Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МОЛДОНУН АЙТКАНЫН УК, КЫЛГАНЫН КЫЛБА

№413 1-7-октябрь, 2010-ж.


Жакында эле Ошко барып, көчөдөн бир кыз менен таанышып калдым. Кыздын муңдуу көздөрү өзүнө тартты. Бекеринен кызыкпаган экенмин, жай отуруп сүйлөшө келгенде, жаш кыздын адамдын төбө чачын тик тургузчу тагдырды баштан кечиргенин билдим. Чын айтам, бул баянды угуп отуруп, “XXI кылымда, саясатчылар тынбай какшаган демократиялык өлкөдө жашап жатабызбы, же кандай?..” деп бүшүркөйсүң.

Бирөөнү күтүп сейил бактагы отургучта отургам. Жанымдан чыккан үшкүрүктөн улам моюн буруп, жапжаш, созулган бир кызды көрдүм. “Жаш туруп эмне мынча үшкүрөт?” Оюма алгач ушул суроо келди. Тиги кыздын тереңине муң каткан көздөрү арбады окшойт, жакын отуруп тааныша кеттим. “Супер-Инфо” гезитинде иштээримди уккан ал арыз-арманын айтып кирди.

"КАРЫЗ БОЛУП, ЭСИМ ЧЫКТЫ"
– Мен жыйырма жаштамын. Кызыл-Кыядан болом. Техникумду бүткөн соң апама көмөк көрсөтөйүн деп иштөөнү чечтим. Ошто классташтарымдын биринин таанышынын бирдик жүктөөчү түйүндөрү бар экен. Жумуш издеп жүргөнүмдү айтсам, “ошол жакка барып көрөлү” деп калды. Оштогу чоң базардын кире беришинде бирдик салуу менен алектенген бир нече күркө бар. Мени ошол түйүндөрдүн кожоюну менен тааныштырышты.
– Аты – Жаныбек. Кыз-келиндерге тийишпеген (!), беш маал намаз окуган такыба киши.
Классташым тиги адам тууралуу бир аз сүйлөп берди. Жаныбек аке мени менен кыскача гана сүйлөшүп, анан иштөөчү жайды көрсөттүрүп койду. Эсепчи аял шеф тууралуу айтып, “эмне десе да макул деп тургула. Ашыкча сөз кайтарчу болбогула” деп айтты. Ашыкча кызыгып, сүйлөйүн деген деле оюм жок, айтор, жумуш табылганына кубанып кала бердим. Айлыгым 4000 сомдун тегерегинде, ошол да болсо, апама жардам.
Биринчи эле иш кү­нүмдө кечинде отчёт тапшырсам, 180 сом жетпей калды. Эсим чыкканын айтпа. “Минтип карыз болуп отурсам, апама эч кандай акча арттыра албаймын. Жакшысы, башка жумуш караштырам” деп калдым. Анда шеф: “180 сомду мен өзүм кошуп коём. Түшкү тамактануу учурунда сенин ордуңа эч ким иштебейт. Күркөнү бекитип чыксаң болот. Иштей бер”,- деп көңүлүмдү жайгарды. Антип айтканынын себеби, түштөнүү учурунда биздин ордубузга башкалар иштеп турушчу. Ошентип, ал жерде кала бердим.

ТУЗАК
Жаныбек акени дайыма беш-алты бала коштоп жүрөт. Биз иштеген түйүндөрдү да эки-үч жигит сырттан көзөмөлдөйт. Эгер кардар жигиттер беш мүнөттөй эле күркөнүн алдында бизге сүйлөп кармалып калышчу болсо, эки жигит ошол замат пайда болот да, кардарды жетелеп кетишет. Бизди да ашыкча эч ким менен сүйлөштүрүшпөйт. Таңкы саат алтыдан кечки алтыга чейин иштейбиз. Түшкү тамактанууга 15 мүнөт беришет. Бир квартираны жигиттерге, экинчи квартираны кыздарга алып берип коюшкан. Таң атпай келген машина бизди иш ордубузга жеткирет. Кечки саат алтыда кайра үйгө алып келип, сыртыбыздан бекитип кетишет. "Баарыңар жаш кыздарсыңар. Кокус бирөөңө бирдеме болсо, эртең ата-энеңердин алдында мен жооп берем",- дейт шеф.
Көп кабаттуу үйлөрдүн биринин бир подъездин алып, ошону мейманкана кылып ремонттоткон. Ал жайга борбордон барган чоңдор көп эле түнөшөт. Баасы деле бир топ, суткасына 3000 сомдон. Аны да жигиттер кайтарып турушат. Көрүнгөн эле кирип-чыга бербейт. Мени ошол жерге администратор кылмай болду. Күндүз бирдик салып, түнкүсүн мейманканада иштейин деп чечтим.
Бир күнү түн ичинде мага чалып, “азыр машина жиберем. Мейманканага кел, коноктор келет” деп калды. Батирден чыксам, машина туруптур. Мейманканага келип, түнкү саат 3кө чейин акыйып күтүп отурдум. Эч ким келген жок. Ошентип отуруп көзүм илинип кетиптир. Таңкы алтыда жумушта болуп калышым керек эле, мен саат 7.30га чейин уктай бериптирмин. Жумушта чакан жыйналыш өткөрүп, кыздар-балдардын кө­зүн­чө “администратор болосуң десем эле эркелеп кеттиңби, жумушка чыкпай уктап... Бүгүндөн тартып бизде иштебейсиң” деп урушту. А мен мындай адамдын колунан бошогонума кубана кийимдеримди жыйыштырып айылга, апама жөнөдүм.
Биздин айыл чоң жолдон бир топ алыс. Таксиден түшүп алып бир кыйла жөө басуу керек. Кайрылыштан түшсөм, машина менен эки жигити күтүп туруптур. Чочуп кеттим. Алар алып бара жаткан сумкаларымды айдоочуга дайындап салдырып коюп, өзүмдү кайра Ошко алып жөнөштү. “Шефтин сенде жумушу бар экен” дешти кыска гана. Жол ката баш катырып, "эмне жумуш болушу мүмкүн?" деп аңдай албай койдум. Алар мени түз эле мейманканага алып барышты. “Кубанган боюнча дароо эле апаңа жөнөптүрсүң. Же телефонго жооп бербейсиң” деп сүйлөнүп чыгып кетип, түн бир оокумда келди. Кирип эле “мен сага кыйынчылыктарда бир топ жардам бердим, колдодум. Мага карызсың, мени ыраазы кыласың” дей баштады. Беш маал намаз окуган, кол алдында иштеген кыздарды катуу кармаган бул адамдан мындайды күткөн эмесмин. “Мени сынап жатат” деп түшүндүм. Мындай тамашанын кереги жок экенин айтсам, столду бир муштап, “мага каяша айтчу болдуңбу?!” деп бакырып, жинденди. Ошол түнү ал максатына жетти. Күчтүү эркекке ал-күчүм жеткен жок. Анысы аз келгенсип, эртеси эшикке чыгарбай сыртымдан бекитип коюп кетип калды.

"АБАКТА" ТӨРТ АЙ...
Апам менен күн алыс сүйлөшүп турар элем, ал бечара менин дайынсыз кеткениме тынчсызданып, Ошко келип калыптыр. Шеф өзү жолугуп: “Кызыңыз азыр банкка кеткен, кеч келет. Бул болсо айлыгы”,- деп колуна 5 миң сомдой акча карматып узатып коюптур.
Жигиттери мага үч маал тамак ташышат. Кээде бөлмөмө жаңы кийимдерди киргизип, “шеф кийинки келгенинде ушул кийимди киет экенсиң” дешет. Маанайы бузулган маалда жигиттерине дайындап, алары мени салонго алпарып, чачымды жасатып, боёнтуп алып келип беришет. Өзүмдү анын кубанганында же бирөөлөргө жини келгенде ойногон куурчагындай сезип, өксүп-өксүп ыйлайм. Качып кеткенге, атүгүл апам менен сүйлөшкөнгө шартым жок. Телефонумду алып сейфине салып койгон.
Ошентип, анын “абагында” төрт ай жүрдүм. Ал ортодо апам эки-үч жолу издеп келиптир. Келген сайын “кызыңыз иштеп жатат” деп колуна акча карматат экен. Акыры чыдамы түгөнгөн апам милиция кызматына арызданыптыр.
Ал мага келип: “Майда-чүйдө иштер үчүн менттер менен “разборка” кылгым келбейт. Айылга барып, ата-энеңе жолугуп, жүрүп кел. Ызы-чуу токтоору менен кайра келесиң”,- деп жөнөттү.
Жанагынын баарын апама деле айтсам болмок. Бирок аны да коркунучка салып, жүрөгүн ооруткум келген жок. Оюмда “барарым менен күйөөгө чыгып кетем. Мейли алкаш болсун, мейли багар-көрөрү жок болсун” деп тиштенип бараттым.

КУТКАРУУЧУ ТАБЫЛДЫ
Менин эжеме бир жигит куда түшүп, сөйкө салып койгон эле. Бирок эжем ал адамга турмушка чыккысы келбей, жигити менен качып кетмекчи болуп, сөйкөсүн тигиге кайтарып берип койгон. Ошол жигит мени “балдыз” деп, менден кабар алып, телефон чалып, сүйлөшүп турар элек. Жаныбектин мамилеси башкача экенин, ичимден кооптонуп жатканымды да ага айтканмын. Айылга баргандан үч күн өтпөй ошол чалып калды. “Ушундан көрө өлүп калгым келет” деп ыйладым. Башыма түшкөн мүшкүлдү андан ары айта албадым. Ал эмне кылды дебейсизби? Келди да, “мен сени бактылуу кылам” деп үйүнө алып кетти.
Бир аралашкан саздан оңой менен кутулуп чыга албайт экенсиң. Бир күнү Ошто күйөөм экөөбүз жетелешип баратып Жаныбек акенин маңдайынан чыгып калдык. Күйөөгө чыкканымды билип турса да, “эмне үчүн кайтып келем деп келбедиң?!” деп жинденип кирди. “Кыз-келин деген толтура. Ошолордун бири менен көңүл ача бериңиз, мени жайыма коюңуз” деп сурандым. “Ооба, кыз деген толтура. Сен кетсең менин кылым деле кыйшайбайт. Бирок “кайра келем” деп мени алдап кеттиң (карасаңыз, жанагы “абакка” өз эрким менен кайра келишим керек тура!). Ошону кечирбейм! Тынч жашайм деп ойлобо”,- деди.
Анын жанында тыкылдаганым менен, кетери менен муундарым титиреп, өзүмдү жоготуп койдум. Баарынан ичимдин ачышканы – күйөөм экөөбүздүн мамилебиз эле. “Эми бул мени да, сени да жөн койбойт. Зыяным тие электе мени ташта да, кет” дедим. А күйөөм ага болбоду. Мына азыр деле өзү иштеп, мени үйдөн кадам алыс чыгарбай жашап жатат. Бечара дагы эмне болуп кетет деп чочулайт да. Кээде ичип алып буулугуп ыйлайт. Аны да түшүнөм.
Жаныбек аке бизди таппай айылга, кайын журтума чейин барып, сураштырып жатыптыр. Атүгүл “ал кызды мен төрт ай алып жаткам. Силер кайдагы кызды келин кылып алдыңар...” дегендей сөздөрдү айтат экен. Эч кимиси унчукпаганы менен, кайын журтум артымдан сөз кылып жаткандай туюлат. Минтип канчага чейин жашайм билбейм. Жаныбектин колу бардык жерге жетет. "Арыздансам өзүмө эле кыйын болот" деп, ушинтип бир жылдан бери сыздап келатам.

Жаш келиндин баянынан соң жанагы каарман тууралуу сураштырып көрдүк. Милиция кызматындагылар “мейли кримавторитет болсун, баары бир арыз жазылса, мыйзам алдында жооп берет да” деп тиш кайрап калышты.
Дагы тереңдете сураштырсак, учурда шайлоого аттанып жаткан партиялардын талапкерлеринин биринин жакын кишилери болуп чыкты. Атүгүл анын бир тууган агасы милициянын өздүк коопсуздук кызматында чоң имиш. Анан да Ошто кол алдында 50-60тай жигити, кафе, ресторан, мейманкана, бирдик салчу түйүндөрү бар окшойт. Байлыгы өзүнө буюрсун деңизчи, бирок жаш кызды минтип каалашынча пайдаланганы туурабы? Беш маал намаз окуган такыба адамдын кылары ушул ишпи? Кайсы бир жерлерде ал “намаз окугула, ыймандуу болгула” деп бирөөлөргө акыл да үйрөтөт чыгар? Ооба, жабырлануучу кыз азыр арыз жазса да, “зордуктаган” деп далилдеп бере албайт. Бирок төрт ай бою камап жүргөнүнүн өзү – чоң кылмыш.

Айбек Нурадилов
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(24)
02.10.2010. 21:24 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
Adam emes ele ayban, bashka aytchu soz jok. Kyzdyn jashoosun, psihologiasyn buzgany az kelgensip, emi any izdetip,turmushuna joltoo bolup och algysy kelip jatat da. Balkim, meni aldap dep namystanyp jatat,al emi akchasy menen baaryn kylam dep oyloso kerek.Eey ushunday aybandar dege ele jakshylyk korbosun...Kyzga albette boorun ooruyt, ayaysyn,kantip jalan korkunuch menen jashap jatat deysin.Kayrattu bol demekchimin,al AYBAN kylgan ishterine joop berishi kerek,degi ele jamandyktan bashy arylbasyn
02.10.2010. 23:40 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
Oshondoi besh maal namaz okumush etip,din buzaarlardyn aiynan, elderdin ishenimi ketti.Jada kalsa namaz okugandar tuz jurboit anan kalgany emne bolot.Abdan okunuchtuuu.....
03.10.2010. 01:12 
Тайпасы:
Жаран
Комментарийлердин саны:
269
Катталган:
06-09-2010
Соӊку аракети:
03-07-2018 19:51
Жынысы:
Белгисиз
Калаасы:
Italia,Sardegnia.
0
Iwengen jokmun.
03.10.2010. 01:41 
Тайпасы:
Кыймылы жок
Комментарийлердин саны:
1
Катталган:
05-09-2010
Соӊку аракети:
09-10-2010 13:54
Жынысы:
Белгисиз
0
akmaktardin kiligi kijirindi gana keltiret bashka kolubuzdan keleri emne
03.10.2010. 17:03 
Тайпасы:
Кыймылы жок
Комментарийлердин саны:
45
Катталган:
27-03-2010
Соӊку аракети:
28-12-2012 05:10
Жынысы:
Белгисиз
0
dagy bir "musulman", me4itke baryp, besh maal namaz okugan bolup kylgan ishi "kudaysyzga" da jakpagan bir ne4e "musulmandardy" jeke taanyp ushun4a könylym kaldy, islam dini tasa ekenine ishenem. Oshengim kelet, birok "musulmanmyn" dep biroo "tuura kishi" bolo bashtaganda itirkeyim gana kelet!
03.10.2010. 21:50 
Тайпасы:
Жаран
Комментарийлердин саны:
38
Катталган:
03-10-2010
Соӊку аракети:
20-12-2016 16:55
Жынысы:
Белгисиз
0
мындай акмактарды жок кылыш керек
04.10.2010. 15:33 
Тайпасы:
Жаран
Комментарийлердин саны:
26
Катталган:
11-01-2009
Соӊку аракети:
24-09-2018 08:51
Жынысы:
Белгисиз
0
Ошто мындайлар кобойду. Ушул жаман жургон адамдардын кесепети, Ош коогаланын жаратты да.
04.10.2010. 19:27 
Тайпасы:
Кыймылы жок
Комментарийлердин саны:
6
Катталган:
16-09-2010
Соӊку аракети:
17-11-2010 23:56
Жынысы:
Белгисиз
0
mindai adamga soz da jalko!!!
05.10.2010. 12:46 
Тайпасы:
Тартип бузгандар
Комментарийлердин саны:
74
Катталган:
25-07-2010
Соӊку аракети:
24-03-2011 00:49
Жынысы:
Белгисиз
0
Жаныбекти тез арада мага жолуктургула!!!
05.10.2010. 15:23 
Тайпасы:
Кыймылы жок
Комментарийлердин саны:
67
Катталган:
28-06-2010
Соӊку аракети:
27-04-2012 12:08
Жынысы:
Белгисиз
Калаасы:
РФ Тюмень Ялуторовск
0
Намаз окуйсунбу Кыздарды кордойсунбу баары бир бара турган жерин бере турган сурагын бар пенделер. Кеп сиздин Намаз окуганынызда эмес кылган амалынызда. андыктан ал мин балакет болсо дагы бир куну катуу окуно турган куну болот.
05.10.2010. 16:27 
Тайпасы:
Кыймылы жок
Комментарийлердин саны:
94
Катталган:
01-12-2009
Соӊку аракети:
20-09-2014 12:38
Жынысы:
Белгисиз
-1
Jindibek degen 5 maal namaz okugani mn ozun kop nerselerden korgop kelatsa kerek...uwunday aramdardin ayinan Islamga iwengisi kelgenderdin konulun kaltirat.al musulman4ilikti bawkalardan jakwiraak bilip turup kilgani iwi uwul bolso,Kudaydin ke4irimine tatibay kaliwi mumkun.al albette bir kunu bir jerden katuu sokkuga u4urawina iwenem.anday kiwilerge naalat!!!
07.10.2010. 15:35 
Тайпасы:
Кыймылы жок
Комментарийлердин саны:
6
Катталган:
05-06-2010
Соӊку аракети:
27-05-2012 14:08
Жынысы:
Белгисиз
Калаасы:
Нарын
0
Мен дагы ишенген жокмун.
08.10.2010. 18:48 
Тайпасы:
Кыймылы жок
Комментарийлердин саны:
74
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
хмм... "Аябай жакшы" ЧЫГАРМА экен. Автордун ойлоп табуучулук жөндөмүнө береке!
08.10.2010. 18:52 
Тайпасы:
Кыймылы жок
Комментарийлердин саны:
74
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
Болуптур дейли. Мында реалдуу окуя болгон экен. Бирок, окуп, түшүнгөн адам Жаныбектин кылыгынын аягы менен башынын ортосунан эч кандай логикалык байланыш таба албайт. Ошондуктан анын мындай иштерине себеп бирөө гана - Исламды каралоо. Күндөн-күнгө
08.10.2010. 18:54 
Тайпасы:
Кыймылы жок
Комментарийлердин саны:
74
Катталган:
30-12-2007
Соӊку аракети:
15-08-2014 11:44
Жынысы:
Белгисиз
Калаасы:
..:Жалган дүйнө:..
0
көбөйүп жаткан мусулмандардын атын каралоо. Эгер мындай окуя болгон болсо, анда аңгиге, болбогон болго ОЙЛОП ТАБУУЧУга Аллахтын алдына барганда баары бир ЖООП БЕРҮҮЧҮ күн өтө деле алыс эмес!!!
09.10.2010. 01:18 
Тайпасы:
Кыймылы жок
Комментарийлердин саны:
2
Катталган:
18-08-2010
Соӊку аракети:
12-01-2013 01:31
Жынысы:
Белгисиз
Калаасы:
Kichi Asia
0
okunuchtuu kaigyluu, birok iweneyin dep eki jolu okudum... bolbodu. namaz okuit eken dep ele temaga "moldo" dep koldonupsunar... dagy koshumcha jaza turgandardy Tallas jazyp ketiptir.
13.10.2010. 16:42 
Тайпасы:
Кыймылы жок
Комментарийлердин саны:
12
Катталган:
09-09-2010
Соӊку аракети:
23-02-2011 06:49
Жынысы:
Белгисиз
Калаасы:
Sydney
0
Apasyna aitpagan syryn jany ele taanyshkan adamga aitsa, anda 1 aprelde taanyshsanar kerek, ee? Avtor brat- sen oto ele naivnyi okshoisun.
17.10.2010. 04:53 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Ар кандай адамдар бар достор,намаз окуп туруп деле жаман иш кылгандар толтураго,менин оюмча ал Жаныбек намаз окубаса керек,жон гана ошентип кыздарды ишендирип журот да алдап.
13.01.2011. 03:01 
Тайпасы:
Кыймылы жок
Комментарийлердин саны:
20
Катталган:
12-01-2011
Соӊку аракети:
06-10-2011 17:47
Жынысы:
Белгисиз
Калаасы:
Seoul
0
Bul okuyaga namazdyn ech kanday tieshesi jok! namaz okusa ele al perishte bolup kalmak bele! ishtin baary kyzda, ekinchiden bul kishide(Janybek) korgomun mynday kyzdardy, birinchi ozdoru bul okuyaga ar kanday sebepterdi kylyshat! Oshonduktan Kyzdar ertereek erge tiygile! mintip ar kanday shaytandardyn ishin kyla berbey tipa(administrator i.t.d.)
17.01.2011. 21:01 
Тайпасы:
Кыймылы жок
Комментарийлердин саны:
8
Катталган:
05-01-2011
Соӊку аракети:
29-07-2011 12:16
Жынысы:
Белгисиз
-1
Куноо жаныбекте экен менин оюмча.Урматтуу момун мусулмандар баарыбыз аркы дуйного барганда баардык кылган ишибизге бирме-бир жооп беребиз "тозок " деген бар.
09.03.2011. 15:07 
Тайпасы:
Тартип бузгандар
Комментарийлердин саны:
16
Катталган:
05-01-2009
Соӊку аракети:
02-01-2018 14:44
Жынысы:
Белгисиз
Калаасы:
KG
0
Бул Жаныбек ото эле зоокур чалыш адам окшойт. Ушундай адамдардын жер бетинде басып жургону итиркейди келтирет да.
28.07.2011. 09:04 
Тайпасы:
Кыймылы жок
Комментарийлердин саны:
115
Катталган:
08-08-2008
Соӊку аракети:
28-03-2016 13:58
Жынысы:
Белгисиз
Калаасы:
Kadamjay
0
Aibek Nuradilov temasyn bawkacha ele koiboptursuz,tigi dyinodon korkpodunuzbu,jalpy musulmandardyn abroiun ketirip.Ushul sozynor jakpaitta,siler bawta musulmandardyn bir ele kylygyn kylyp korgylochy bawta,misaly 5 maal jyzynordy juuisunarby kytnyno,owol ychyn musulmandyn kylganun kylalbaisynarda mejdu prochem....oilonup syilogylo....ADAMDAR
07.08.2011. 12:23 
Тайпасы:
Кыймылы жок
Комментарийлердин саны:
10
Катталган:
22-04-2011
Соӊку аракети:
05-11-2011 23:59
Жынысы:
Белгисиз
Калаасы:
ОШ
0
Ушул Жаныбектей акмактар намаз окуп куносун жууйм деп ойлошот. Бирок АЛЛА ТАЛА БАРДЫГЫН КОРУП ТУРАТ.
18.08.2011. 15:15 
Тайпасы:
Жаран
Комментарийлердин саны:
289
Катталган:
20-03-2011
Соӊку аракети:
04-09-2018 16:43
Жынысы:
Белгисиз
Калаасы:
Кыялдарда жашайт...
0
Ошто мындай нерселер ЖОК!!! Жон эле жаза бересинерби?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: