реклама
Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

БАТКЕНДЕ 78 ЖАШТАГЫ КАРЫЯНЫ ӨЛТҮРГӨН ЖАРАН 10 ЖЫЛГА ЭРКИНЕН АЖЫРАТЫЛДЫ

№927 10-16-сентябрь, 2020-ж.


Баткен шаарында 50 жаштагы киши менен 78 жаштагы карыянын ортосунда чыр чыгып, бири экинчисин өлтүрүп койгон. Жакында эле райондук сот аталган кылмыш ишин карап, өкүм чыгарды. Ага ылайык, 50 жаштагы жаран 10 жылга эркинен ажыратылды.

“БЫЧАК МЕНЕН ЖҮРӨК ТУШКА САЙЫП ЖИБЕРГЕН”

Жогорку Соттун маалыматына ылайык, окуя 2019-жылдын август айында Баткен шаарында болгон. 3-август күнү болжол менен саат 14:00 чамасында 50 жаштагы Нарынбай (айыпталуучу Н.Анын аты өзгөртүлдү) дүкөндөн ичимдик ичип алып, мас абалында дүкөндүн жанында турган 79 жаштагы Ташкул (жабырлануучу Т.Снын аты өзгөртүлдү) менен урушуп кетет. Нарынбай Ташкулду уруп жерге жыгып, үйүнө качып кирип кеткен. Андан соң ал үйүнөн чыгып көчөдө баратып жолдон Ташкул менен Талантты (аты өзгөртүлдү) жолуктуруп калат. Үчөө жолдун ортосунда мушташа кетишет. Аларды жолдон өткөндөр ажыратып коюшкан.

Бул окуядан кийин Нарынбай экөөнү оозго алгыс сөздөр менен тилдеп, үйүнө кирип кетет. Ташкул менен Талант артынан барышып, үйдүн короосунда да мушташ уланат. Ташкул арматура менен Нарынбайды башка 2-3 ирет уруп жиберет. Нарынбай үйгө кирип, ашкана бычагын алып чыгат да, Ташкулга карата шилтеп, жүрөк тушуна сайып салган. Андан соң Нарынбай Талантка карата да бычак шилтейт. Таланттын сол колуна бычак тийип, колу кесилип кеткенде ал үйдүн короосунан качып чыгат. Нарынбай Ташкулдун жансыз денесин үйдүн короосунан сыртка алып чыгып, тротуарга жаткырып коюп, кайра үйгө кирип дарбазасын бекитип алган. Аталган факт боюнча Жазык кодексинин 130-беренеси (адам өлтүрүү) менен Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Соттук-медициналык экспертиза маркумдун көкүрөгүнө сайылган учтуу буюмдан алган жаракатынан улам каза тапканын аныктаган. Баткен райондук соту аталган иш боюнча ушул жылдын 24-август күнү өкүм чыгарды. Сот тарабынан Н.А. күнөөлүү деп табылып, 10 жылга эркинен ажыратылды.

“МЕНИН АЙЫБЫМ ЖОК, АРГАСЫЗДАН КОРГОНДУМ”

Соттук отурумда айыпталуучу Н.А.
төмөнкүчө көрсөтмө берген:

– 2019-жылдын 3-августунда көчөгө чыгып дүкөндөн 100 грамм ичкем. Бир топ убакыттан кийин дагы 100 грамм арак ичкем. Ал жерден Ташкулга жолугуп калдым. Ал кишини мурун тааныбайт элем, “арак куюп бер” деди. Мен куюп берген жокмун. Айтыша кеттик. Бирок мен ызы-чуудан качып үйгө кетип калгам. Арыктан суу алып эшиктин алдына чачтым. Дүкөн менен үйүмдүн аралыгы 150 метрдей эле. Ал жерден дагы бир киши жолугуп, ал дагы "арак куюп бер" деди, мен баш тарттым. Ташкул дагы ошол жерде жүргөн экен. Алар ар кандай жаман сөздөрдү айтып, мага асыла беришти. Ташкулдун колунда таш бар экен, мени уруп жибербесин деп түртүп салып өтүп кеткем. Артымдан калбай ээрчип ызы-чуу сала беришти, мен алардан качып жүрдүм.

Экөө үйгө артымдан ээрчип келишип, Талант сөгүп-сагып, колундагы темир менен мени башка 3-4 жолу уруп жиберди. Башым жарылып, кан агып, башым айланды. Бети-башым кан болуп, аларды жакшы көрбөй калдым. Башымды кармап аккан канды токтотууга аракет кылдым. Ага да болбогондо дубалга таянып эптеп машинанын жанына барып, алым кетип отуруп калдым. Ошол убакытта Ташкул Талантка “эмне кылып койдуң, милиция эми экөөбүздү камайт” деп айтышып мушташа кетишкен. Ошол жерден Талант Ташкулду уруп, короодон качып чыгып кетти. Экөө тең мас абалында эле.

Мен бир аз өзүмө келип карасам, Ташкул дубалдын пайдубалына жөлөнүп онтоп отурган экен. Аны сүйрөп короонун сыртына алып чыгып, тротуарга жаткырып койдум. Ал ошол убакта тирүү болчу, эч жеринде кан жок эле. Мен үйгө эч ким кирбесин деп дарбазаны кулптап алгам. Себеби Ташкул менен Талант артымдан тынымсыз ээрчишип ызы-чуу сала беришкен эле. Дагы ошондой болбосун деп дарбазаны бекитип алгам. Кийин милиция келип мени кармап, ооруканага алып барып башыңды тиктиребиз дегенде мен макул болгон жокмун.

Тергөөдө далил буюм катары маки табылыптыр. Андай бычак менин үйүмдө болгон эмес. Мен үйдө эмне бар, эмне жок экенин жакшы билем. Анткени аялым менен ажырашып кетип, үйдө балам экөөбүз эле жашайбыз. Таланттын колунда баштык бар эле. Ичинде эмне бар экенин көргөн эмесмин. Менин бул жерде айыбым жок, аргасыздан коргондум. Мени актооңузду өтүнөм.

“ТАЯКЕМДИН КӨКҮРӨГҮНӨН АГЫП ЖАТКАН КАНДЫ КОЛУМ МЕНЕН ТОКТОТУУГА АРАКЕТ КЫЛДЫМ”

Сот отурумунда Т.Э.
күбө катары төмөнкүчө көрсөтмө берген:

– 2019-жылдын 3-август күнү саат 12:30 чамаларында Баткен шаарындагы дүкөндөрдүн биринен 100 грамм арак ичип сыртка чыксам, Ташкул таякем жерде кулап жатыптыр. Жанына барып “ким урду?” деп сурасам Нарынбайды көрсөттү. Ал киши биздин жаныбыздан өтүп чоң жолду карай басты эле, алдынан тосуп чыктык. “Таякемди эмне себептен урасың?” десем дагы урду, ал кулап түштү. Мени дагы ура баштаганда ары-бери өткөндөр ажыратып койгон.

Нарынбай сөгүнүп ылдый басканда артынан ээрчип барсам, үйүнө кирип кетти. Артынан мен кирдим, таякем да келе жаткан. Мен Нарынбай аке менен сүйлөшүп турганда таякем колундагы арматура менен аны 1 жолу уруп жиберди. Анан Нарынбай аке үйүнө барып колуна бычак алып чыгып, таякемди көкүрөккө бир жолу сайып жиберди, таякем жерге жыгылды. Мага да бычак шилтегенде мен колум менен тостум. Бычак сол колумдун үстүнө тийди. Мен сыртка качып чыктым. Коркуп нес болуп көчөдө ары-бери бастым. Дүкөнгө барып телефон сурасам, алар бербей коюшту.

Нарынбай аке таякемди короодон сүйрөп чыгып тротуарга жаткырып коюп, кирип кетти. Барып карасам, көкүрөгүнөн кан агып жатыптыр. Көкүрөгүн колум менен басып канды токтотууга аракет кылдым. Анан “Тез жардам”, милиция кызматкерлери келишти. Мени милиция кызматкерлери алып кетишти.

“АГАҢА БЫЧАК САЙЫП ӨЛТҮРҮПТҮР ДЕП ЧАЛЫШТЫ”

Жабырлануучунун мыйзамдуу өкүлү К.Н. төмөнкүчө көрсөтмө берген:

– Окуя болгон күнү саат 14:10дордо бир таанышыбыз чалып, “Ташкулду бычак сайып өлтүрүптүр” деди. Мен өлүкканага келдим. Ал жерде соттук-медициналык эксперт агама кароо жүргүздү. Мен, 2 тергөөчү болуп 4 адам катыштык. Агамдын ичине кан уюп калыптыр, жүрөк тушуна бычак сайылганын жана бир колу бычак менен кесилгенин көрдүм. Окуя болгон жерди көргөн жокмун. Айыпталуучу тиешелүү жазасын алсын.

“МИЛИЦИЯ КЫЗМАТКЕРИНИН КОЛУНДАГЫ МАКИДЕ КАН ЖОК БОЛЧУ”

Айыпталуучунун агасы М.А. мындайча көрсөтмө берди:

– 2019-жылдын 3-август күнү түшкү саат 2лер чамасында эшиктен бир адам "Нарынбайдын үйүндө адам өлтүрүлдү" деп кыйкырып өтүп кетти. Ким экендигин көргөн жокмун. Саат 15:00 чамасында Нарынбайдын үйүнө бардым. Инимдин үйүнүн короосунун алдын милиция кызматкерлери өздөрүнүн шаймандары менен тосуп, иштеп жатышкан экен. Ошол жердеги элден эмне болгондугун сурадым. Нарынбайды милиция кызматкерлери алып кеткен экен. Мени милиция кызматкерлери үйгө алып киришти. Инимдин үйүнө кароо жүргүзүүгө күбө болосуң дешти, макул болдум. Ошол жерде бир милиция кызматкери бүктөмө бычакты колуна айлантып ойноп турган. Ал бычак кан эмес болчу, бычактын түсү эсимде жок. Иним жубайы менен ажырашып, эки баласы менен жашайт. Бир баласы Москвада, бир баласы өзү менен бирге. Нарынбай спирт ичимдигин ичпейт.

Динара Акимова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 4 колдонуучу (Катталган: 0, коноктор: 4) бул макаланы окуду:

Макалалардын саны:
24417;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: