реклама
Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№921 30-июль - 5-август, 2020-ж.


(Башы өткөн сандарда)

Искендердин тынчы кетип, кыйналып жүргөнүн Айтурган да билди.

– Сен эмне эле болуп жүрөсүң?- деди ал бир күнү чыдамы кетип.

– Эмне болуп жатыптырмын?

– Барсыңбы же жоксуңбу белгисиз.

– Кандайча бармынбы же жокмунбу?

– Жинге тийбечи, биздин үйдө барсыңбы же жоксуңбу белгисизсиң деп жатам.

– Сага ошондой сезилип жатат. Баары жайында.

Искендер терс бурулуп жатып алды. Айтурган да жини келе терс бурулуп жатып алды. “Жумушунда бир нерсе болуп жаткандыр, убагы келгенде айтат” деди ичинен. Дагы да өзүн алдады. Анан да адамда ишеним деген нерсе бар. Ишенген адамың тууралуу эч бир жаман ойлоно албайсың. Айтурган күйөөсүнө сокур ишеним эле. Эч бир убакта Искендердин башка бир аял менен байланышы болору оюна келчү эмес. Бул жолу да келбеди. Искендерге ушул ишеним баарынан оор болчу. Аялынын ишенимин тебелеп кете албайт эле. Ушунча жылдык курган сезимдерин тебелеп кеткени өзүнүн өлүүсү менен барабар болчу. Үйүндө да жай таба албаган, жумушка да көңүлү жок, уулдарынын жанына да кете албаган бир азаптуу күндөр башталды. Бир чети бактылуу күндөр эле. Жан дүйнөсү менен тартылганы – уулдары болчу. Жок дегенде бир жолу аларды көрүп койбосо болбойт. Алан жакшы болуп келе жатты. Өзгөчө ушу баласы менен жакын болуп кетти. Күндө өзүн күтүп, терезеде отурчу. Көрөрү менен эшикти ачканга чуркачу.

– Искендер атам келди,- деп жиберди бир жолу сүйүнгөн уулу.

“Ата” деди. Оозу толо айтты. Апасынын көздөрү бакырайып, Искендер турган жеринде катып калды.

– Жинди, ал биздин атабыз эмес,- деди Адам шыбырай.

– Мейли, атам болбосо да мени айыктырды. Ошого ата дей берсем да болот. Туурабы, апа?

– Билбейм, уулум. Мен...

– Болот,- деп койду бала өзүнчө ишенимдүү. “Сен дагы уруксат бер” дегенсип сураныч менен тиктеп калды Искендерге.

– Ооба, сен менин уулумсуң да. Сен ата де мени. Макулбу? Мени ата десең аябай сүйүнөм,- үнү калтырап кетти атасынын. Моюнунан кучактаган баласын бооруна кыса ыйлап жибербегенге араң чыдады.

– Жок, сен биздин атабыз эмессиң.

Адам болсо жактырбай тиктеп турду. Ичинен эгизи жөн жерден ата таап алганына кызганып тургандай. Сөздү улантыш оор эле.

– Келгиле, чай ичебиз,- деп жиберди Аяна. Балдар ойноп кеткенде гана экөө бири-бирин тиктеп калышты.

– Мындан ары эмне болот?- деди Искендер. Муну өзүнөн сурадыбы же Аянадан сурадыбы белгисиз болчу.

– Жарым жылдай операциянын жыйынтыгын күтүшүбүз керек. Муну өзүң айттың. Андан кийин биз кайра кетебиз. Бир аз убакыт чыдап кой. Анан жашооңдон кетебиз.

– Сен кетесиңби, коёсуңбу, өзүң билесиң, бирок балдарды эми менин жанымдан карыш чыгара албайсың. Мурун билбеген үчүн жүрдүм. Эми эч кайда алып чыгып кете албайсың.

– Искендер...

– Сен эч качан менин абалымды түшүнбөйсүң. Ойлогонуң эле өзүң. Сенин балдарың маңдайыңда турат, бирок ата деп айта албайт. Бул канчалык оор. Ата деген сөздү да тилемчидей тиленип айтып алса жүрөгүң жарыла сүйүнүп отурасың. Сен аларды бооруңа кыскың келип жатса да аны кулпулаганга аргасызсың. Бул канчалык оор, билесиңби?

– А сен билесиңби жалгыз бой эне болуу кандай оор?

– Жок.

– Билбесең билип ал. Жалгыз бой эне болуу ата үчүн да, апа үчүн да, адам үчүн тең чечим чыгаруу. Балдарыңдын үмүтүн, сага болгон ишенимин бошко чыгарбоо үчүн күнү-түнү алпурушуу. Жаныңды оозуңа тиштеп алып турмуш менен күрөшүү. Бакырып ыйлап алгың келсе да дым чыгарбоо, анткени балдарың сенин кыйналганыңды билбесин. Ыйлаганга да, шалдайганга да акың жок, анткени эки баланын төрт көзү сени тиктеп турат. Кээде акылыңдан адашып кеткиң келет, анте да албайсың, анткени алардын сенден башка эч кимиси жок. Өзүңдүн эч бир жашооң жок, анткени сен энесиң. Мен билген энелик ушундай. Сен көп болсо жарым жыл кыйналдың.

– Азыр ким канчалык кыйналганын салыштыра турган убакпы?

– Искендер, сага эч кандай милдетим да, доом да жок. Сен дагы мага дүйнөдө эң чоң кылмыш кылган адамдай мамилеңди токтот. Сенин күнөөлөгөн көздөрүң мени күндөн-күнгө муунтуп бара жатат.

– Эмне кылайын? Мен жашай албай бара жатам.

– Ии, мен жыргап жашап жатпаймынбы?

Искендер Аянаны бир далайга тиктеп калды. Эч кимди, өзүн да, башканы да аябагандай бир катуулук пайда болуптур. Балким, бул жалгыздыктын кесепетидир, балким, бул бактысыздыктын белгисидир? Мурун башкача кыз болчу. Жашоого тойбогон, ар бир мүнөтүнөн ырахат алган башкача жан эле. Көздөрү мындай катуу эмес эле, каштары мындай жыйрылчу эмес.

– Кичинекейим,- деп жиберди. Аяна жалт тиктеди. “Жок, жүрөгүмө кайра киргенге аракет кылба, ансыз да сага жолугуп, бактысыз болдум. Кайра жалынсыз түтөгөн күндөрүмө кайткым келбейт. Мени жайыма кой” демек азыр көздөр сүйлөй алса.

– Мен сени...

– Искендер, үйүңө кет.

– Макул, мен эч нерсе дебейм. Сен үчүн канчалык ал эшик жабык болсо, мен үчүн да жабык. Бирок сен өзгөрбөчү, сен катуу болбочу. Андан көрө дүйнө ала салып кетсинчи. Ооба, мен акылсыз акмакмын. Мен адам деле эмесмин. Менин айымдан сен да, балдар да кыйналышты. Ошентсе да сен өзгөрбөчү, мени жек көрүү менен карабачы. Билем, чарчадың, аябай оор болду. Ошентсе да...

– Кет дедим.

– Кетем. Эртең кайра келем.

Искендер чыгып кетти. Аяна бир топко отурду да, тарелканы болгон күчү менен ыргытып жиберди. Чуркап келген балдарына күлүмсүрөй карады.

– Колумдан түшүп кетти, балдар, силер тишиңерди жууп, төшөккө жөнөгүлө.

ххх

– Ырас келдиң, эже, сени, балдарды да сагындык эле,- деди Салима эжесин кучактай.

– Сонун жер экен.

– Аландын абалы кандай?

– Жакшы. Буюрса, жарым жылдан кийин баары өз ордуна келет. Өзүң кандайсың?

– Жакшы, минтип жайлоого чыгып кетебиз. Кышында айылга түшөбүз.

"Ушунча жыл окудуң, канча эмгек кылдың, эми Нарынга, айылга жашаганы турасыңбы?" деп урушканым эсимде. Азыр жашооңду карап туруп, сен туура жолду тандагансың деп ойлоп жатам.

– Ооба, Самат жакшы күйөө, балдарыбыз да жакшы чоңоюп жатышат. А менин билимим бул жерде деле кереги тиет. Жылкыларды, койлорду, уйларды дарылап жатам. Менин ветеринар экенимди бүт айыл билип калды. Байып да жатам,- деди Салима күлүп.

– Эх, Салиш, сен акылдуу кызсың. Башынан эмне каалаганыңды билдиң. Бактылуусуң. Кайсы жерде болсун адам бактылуу болуш керек экен. А мен кайсы жерден бакыт издесем да таба албадым.

– Искендер менен жолуктум, башымды кайра жоготтум дей көрбө, эже.

Аяна күлүп жиберди.

– Жок, жоготподум. Ортобузду балдар гана байланыштырарын дагы даана түшүндүм. Айласын таппай жүрөт. Жүрөгү балдары дегени менен, аялына айта албайт окшойт.

– Аялы мынча кымбат чыкты аныңдын. Сиз менен жашабайм, бирок бул балдар меники деп айтып, балдарга жоопкерчилик алышы керек го.

– Билбейм, ал тууралуу деле сүйлөшкөн жокпуз. Эзилип турганын көрүп, мен кыйналып кеттим. Кетип калайын десем, Алан беш ай анын көзөмөлүндө болушу керек. Мен өзүм үчүн андан эч нерсе күткөн эмесмин, күтпөйм дагы. Бирок балдарды көргөндө бир тыянакка келет го дегем.

– Эже, Москвада жүргөндө сизге ушунча суктанчу элем. Мени окутуп, балдарды карап, иштеп, баарына жетишчү элеңиз. Сиз баары бир жолун табасыз. Сиз таң каларлык акылдуу адамсыз. Мунун да бир жолу болот. Ишенип коюңуз.

Аяна башын ийкеди. Уулу эле айыгып чуркап кетсе болду. Калганынын жолун табат...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
04.08.2020. 07:46 
Тайпасы:
Жаран
Комментарийлердин саны:
300
Катталган:
15-08-2017
Соӊку аракети:
23-09-2020 12:47
Жынысы:
Белгисиз
0
Сонун...
09.08.2020. 19:28 
Тайпасы:
Жаран
Комментарийлердин саны:
73
Катталган:
05-07-2016
Соӊку аракети:
23-09-2020 09:01
Жынысы:
Белгисиз
0
Биринчи жолу окудум кызыктуу экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24493;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: