реклама
Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ПОПУЛЯРДУУЛУГУ ӨЧПӨГӨН «БАРАМ САГА» ЫРЫ

№927 10-16-сентябрь, 2020-ж.


Бул ырдын жаралганына 20 жылдан ашты. Ыр азыркыга чейин эл чогулган жерде ырдалып, ырчылар жаңылап ырдап жүрүшөт. Макалада сөзү Эсенгул Ибраевге, обону Арзыбек Бедияровго таандык «Барам сага» ырынын тарыхы тууралуу сөз болот. Бул тууралуу ырдын обонун жараткан Арзыбек Бедияров, чыгарманы элге жеткире аткарган ырчылар Шахра Талипова жана Динара Акулова айтып беришет.

Арзыбек Бедияров, Кыргыз Эл артисти: «АР БИР АДАМДЫН ЖАШООСУНДА УШУЛ СЫЯКТУУ ОКУЯЛАР КЕЗДЕШЕТ ДЕП ОЙЛОЙМ»

– «Барам сага» 1995-1996-жылдары жаралган чыгарма. Сөзү Кыргыз Эл акыны Эсенгул Ибраевге таандык. Ырда үй-бүлөсү бар, турмушу өз нугунда бара жаткан адамдын капыстан кыялында эңсеген адамга жолугуп калып, аны идеал тутуп, эч нерсеге карабай ошол адамга баргысы келгени тууралуу айтылат. Ошол адамдын арманы берилген. Мен да ырды өз тагдырыма окшоштургам. Ошол себептүү өзүмө жакын болуп, обон чыгарып калдым окшойт. Ал окуя сыр бойдон калсын. Менимче, ар бир адамдын жашоосунда ушул сыяктуу ар кандай окуялар болот. Биз ырларыбыз, обондорубуз менен айтып калабыз. Башкалар жүрөгүндөгү сезимди айта албай калышы мүмкүн. Бирок ал сезим жүрөгүндө жашай берет. Алар көксөгөн адамына ушул ыр аркылуу сезимдерин жеткире алышат.

Ырга кантип обон жазып калдым? Бир жолугушууда Эсенгул Ибраев мага «Эсенгулдун ырлары» деген жыйнагын берген. Ошол китептен алып, обонун жазып калдым. Кийин өзү чалып, «Арзыбек, абдан сонун обон чыгарыптырсың. «Күлгүн жаштан» кем калбаган, андан ашып түшө турган чыгарма экен» деп айткан.

Ооба, ырда менин тагдырым баяндалган. Мүмкүн, Эсенгул байкенин тагдырында да ушундай окуя болгондур, аны билбейм. «Шамал болбосо чөптүн башы кыймылдабайт» деген кеп бар го. Балким, болгондур. Ошон үчүн жазган деп ойлойм.

Эсенгул Ибраев менен биз чыгармачылык да, үй-бүлөлүк да байланышта болуп калдык. Үйүнө барып калганда аккордеонду колго алып «Барам саганы», «Күлгүн жашты» ырдап калчубуз. «Күлгүн жаштын» сөзүн да Эсенгул байке, обонун мен жазгам. Бул ыр дагы азыркы күнгө чейин ырдалып келе жатат.

Биз сөз кылып жаткан «Барам сага» чыгармасын Шахра Талипова элге жеткире аткарды. Шахра экөөбүз «Күлгүн жаш» эстрадалык тобунда чогуу иштеп калдык. Бул топту мен негиздеп, жетектедим. Шахра Талипова «Күлгүн жаштын» коштоосунда «Барам саганы» ырдады. Кийин Динара Акулова ырдап, жакшы клип тарттырды. Динара башында сурабай эле ырдаган. Бирок ырдап чыккандан кийин мен «жакшы ырдаптырсың» деп ыраазычылыгымды билдирдим. Жаш ырчылар да жаңыртып ырдап жүрүшөт. Демек, чыгармада айтылган сезимдер аларга жакын сезилип жатат. «Менин тагдырым, башымдан өткөргөн жакшы учурлар баяндалган, мен ырдай турган чыгарма экен» деген таризде өз ыры катары кабылдап, ырдап жүрүшөт деп түшүнөм. Башка улуттагылар да ырдап жүрүшөт. 70тен ашкан Тамара Сомова деген орус аялдын ырдаганын интернеттен угуп калып кубандым. Ал эч бузбай, абдан жакшы ырдаган, тойлорго барып да ырдайт экен.

Динара Акулова, Кыргыз Республикасынын Эмгек сиңирген артисти: «ЫРДЫ КОНОККО БАРГАНДА УГУП, ЖАКТЫРЫП КАЛГАМ»

– Бир ирет конокко барып калсам, бир эже ушул ырды ырдап калды. Мага ыр аябай жакты. Башында эл суранганда өзүм үчүн ырдап жүрдүм. Кийин Арзыбек байкеге жолукканда «ушул чыгарманы ырдап жатам» десем, «ырдай кой» деди. Шахра эжеге да жолугуп, «эже, ырыңызды жакшы көрүп ырдап жатам» десем, «болуптур, алтышкам, ырдай бер» деди. Биздин учурда авторлордон, аткаруучулардан чыгармаларды уурдачу эмеспиз. Бул мыйзам болчу. Ошондуктан башында өзүм үчүн гана ырдап жүрдүм. Агай, эжелердин алдынан өткөндөн кийин жаздырып ырдап чыктым. Ырды эл жакшы кабыл алды. Арзыбек байке да «жакшы ырдаптырсың» деп ыраазы болду. Андан кийин «Келем сага» деген ырды жазып берди. Аны ырдап чыгып, Арзыбек байкеге «ушул эки ыр менен эле жүрө беремби?» десем, «Динка, мунун 3-сериясы пайда болду» деди. 3-сериясы «Жетем сага» деген ыр экен. Ошентип 3 сериялуу ыр ырдап калдым. Үчөө тең элдин жүрөгүнөн орун алган жакшы ырлар. Ушул чыгармаларды ырдап калганыма кубанам. Эми «Жеттим сага» деп ырдайын десем, андай ыр жазып бербей жатат (күлүп). Элдин жүрөгүнөн орун алган, эл сүйгөн чыгармаларды жараткан таланттар аз. Бул чыгармалар менен сыймыктанам, авторуна ыраазычылык билдирем. Арзыбек байкенин өмүрү узун болсун, дагы далай жакшы ырларды жаза берсин.

Шахра Талипова, Кыргыз Эл артисти: «АЗЫР ДА «БАРАМ САГАНЫ» ЫРДАП БЕРЧИ» ДЕП СУРАНЫШАТ»

–Арзыбек экөөбүз чогуу иштешип калбадыкпы. Ыр жаралып калды, менин үнүмө туура келип, ырдап калдым. Чыгарманын жаралганына 25 жылдай болду. Ыр чыккандан 1 же 2 жылдан кийин КТРдин версиясы боюнча «Жылдын мыкты ыры» аталды. Ырдын даңкы, аты азыр да өчпөй келе жатпайбы. Обон менен ыр айкалышып калса, аранжировкасы, аткаруучусу бири-бирине жарашса, ыр өчпөйт. Айрым ырлар кичине ырдалып, элге да сиңбей, тез өчүп калып жатпайбы. Ыр өзүмө жагат, үнүмө жарашат. Биз кандай аткардык? Ыр, обон, аткаруучу төп келгенби? Аны эл баалайт. Азыркыга чейин «Барам саганы» ырдап бериңиз» деп көп суранышат, ырдап жүрөм.

“БАРАМ САГА”

Сөзү: Э.Ибраевдики

Обону: А.Бедияровдуку

Таң шооласы нур чачканда,

Тал-теректер бүр ачканда.

Кыр-кырлардан кол булгалап,

Кызгалдактар гүл ачканда.

Кайырма:
Алга сүрөп үмүт гана,

Алоолонуп күйүп-жана.

Бар-жогума кайыл болуп,

Барам сага, барам сага.

Жылдыз көктө тагылганда,

Жылгадан суу агылганда.

Алтын сөйкө сыяктанып,

Ай кайрадан жаңырганда.

Кайырма:
Алга сүрөп үмүт гана,

Алоолонуп күйүп-жана.

Бар-жогума кайыл болуп,

Барам сага, барам сага.

Дайра толкуп агылганда,

Дарак жоолук салынганда.

Санаам сары саман болуп,

Сага карай агылганда.

Кайырма:

Перизат Музуратбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 8 колдонуучу (Катталган: 0, коноктор: 8) бул макаланы окуду:

Макалалардын саны:
24417;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: