Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СУПЕР - ФОРУМЧУЛАРДЫН ЖОЛУГУШУУСУ

№235 4-10-май, 2007-ж.


Редакциябыз www.super.kg сайтындагы форумдун катышуучуларына кайталангыс сюрприз тартуу­лоо максатын көздөп, 13-май жекшемби күнү саат 14:00дө Бишкектеги “Алатоо” кинотеатрынын алдына жолугушууга чакырган. Максатыбыз форумда активдүүлүгүн көрсөткөн катышуучуларыбызды бири-бири менен жакындан тааныштырып (форумда күн сайын баарлашканы менен көпчүлүгү бирин-бири таанышпайт), ыңгайы келсе достоштуруп, ынтымактуу компания да уюштуруп берүү эле. Суперфорумчулар жолугушуп эле тим болбостон, учурда популярдуу болуп жаткан “Арман” көркөм фильминин жаратуучулары «Супер-Инфодон» эч нерсебизди аябайбыз!»- деп тартуу кылган бул тасманы көрүүгө да мүмкүнчүлүк алышты.


Редакциядан бекитилген журналисттер форумдагы жарыяда көрсөтүл­гөндөй, саат 14:00дө “Алатоо” кинотеатрынын алдына бардык.
Алгач коомайлана “форумдансыңбы?..” деп акырын сурап чогула баштаган жаштар бат эле бири-бири менен таанышып, форумдагы аттарын атап, андагы болгон күлкүлүү учурларды эстеп, жыргап күлө башташты. Tynchtykbek, erlan, Akademik, mbt, jeika, uri, Chol­pon_b, Stervella, Aia, desert_rose, azura, din_ara_86, Geni, 140409 сыяктуу (форумдагы аттары) биздин коноктордун саны 20га чукул болду. Көбүнчөсү студенттер жана окуу жайын жаңы аяктаган жаштар. Супер-форумчулар форумда өзүнчө кичинекей мамлекет курушуп, аны башкарыш үчүн “тандем” түзүшүп, “президент”, “премьер-министр”, “каржы министри”, “тышкы иштер министри” деген кызматтарды өз ара бөлүшкөнгө чейин жетишишкен экен. Көрсө, форумчулардын жүрөгүн “титиреткен” “президент” кыргыздын эле кара торусунан келген Tynchtykbek аттуу баласы экен. Ал курч сөздөрү менен форумга жаңыдан аралаша баштагандардын шаштысын алган өзүнүн тандемдеши, “премьер-министр” Boyla кечиримдүү себептер менен келбей калгандыгын түшүндүрүп өттү.
Таанышып алган соң аңгемелеше “Арман” көркөм фильмин көрүү үчүн “Россия” кинотеатрын көздөй жөнөдүк. Ак үйдүн алдына келип, митингдер жө­нүндө сөз болуп кеткенде араң эсине келди белем, “каржы министри” Akademik ар бирибизге өзүнүн сүрөтү менен басып чыгарган “100 доллардан” айлык акы таратты. Ошентип, “100 долларлуу” болуп, кудуңдаган бойдон кино көргөнү «Россия» кинотеатрынын жанына келдик.
– Урматтуу “форумчулар”, жүзаарчыңарды даярдап алгыла, баарыңардын жашыңарды аарчып отурууга жетишпейм!- деп тамашалаган “тышкы иштер министри” erlanдын кебине жыргап күлүп, киного кирген жаштар тасманын аягына чыккычакты чын эле көздөрүн жаштап, айрымдары кичинекей Армандын тагдырынан улам шолоктоп ыйлап да чыгышты.
Кинодон соң эски тааныштардай жакындай түшкөн форумчулар менен маегибиз калың бактын арасындагы жайкы кафеде уланып, форумдун «президенти» Tynchtykbekти маекке тарт­тык:
Tynchtykbek, сен кантип форумдун «президенти» болуп калдың?
– Форумда кадимкидей шайлоо болду, шайлоодон көп добуш алып өтүп кеттим.
– А сага каршы оппозиция чыккан жокпу?
– Алгач Chyngyz_han деген бирөө чыкты эле, биз менен тиреше бергенден тажады окшойт, форумга көп катышпай, бара-бара такыр жоголуп кетти.
– Өзүң кайдан болосуң, кайда окуйсуң?
– Мен түштүктөн болом, Бишкектеги Манас университетинде окуймун.
– Форумга бир күндө канча жолу киресиң?
– Бир күндө 3 жолу, көбүнчө сабак бүткөндөн кийин саат 2ден баштап кирем. Биздин окуу жайда интернет бекер.
– Boyla экөөң кандайча тандем түзүп калдыңар?
– Менин форумга киргениме да Boyla себеп болгон. Экөөбүз таанышпыз. Кызыктуу болсун үчүн форумда мамлекет түзүү идеясын да экөөбүз ойлоп тапканбыз. Идея биздики болгонунан улам башкаларга “президент”, “премьерликти” бербей, тандем түзүп алганбыз.
Ошентип, жаштар форумга кандайча катышып калгандарын айтып киришти. Баарынан да Azura аттуу айымдын форумга катталып калганы кызык экен. Көрсө, аны сайтыбызда “жылдын суперлерин” тандоо жүргөндө “жылдын мыкты телеалпаруучусу” номинациясы үчүн өзүнө добуш бердирүү максатында белгилүү телеалпаруучу Нурзат Токтосунова суранып, сайтка киргизип, катталышына түрткү болгон тура. Андан сырткары, бул жолгушууда “Алиги жөнүндө” бөлүмүнүн модератору jeikaга тийишкендер көп болду. Тема өзү айтып тургандай эле кызыктуу талаш-тартыш дал ушул бөлүмдө болот. Бул теманын активисти деп модератор uriни белгилеп өттү. Ал эми erlan: Info мени “баняга” көп жиберет («баня» - англисче «ban», тартип бузгандарга форумга, сайтка кирүүгө тыюу салуу, бөгөт коюу дегенди түшүндүрөт)»,- деп арызданса, “жеңеси” Azura “президент” Tynchtykbekкe опозицияда экендигин билдирди. Ошондой эле mbt форумда мурда көп сөгүнгөн сөздөрдү жазгандыгы үчүн жер карап, бир аз кызарып отурса, Cholpon_b мурда кыргызча жакшы билбей, кыргызчаны дал ушул форумдан үйрөнгөндүгүн айтты. Биз конокторубуздун алгачкы жолугушуу, кино, форум, гезит жөнүндөгү ойлорун да уктук.
– “Суперди” биз жалпы үйбүлөбүз менен окуйбуз,- дейт erlan,- Эгер бешинчи күнү гезиттин жаңы санын алып барбай калсам, апам үйгө киргизбей кайра кууйт.
– “Кумирге кат” рубрикасына мен Мирбек Атабековго арналган узун катымды жөнөтүүгө батынбай жүргөм. Эми силер менен тааныш болуп калбадыкпы, суранам, катымды өзүнө окутуп койгулачы,- деп өтүндү Stervella.
– “Арман” деген атты бекеринен коюшпаптыр. Ыйдан кудай сактасын дечи, ошентсе да мынчалык жүрөктү титиретип ыйлаткан кыргыз фильмин жакынкы жылдары көрө элек элем. Айрым жерлеринен гана мүчүлүштөрдү байкадым. Фрунзе дешип, Ош шаарынын көчөлө­рүндө тартылган жерлери бар экен, билинип калыптыр. Эрикпей эле Бишкекке келип тартышса болмок экен,- дейт Geni.
– Анысы го макул, бирок, кайсы эненин жүрөгү чыдап, жанагыдай роль аткарууга кичинекей баласын берди экен?- өзүн desert rose деп тааныштырган бул айым Geniнин кебин коштоду.
– Форум кызыктуу. Убакыт, мүмкүн­чүлүк пайда боло калганда эле кирип достор менен баарлашууга шашылабыз. Бирок, газетадагы бардык материалдар сайтка толугу менен киргизилбегени өкүнүчтүү. Көп кызыктуу маалыматтарды гезиттен окуп, бирок, кийин сайттан издеп таппай калабыз. Эгер мүм­күн­чүлүк болсо, веб-баракчаларды кө­бөйтсөңөр сонун болмок,- деп сунуш киргизди Aia.
Ал эми Geni жүрөктөгү сырын төгүп:
– Ачык айтуудан көп­чүлүгүбүз тартынабыз, чынын айтканда, “Алиги жөнүндө” бөлүмүнөн далай пайдалуу кеңештерди алабыз. Оош-кыйыштуу тагдырларын, арыз-армандарын “Жүрөк сырына” төгүп, кеп-кеңеш алган замандаштарыбыз да гезитке, форумга ыраазы болушса керек,- деп чыкты.
Ошондой эле Din_ara_86: «Мен үйбүлөлүү болгондугумдан улам өзүм жаш болсом да, минтип достор менен жолугушуп, баарлашып, көңүл ачууга мүм­күн­чүлүгүм боло бербейт. Андыктан, минтип форумдагы достор менен бирге кино көрүп, чай ичип, таанышып, табышууга мүмкүнчүлүк түзүп берген “Супер-Инфо” гезитинин жамаатына чоң ыраазычылык айткандан башка сөзүм жок»,- деп ыраазычылык билдирди.
Ал эми jeika: “Бул жолугушуу аябай жакты, буюрса, эмки жолугушууну форумчулар өзүбүз уюштуруп, силерди, редакция журналисттерин конокко чакырабыз. Бүгүн келбей калгандардын баарын, атүгүл Нарын, Ош, Жалалабат, Ысыккөлдөн форумга кирип жүргөндөрдү да чогултууга аракет кылабыз”,- деп демилге көтөрүп чыкты. Тал чыбыктай буралган бул татынакай кыздардан бөлүнгүлөрү келбей турган жигиттерге мындай сунуш майдай эле жакты өңдөнөт, анын сунушун баары колдоп кетишти. Биз болсок алгач башкалаабыздагы форумчуларды чогулткан мындай жолугушуулардын бара-бара масштабы кеңейе берээрин, форумга ары кызыктуу, ары пайдалуу бөлүмдөр, темалар киргизилээрин, жакынкы күндөрдө өзүнчө чат да кошулаарын, аларды кызыктуу кылууга форумчулар да салым кошуулары керектигин айтып өттүк.
Ошентип, кайталангыс, көпкө чейин эсте калаарлык жолугушуу уюштуруп берген «Супер-Инфого» рахматын айткан жаштар эки-үчтөн ээрчишип жолго түшүштү. Алардын кубанычка, ыраазычылыкка толгон көздөрүн көрүүнүн өзү биз үчүн да чоң бакыт болду.

Даярдагандар Замира Рахманбердиева, Айбек Нурадилов, Турусбек Аттокуров


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: