Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жамбыл Камчиев, куудул: «АЗЫР МЕНДЕ БИР ГАНА ЖАМБЫЛ КАМЧИЕВ ДЕГЕН НААМ БАР»

№920 23-29-июль, 2020-ж


Бул куудулду көпчүлүк Владимир Ильич Ленинге, өлкөнүн тунгуч президенти Аскар Акаевге окшоштурушат. Ал аталган инсандарды туурап, алар тууралуу тамашаларды аткарганы менен белгилүү. 30 жылдан ашык сахнада жүрсө да, эч кандай мамлекеттик наам ыйгарылбаган куудул, актёр Жамбыл Камчиевдин чыгармачылыгы, атактуулукка карай жолу тууралуу кеп курабыз.

«МАМЛЕКЕТТЕН АЛГАН БАРАК ТИБИНДЕГИ БАТИРДЕ ЖАШАЙМ»

- Атам чукугандай сөз тапкан сөзмөр киши болгон. Апам болсо жакшы кошок кошчу, айылдагы кыз-келиндерге кошок кошууну үйрөтчү. Мен Оштун Ноокатынан болом. Кичинемден ушуларды угуп чоңойдум. Апамдан үйрөнгөн кошок саптарын эл чогулган жерде кыйкырып ырдай берчүмүн (күлүп).

Мектепте театралдык ийримге катыштым. Кийин Ош педагогикалык институтунда окуп жүргөндө биз окуган филология факультетинин деканы, профессор Сүйүнтбек Ибрагимов деген киши ыр кеселерге, КВН, түрдүү салтанаттарга мени катыштырып, дайыма колдоп турду. Ошондо эле сахнада өзүмдү алып жүрүүнү үйрөнүп, куудулдук өнөрүм өркүндөптүр. Институтту бүтүп жатканымда иш-чараларды алып барып жүргөнүмдү көргөн Шамшыбек Өтөбаев «Назик» эстрадалык тобунун иш-чараларына алпаруучу болосуң» деп институтка лаборант кылып алып калды. Бир жылдан кийин топ тарап кетти. Мен Оштогу Маданият үйүнө методист болуп жумушка кирдим. Ошол жакта концерт уюштуруп, концерттерге катышып жүрдүм. Маданият үйүнүн директору Кадыр Кубатов деген киши да мени колдоп, командировкаларга жиберип, концерттерге катыштырчу. Маданият үйүндө иштеп жүргөндө Владислав Еремеев деген директор келип калды. Ал «жумушчулардын өздөрүнүн батири болушу керек» деп мэрияга чуркап жүрүп, батири жок мамлекеттик кызматкерлерге кезек менен батир берилүүсүн жөнгө салган. Ага чейин баш аламан эле иштеп жүрүшкөн экен. Документтеримди топтоп барсам, 111-кезекте болуп калдым. Кийин 1990-1991-жылдары орустар Орусияга көчүп кете башташканда шаарда батирлер бошой баштады. Ошондо мага Ош шаарынан барак тибиндеги батир тийген. Ошол кезден азыркыга чейин ошол батирде жашайм.

«КОНЦЕРТ КОЮП, МАНАС МЕНЕН РАХМАНДЫН КАРЫЗДАРЫНАН КУТУЛЧУБУЗ»

- Манас Бердибековду сахнадан көрүп жүрчүмүн. Ал кезинде Шамшыбек Өтөбаев менен иштешчү. 1982-жылы жайында Манас экөөбүз көчөдөн жолугуп таанышып калганбыз. Жакшы сүйлөшүп кеттик. Ошол жылы мен жаңы үйлөнгөм. Өзбек театрында обончулардын концерти болорун угуп, балким, мен дагы номер аткарып калам деп келинчегимди ээрчитип алып бардым. Театрдын ичинде да, сыртында да эл аябай көп экен. Араң ичине кирсем, тармал чачтуу бирөө майкачан сахнага чыгып, аккордеон ойноп, ырдап, пародияларды аткарды. Анын номерлери мага аябай жакты. Бул Рахман Разыков болчу. Каныбек Курмантаев деген музыкант мени көрүп калып, «Жаке, кел, бул жакта бир куудул бар, таанышып кой» деп Рахман Разыков менен тааныштырды. Ошентип тааныш болуп жүрүп, ырчы Жолдошбек Мамажановго кошулуп чогуу концерттерге катыша баштадык. 1986-жылы мен Оштогу Маданият үйүндө көркөм жетекчи болуп иштеп калгам. Ошол жылы үчөөбүз концерт өткөрдүк. Ал кезде 20 чакты афиша илсек, элдин баары көрчү. Концертибизге 300 адам келди. Элге жакты. Ошондон кийин үчөөбүз эле концерт коё берсек болот турбайбы деп калдык. Манас Бердибеков менен Рахман Разыковдун алименттери, карыздары көп экен. Манасты прокуратура, сот, милиция чакырат. Бурул деген аялы бар эле. Ошол аял арыздана берчү. Байкуш качып эле жүрчү. Анан концерт коюп, тиги аялга акча берип койчубуз. Рахмандан карыз доолап келгендер көп эле. Концерт коюп, ошол карыздарынан кутулчубуз. 1987-жылы "Аралаш" тобун түздүк. Кийин тобубузга Дөөлөт Мадымаевди кошуп алдык.

«ДАВРОН САБИРОВДУ КОРКУТУП, КОЛ КОЙДУРУП АЛДЫК»
- Ал кезде концерттерден түшкөн кирешенин 75 пайызы театрга, 25 пайызы артисттерге берилчү. Азыр тескерисинче болуп калбадыбы. Ошондуктан биз өзүбүз кооперативдик ишкана түзөлү деп чечтик. Ишкананы каттатууга документтерибизди жиберсек, 2-3 ай болуп кетти, жооп жок. Анан Рахман экөөбүз ошондогу Райисполкомдун төрагасынын орун басары Даврон Сабировго кирели деп чечтик. Экөөбүз 2 бөтөлкө шарап алып, бирөөсүн өзүбүз ичтик. Кечки саат алтыда Сабиров жалгыз калганда бир бөтөлкөнү көтөрүп алып кабинетине кирдик. Кирип эшикти ичинен илип, шарапты столдун үстүнө койдук. «Биз менен ич» десек, «мен ичпейм» деди. «Анда ушул документке кол кой» дедик. Кол коюп берди. Ошентип 1987-жылы коркутуу жолу менен «Азем» кооперативдик ишканабызды каттоодон өткөрдүк. Андан кийин өзүбүз билет чыгара баштадык. Анан эле байып жатып калдык. Мурда өкмөттүн билетин айландырчубуз. Дегеним, эл залга кирерде билетти калп эле жыртымыш болуп, кайра ал билетти үтүктөп, 2-3 сыйра айландырып сатчубуз да. Ошол систем уурулукка үйрөткөн экен.

1989-жылы Жаныбек Алыкулов «3 жылдан бери түштүктө жүрөсүңөр. Фрунзеге барып концерт койсоңор жакшы болмок» деп калды. Фрунзеге барып, Кыргыз улуттук филармониясында 4 күн концерт бердик. Биринчи күнү залдын жарымы толду. Экинчи күнү партер толду. 3-күнү балкон толду. 4-күнү аншлаг болду. Филармониянын жетекчилиги "концертти дагы 4 күнгө созолу" деди эле, мен көнбөй койдум. Анткени кирешенин көбүрөөгү аларга тиет да. Аларды «биз гастролго чыгабыз» деп алдадык да, 10 күн Орус драма театрында концерт бердик. Ошондо журналистмин, чыгармачыл адаммын дегендин баарына чакыруу билеттерин бердим. Билеттерди элге көчөдөн өзүбүз саттык. Ошол концерттен кийин кыргыз элине таанымал болдук десем жаңылышпайм. Анткени бардык редакциялар, чыгармачыл адамдар концертибизге күбө болушту. Алар элге биз тууралуу маалымат таратышты.

1989-жылдын аягында КТРде режиссёр болуп иштеген Нуралы Тураповдун чакыруусу менен жаңы жылдык «Мыскыл жана тамашага» тартылдык. Ошондон кийин атыбыз дүңгүрөдү. Ошентип бул долбоорго дайыма тартылып жүрдүк. Өзүнчө концерттерди коюп жүрдүк. 1999-жылы «Жамбылдын жарманкеси» деген 10 күндүк концерт коюп, андан түшкөн каражатка Бишкектен 2 бөлмөлүү үй, унаа (бусик) алгам. Үйдү 2 жылдан кийин сатып, Ошко келе бердим. Бусик болсо бузулуп, 7-8 жылдан бери үйдө жатат. Популярдуулуктун аягы ушул.

«МАНАС МЕНЕН ДӨӨЛӨТТҮН БИЗДИН ТОПТОН ЧЫГЫП КЕТИШИНЕ БУЗУКУЛАР СЕБЕПЧИ БОЛДУ»

- Ортодо бузукулар пайда болду окшойт. 1991-жылы «Жамбыл менен Рахман сенин талантыңдан пайдаланып жыргап жатышат. Өзүнчө иштешиң керек» дешкен го, Манас биздин топтон кетип калды. 1992-жылы «Супер куудул» деген сынак болду. Күмөндөр Абылов "Супер куудул" аталса, 1-орунга Дөөлөт Мадымаев ээ болду. 2-орунду мен алдым. Рахман 4 же 5-орунду алды. Ошентип 1-орунду алган Дөөлөттү бузгандар да табылды. Дөөлөт 1994-жылы топтон кетти. Рахман экөөбүз эле калдык. Рахман ар жерге мурдун тыга берчү. Акча табам деп Нарындан эт ташып иштеп калды. Бир ирет Нарындан бирөөнүн унаасына отуруп келатса, Долон ашуусунан кырсык болуп акыреги сынып, «канатын кайрып алган». Ошондон кийин иштей албай, банкрот болду. Кийин Күмөндөр «Сен эмнеге менин ашуумда кырсыктайсың? Өз ашууңа барып кырсыктабайсыңбы? Долондон канатымды кайрып алдым» деп сен ырдайсың да эми. Биз ырдасак жарашпай калат» деп тамашалап жүрбөдүбү.

Биз ошентип атактуулукка жеткенбиз. Азыр мен Ошто жашайм. Билесиздер, өткөн жылы байбичем каза болуп калды. Учурда неберелеримди карап үйдөмүн. 5 айдан бери Жалал-Абадда филармонияда иштеп жатам. Ал жакка бир жумада бир жолу барып келем. Экинчи аялым кызым менен Жалал-Абадда жашашат. Барганда алардан кабар алып турам.

Мындан тышкары «Атилла» деген кино тартуучу продюсердик борбор ачып жатам. Анда буюрса, көркөм, тарыхый тасмаларды тартабыз. Мен тасма талаасын да жакшы түшүнөм да. Баш-аягы 20 тасмага тартылдым.

Азыр менде Жамбыл Камчиев деген гана наам бар. Мамлекеттик наам алуу үчүн 2 ирет документтеримди жибергем, каралган жок. Наам берүүнүн эрежеси мындай болбошу керек. Көрсө, наам алыш үчүн документтериң менен кошо 100 миң сом же 3 миң доллар беришиң керек экен. Бул кепилдик экен. Наам бербейт деп өкүнбөйм. Аны бербегени деле жакшы. Анткени канча Эмгек сиңирген артист, Эл артисттери бар. Алардын жүзүн, атын эл тааныбайт. Менин атымды, жүзүмдү эл тааныйт. Коргоол ырчы менен Токтогул ырчы деле Эмгек сиңирген артисттер эмес да. Бирок алардын атын унутпай турган эл бар.

Чыгармачылык жолумда колдоо көрсөткөндөр – Шамшыбек Өтөбаев, Жолдошбек Мамажанов, Келдибек Ниязов, журналисттер, кесиптештерим Рахман Разыков, Абдылда Иманкулов, Манас Бердибеков, Күмөндөр Абыловдор. Куудул досторум ар бир тамашасына мени кошо беришип, популярдуу кылып жатышпайбы.

