Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Урмат Усенов, ырчы: “МЕН БИЙЛИККЕ АЗЫР СЫН АЙТПАЙМ”

№920 23-29-июль, 2020-ж


– Урмат, учурда кыйналган элге жардам берүү менен алексиз...

– Ооба, жардам берип жаткан учурубуз. Жай турмушта эл бизди кубаттап, кол чаап, алдыга сүрөп турса, элдин башына күн түшкөндө бизге эл үчүн чуркачу маал келди. Бул милдетибиз деп ойлойм.

– Каражат жагы кантип жатат?

– Каражат кайдан келип жатат деп кээде өзүм да таң калам. Башында 4-5 күн өзүбүздүн чөнтөктөгү акчадан баштаганбыз. Кийин эл чогулта баштады. Карасам жардам берип жаткандардын көпчүлүгү колунда бар адамдар эмес, орточо, кийими бүтүн, курсагы ток, маяна менен жашагандар. Бир күнү жаш кыз чалды, “Урмат байке, мен да салымымды кошот элем, жүк ташый турган жумуш болсо ташып берем, өзүмдүн жүк ташый турган машинам бар” дейт. Обсервациялар жаңы ачылып, керебеттерди ташуу керек эле. Бирок жардамынан баш тарттым. Бул учурда аялзаты өзүн жана балдарынын ден соолугун коргоп берсе эле болду, ошол чоң салым. ”Сиз жөн эле коюңуз, үй-бүлөңүздү багып жаткан болсоңуз абайлаңыз, бул жакта мырзалар бар” деп рахматымды айттым. “Жардам берем” деп эки нанынын бирин көтөрүп келгендер бар. Бир апа чалып, “этим жок эле, бирок картошканы жакшы буулап бышырып берем, жардамым болсун” дейт. Бир ата пенсиясын салам деп чалды, ага “жөн эле коюңуз” дедим. Кыргыздын бул сапатына баа бердим. Ансайын жүрөк эзилип, дагы күчтөнүп калат экенсиң.

– Карылар пенсиясын, жаш балдар чогулткан акчасын беришүүдө, эл өкүлдөрүнөн жардам бергендер болдубу?

– Эл өкүлдөрүнөн жардам бергендер болду, мен алардын да акчасын башкардым. Башкарганда кандай? Алардын акчасына бир топ аппараттар, дары-дармектер алынды.

– Сырттан караганга системдүү иштеп жаткандай болдуңар, жаңылыштыктар болдубу?

– Башында жаңылып жаттык, акчаны туура эмес жакка жумшап алгандан корктук. Катачылыктар туура нерсеге багыт берет экен, азыр системдүү иш алып барып калдык.

– Бир топ ырчылар чогуу аткарган “Адамга адам керек” деген ыр жакшы чыкты, азыркы учурда элге дем берди десек да болот. Демилгени ким көтөрдү?

– Карантин учурунда маданият министри Азамат Жаманкулов ушундай идеяны айтып калды. “Элге дем берсек, патриоттук ыр жаздырсаңар” деди. Ал уюштуруучу, демилгечи адам, жеке мен үчүн. Мен Мирбек Атабековго чалдым, ал макул болду, обонун жаратты, бирок жарыялаганга жетишпей калдык. Катаал карантин жолтоо болуп жолугуша албай, ишке ашпай калды. Карантин бүтүп, жайыраак абалга өткөндө бул демилгени кайра баштадык. Анда даяр ыр бар экен, ошону ырдап чыгалы дедик. Топ түзүп, ырчыларга сунуш кылып, телефондорго жаздырып, бир күндө ырды бүтүрүп чыгарып элге жарыя кылдык. Ал “Дарыгерлерге таазим” деген ыр. Анан Султан Садыралиев мага “Адамга адам керек” деген ырды жөнөтүп калды. Дароо жактырып, WhatsApp`тагы ошол эле группага ыргыттым. Жапа тырмак колдошту, бул жолу сапаттуу жасай турган болдук. Элге жарыя кылдык. Жыйынтыгы биз күткөндөн да жакшы болду. Бул ыр элдин бошоп турган көкүрөгүнө барып отурду окшойт. Ырда көбүнүн деми, үмүтү, кубанычы, айрымдардын ыйы да болушу мүмкүн. Ушуну менен биз кымындай болсо да жоопкерчиликти аткардык. Муну бир эрдик деп баалаганга болбойт, ишибизди кылдык.

– Кечээ бир сөз окудум, “жүдөмүш келинди сындай берген кайын журтка окшоп эле бийликке асылып жатабыз” деген. Сиздин оюңуз...

– Дал ушул акыбалда мен бийликке, эл башчыларына, депутаттарга сын айткан жокмун. Айтпайм дагы. Мамлекеттин калдайып турганынын өзү чоң күч. Ооруган адамдарга деле мамлекеттин алсыздыгын айта берсек, анын үмүтү өчөт. Учурда күнөөлүү-күнөөсүздү териштирип отурганга убакыт да, энергия да жок. Илдет күтпөйт, күчөп кетиши да мүмкүн, ага караганда бир катарга туруп, өлкөнүн саламаттыгы үчүн колдон келген салымды кошуш керек деп ойлойм. Биз көргүбүз келбесе да бул күрөштө мамлекет башчыларынын салымы бар. Бирок элге жардам кылган ыктыярчылардын иштерин мамлекет башчылары баалашы керек. Бул илдетте ар ким өзү үчүн бир нерсе үйрөндү. Бир убакта кесир сүйлөп калганбыз. Асылып, той болбосо эле баары жайына келчүдөй, экономиканы жалгыз тойлор артка тартып жаткандай сүйлөп калганбыз. Азыр тойканалар обсервацияга айланды. Кыргыздын жакшы сөзү бар, “жакшылыкта кезигишели” деген. Элибиздин мындан чоң сыноолордон аман чыккан тарыхы бар. Мындан да чыгабыз, бирок сыноону эстен чыгарбаш керек. Көп нерсенин баркын билдик, балдарыбыз үйдөн окуп, мугалимдин баркын билдик, ооруганда дарыгерлердин баркын билдик, күйөөсү аялынын, атасы баласынын, эжеси сиңдисинин баркын билди. Бул илдеттен кийин биз эле эмес, бүтүндөй адамзатта бурулуш сөзсүз болот.

– Шайлоо үгүтүндө ырдабайм деген ырчыларга кошуласызбы же...

– Мен ошол үгүт иштерине ырдоого эмес, үгүттө ырчылардын болушуна каршымын. Концерт менен коштолгон үгүттөрдө ырчылар курал катары колдонулбашы керек. Биз эски эле саясий маданият менен келе жатабыз, өзгөрүү керек. Жаңылануу керек. Жаңы ыкма колдонулушу керек. Тандап алган депутаттарды сындоодон мурун өзүбүз ошолорду алып келгенибизди билишибиз керек. Биз шайлабасак, алар ошол жерге барбайт эле. Медалдын дайым эки жагы бар.

– Маданият министринин кеңешчисисиз, маданият өкүлдөрүнүн маселелерин жакындан билип калсаңыз керек? Чечүү жолу бар бекен?

– 2020-жылдын эсебинен секирик жасай турган пландарыбыз бар эле. 2030-жылга чейин стратегиялык багыттарды иштеп чыкканбыз. Ичине наамдан баштап, маянага чейинки маселелер камтылган. Идеялар, долбоорлор ишке ашмак. Тилекке каршы, алты айдан бери илдет менен алышып жатабыз. Бардыгы өз ордуна келсе, ишке ашырабыз.

– Үй-бүлө тууралуу сүйлөшпөйлүбү? Балдарыңыз чоңоюп калса керек? Алар Урмат Усеновдун балдары экенин кандай кабыл алышат? Адатта ырчыны баласы, депутаттын баласы деген стереотип бар эмеспи?

– Алар каникул башталгандан бери айылда. Андан кийин жубайым айылга кеткен. Ушундай обочолонуп турганды туура көрдүк, азыр шаарда жалгызмын. Балдарым Урмат Усеновдун балдары экенин жай эле кабыл алышат. Анткени бул темада өтө сейрек сүйлөшөбүз, көбүнчө биздин чөйрөдөн оолак жүрүшөт. Көп убакыттарын окууга арнашат. Аларды эч ким тааныбайт, жеке баракчалары жок, биз да балдарды жарыялабайбыз.

– Азыр балдарыбызга башка тилдерди окутуп жатабыз, балдарды улутун сүйүүгө кантип үйрөтө алабыз деп ойлойсуз?

– Биз кыргыз тилинде сүйлөшөбүз, бул мактана турган деле нерсе эмес. Анан жай бою жайлоодо, айылда болушат. Көп көкүрөк каккан патриот жигиттер бар, балдары орусча сүйлөшөт. Бул туура эмес, тарбияны үй-бүлөдөн баштоо керек. Кыргыздын баалуулуктарын, тарыхын үйрөтүшүбүз керек. Өзгөчө эркек балага жеткинчек кезинен мекенин сүйүүгө үйрөтүү керек. Кыз балага көп милдет артпаш керек деп ойлойм, анткени тагдыры колубузда эмес, башка улутка да турмушка чыгып калышы мүмкүн, анда алар ошол жакка өтүп кетет. Бирок эркек баланы сөзсүз мекенчилдикке үйрөтүү, аны сактоо зарыл.

– "Чубак ажы, Зайырбек Ажыматов каза болгон досторуна күйүп кетип, көзү өтүп кетти" деп көп айтылып жатты. Эркектерде дос деген маселе биз ойлогондон да күчтүү окшойт?

– Дос жылдыз сыяктуу. Аны караңгыда көрөсүң. Кыйынчылыкта, оорчулукта тирек болуп турат. Бул бир туугандык, жакындык. Эми баарына эле бул энчиленген шыбага эмес, ар ким өзүнө жараша, жүрөгүнө жараша дос күтөт.

– Сизде барбы ушундай дос?

– Бар, атын айтыштын кереги жок. Мен аны купуя сыйлайм, ал да менде эмне болуп жатканын айттырбай түшүнөт.

– Достук жакшы нерсе тура, маегиңизге рахмат.

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
27.07.2020. 09:43 
Тайпасы:
Жаран
Комментарийлердин саны:
8
Катталган:
03-04-2020
Соӊку аракети:
03-08-2020 15:10
Жынысы:
Белгисиз
+9
Сын айта албвйсын.анткени Ошо акырдан жем жеп атасын. Балык чиновник болдун сен дагы
27.07.2020. 10:30 
Тайпасы:
Жаран
Комментарийлердин саны:
62
Катталган:
25-10-2019
Соӊку аракети:
15-08-2020 22:11
Жынысы:
Белгисиз
+4
Оа..айтпа эртен сени уволят)))
27.07.2020. 10:34 
Тайпасы:
Жаран
Комментарийлердин саны:
360
Катталган:
28-09-2011
Соӊку аракети:
01-08-2020 02:12
Жынысы:
Белгисиз
+11
Жанар акаевда бийлике баргыча только шывайт эле. Азыр аты эмес жыты да жокго. Карга карганын козун кантип чукуйт
27.07.2020. 16:11 
Тайпасы:
Жаран
Комментарийлердин саны:
64
Катталган:
25-02-2019
Соӊку аракети:
15-08-2020 18:40
Жынысы:
Белгисиз
+4
Тууру кыласыз айтпай.
Кичине кочугунузду батырып алыптанан айтын ошол жердин Демин жен дегендей
28.07.2020. 00:06 
Тайпасы:
Жаран
Комментарийлердин саны:
25
Катталган:
01-05-2020
Соӊку аракети:
15-08-2020 23:33
Жынысы:
Белгисиз
0
Билим денгеели жогору ырчы .сыйлайм уй булосу менен
29.07.2020. 19:39 
Тайпасы:
Жаран
Комментарийлердин саны:
63
Катталган:
16-12-2013
Соӊку аракети:
13-08-2020 20:26
Жынысы:
Белгисиз
+1
Негизи сыйлайм. Билими, тушунугу, маданияты жана чыныгы эркектик мунозу бар мырза. Бирок интервьюдагы тойлор жонундогу создоруно кошулбайм! Акыркы убакта ушул тойлор аша чаап кеткен. Канчалаган кырсыктар, ысрапкерчиликтер, зынакорлор, шайтандын оюндары жада калса чон эле апа аталарыбызды шерменде кылган видеолор кобойуп кетпедиби?! Бир той откоруш учун бир адам мигрант болуп бир жылын коротуп жатат. Биздин тупкулугубуз жоголуп ички дуйнобузду дуйного бошотуп бергендейбиз.
30.07.2020. 18:40 
Тайпасы:
Жаран
Комментарийлердин саны:
296
Катталган:
15-08-2017
Соӊку аракети:
14-08-2020 10:20
Жынысы:
Белгисиз
+1
Качан айтасын сынды, же шайлоодо мумкун ырдатып калабы деген умутун барбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24280;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: