Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

№920 23-29-июль, 2020-ж


  1. ТҮШТҮК КОРЕЯНЫН ЭҢ КЫМБАТ АКТЁРУ КИМ СУ ХЁН

  2. Ким Су Хён кайрадан экранда! 3 жыл карьерасынан тыныгуу алып, ал аралыкта аскер кызматын өтөп келүүгө жетишкен актёр учурда күйөрмандарын кубантып турган чагы. Күйөрмандары эле эмес, өзү да кубанып жатса керек. Анткени ал Түштүк Кореяда эң көп гонорар алган актёрлордун сап башынан орун алды. Ал мындай ийгиликке кантип жетти? Жоопту Ким Су Хёндун жашоосунан издеп көрдүк.

  3. Аты-жөнү – Ким Су Хён

    Туулган жери – Түштүк Корея, Нонсан шаары

    Туулган жылы – 1988-жыл, 16-февраль

    Бою – 180 сантиметр

    Кесиби – Актёр, модель

  4. ТҮНТ МҮНӨЗҮНӨН УЛАМ АКТЁРДУК КЕСИПТИ ТАНДАГАН

  5. Учурда корей, кытай, япон кинематографиясында жогорку суроо-талапка ээ Ким Су Хён балалыгында түнт, интроверт бала болгонуна ишенесизби? Дал ушул мүнөзүнөн арылуу үчүн ал чыгармачылыкка кадам койгон. «Мени башка балдар менен аралашсын деген ой менен апам «актёрдук чеберчилик курсуна барасыңбы?» деп сунуштады. Биринчи жолу сахнага чыкканымда буттарым титирегени менен, залда отургандардын кол чапканын укканда бактылуу болдум. Анан ошол сезимди түбөлүк сактап калгым келди. Мектепти бүткөндөн кийин университеттен актёрдук билим алам дегенимде апам колдогон»,- дейт Су Хён.

    Су Хёндун атасы 1980-жылдары популярдуу болгон «7 дельфин» рок-тобунун ырчысы Ким Чун Хун. Атасынын экинчи турмушунан төрөлгөн карындашы Ким Ю На дагы ырчылык кесипти тандаган.

  6. АКЫРЫНДАН ЖЕТКЕН АТАКТУУЛУК

  7. 2007-жылы «Kimchi Cheese Smile» ситкомуна тартылуу менен актёрдук тушоосун кескен. Су Хён кийинки эле жылы мектеп окуучуларына тиешелүү маселелерди чагылдырган «Аквариумдагы балыктар» сериалына тартылып, ал тасма корей, кытай, япон кинематографиясында көптөгөн сыйлыктарга татыган.

    Ал эми элге аны актёр катары тааныткан 2011-жылы чыккан «Бийик кыялдан» дорамасы болду. Бул сериалдан көпчүлүк Су Хёндун ырчылык талантын байкап, анын катышуусунда жазылган "Dreaming" жана "Dream High" саундтректерин угушту. Аталган дорама Кореяда жогорку рейтингди багынтып, жергиликтүү эле эмес, бир нече чет элдик сыйлыктарга да ээ болгон. Ырчынын ролун аткаруу үчүн Су Хён JYP агенттигинде 3 ай ыр, бийден сабак алган.

  8. «ЭҢ МЫКТЫ АКТЁР»

  9. Кыргыз көрөрмандары дагы анын «Бийик кыялдан» дорамасын көрүшсө керек. Бирок аны көптөгөн өлкөлөргө тааныткан «Айдын кучагындагы Күн» тарыхый сериалы болду. 2012-жылы жарык көргөн бул сериал азыркы убакка чейин жогорку рейтингдеги сериалдардын катарынан түшпөй келет. Албетте, мындай жогорку рейтингди багындырууга Ким Су Хёндун салымы чоң болчу. Анын да эмгеги бааланып, «Эң мыкты актёр» наамын жеңип алган. Мен-мен деген актёрлордун арасынан наамды утуп алган Су Хён: «Наамды алганыма кубанып да, уялып да турам. Бул наамга татыктуу экенимди дайыма далилдеп турушум керек»,- деп сахнадан ыраазычылыгын билдирген.

    Популярдуулуктун артынан киного, ар кандай жарнамалык роликтерге сунуштар жамгырдай жааган. Ал бир учурда Кореядагы 17 брендге модель болуп, андан сырткары Кытайда «Coca-Cola», «Samsung Electronics» сындуу ири компаниялардын жүзү болгон. 2012-2013-жылдары Су Хёндун сүрөтү дээрлик бардык атактуу тамак-аш, косметика, техника компанияларынын продуктыларына чапталып калган. Ошол кездеги жарнамалык келишимдер үчүн алган гонорары 2 миллион долларга жетсе, сериалдагы ар бир серия үчүн 84 миң доллар акы алып турган.

  10. "Айдын кучагындагы Күн" сериалы ага дүйнөлүк атактуулук алып келген.

  11. АСКЕРДИК КЫЗМАТ...

  12. Голливуддун «Оушендин он бир досу» тасмасынын корейче варианты тартылып, «Уурулар» аталган тасма Ким Су Хёндун толук метраждуу тасмадагы алгачкы дебюттук ролу.

    Актёрдун карьерасындагы дагы бир ийгиликтүү жана кирешелүү ролу болуп 2013-жылы тартылган фантастика, романтика жанрындагы «Жылдыздан келген адам» дорамасы эсептелет. Дорамада анын өнөктөшү – Азия, Европага таанымал актриса Чон Жи Хён.

    Су Хён 2017-жылы «Чыныгылар» («Настоящие») тасмасына тартылган. Бул тасмага актёр өз чөнтөгүнөн 7 миллион доллар каражат кошкону айтылат.

    Бирок тасма тартуучу топ күткөн ийгиликке жетпей, коомчулук тарабынан жакшы кабыл алынган эмес. Ошол эле жылдын аягында аскердик кызмат өтөөгө кеткен Су Хёнду күткөндөр көп эле. Ал келди. Келгенде да экранга ийгиликтүү кайтты.

  13. "Жылдыздан келген адам" сериалындагы атактуу өнөктөшү Чон Жи Хён менен.

  14. «ЖИНДИМИН, БИРОК БААРЫ ОЙДОГУДАЙ»

  15. Сериал сүйүүчүлөрү учурда «Жиндимин, бирок баары ойдогудай» дорамасынын ар бир сериясын кууп көрүп жатышат. Андагы башкы каарман Мун Кан Тэнин ролунда биз сөз кылып жаткан актёр Ким Су Хён. «Мун Кан Тэ дайыма чарчап жүргөн, өзүнө убактысы жок, бирок күчтүү, камкор адамдын ролунда. Тасмада Мун Кан Тэ менен Го Мун Ён акырындап бири-биринин жан дүйнөсүн айыктыргандай сезилет. Экөөнүн кемчи

    ликтерин, артыкчылыктарын карап отуруп ар бирибиз сабак алсак керек»,- дейт дорама тууралуу актёр.

    «Жиндимин, бирок баары ойдогудай» сериалына тартылуу менен Ким Су Хён кайрадан эң кымбат актёр статусун жаңылады. Ал сериалдагы ар бир серия үчүн 168 миң доллардын тегерегиндеги гонорар алары айтылууда. Акыркы жылдардагы кымбат гонорарды Ли Бёң Хон 2018-жылы чыккан «Мистер Саншайн» дорамасында (ар бир серия үчүн 130 миң доллар) алганы белгилүү.

  16. Сериалдагы Мун Кан Тэ менен Го Мун Ёндун сүйүүсү бактылуу аяктасын деп күткөндөр көп.

  17. УБАКТЫСЫ АЗ, КЫЗЫККАНЫ КӨП

  18. Жогоруда айткандай, каарманыбызда ырчылык да талант бар. 2012-жылы Лондондо өткөн Олимпиадада улуттук команданы колдоо максатында ыр жазып, ага клип да тарттырган. Адистер анда профессионал ырчы боло турган талант бар экенин айтышат. Ким Су Хёндун сериалдарга жазган бир нече саундтрегинен сырткары, музыкалык чарттарда ийгиликке жетишкен ырлары бар.

    Спорт менен активдүү машыгат. Велосипед тээп сейилдегенди, кышкысын лыжа тепкенди жактырат. Футбол, бадминтон, боулинг ойногондордун катарында. Сууда сүзүүнү жактырат. Анан да фотоаппаратын көтөрүп алып кызыктуу кадрларды сүрөткө тарткандан ырахат аларын айтат.
     

  19. Асыл Орозбекова
    star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(4)
28.07.2020. 18:43 
Тайпасы:
Жаран
Комментарийлердин саны:
176
Катталган:
26-01-2016
Соӊку аракети:
04-08-2020 10:29
Жынысы:
Белгисиз
Калаасы:
♡♡♡ОШ♡♡♡
0
Ушу "каристардан"эч кутулбадык!Кайнаса каныбыз түк кошулбайт
29.07.2020. 15:15 
Тайпасы:
Конок
Комментарийлердин саны:
1
Катталган:
07-05-2020
Соӊку аракети:
04-08-2020 13:06
Жынысы:
Белгисиз
0
Ли Бëн Хондун батинкасына да татыбайт бул. Кантип андай гонорар алат?
30.07.2020. 05:51 
Тайпасы:
Жаран
Комментарийлердин саны:
506
Катталган:
19-04-2014
Соӊку аракети:
04-08-2020 07:19
Жынысы:
Белгисиз
Калаасы:
Ala-Buka
+1
Окуган деле жокмун. Бок сак менен Чон чон чычтын кантип таанышканы тууралуу маалыматты чыдамсыздык менен кутобуз
02.08.2020. 12:15 
Тайпасы:
Жаран
Комментарийлердин саны:
243
Катталган:
30-01-2017
Соӊку аракети:
04-08-2020 17:25
Жынысы:
Белгисиз
0
al-abu-kinesz,))))))(
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: