Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АРТИСТТЕРДИН ШАЙЛООДОГУ «ШАБАШКАСЫ»

№411 17-23-сентябрь, 2010-ж.


“Артисттердин эле жашоосу жыргал” дегендерди угуп эле жүрөбүз. Бул сахнага күлүп-жайнап эч санаасы жоктой чыккандарынан улам келип чыкса керек. Бирок биздин бүгүнкү сөз кыла турганыбыз – өнөрпоздордун шайлоодо иштеп тапкан гонорарлары. “Мынча төлөнөт” деген акчасынын суммасын укканда “кап, ырчы эле болуп калбай” деп сөз жок өкүнөсүз.

СИМВОЛИКАЛЫК КОНВЕРТ ЭЭЛЕРИ
“Ата Мекен” партиясында партияны 10 жылдан бери туу тутуп келаткан Асылбек Өзүбеков бар. Ошондой эле Султан Каримов, Гүлзинат Суранчиева, Асел Турдалиева, Нена, Съездбек Искеналиев, Дайыр Исмадияров, Нурлан Насип, “Кыз-Бурак” тобу. Партия жогоруда саналгандардан сырткары да бир нече ырчыны чакырган. Бирок алар талантын чоң суммадагы акчага баалап, баш тартып коюшкан. Анткени партия ырчыларга олчойгон деле доллар төлөбөйт. Болгону, символикалык түрдө конверт карматат.

"БЭК" ЫРЧЫЛАРЫНА 11 000 ДОЛЛАРГА ЧЕЙИН ТӨЛӨЙТ
Бириккен элдик кыймылынын жетекчилерине концертти уюштуруучу тарабынан артисттердин тизмеси берилген. Алардын ичинен Сема, Рахман Разыков, Замир Мырза, Жаныбек Алыкулов уулу Алмаз Алыкулов менен Кубаныч Сатаев, Алишер Тоотаев, Жакут Сыдыков, комузчу кыз Кенже тандалып алынган. Булардын ар кимиси өзүнүн атак-даңкына жараша түрдүү суммада гонорар алышат. Алган акчалары эми укмуш. Көркөмдөп айтканда, “ай чапчыйт”. Эң эле элге алымдуусу бир ай ичинде 11 000 доллар алат экен. Ал эми калгандарына андан азыраак сумма берилет. Учурда аталган партия шоу-бизнес өкүлдөрүнө келишимде жазылган акчанын жарымын берип койгон. Калганы шайлоодон кийин төлөнөт.
“11 000 доллар деген сумманы биз калпыс угуп алган жокпузбу?..” деп "БЭКтин" басма сөз кызматынын жетекчисине кайрылдык.
“Бул чындык. Ырчылардын атактуусу 11 000 доллар, калгандары андан азыраак алышат. Акча шайлоо фондунан төлөнөт. Келишимде канча акча жазылса, бир тыйыны кемибей толук берилет”,- дейт Мирлан Дүйшөнбаев.

“БИЗГЕ ИШТЕГЕНДЕР БИР ТЫЙЫН АЛЫШПАЙТ”
“Жашасын Кыргызстан” партиясынын концерти Ош жана Бишкек шаарларында өтөт. Болгондо да көп улуттун өкүлдөрүнөн турган концерт. Эл оозуна алынып калган ырчылардан Бураш менен Максат Бегалиев бар.
“Ырчыларды партияга тартууда жердешчиликке жана тууганчылыкка караган жокпуз”,- дейт аталган партиянын жетекчиси Токтайым Үмөталиева. Бирок Бураш өз кызы, Максат кара чечекей күйөө баласы эмеспи. Ырчылар партиянын желегин канчалык желбиретишпесин, бир да тыйын алышпайт экен. Жетекчи айым: “Бизге иштегендер бир тыйын алышпайт. Анткени өздөрү да ушул партиянын мүчөлөрү. Башка партиялар ырчыларга чоң суммадагы гонорар төлөп жатышпайбы. Бул – учурунда мамлекет өнөр адамдарына бербей калган акчалар. Саясатчылар ырчыларды керек болгондо эле колдонбой, кайсы убак болбосун төргө отургузса жакшы болмок”,- деп кошумчалады.

