Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТАКТУУЛАР КАНТИП БАЙЫШАТ?

№237 18-24-май, 2007-ж.


Шоу-бизнеске аралашып, популярдуулукка ээ болгон жылдыздар туралуу маалыматтар элдин көңүл борборунда болуп келээрлиги анык. Анын сыңарындай, атактуулардын шоу-бизнестен тышкаркы иштери, кандай жол менен байып жатышкандыктары да окурмандарды көңүлкош калтырбаса керек...

Мадонна
Жылдызы бийиктен жанган Мадонна атайын иликтөөнүн жыйынтыгында байлыгы боюнча Опра Уинфри, Жоан Роулинг жана Марта Стюарттардан кийинки 4-орунда тураары маалым болду. Орточо эсеп менен анын байлыгы 325 миллион долларды түзөт. Албетте, «ырчылыктын арты менен мынча байлыкты топтоого мүмкүнбү?» деген суроо сиздин оюңуздан орун алгандыр. Буга жылдыздын башка бизнестеринин тиешеси бар дейт элек.
Эки баланын мээримдүү энеси Мадоннанын кичинекей балдарга болгон мамилеси өтө эле жакшы экендигинен кабарыңыз бар болсо керек. Алардын тилин жакшы түшүнгөндүктөн, ырчы 2004-жылы «Англия розалары» деген аталыштагы жомок китебин чыгарат. Китеп 1 миллион тиражда басылып, 30 тилге которулуп, дүйнөнүн 100дөн ашык өлкөлөрүндө жарык көрөт. Ал эми кирешесине көз чаптырсак, анын китептери Англиянын китеп дүкөндөрүндө эле жумасына 10 миңдеп сатылып тургандыгы аныкталган. Бул миллиондогон киреше экендигинин далили эмеспи. Ал гана эмес, үстүбүздөгү жылдын январь айында балдарды сүйөөрүн дагы бир ирет далилдеп, балдардын кийимдер коллекциясын жана жомоктогу каармандарды чагылдырган жумшак оюнчуктарды чыгарган эле.
Реклама жагынан киреше тапканын айтсак, 2005-жылы парфюмериялык ири компаниялардын бири менен келишимге кол койгон. Ошентип, өз аты менен атырдын аталышына уруксат бергендиги үчүн Мадонна 9,6 миллион долларга ээ болгон. Ошондон тартып бүгүнкү күнгө чейин ал атырды колдонуучулардын саны өсүп келатат.
Ырчы өзүнүн аты менен чыгарылган шараптардан да киреше табат. Андай шараптардын бир шишеси 38 евро турат. Мындан тышкары, ырчы атактуу «H&M” («Hennes & Mauritz») компаниясы менен биргеликте модалуу кийимдерди чыгарып келет. Андай кийимдин бирөөсүнүн эле баасы 76 доллардан өйдө турат. Дүйнөнүн 22 өлкөсүндө жайгашкан 1 миң 200 дүкөндү камтыган бул компаниядан түшкөн каражатты жана андан Мадоннанын үлүшүнө түшкөн кирешенин өлчөмүн элестете бериңиз. Айта кетчү нерсе, чыгарылган кийимдер коллекциясы Мадоннанын кийинүү стилине туура келгендиктен, ырчы өзү да концерттерде кийип чыга берээрин айткан.

Жастин Тимберлэйк
Ырчы жашоосунда чоң бийиктиктерди багындырганы анык. Андыктан, жарыкка чыккан альбомдорун сатып, рекламалык багыттагы тасмаларга тартылып, же болбосо жеке концерттеринен каражат таап келаткандыгы айтпаса да белгилүү. Капчыгына каткан акчасынын жалпы саны болжол менен 300 миллион долларды түзөт.
Киреше апкелүүчү башка булактарына келсек, Жастиндин Европанын ири шаарларында ачкан «Southern Hospitality» деген аталыштагы ресторандары бар. Ал гана эмес, өзүнүн жакын досу Трэйсом менен биргеликте «William Rast» маркасындагы улуу муундагы мырзаларга арналган кийимдердин түрүн сатыкка чыгарган жагы да бар. Бул кийимдердин орточо баасынан мисал келтирсек, жайкы футболкалардын баасы 23-59 долларга, жинсы шымдардын наркы 150-250 долларга чейин жетет. Ал эми чыгарылган кийимдин сатылгандан кийинки жыйынтыгы көкөлөгөн абройдон тышкары киреше алып келээри белгилүү.

Мэрайя Кэри
Байлыгы жагынан 225 миллион долларга ээ Мэрайя Женнифер Лопес менен бир деңгээлде турат. Бул дүйнөлүк ырчы кыз карьерасында жараткан ийгиликтеринин артынан жетишээрлик өлчөмдө байлык топтоого жетишкен. Бирок, алгач кыйынчылыктар да болгон. Айтсак, 1998-жылдары чыгармачылыгында бир аз тоскоолдуктар болуп, киреше тапмак түгүл чыгымдарга учураган. Антсе да мындай турмуш кысымдарына баш ийүүнү ойлоп да койбогон ырчынын иши 2005-жылы «The Emancipation of Mimi» деген альбому чыккандан кийин илгерилей баштайт. Анткени, альбомдогу ырлары хитке айланып, жыйнак 160 миллион тиражда чыгарылып сатылат.
Муну менен чектелбей «Pinko» мода үйү менен келишим түзүп, келишимдин негизинде аталган мода үйүнүн чыгарган жинсы кийимдерин рекламалап, 10,5 миллион евро киреше табат. Кийинчерээк ошол эле мода үйү менен биргеликте жаш кыз-келиндерге арналган модалуу кийимдерди чыгара баштап, анда да кирешеге туйтунат. Дагы бир бизнес булагын ачуу максатында Мэрайя башка белгилүү ырчылардай эле атыр каражаттарын чыгарууга да жетишет. Тактап айтканда, «Elizabeth Arden» деген атактуу парфюмериялык фирмасы менен келишим түзүп, анын негизинде «Мэрайя Кэри» жаңы атыр маркасын чыгарат. Аталган атыр түрү үстүбүздөгү жылдын жаз айларынан баштап дүйнөнүн эң ири делген дүкөндөрүндө сатыкка чыккандан бери ээсине киреше алып келүүдө.

Опра Уинфри
Белгилүү телеалпаруучу Опра Уинфринин байлыгы жөнүндө сөз кылсак албетте, таң калбай койбойсуз. Анткени, эфир жылдызы болуп канчалык көп айлык алса да, мындай деңгээлге жетиш мүмкүн эмес экендигин сезесиз.
Бардыгы өз кесибине байланыштуу долбоорлорду түзүп, масс-медиа жаатында бизнес иштерине кадам таштаганда башталган. Алгачкы иши 1988-жылы өзүнүн жеке «Харпо Энтернтейнмент Груп» деп аталган фирмасын ачуу болот. Ушинтип бизнестен түшкөн алгачкы 20 миллион долларга Чикаго шаарынан аянты 9 миң квадрат метрди түзгөн киностудия сатып алат. Бул жерден бат эле популярдуулукка жеткен шоу берүүлөрүн тарттырууга өтөт. Мындан тышкары, Америка менен кошо 64 өлкөнүн талабына жооп берген кызыктуу шоу көрсөтүүлөрдү даярдап таратат. Бир аз кийинчерээк документалдык кинолорду тарттырып, телеканалдарга сата баштайт. Ушундай жол менен жүрүп отурган Опра 2000-жылы «O, The Oprah Magazine» деген аталыштагы 2 миллион тираждуу журнал ачып, басма сөз тарыхына жаңылык киргизет. Андан тышкары, Опра акчасын кыймылсыз мүлк багытына да жумшайт. Атап айтканда, Чикагодо «Эксцентрик» аттуу ресторан ачат. Андан көп узабай кабелдүү телеканал сатып алат. Түшкөн кирешелерин айлантууга гана салбастан өз кызыкчылыктары үчүн да жумшап, буга чейин деңиз жээгинен 50 миллион долларга турак үй, Колорадо штатынан 4,3 миллион турган ранчо, «Челленджер 601-ЗА» реактивдүү самолётун, Индиана штатынан жеке ферма, булардан сырткары 4 коттедж, особнякты сатып алган. «Мынча байлыкты табуунун сыры эмнеде?» деген суроого Опранын адвокаты, жеке кеңешчиси Жеффри Жекобс: «Опра өзү күчтүү айым. Бир гана өзүнүн сезүү туюмуна, акылкөйлүгүнө таянып, ушул деңгээлге жетип отурат. Ал жүргүзүп жаткан канча деген ар тармактуу иштеринин көптүгүнө карабай 86 гана кызматкерди ишке алган»,- дейт. Опра Уинфринин жалпы байлыгы 1,5 миллиард долларды чапчыйт.

Женнифер Лопес
Бир киного тартылгандыгы үчүн 15 миллион доллар тегерегиндеги киреше таба тургандыгына карабастан, белгилүү ырчы жана киноактриса Женнифер Лопес да бизнес менен алектенет.
Анын «The Warnaco Group» компаниясы менен биргеликте чыгарган «JLO Lingerie» деген маркадагы ич кийимдер коллекциясы 2004-жылдын күз айларынан баштап сатыкка чыга баштайт. Андан көп узабай үйгө кийилүүчү кийимдердин түрлөрүн дагы чыгарууга жетишет. Женнифер Лопестин эң негизги бизнестеринин бири – бул «Glow by J.Lo» деп аталган атырлары. Алгач «Glow» деген атыр чыгаруучу компания менен ат талашып, бир топ чыр-чатактарга кабылат. Анан «Glow» аталышына өз атынын кыскартылган түрүн кошот. Азыр «Glow by J.Lo» атырлары бардык айымдардын талаптарына жооп берген атыр катары дүйнөдө популярдуу.
Мындан тышкаркы кирешени Женнифер Калифорния штатынын Пасадена шаарында ачкан “Madres” деген чоң ресторанынан алат десек болот. Жалпысынан алып караганда, Женнифер байлык жагынан дүйнөлүк рекорд койбогону менен жалпы кирешесинин саны 225 миллионго жетип, эң күчтүү жана бай айымдардын катарында келет.

Жерар Депардье
Франция эли башынан эле шарапка жакын болоорун билсеңиз керек. Белгилүү актёр Жерар Депардье дагы француз элинин мындай табитин баамдап, өзүнүн жеке бизнесин дал ушул багытта баштаган. Алтургай өз кесибинен бир аз алыстап, жылына болгону 2-3 жолу гана киного тартылып, бизнесине көбүрөөк көңүл бура баштаган. Алгач «чоң адам чоң иш аткарат» дегендей, киного тартылгандан алган гонорарларын чогултуп, бизнесин кеңейтүү багытында 40 гектар жер сатып алат. Бул аянтка жүзүм эгип, андан шарап даярдап чыгарууга киришет. Алгачкы кадамы ийгиликтүү болуп, бир жыл ичинде Жерардын 500 миң тегерегинде бөтөлкөдөгү шарабы сатылат. Ошентип, бизнеси акырындап кеңейип, миллиондогон кирешелерди алып келе баштайт. Мындан тышкары, Жерар Париж шаарында «La fontaine Gaillon» деген ат менен өзүнүн жеке ресторанын ачат. Учурда мында бир жолу түштөнүү үчүн 36 евро талап кылынат, ал эми кечки тамактануу шарабы менен кошо 70 еврого айланат. Франциянын улуттук тамактары менен бирге деңиз азыктарынан даярдалган деликатестерди да аталган ресторандан табууга болот. Актёрдун келечекте Парижден тышкары Женева (Швейцария) жана Лондон шаарларына да ушундай чоң ресторандарды ачуу пландары бар. Демек, келечекте байлыгы жагынан баарынан озуп кетпесе да, артта калбайт.

Даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: