АНЖЕЛИКА ЖАРДАМГА МУКТАЖ БАЛДАРГА 20 ТЕЛЕФОН БЕЛЕК КЫЛДЫ

Пандемияга байланыштуу быйыл мектеп окуучулары онлайн окуганга мажбур болушууда. Бирок бардык балдардын эле онлайн билим алууга шарты туура келбей жатат. Мындай окуучуларга ырчы Анжелика чөнтөк телефон тартуулады. Бул демилгеси тууралуу ырчы буларды айтып берди:

– Мага көп ата-энелер кайрылышты. Айрым көп балалуу үй-бүлөлөрдө бир гана телефон болгондуктан, балдарынын онлайн окууга шарты жок болуп жатыптыр. Кээ бирлеринде бир да телефон жок болуп калууда. Эптеп нанга акча таап жаткан үй-бүлөлөрдүн балдары билим албай калышы мүмкүн. Ошондуктан мен бул балдарга телефон белек кылайын дегем. Башында аябай муктаж болгон 15 балага берейин дегем. Бирок 20 бала келиптир. Аларга да алып берүүгө туура келди. Бергенге жараша жакшысын берейин деп ар бир телефонду 6300 сомдон алдым. Азыр телефонго муктаж болгон балдардын тизмеси түзүлүп, саны 1600 балага жетти. Жалгыз бой энелер, кээде аталар да кайрылып жатышат. Булардын баарына телефон алып бере албайм да, ошондуктан кыргыз элимди, кесиптештеримди бул демилгени колдоп беришин каалайт элем. Анткени балдар – биздин эртеңки келечегибиз. Окубай калышса келечеги эмне болот? Кайдыгер эмес жарандарды балдардын келечегине салым кошууга чакырат элем.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

sultan_bek

2020-09-14 10:18:12

Азаматсын Анжелика. Бар бол красавица. Колдоо коргозгонуно рахмат. Сен баардык жерде сулуусун, жакшынакайсын.

Dani

2020-09-14 20:11:52

Ммм акча кайдан таап атат деген чоон суроо

Dani

2020-09-14 20:13:25

Dani,минустар басылат азыр

Baktyluu_bolgum_kelet

2020-09-15 14:50:42

Dani, тытынып иштеп таап жатат да

Aimani

2020-09-14 23:31:40

Азамат. Акчаны кайдан таап атат дегендер кандай айырма бизге. Менимче реклама, өзүнүн бизнеси, жб. Башкысы муктаждарга жардам берип жатат. Чын эле канча уй бүлө балдарына телефон алпере албай жатышат. Шайлоого акча чачкандар деле алперип коюшса коп балдарды кубантат эле.

Комментарий калтыруу үчүн өз ысымыңыз менен кириңиз же каттоодон өтүңүз.

№ 927, 10-16-сентябрь, 2020-ж.