АЗИЗ БАТЫРОВ "МАДАНИЯТТЫН МЫКТЫ КЫЗМАТКЕРИ" ТӨШ БЕЛГИСИ МЕНЕН СЫЙЛАНДЫ

Кыргыздын комузун даңктап, дастанын айтып жүргөн ырчы жигит Азиз Батыров 7-июль күнү Маданият, маалымат жана туризм министри Азамат Жаманкуловдун колунан “Маданияттын мыкты кызматкери” төш белгисин алды.

– Өзүңөр билгендей, Өзбекстанда өтүп жаткан сынакка бир жылдан бери катышып, эң мыкты 15 ырчынын катарына кошулдум. Комуз менен ырдап, салттуу музыкага салым кошуп, 300дөй шакиртиме комуз чертүүнү, дастан айтууну үйрөтүп келем. Мына ушунун баары министрдин көз жаздымында калбаган экен. Андан тышкары Түркияга, Казакстанга барып өлкөнүн желегин желбиретип, байгелүү орундарды алып келем. Сыйлык алам деп ойлогон эмесмин, эч кандай аракет кылган жокмун. Бирок эмгегимди баалап сыйлык беришкенине кубанычтамын. “Күйдүм, сүйдүм, шоколад жейм” деп ырдаган айрым кесиптештериме караганда мен өзүмдү бул сыйлыкты татыктуу алдым деп эсептейм. Сыйлыкты алгандан кийин жоопкерчилик көбөйдү. Элге дагы жакшы дастандарды айтканга бел байладым. Бул сыйлык устаттарымдын сыйлыгы десем болот.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Dani

2020-08-17 19:46:37

Сен кечее ырдап чыгып,мактанып коюпсун эртен мен эле мен дейсин,300 дой шакирт койчу э

-1

Комментарий калтыруу үчүн өз ысымыңыз менен кириңиз же каттоодон өтүңүз.

№ 923, 13-19 август, 2020-ж