БИР БҮРКҮМ. ОБЛУСТАР АРАЛЫК КАТТАМ ТОКТОШУ МҮМКҮН...

Бишкекте 16 жаштагы кызды коркутуп, үйүн тоноого шектелип 3 кыз кармалды.
Президент Сооронбай Жээнбеков эпидемиялык кырдаалдан улам облустар аралык унаа каттамдарын токтотуу мүмкүнчүлүгүн карап чыгууну сунуштады.
Дүйнөнүн 57 өлкөсүндө мекенине кайтууну каалаган 7812 Кыргыз жараны бар экенин 6-июлда ТИМ билдирди.
Бишкектин Ленин РИИБинин жетекчиси болуп Жеңишбек Абитов дайындалды.
Жалал-Абад облусунда акыркы 6 айда 138 өрт кырсыгы катталды.
Билим берүү жана илим министрлиги: “Быйыл ЖОЖдорго жана кесиптик окуу жайларга абитуриенттерди кабыл алуу онлайн форматта жүргүзүлөт”.
Бишкек мэри Азиз Суракматов: "Коронавируска вакцина табылгыча себепсиз көчөгө чыкпай тургула".
Кемин районунда 12 жашар бала Чүй дарыясына түшүп кетип каза тапты.
Өкмөт башчы Кубатбек Боронов 8-июлда "эмгек өргүүсүндөгү бардык медицина кызматкерлерин ишке чакыруу керек" деп билдирди.
8-июлда Түркиядан Бишкекке 326 Кыргыз жараны кайтып келди.
Бишкекте 15 жаштагы кызын сабап өлтүрүүгө шектүү жаран убактылуу кармоочу жайга камакка алынды.
Патрулдук милиция: "Бишкекте 1-июлдан 5-июлга чейин 2570 айдоочу жол эрежесин бузду".
БШК парламенттик шайлоого карата баннерлерди жана кеңсе каражаттарын аймактарга жеткирүү кызматын сатып алууга тендер жарыялады, жалпы сумма 21 миллион 121 миң сом.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 918, 9-15-июль, 2020-ж.