Рахман Разыков, куудул: «ЖАМБЫЛГА ӨЗҮНҮН ПАРОДИЯЛАРЫН АР БИРИН 5 СОМДОН САТКАМ»

– Бизди ыраматылык Жолдошбек Мамажанов сахнага алып чыгып тааныткан. Башында Мамажановдун концерттерине катышчубуз. Ал кезде заман башкача болчу. Биз ал кишинин үйүндө жылдап деле жашай берчүбүз. Анда пенсия, жөлөк пул жашоого жетчү. Ошондуктан үй-бүлөбүз эмне жеп жатат деп ойлончу эмеспиз. 1986-жылы Кадамжай районундагы Халмион деген айылга концерт койгону калдык. Эл Жолдошбек Мамажановдун концертине чогулган. Бирок Мамажановду достору тойго алып кетип калышып, концертке барбай калды. Жамбыл “барып концерт коюп келе бербейлиби?” дейт. Мен “Эл Жолдош акеге келип жатса, биз кантип коёбуз?” деп корком. “Дайыма эле бир жарым саат концертти биз коюп жатабыз го. Жолдош аке 2 жолу ортосунан чыгып ырдап коёт” дейт Жамбыл. Мен ага чейин ошондой болуп жатканын байкабаптырмын. Макул болуп барып, концерт коймой болдук. Чыгып "сиздер Жолдошбек Мамажановду укканы келдиңиздер. Ал киши келе албай калды. Концертти биз коёбуз. Жакпаса кассага билетиңерди тапшырып, акчаңарды алып кете берсеңер болот” дедим. Ошондо биринчи жолу өзүбүзчө концерт койгонбуз. Эл күлө берип, акырында күлө албай калышты. Эч бир адам билетин тапшырган жок. Ошондон кийин "өзүбүзчө концерт койсок болот турбайбы" деп ойлоп калдык.

Жамбыл элден башкача идеясы бар, эксперимент кылгандан коркпогон киши. Кээде башы иштеп кетет. Ошондо жакшы идеялар чыгып калат. Кээде "бул баштан кантип ушундай идеялар чыккан?" деп ойлонуп калам. Анткени азыр башы жакшы иштебей калды (күлүп). Анан өзүнүкү туура эмес болсо деле көгөрүп, "меники туура" деп тура бермей жайы бар.

Бир жолу экөөбүз сөз талашып кеттик. Утулуп калды эле, "мен сени менен сүйлөшпөйм" дейт. "Эмнеге?" десем, "сенин гезитиң жок" дейт. Жамбыл бир кезде гезит чыгарган. Мен гезит ачып алдына алып барып койдум да "Эми менин да гезитим бар. Кел, сүйлөшөбүз" десем, "Сенин жогорку билимиң жок, меники бар" дейт. Анан Айыл чарба академиясын бүткөндө барып, "мына, жогорку билимим да бар. Кел, сүйлөшөбүз" дедим. Анан бир күнү ага "мен сени менен эч нерсе талашпайм. Ойлосом, сенин деңгээлиң меникине жетпейт экен. Менин китептерим бар, Жазуучулар союзунун мүчөсүмүн, маданиятка эмгек сиңирген ишмермин, президенттин грамотасын алгам. Сен көчөдө темселеп жүргөн бирөөсүң. Баланча сатира жазгам, сценарий жазгам. Болду, башымды оорутпа" дедим. Ушинтип дайыма талаша беребиз (күлүп). Биз аткарган сатиралардын 80-90 пайызын мен жазгам. Жамбыл мурда пародия жазчу. Бир жолу концертке пародия жазган кагазын унутуп барып алыптыр. "Концерт болбойт, пародияларым калып калыптыр" дейт. Мен "ар бир пародияңды 5 сомдон сатам" дедим. Мен анын пародияларын жаттап алгам. Ал өзү жаттай алчу эмес. Ошентип өзүнүн пародияларын ар бирин 5 сомдон сатып алган. Ал кезде 5 сом чоң акча болчу.

Келдибек Ниязов, Кыргыз Республикасынын Эл артисти:
«ТАЛАНТЫ БААЛАНБАЙ ЖАТАТ»

- Жамбыл билимдүү, башкача ой жүгүрткөн, чынчылдыкты бийик кармаган, алдым-жуттуму жок жигит. Бетке айтмай сапаты бар. Бир ирет Ошко концерт коюп барсак, Жамбылдар келип «Келдибек аке, жаңы чыгып жатабыз. Кеңеш айтып койбойсузбу» деп номер ойноп беришти. Таланттуу жигиттер экен, тамашалары жакты. Кеңешибизди айтып, батабызды бердик. Андан кийин Ошко барган сайын жолугуп жүрдүк. Жамбыл «жалгыз эле монолог айтып элди күлдүрсө боло турганын Келдибек акени көрүп билгем» деп айтып калат. Өлкө эгемендүүлүктү алгандан кийин чогуу концерттерди берип калдык. Жамбыл жакшы тамашаларды таап алчу. Күмөндөр, Абдылдалар Жамбылдын тамашаларын ойношчу. Мисалы, бир ирет Жамбыл Күмөндөргө «салык менен пенсия боюнча жакшы тамаша ойлондум» деп оюн айтып берсе, Күмөндөр «жакшы экен, көрөлү» деп коёт да, ары жакка барып Абдылданы чакырып, «Жамбыл мындай ой айтып жатат. Азыр сахнадан аткарып салбайлыбы?» дейт. Экөө бат эле даярдана калып, ошол жерден сахнага чыгып Жамбылдын тамашасын аткарып салышат. Эл жакшы кабыл алат. Жамбыл ары жакта «мен бул ойду жаңы эле айтпадым беле. Же булар мурдатан ойлоп жүрүшкөнбү?» деп ойлоп, аңырайып карап турат. Сахнадан чыгып келатып Жамбылга Күмөндөр «Жамбыл, кичине изденсең боло, жаңы номур алып чыгып. Карачы, биз изденип жатабыз» деп коёт.

Бир жолу Кара-Балтага барып концерт коймой болушат. Эл аз келип калат. Абдылда менен Күмөндөр «мынча кишиге койбойбуз» деп айнышат. Эл коё бербей койгондо Күмөндөр «3 күндөн кийин келели. Залды толтуруп бергиле, концерт коёбуз» дейт. Жамбыл «коюп койсок болмок. 100 киши эл эмеспи? Адамдын көңүлүн деле ойлобойсуңарбы» деп капа болот. 3 күндөн кийин барышса, эл көп чогулган болот. Анан концерт коюшат. Интермедияга чыгып, оңбогон Күмөндөр ал жагынан мастер да. Жамбыл сүйлөйүн десе эле «а» деп оозуңду ачпачы. Сен ит элең. «А» десең эле оозуңдан «отмена» деген сөз чыгат экен. Ушунча кишини каратып туруп концертти «отмена» кылганы жатасыңбы? Сен болбогондо бая күнү эле концерт коюп кетмекпиз» деп тамашалайт. Эл Жамбыл күнөөлүү экен деп ойлоп калат. Жамбыл өтө көтөрүмдүү. Бул учурда анын ордунда Абдылда, Рахман же Күмөндөр өзү болсо, уруша кетмек. Жамбылдын наамы жок, таланты бааланбай жатат. Азыр жубайынан айрылып, кыйын күндө турганда маанайын көтөрүп, наам берип коюшса болмок деп көп ойлоном.

Күмөндөр Абылов, Кыргыз Республикасынын Эл артисти: «ЖАМБЫЛ БИЛИМДҮҮ, ЮМОРДУ ЖАКШЫ ТҮШҮНГӨН, ЖҮРӨГҮ ТАЗА КИШИ»

– Жамбылды 1987-88-жылдардан бери тааныйм. Адегенде алыскы мектептин тарых мугалими тууралуу «Империализм» деген сатирасын жазган. Ошону Өсөр Абдылдаев деген Ош драма театрынын актёру аткарып чыккан. Ошол тамашадан улам тааныгам. Кийин жакындан таанышып, иштешип калдык. Жамбыл билимдүү, юморду жакшы түшүнгөн, жүрөгү таза киши. Адабият, тарых менен тааныштыгы тыгыз. Актёрдук билим албай калганы эле болбосо, өтө күчтүү сатирик. Актёрлукту окубай, режиссёрлор менен иштешпегени үчүн сахнанын, драматургиянын мыйзамдарын жакшы билбей, партнёр менен ойноодо бир аз аксайт. Бирок философиялык ой жүгүртүүсү, сатирага болгон мамилеси күчтүү. Кыргыз үчүн күйүп-бышкан жигит.

Наам албаган себеби – ал мамлекеттик маданий мекемеде такай иштеген жок. Аны кайсы мекеме наамга көрсөтөт? Өкмөттөгүлөр Жамбыл, Рахман, Абдылдаларды, дегеле өзүнчө иштеп жүргөн артисттерди "көчөнүн артисттери" деп коюшат. Өздөрү мекеме түзүп, жумушка албаганы аз келгенсип, "көчөнүн артисти" дешет. Бирок тойлордон же унаа айдап баратканда ошол ырчылардын ырын угуп, ошол куудулдардын тамашасына күлүшөт. Негизи артисттерди көчөдө калтырып койгону өкмөттүн кемчилиги.

Орозбек Бөрүгулов, Улуттук жазуучулар союзунун мүчөсү, сатирик: «ЖАМБЫЛ ТУУРАЛУУ КҮЛКҮЛҮҮ ОКУЯЛАРДЫ ЖАРЫЯЛАП ТУРАМ»

– Мен «Кыргызстан маданияты» гезитине сатира жазып турчумун. Бир кезде сатираларымды «Аралаш» тобу аткарып чыкты. 1989-жылы Орус драма театрында концерт беришти. Ошондо көшөгө артына өтүп барып таанышкам. Алар да мени издеп жүрүшкөнүн айтышты. Андан кийин анда-санда тамаша жазып беримиш болдум. Менин эмгегимди баалап, гонорар төлөп беришкен жок. Бирок нааразы эмесмин, мен аларды түшүнөм. Алар өз киндиктерин өздөрү кесип жүрүштү. Жамбылдын чындыкты айткан, чымчып сүйлөгөн жагы бар. Анын айрым монологдору үчүн «Мыскыл жана тамашадан» кийин «эмнеге муну экранга коё бересиңер?» деп ызы-чуу чыгып турганын билем.

Жамбыл изденип, репертуарды туура тандай билгени, элдин табитин таба билгени менен мыкты. Азыр интернеттеги жеке баракчама Жамбыл тууралуу күлкүлүү окуяларды жарыялап турам.

Жамбыл Камчиев: «Мен элимди, жеримди, мекенимди, улутумду сүйөм. Дайыма эл тарапта болдум, элдин кызыкчылыгын ойлодум. Мени атактуулукка жетелеген ушул сүйүү болду».

Перизат Музуратбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(8)
27.07.2020. 15:50 
Тайпасы:
Жаран
Комментарийлердин саны:
77
Катталган:
27-11-2015
Соӊку аракети:
15-08-2020 20:34
Жынысы:
Белгисиз
+6
Жамбыл Камчиев деген наам жаман эмес
28.07.2020. 11:32 
Тайпасы:
Жаран
Комментарийлердин саны:
5
Катталган:
22-03-2020
Соӊку аракети:
15-08-2020 19:10
Жынысы:
Белгисиз
+5
Эн сонун интервью! Жамбыл Камчиевке бекем ден соолук, узун омур каалайм.
28.07.2020. 11:35 
Тайпасы:
Конок
Комментарийлердин саны:
26
Катталган:
23-06-2020
Соӊку аракети:
15-08-2020 00:09
Жынысы:
Белгисиз
+4
Жамбыл тузук киши
28.07.2020. 23:40 
Тайпасы:
Жаран
Комментарийлердин саны:
70
Катталган:
18-07-2019
Соӊку аракети:
15-08-2020 21:15
Жынысы:
Белгисиз
+1
Мынан келди баарыныздар колдлнупсуздар да
29.07.2020. 11:57 
Тайпасы:
Жаран
Комментарийлердин саны:
378
Катталган:
18-02-2010
Соӊку аракети:
15-08-2020 20:47
Жынысы:
Белгисиз
-1
-adam, эмнең adam.
30.07.2020. 20:07 
Тайпасы:
Жаран
Комментарийлердин саны:
23
Катталган:
14-12-2019
Соӊку аракети:
15-08-2020 10:47
Жынысы:
Белгисиз
+3
Сиздин наамыныз озгочо эчкимде жок эчкимге жарашпайтдагы! Сизге Ден соолук бакубат жашоо каалайм
31.07.2020. 14:30 
Тайпасы:
Жаран
Комментарийлердин саны:
8
Катталган:
27-11-2018
Соӊку аракети:
14-08-2020 14:10
Жынысы:
Белгисиз
+3
Жаке капа болбонуз сизге да берип калаар
01.08.2020. 07:58 
Тайпасы:
Жаран
Комментарийлердин саны:
296
Катталган:
15-08-2017
Соӊку аракети:
14-08-2020 10:20
Жынысы:
Белгисиз
+2
"канатын кайрып алды"-деген жери жакты. Боорду эзди го чиркин
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24280;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: