түгөнгөндө бир нерсе калыш керек да. Маңдайыңда жан дүйнөсү бай, арманыңды уккан, кызыктуу адам менен калышың керек деп ойлойм.

– Маегиңе рахмат!

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(9)
13.07.2020. 10:17 
Тайпасы:
Жаран
Комментарийлердин саны:
6
Катталган:
02-07-2017
Соӊку аракети:
03-08-2020 21:52
Жынысы:
Белгисиз
Калаасы:
Керемет Ааламы
+3
Сонун жигит! Ушундай элге патриот жигиттерди көтөрүш керек,билимдүү жана акылдуу.
13.07.2020. 10:17 
Тайпасы:
Жаран
Комментарийлердин саны:
8
Катталган:
30-05-2014
Соӊку аракети:
03-08-2020 12:57
Жынысы:
Белгисиз
Калаасы:
Кыргызстан Жалал абад
+3
Сонун маек болуптур
13.07.2020. 11:06 
Тайпасы:
Жаран
Комментарийлердин саны:
360
Катталган:
28-09-2011
Соӊку аракети:
01-08-2020 02:12
Жынысы:
Белгисиз
+3
Чанжыратып орус муноз элем анан кичинемде балдар менен ойногон жакчу тата пата дегендер интервью бергенди ушул жигитен уйронуп алгылачы сураныч. Окуп тим эле эс аласын. Ырчылар шайлоодо угут кылын 20мин 30мин $ алгандар. Эми акча десе тоодон секирбей силерди эрчиген элди ойлоп иш кылгыла.
13.07.2020. 12:33 
Тайпасы:
Конок
Комментарийлердин саны:
11
Катталган:
01-05-2020
Соӊку аракети:
03-08-2020 23:49
Жынысы:
Белгисиз
+3
Азаматсын Эркин
13.07.2020. 15:12 
Тайпасы:
Жаран
Комментарийлердин саны:
322
Катталган:
11-08-2017
Соӊку аракети:
03-08-2020 22:07
Жынысы:
Белгисиз
+4
Мага ушул мырза аябай жагат, тажабай кором теледен, айрыкча ким миллионер болгусу келет,программасы аябай жагат, ото акылдуу бала, азаматсын шайлоого катышпай, башка ырчылар да кичине уялып угут иштерине катышпай койоорсунар эми.
13.07.2020. 16:27 
Тайпасы:
Жаран
Комментарийлердин саны:
28
Катталган:
03-07-2013
Соӊку аракети:
03-08-2020 01:00
Жынысы:
Белгисиз
Калаасы:
KG
+2
Менин болочок жолдошум Эркиндей акылдуу мырза болсо бактылуу болом)
13.07.2020. 23:31 
Тайпасы:
Жаран
Комментарийлердин саны:
4
Катталган:
22-03-2020
Соӊку аракети:
03-08-2020 19:46
Жынысы:
Белгисиз
+1
Уй - булоо жонундоку ой жугуртуусуно "5" Деген упай.
16.07.2020. 00:58 
Тайпасы:
Жаран
Комментарийлердин саны:
159
Катталган:
29-11-2010
Соӊку аракети:
03-08-2020 23:10
Жынысы:
Белгисиз
+1
Маегине 5555
19.07.2020. 21:55 
Тайпасы:
Жаран
Комментарийлердин саны:
27
Катталган:
28-03-2020
Соӊку аракети:
03-08-2020 17:16
Жынысы:
Белгисиз
0
Баардык эркектер сендей болгондо кана эле.Азаматсын,суктанамын.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: