БИР БҮРКҮМ. АБАНЫН ТЕМПЕРАТУРАСЫ 5-АВГУСТТАН БАШТАП ЖОГОРУЛАЙТ

Июнь окуясына айыпталып, өмүр бою эркинен ажыратылган укук коргоочу Азимжан Аскаров ооруп каза болду.
Мэрия: “Бишкекте оору басаңдап, убактылуу стационарларга кайрылгандардын саны азайды”.
Бишкек мэриясынын аппарат башчысы Балбак Түлөбаев Ысык-Көл облусунун башчысы болуп дайындалды.
Өмүрбек Текебаевди райондук сотто күнөөлүү деп тапкан сот Айбек Эрнис уулунун судьялык ыйгарым укуктары токтотулду.
БШК: “Шайлоочу катталган жеринен тышкары добуш бере алат. Шайлоого 15 күн калганга чейин шайлоочу №2 форма боюнча арызын тийиштүү шайлоо тилкесине тапшырышы зарыл”.
Билим берүү министрлиги: “Абитуриенттер керектүү документтердин түп нускасын окуу жылы башталганда тапшырышат”.
Ноокенде 10 жашар кызды зордуктоого шектелип кармалган 20 жаштагы жаран күнөөлүү деп табылып, өмүр бою эркинен ажыратылды.
Өзгөндө таксистти өрттөп, денесин дарыяга ыргытып жиберишкен деп шектелип 5 өспүрүм кармалды.
Казакстанда карантинди дагы эки аптага узартуу чечими кабыл алынды.
Австралияда 2019-2020-жылдагы токой өртүнүн кесепетинен 3 миллиард жаныбар жабыркаган.
Премьер-министр Ысык-Көлдө эс алуучулардын агымы көп болуп жаткандыктан, аймакта көзөмөлдү күчөтүү тапшырмасын берди.

Жолдубек Качкынбаев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 921, 30-июль - 5-август, 2020-ж.