МОДЕЛЬ БЕГИМАЙ КАРЫБЕКОВА КОРОНАВИРУСКА КАРШЫ КҮРӨШКӨН ТОПТУН КАТАРЫНА КОШУЛДУ

«Кыргызстан сулуусу-2017" сынагынын жеңүүчүсү, "Аалам сулуусу-2018" сынагынын катышуучусу Бегимай Карыбекова коронавирус инфекциясы менен күрөшкөн "Бирге" ыктыярчылар ассоциациясынын катарына кошулду. Бул тууралуу ал социалдык тармактагы баракчасына билдирүү жазып, каалоочуларды чакырды.

Түзүлгөн топ 2-июлдан тартып иштей баштады. Ыктыярчылар тобу пандемия шартында ооруканаларда, стационарларда иштеп жаткан медкызматкерлерге керектүү каражат, тамак-аштарды ташып жана башка ар тараптуу жардам көрсөтүүдө.

– Биз дарыгерлерге жардам беребиз, коронавирус илдетине кабылган адамдар менен түз байланышта болобуз. Биздин топто 170 адам бар. Чын дилден жардам бергиси келген жарандарды катарыбызга кошулууга чакырабыз,- дейт модель.

Бегимай Карыбекова учурда италиялык "Еmpоriо Аrmаni" компаниясы менен иштешип жатат. Ошондой эле Германиядагы ири "Louisa Models" агенттигинин модели.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

fanatka19

2020-07-18 14:24:44

Бегимай азаматсын ишине ийгиликЧ

Комментарий калтыруу үчүн өз ысымыңыз менен кириңиз же каттоодон өтүңүз.

№ 918, 9-15-июль, 2020-ж.