ЭКИГЕ ЭМЕС, ҮЧКӨ БӨЛҮНГӨНДӨР
“Замандаш” партиясы Орусиядагы мекендештерибизди колдоп, көп иштерди алпарганы элге маалым. Ошондон улам өз үлүшүнө тийген ырчыларын экиге эмес, үчкө бөлүп, үчүнчү топту Орусияга жөнөтүшкөн. Ал эми эки топ Кыргызстандын түштүгүн жана түндүгүн түрө кыдырып жүрүшөт. Орусияга сапар алгандар кыргыздар көп жашаган Орусиянын 12 чоң шаарында “Замандашты” колдоп койгула деп үгүттөшөт.
Ар бир топто бирден алпаруучу, бирден куудул жана 3-4 ырчы бар. Гонорарлары болсо сүйлөшүүгө жараша болгон. Белгиленген сумма партиянын шайлоо фондунан төлөнөт. Шайлоо фондундагы акча депутат болом деген партия мүчөлөрүнүн капчыгынан чогулган.
"Гонорарын ачык айта аласыздарбы?" деп аталган партиянын басма сөз кызматына кайрылсак, алар "жашыруун сыр" деп жооп беришти.

"АРЗЫМАТТАРДЫН" КЕРЕГИ ЖОК"
“Айкөл эл” партиясынын үгүт иштерине бир дагы ырчы катышпайт. “Ушундай да болобу? Башкалар 11 000-12 000 доллар төлөп жатса...” деп аталган партиянын жетекчиси Эдил Байсаловго кайрылдык.
“Ыр ырдап элди алдабайбыз. Ырчыларга жамынуу Бакиев менен Акаевге жарашат. Ушул эле ырчылар убагында экс-президенттердин ырын ырдап жүрүшпөдү беле. Бизге "Арзыматтардын" кереги жок. Ырчыларга төлөөчү акчабыз жок, болсо да бермек эмеспиз. Эл ойлонуп, ишенип, анан добуш бериши керек. Ошондуктан өзүбүздүн программаны ар бир жаранга түшүндүрүүгө аракет кылабыз”,- дейт жетекчи.

АТАБЕКОВДУН ГОНОРАРЫ 12 000 ДОЛЛАРБЫ?
“Республикачылар” – Токтобек Асаналиев, Кутман Жолдошев, Айчүрөк Иманалиева, Мирбек Атабеков, Омар, Өмүрбек Андарбеков, Тилек Каныметов, Бегимай Эсенгулова, Ильяз Андаш, Аида Кулуева, Жанэль, алпаруучулар Нурзат Токтосунова, Бакыт Байсариев, Назира Кадыева.
“Шамал болбосо чөптүн башы кыймылдабайт” дейт элибиз. Бул жерде чөптүн башын “Республиканын” төлөөчү акчасы кыймылдаткан өңдүү. Анткени “Мирбек Атабековго “Республика” партиясы 12 000 доллар төлөйт экен” деп уккан элек. Бир топ жашыл акча төлөнөрү чындык эле окшойт. Эмнеге дегенде, карабайсызбы, шоу-бизнестин көзүрлөрүнүн үйүлүп-жыйылып алганын.
“20га жакын адамга төлөнчү мынча суммадагы акчанын берилиши чынбы?” деп партиянын жетекчисине кайрылууга аракет жасадык. Бирок бизди бери жактан эле басма сөз катчысы Кубат Болотканов жолго салды.
“12 000 доллар деген чындыкка дал келбейт. Шайлоо кодексинин талабы боюнча, ырчылар бекер ырдабайт. Ошондуктан символикалык түрдө келишимде көрсөтүлгөн акчаны беребиз. Мирбек Атабеков биздин партиянын мүчөсү, анын үстүнө Бабанов менен мурунтан жеке тааныш. Омар, Ома, Мирбек концерттик программаны өздөрү түзүп чыгышкан”,- дейт Кубат мырза.

КУРСАГЫ ТОК "ЧАБУУЛЧУЛАР"
"Бүтүн Кыргызстандын" "чабуулчулары" – Кубик Калыков, Байыш Момунов, Сапар Эркебаев, Назира Токонова, Камчы Сарыбаев, Чыңгыз Мырзаев. Булар да башка партиялардай эле эки топко бөлүнүп алып, үгүт тобу менен биргеликте Кыргызстандын бүт аймагын кыдырышууда. Аты айтылгандар кайсы жерге барбасын курсагы ток, машинасы бензини менен алдында, жатчу жайы камдалган. Ал эми бир айлык маяналарына келсек, ар кимдики ар кандай. Гастролдо жүргөндөр гонорарынын жарымын алып коюшкан. Келишимдеги акчаны шайлоо аяктагыча партия толук төлөп бүтөт экен.

СЫРДУУ ПАРТИЯЛАР
“Ак шумкар” партиясынын кеңсесине “сиздердин партия үчүн кайсы ырчылар ырдашат жана гонорарлары канча?” деп телефон чалсак, концерттерди Марина деген айым уюштуруп жатканын айтып, телефон номерин беришти. Уюштуруучуга чалсак, “мен эч кимдин атын атабайм. Гонорарын айткыдай жинди белем?!” деп сыр кылды. Ал эми “Ата Журт” партиясынын басма сөз кызматкерлери “бизде ким иштеп жаткандыгы тууралуу так маалымат жок, келип-кетип эле ырдап жатышат го...” дешти.


“ЫРЧЫЛАРСЫЗ ТОЙ КӨРКСҮЗ” ДЕЙТ БЕЛЕ?

Ырчылар үгүт иштеринде канча акча табары жөнүндө өздөрү эмне дешет?

Кумар Асанов:
“МИҢДЕГЕН ДОЛЛАРДЫН ДА ЖООПКЕРЧИЛИГИ БОЛОТ”
– “Ата Журт”, “Ак шумкар” партиялары чакырды, бирок убакыттын тардыгынан бара алган жокмун. Анткени “Асыл жарым” деген ырга клип тартып жаткан элек. Чынында, революция болбогондо деле жашообуз өтмөк, туурабы? Үгүт иштери башталганда эле катышпайм дегем, ошол сөзүмө турдум. 10 000-11 000 доллар жөнөкөй акча эмес. Балким, бул сумма карапайым калктын чөнтөгүнөн алынган же кимдир бирөөнүн көз жашыдыр. Ошондуктан миңдеген доллардын да жоопкерчилиги болуш керек деп үгүт иштеринен оолак болдум.

Ынак Осмоналиев:
“6000 ДОЛЛАРГА ИШТЕП ЖАТАМ”
– Мен “Замандаш” партиясы үчүн иштеп жатам, гонорарым – 6000 доллар. Азыр Таласта жүрөбүз, анан Суусамырга кетет экенбиз. 28-сентябрда гастролубуз аягына чыгат.
– Шайлоодо кайсы партияга добуш бересиң?

– “Замандашка” же “Ата Мекенге” добуш берем. Мерген Турган:
“МЕНИ ЭЧ КИМ ЧАКЫРГАН ЖОК”
– Мени эч бир партия чакырган жок. Чакырса сүйлөшүп көрмөкмүн. “Партиядагылар өз тааныштарын алып келип эле ырдатып, акча жасап жатышыптыр” деп уктум. Алар аты-жыты билинбеген эле ырчылар экен. Кыскасы, мен эл мененмин.

“Жоролор” тобунун жетекчиси Жылдызбек Абдраимов:
“10 КҮНГӨ 2500 ДОЛЛАР АЛАБЫЗ”
– Биздин “Жоролор” тобу төрт адамдан турат. Төртөөбүз “Бүтүн Кыргызстан” партиясы менен 10 күнгө 2500 доллар алмай болуп сүйлөштүк. Он күндүк жумушубуз аягына чыкса, дагы башка партияга иштейли деп жатабыз.

Баяке Чааров:
“ӨЗДӨРҮ ЭЛЕ “КУДАЛАЙ” БЕРИШИПТИР”
Кайсы бир партия Ильяз Абдыразаковго 3000 доллар беришкен. Арадан көп өтпөй ырчыга башка партиядан
“12 000 долларга ырдап бер” деген сунуш түшкөн. Анан Ильяз биринчи партияга алган 3000 долларды кайтарып берсе, “6000 доллар кылып бересиң же бизге ырдайсың” деген талап коюшкан.
“Ушунун аягы эмне менен чечилди?” деп Ильяздын продюсери Баяке Чааровго кайрылдык.
– Муну мен кеч билип калдым. Менин катышуумсуз эле ошондой иштер болуп кетиптир. Партиянын адамдары тууганчылыкка салып “ырдап бер, иничек” деп акча карматышкан экен. Орто жерден “Республика” да “кудалап” жибериптир. Эки партиянын талашында калгандыктан, азырынча эч бир партияга ырдай элекпиз. Бирок “Ата Мекенди” көздөп жатабыз. Анткени ал жакта менин жакын адамдарым бар.

Мирбек Атабеков:
“ЧЫН ЭЛЕ ГОНОРАРЫМ КӨП”
– Мен “Республика” партиясына иштеп жатам. Чынында, гонорарым көп эле, бирок бул сыр бойдон эле калсын. – Айрым партия жетекчилери азыркы ырчыларды "Арзымат" (курсагы тойгон жерде ар кайсы байды мактаган акын) деп атап алышыптыр, өзүңдү "Арзымат" катары сезбейсиңби?
– Мурдагы бийликтин үгүт иштерине чыкканым чын. Анда кысымдын негизинде чыккан элек. Азыр “Республиканы” өз каалоом менен колдоп жатам. Ырчылар – элдин адамдары. Эл үчүн ырдап, кызматыбыз үчүн акыбызды алабыз. Аны "Арзымат" дегенге болбойт да.

Урмат Усенов:
“БИР ПАРТИЯГА БАЙЛАНГЫМ КЕЛГЕН ЖОК”
– Неля экөөбүз тең бир партияга башыбызды байлагыбыз келген жок. Ошондуктан мен 3-4 партияга келишимдик негизде ырдайм. Мисалы, “Ар-намыс” партиясынын эки концертине катыштым. Бир концертте эки ыр ырдадым. Акчасы жашыруун боюнча эле калсынчы. Андан сырткары дагы үч партия менен келишим түзүү алдында турам.

Алина Жетигенова:
"БАЛАМ ЭКӨӨБҮЗ БИР ПАРТИЯГА ЫРДАЙБЫЗ"
– Балам Азиз экөөбүз тең "Замандаш" партиясына ырдамай болдук. Мага кеч айтып калышты. Ошондуктан кагаз жүзүндө келишим түзгөнгө жетишпей эле гастролдоп бара жатабыз. Партиянын жетекчиси Мухтар менен саясатка аралаша электе эле тааныш болчумун. Гонорар жагынан таарынтышпаса керек деп ойлойм.

Сүйүн Кулматова
star@super.kg


«Супердин» сурак бурчу

ЫРЧЫЛАРДЫН САЯСАТКА АРАЛАШУУСУНА КАНДАЙ КАРАЙСЫЗ?

Улан Эралиев,
30 жашта, спортчу:
– Негизи, ырчылардын да ар кандайы болот. Алардын ар бири өзүнүн жөндөмүнө, деңгээлине жараша иш алпарса керек. Бирок башкысы, алардын ичинде патриоттук сезими зор, эл үчүн күйүп иштей турганы болсо, андайларга ийгилик эле кааламакчымын.

Майрам,
60 жашта, пенсионер:
– Ырчылардын аралашуусунабы? Чынын айтсам, саясатта ырчы болобу, башкасы болобу, жыйынтыктуу иштеп берсе дейт элем. Баары креслого отурарда "тоону тоңкором" дейт. Бирок жыйынтыгын 15 жылдан бери эле көрүп келе жатпайбызбы. Андыктан кимиси болсо да иштесин.

Гулира,
47 жашта, соодагер:
– Кыргызстандын ар бир атуулунун саясатка аралашууга укугу бар. Ырчылардын аралашуусуна мен каршы эмесмин. Учурда маданият тармагыбыз жыргап кеткен жок. Ырчы депутат болсо, мындай абалды оңдойт деп ишенем. Анан да жеңил-желпи ырлар көбөйүп кетти. Мына ошону көзөмөлдөшсө болор эле.

Фархат Кеңешбек уулу,
26 жашта, ырчы:
– Билишимче, саясатка бардык эле ырчылар аттанган жок. Кадам таштагандар элге кызмат кылып, элдин жашоосун оңдоого дитин койгондор болсо керек. Бирок ар ким өз иши менен алек болгону жакшы дейт элем.

Айжан,
18 жашта, студент:
– Келечектен жакшылыкты үмүттөнгөн жаштарданмын. Андыктан саясатка кимиси келсе да өлкөдөгү жаман окуялар кайталанбашы үчүн жакшы иштеп берет деп үмүттөнөм. Ал эми ырчылардын кирүүсү плюс эле. Алар дайыма элдин маанайын көтөрөт, жан дүйнөнү байытат. Саясатка кирип, элди да байытышат дейт элем.

Топчубек,
21 жашта, студент:
– Ырчы сахнасы, саясатчы саясаты менен эле болсун. Мен ырчылардын бул ишке барышына каршымын. Саясат эмне нота беле? Ырдап жүрүп атын чыгарып, анан эле саясатка аралашып жаткандарына күлкүм келет. Алар ырын эле кыйратышсынчы.

Назик,
27 жашта, бийчи:
– Эки колдоп колдойм. Ырчылар, негизи эле артисттер эл кишиси да. Алар гастролго чыгып жүрүп, элдин көйгөйүн жакшы билишет. Саясатка аралашышса, көйгөйлөрдү чече алышат го.

Бактыгүл Сокушова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(7)
18.09.2010. 04:22 
Тайпасы:
Жаран
Комментарийлердин саны:
370
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
IR4ilar da sayasat4i bolup ketkeni bolboit ko,bawka sayasat4ilar dele jetiwet,birok ubakittan paidalanip ak4a taap aliwsa kowulam ir4ilarga dele.
18.09.2010. 04:34 
Тайпасы:
Жаран
Комментарийлердин саны:
370
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
IR4ILAR kaisil jerlerge barip "ZAMANDAW" je "AR NAMIS"dep irdap jatti boldu eken?Albette mintip irdawpait boluw kerek,ar kim oz syigon gana irin irdait,patriot bolgon son KIRGIZ elim y4yn irdaim dese ukmuw sonun bolmok(ak4aga irdagan kundo dele).
18.09.2010. 13:50 
Тайпасы:
Тартип бузгандар
Комментарийлердин саны:
74
Катталган:
25-07-2010
Соӊку аракети:
24-03-2011 00:49
Жынысы:
Белгисиз
0
Ырчылар - булар ШОУ БИЗНЕСтин адамдары, булар партияга аралашып саясатка илинип депутат болушса, анда ЖКда баягыдай эле бизнесмендердин курамы тузуп калат, ансыз деле коптогон бизнесмендер ат салышып жатканы талашсыз.
19.09.2010. 09:37 
Тайпасы:
Жаран
Комментарийлердин саны:
13
Катталган:
08-09-2010
Соӊку аракети:
22-03-2018 08:29
Жынысы:
Белгисиз
0
Урмат азаматсың ушинтип бир патиянын артынан чуркабай 2-3 патияны аркалаганың жакшы. Мындай ишке ынтымакты, биримдикти сүйгөн элдин башын бириктиргенге аракет кылган гана адамдар баш багат деп ойлойм. Анткени мен өзүм ушундаймын.
20.09.2010. 11:55 
Тайпасы:
Кыймылы жок
Комментарийлердин саны:
62
Катталган:
07-09-2010
Соӊку аракети:
05-10-2010 08:57
Жынысы:
Белгисиз
0
Албетте ырчылардын элди аралап концерт бергени жакшы,бирок саясий кербенге ырчылардын кошулушуна каршымын.Анткени партия жетекчилери жаштарды концерт менен сатып алууну коздоодо.18-25жаштагы жаштар шайлоочулардын 40-50%тин тузот. Буларга партиянын платформасы эмес бекер к
20.09.2010. 11:57 
Тайпасы:
Кыймылы жок
Комментарийлердин саны:
62
Катталган:
07-09-2010
Соӊку аракети:
05-10-2010 08:57
Жынысы:
Белгисиз
0
бекер концерт кызыктуу. Жаштар стадионго кобунчо Бабанов же Сариев келиптир деп барбайт, Атабеков же Султан Садыралиевдин концертине деп барат... Жаштардын копчулугунун (18-25арасы) саясий коз карашы калыптанып буто элек, алардын ишенимин бекер концерт менен сатып алуу туур
20.09.2010. 11:59 
Тайпасы:
Кыймылы жок
Комментарийлердин саны:
62
Катталган:
07-09-2010
Соӊку аракети:
05-10-2010 08:57
Жынысы:
Белгисиз
0
туура эмес... Ал эми ырчыларга бул асмандан акча жаагандай эле кеп да, бир жылдык мээнетин 10-20 кундо тапчу болсо.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: