КАРАБАХ ЧУУСУ КАЙРАДАН ОТ АЛДЫ

26-сентябрь түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында жаңжал чыгып, таң аткыча эки өлкөнүн аскерлери согушушту. Чырдын келип чыгышына тараптар бири-бирин күнөөлөшүүдө. 28-сентябрь күнү эртең менен эки тараптан тең жүздөгөн аскерлер жаракат алып жана каза болгону айтылды.

Эскерте кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылдары куралдуу тирештин жыйынтыгында Азербайжан Карабахты колдон чыгарган. 1992-жылдан берки сүйлөшүүлөрдө Азербайжан өз аймагынын бүтүндүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 930, 1-7-октябрь, 2020-ж.