БИР БҮРКҮМ. ТҮНКҮ СТАЦИОНАРЛАР АЧЫЛАТ...

Тышкы иштер министри Чыңгыз Айдарбеков коронавирус жуктуруп алганын, учурда ооруп жатканын билдирди.
Кубатбек Боронов: “3 айдын ичинде медицина кызматкерлерине кошумча акы катары 488 миллион 300 миң сом төлөнүп берилди”.
13-июлда жалпы республикалык тестирлөөнүн 3-туру болуп өттү.
Кыргыз өлкөсүнүн Стамбул шаарындагы башкы консулу болуп Нурлан Абдрахманов дайындалды.
Эринес Оторбаев Кыргыз өлкөсүнүн Германиядагы элчиси кызматынан бошотулду.
Чүй облусунда коронавирус жуктуруп алгандарды үймө-үй кыдырып аныктоо акциясы башталары айтылды.
14-июлга карата саламаттыкты сактоо тармагы өпкөнү жасалма дем алдыруучу 220 аппаратка муктаж.
Мамлекеттик жана коомдук ишмер Жанкороз Каниметов 70 жаш курагында дүйнө салды.
Жакынкы күндөрү Бишкектин бардык райондорунда бейтаптарга жардам көрсөтүүчү түнкү стационарларды ачуу пландалууда.
Быйыл ЖОЖдорго бюджеттик орундарга абитуриент кабыл алуудагы босоголук балл 110 бойдон калтырылды.
Учурда чет өлкөдө жүргөн, паспортунун мөөнөтү бүткөн Кыргыз жарандарынын паспортторунун жарактуулугу узартылды.
Быйыл март айынан июлдун ортосуна чейин Орусиядан 16 581 Кыргыз жараны мекенине кайтып келгени айтылды.
Өкмөт: “3-июлга карата өлкөдөгү дыйкан-фермерлер 3 миллиард 765 миллион сом суммасында жеңилдетилген кредит алышты”.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 919, 16-22-июль 2020-жыл