Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Нурайым Азыкбаева: «АТАМДЫН КААРЫНАН КОРКОМ»

№411 17-23-сентябрь, 2010-ж.


"Аккан арыктан суу агат" демекчи, Курмангазы Азыкбаев кызы Нурайымды өзүнөн ашыра тарбиялап, музыкага сугарганга бардык күчүн жумшап келет. Нурайым жаштайынан скрипкасы менен дүйнөнүн көп өлкөсүн кыдырып, кыргыз музыкасын таанытып жүрөт. Бүгүн биз мына ушул таланттуу, татына кыздын жан дүйнөсүн, дегеле жашоодо кандай адам экенин ачып берүүгө аракет жасайбыз.

АТАСЫНЫН КЫЗЫ

  • 1989-жылы 3-сентябрда Бишкек шаарында төрөлгөн.
  • Туулган күнүнө карата жана “Чыгыш базары” сынагына топ менен эмес, жеке ырчы катары барып келгенин куттуктап, ата-энеси машина белек кылышты.
  • Бир байкеси, эки иниси бар. Баары тең музыка дүйнөсүнүн патриоттору.
  • “Казакстандын атын чыгарып бизге иштегиле” деген сунуш бир нече ирет түшкөн. Бирок Азыкбаевдердин жүрөгү кыргыз деп гана согот.
  • Атасынын кызы. Атасынын мүнөзү катуу. Бирок эл ойлогондой балдарын уруп-сокпойт.
  • Бош убактысында психология боюнча китептерди окуп, апасы менен төшөк көктөйт.
  • "Чыгыш базары" фестивалында Атай Огомбаевдин "Эсимде", Токтогул Сатылгановдун "Үлгү ыр", Калыйбек Тагаевдин "Таалайым сенде" ырларын аткарды.

– Нурайым, билишимче, балалы­гың Нарын жергесинде өткөн...
– Ооба, 6 жашыма чейин Нарын жергесинде, чоң энемдин колунда өскөм. Бала кезде кыздардын деле чачын устара менен кырып салат го. Кыска чачыма чачыгы бар сүлгү байлап узартып алып, коңшу кыздарга берген концерттеримди унутпайм. Анан борбордогу Мукаш Абдраев атындагы музыкалык мектепке киргем. Мектепке кирерде кадимкидей сынак тапшырышат экен. Ошондо атам мага бир сааттын ичинде нотаны үйрөтүп койгон. Мугалимдер колумдун жөндөмүн карап көрүшүп, скрипка бөлүмүнө алышты. Ага удаа эле №1-музыкалык мектепте комуздан, Шубин атындагы мектепте скрипкадан сабак алып окудум. Бир учурда үч мектепте окудум деп айтсам, оор угулушу мүмкүн. Бирок үчөө тең музыкалык болгондуктан, кызыгуу, аракети бар адамга кыйын болбойт.
– Бир мезгилде үч мектепти аяктаган кыз азыр бир эле окуу жайда окубаса керек...
– Мектептен соң Улуттук консерваториянын скрипка бөлүмүнө тапшырдым. Андан сырткары Политехтин менеджмент факультетинде да окуйм. Ошол эле Политехте студенттерге маданият таануудан сабак берем. Учурда бул нерсени убактылуу жыйыштырып коюп, “Эне-Сай” тобуна көбүрөөк күч жумшап жатам. Мурунку “Наристе” тобу менен “Эне-Сайды” кошуп, камералык оркестр түзгөм. Топто мурун 6 адам элек, азыр 11 адам болуп көбөйдүк. Жаңы курамдын мүчөлөрү Абдраев мектебинин окуучулары. Мүнөзү жагынан мени менен иштеше ала турган, фольклор, жаз, классика, эстраданы бирдей алып кете турган таланттар менен толукталдык. Андан сырткары кенже курам түзүп, ага төрт жаш жеткинчекти алдым.
– Жаш болсоң да чет өлкөлүк сынактарга катышып, чоң сахнаны аралап жүрөсүң. Алардын сахнасы менен биздин сахнанын айырмасы кандай?
– 14 жашымда биринчи жолу Прибалтика өлкөлөрүн кыдыргам. Ошондон бери бир нече өлкөдө болдум. Биз көбүнчө Казакстанга тойлорго чакыруу алабыз. Бирөө чакырат, андан угуп экинчиси чакырат дегендей. Биздин тойлордо тост берет, анан бир ырчы ырдайт. Ушинтип алмак-салмак кете берет го. Аларда оюн-зоок, ыр-күү көбүрөөк. Бир тойдун үстүнөн 20-30 адам иштегени менен, кыргыз берген тойго жетпейт. Анткени биздин тамадалар алардыкына караганда 2-3 эсе профессионалдар десем жаңылышпайм, кандай болбосун тойдун көркүн чыгарышат.
– Бир тойдон канча сом тү­шөт?
– Акча жагын атам өзү сүйлөшөт, мен кийлигишпейм. АКШнын, Орусиянын сахналарына токтолсом, уюштуруу иштери өтө жогорку деңгээлде болуп, сахнасынын чоңдугу, жасалгасы менен бизден бир кыйла алдыда. Мисалы, Бритни Спирсти алалы. Анын клиптери теледен, ырлары радиодон берилип жатса эле, “даяр ырды коюп койду” дейбиз. Бирок ал концерт бергенде жандуу үн менен ырдайт. Музыкасын канча аспап коштосо, ошонун баары сахнада ойнолуп, бир эле ырды бир нече стилде жандуу ырдай билет. Алардын сахнада аткарылган ар бир ырына өзүнчө сценка коюлат. А бирок аларда жылдыз оорусу күчтүү. Жылдызы жанып турган жаш ырчы өзүнөн көп жаш улууну деле тебелеп-тепсеп кете берет. Кыргыз элинде ыймандуулук баарынан жогору. Мен ушуну менен сыймыктанам.
– Жакында эле Украинада өткөн “Чыгыш базары” сынагына катыштың. Эмне жаңылык ала келдиң?
– Жаңылык көп. Индонезиядан келген ырчы жигит өз мамлекетине чогуу концерт берүү үчүн чакырды. Эгер бул тилектер ишке ашып калса, дуэт жаздырабыз. Сынак жөнүндө айтсам, орундар алдын ала сатылып кеткени билинип турду. Калыстар тобунун башында, курамында өзбек туугандар отурду. Мамлекетибизде болуп өткөн окуядан улам алар бизди басып койду дегим келет. Жыйынтыгында мен финалга чыкпаганым менен, Неля чыкты. Демек, Кыргызстандын аты жаңырды, бул мен үчүн сыймык. 1-орунду Казакстан алды. Гран-При болгон жок. Угушубузга караганда, Гран-Приге демөөрчү болгон адам 30 000 евросун бербей качып кетиптир.
– “Калыстар тобунда өзбек туугандар отурду, өлкөдөгү кырдаалга жараша бизди басты” деп жатасың. Эмне үчүн анда ал­дың­­кы орунду өзбек ырчысы алган жок?
– Өзбек ырчысын жакшы эле көтөрмөлөштү, алда канча төмөн деңгээли менен 2-орунду алды. Эгер андан да жакшыраак ырдаса 1-орунду алмак.
– Жол чыгымын ким көтөрдү?
– Бизге Маданият министрлиги чакыруу берген. Ошол чакыруунун негизинде сынакка бекер катыштык. Катышуу үчүн жүздөгөн евро төлөнөт экен. Продюсеримдин, менин барыш-келиш жолубузду атам көтөрдү.
– Продюсериң Назгүл Айдаралиева экөөңөрдүн ортоңордо кагаз жүзүндө келишим барбы?
– Экөөбүздүн иштешкенибизге эки жыл болду. Кагаз жүзүндө келишим жок.
– Эл арасында “бул кыз скрипкасы менен эле жүрө берсе болмок, ырдай албайт. Ырлары кыска-кыска кайрыктардан турат” деген кеп бар. Вокалдан сабак алдың беле?
– Мен бир эмес, бир нече профессионал мугалимден сабак алгам. Ырдоо жагынан деңгээлим төмөн деп эсептебейм. Ушул жерден кыстырма кыла кетким келет. Ооба, бизде жаш таланттар дүркүрөп өсүп келе жатышат. Бирок көбүнүн музыкалык билими жок. Ушуну айтсам, “өзүңөрдү “классикабыз” деп бөлө бересиңер” дешет. Кеп анда эмес. Биздин ырчылар компьютердин жардамы менен үнүн кооздотуп алышат. Чет өлкөгө концертке же сынакка барганда ырчылар чай, кофе ичип эс алып жатышканда жандуу үн менен бири-бирине ыр тартуулашат. Мына ушул жерден өздөрү уят болот.
– Сырттан караганда татынакай, шайырсың. Чыныгы жүзүң кандай?
– Чын эле шайырмын, күлкүчүмүн. Достор менен чогулганда күлкүм бир кармаса кечке күлөм. Анан баарын бетке айткан ачыкмын, бирок унчукпачу жерден унчукпай коём. Жемимди кандай учур болбосун, такыр жедирбейм.
– Жигит жагы кандай болуп жатат?
– Сиздер мурунку сандарыңарда “Нурайым Азыкбаева Чыңгыз Мырзаев менен жакшы түгөй болчудай” деп тамаша иретинде жазыптырсыздар го. Ошону атам туура эмес түшүнүп алып, аябай урушту. Кыскасы, атамдын каарынан корком. Ошондуктан жеке жашоом жөнүндө эч нерсе айтпайм.
Атамдын бир жоругун айтып берейинби? 2009-жылы Опера-балет театрында “Жылдын тандоосу” деген кече өткөрүлдү. Чет өлкөгө Кыргызстандын атын даңазалап жүргөнүм үчүн мени да сыйлашмак экен, концерттик программага да кошуп коюшуптур. Ал мезгилде ден соолугум бир аз начарлап, ооруканада жаткам, ага болбой чакырган жерге бардым. Режиссёр Казакстандан келиптир. Даярдануу учурунда ал киши мага “скрипкада ары-бери бийлеп ойно” деди. “Ооруп жатам, отуруп комузда эле ойноюнчу” деп сурансам “ары жакка кат алдыгыныңды” деп комузумду жактырбай жинденди. Ошондо атам чет өлкөлүк адамдын мага кылган мамилесине, улуттук аспапты басмырлап жатканына чыдабай кетти. Тура калып режиссёрду микрофон менен бетке койду. Бул окуя чоңдорго чейин жетиптир. Режиссёр кетерде “кокуй, кой, сен Кордайга жетпей каласың” деп коопсуздукту сактоо кызматкерлерин кошуп жөнөтүшкөн. Атамдын кыялы мына ушундай.

Сүйүн Кулматова
star
@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
17.09.2010. 23:19 
Тайпасы:
Кыймылы жок
Комментарийлердин саны:
57
Катталган:
25-08-2010
Соӊку аракети:
25-08-2014 12:51
Жынысы:
Белгисиз
Калаасы:
kubafinnka
0
Ona talantliva
18.09.2010. 06:50 
Тайпасы:
Жаран
Комментарийлердин саны:
134
Катталган:
18-07-2010
Соӊку аракети:
28-02-2018 09:52
Жынысы:
Белгисиз
0
Оркунун оссун!
18.09.2010. 14:28 
Тайпасы:
Жаран
Комментарийлердин саны:
9
Катталган:
03-09-2010
Соӊку аракети:
01-02-2017 15:02
Жынысы:
Белгисиз
0
Атаң ырас кылыптыр бетке микрофон менен чаап.
18.09.2010. 22:01 
Тайпасы:
Тартип бузгандар
Комментарийлердин саны:
5
Катталган:
01-09-2010
Соӊку аракети:
06-12-2012 19:50
Жынысы:
Белгисиз
0
Kurmangazy Azykbayevdi chyn dilimden urmattaym.Chynygy Kyrgyzdyn munozu tak ushul kishide!
19.09.2010. 09:52 
Тайпасы:
Жаран
Комментарийлердин саны:
13
Катталган:
08-09-2010
Соӊку аракети:
22-03-2018 08:29
Жынысы:
Белгисиз
0
Азамат Курмангазы байке.
20.09.2010. 02:15 
Тайпасы:
Кыймылы жок
Комментарийлердин саны:
2
Катталган:
11-09-2010
Соӊку аракети:
20-09-2010 03:37
Жынысы:
Белгисиз
Калаасы:
ishi kılsa .
0
iygilik sana .
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: