Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№930 1-7-октябрь, 2020-ж.


(Башы өткөн сандарда)

– Чыкпайм мен!- деп бакырып жатты. Ал өзүн ушул бөлмөлөргө камап салганына көп болгон. Өтмүшүн, келечегин да ушул бөлмөлөргө камап салган. Салима жоошута кучактай берди. Айтурган бул колдор бир тууганынын колдору экенин билбеди. Болгону бул колдор болуп көрбөгөндөй жылуу эле. Кучагы да ысык болчу. Салима акырындап анын ишеничине кирип алды. Айтурган өзү бала кыял, ишенчээк, жан дүйнөсү назик, бирде баланыкындай таза жан болчу. Өмүр бою мамлекеттик кызматкердин жалгыз кызы болуп эч кыйынчылык көрбөй чоңойсо, кийин Искендердин ишенимдүү колдоруна түшүп, эч түйшүк билбеди. Ал Аяна сыяктуу эч качан ачка, жалгыз калбады, балдары үчүн кара жанын карч уруп иштеген жок. Турмушта жалгыз калуу, кимдир бирөөгө жооп берүү эмне экенин билбей, жомоктогудай гана жашаган эле. Искендердин өлүмүнө чейин...

– Салима, менин жолдошум ким экенин билесиңби?

– Ооба, укканым бар. Кыргызстанга белгилүү хирург экен.

– Искендер менин бардыгым болчу. Ал менин айымдан каза болду.

– Ооба, мен уктум. Жол кырсыгы болуптур.

– Мен эч кимди жек көрбөйм негизи. Бул сезим кандай болорун билген эмесмин. Бирок биринчи жолу жек көрдүм. Мен Искендерди менден тартып алган, ага бала төрөп берген кызды жек көрдүм. Сен бирөөнү жек көрдүң беле?

– Эсимде жок, жаман көрсөм керек. Баарыбыз адамбыз. Адамдар жек көрүшөт, сүйүшөт, кайра кечиришет.

– Мен аны эч качан кечирбейм!

Аялдын көздөрүндө болуп көрбөгөндөй жалын турду.

ххх

– Эже, ал аял башкача адам. Мен эми гана Искендер ага эмнеге айта албаганын түшүнүп жатам.

– Кандай?

– Периштелер болушат дешет. Ичинде бир да карасы жок, ушунчалык таза, жан дүйнөсү баланыкындай. Дал ошондой. 40 жаштан өтүп да ушул баёолукту сактап калганына таң калдым. Мисалы, ар бир сөзүмө ишенет. Кайдан келдиң деп деле сураган жок. Жанында пайда болуп калганыма эч шектенбеди деле. Агенттиктен дедим. Кайсы бир мүнөздөрү апама окшош экен. Сүйгөн адамын көзүн жумуп, ал кандай адам деп деле ойлонбой ээрчип кеткен апабыздын мүнөзү.

Аяна сиңдисин тиктеп калды.

– Мен тууралуу эмне деди?

– Жек көрөм деди.

– Ооба, анын ордунда болсом мен да жек көрмөкмүн. Салима, мен Кытайдан бир дарыгерди таптым. Ага жылдап кезек күтүп тургандар бар экен. Жазылдым. Бирок бир жылдай керек болот. Ага чейин эмне кылабыз? Сенин да үй-бүлөң бар. Нарынга кетишиң керек. Апама да кантип айтышты билбейм. Балким, ал киши карайт беле? Ишенген бир адам жанында болуусу шарт.

– Баары бир апама айтышыбыз керек.

Чындык оор. Кабыл алуу андан да оор. Кыздары Айтурган тууралуу айтып бергенде катуу ыйлады. Айтурганга ыйладыбы, Аянага ыйладыбы, алардын чиеленген тагдырына ыйладыбы, ким билсин? Бир күн кечке бөлмөсүнөн чыкпай ыйлап жатты. Бактыгүл улуу кызы тууралуу ойлонгондон коркчу. Бир билгени, аны өтө жакшы көргөн ата-энеси бар экенин билчү. Андан ашыктын ага кереги жок эле. Бирок тагдыр ал кызды маңдайынан кезиктирет деп эч ойлочу эмес. 17 жашында төрөдү. Эмизсе энелик сезими ойгонуп кетет дештиби, колуна да беришкен жок. Уузуна тойгузуп, эмизген да жок. Жаш экен, бир көрүп алайын деп да сураганга батына алган эмес. Кийин кызынын жашоосу жакшы экенин билди. Ошого шүгүр кылган эле. Минтип жылдар өткөндөн кийин жолугат деп эч ойлогон эмес.

– Апа, жай бүткөнчө мен жанында болом. Бирок андан кийин сиз карашыңыз керек болуп калат. Мен сизди акырындап алып барып көндүрө берейин. Маяна төлөп жаткан кызматчы катары эле барыңыз. Азыр ал чындыкты билбей турсун. Бутуна туруп алгандан кийин айталы,- деди Салима.

– Бутуна турабы, үмүт барбы? “Омурткасы сынып кетиптир” деп жатасыңар го?

– Белинен ылдый жыла албайт. Бирок азыр медицина өнүгүп жатпайбы. Биз бардык аракетти кылабыз,- деди Аяна.

Айтурганды апасы биринчи жолу көрдү. Чачын кыска кыркып салыптыр. Үлбүрөгөн жүзү купкуу эле. Жүрөгү тез-тез сого баштады.

– Кандайсыз, Айтурган эже? Бул менин апам. Мен кеткенде сизге жардам берет. Ага чейин көндүрө берейин деп ээрчитип келдим.

– Саламатсызбы?

Бактыгүлдүн көздөрүнө жаш толду. Майыптардын арабасында отурган кызына колдору сунула берди. Тиги таң кала түштү.

– Жакшы, өзүң кандайсың, кызым?

“Кызым” деди. Жүрөгү өрттөнүп жатты.

Айтурган эмнегедир бул инсандардан жылуулук сезип жатты. Салима шайыр, тарсылдаган шайдоот кыз. Бактыгүл болсо абдан мээримдүү. Тамагын мүнөздөп берет. Массажын үзбөй жасайт. Бирок таптакыр сүйлөбөйт. Бир жолу тамак ичип жатып таң калды.

– Сиз такыр кызыңызга окшобойсуз. Көп сүйлөгүңүз келбейт.

– Ии, мен бир мүнөзмүн. Тагдыр адамдарды өзгөртөт окшобойбу, бир кезде мен да күлкүм тыйылбаган, шайдоот, ишенчээк адам элем. Кызым ушундай болгонуна шүгүр.

– Канча кызыңыз бар?

– Үч.

– Үчөө тең сизге окшобойбу?

– Окшош. Бирок ар бири менин жашоомдогу кайсы бир мүнөзүмдү алып калгандай. Улуу кызым менин жаш кезим. Так эле ошондой ишенчээк, бала мүнөз мүнөзүм бар эле. Мен ал мүнөздү жоготтум, бирок кызымда калыптыр. Андан кийинки кызым – менин азыркы мүнөзүмдөй. Сүйлөбөйт, баары ичинде. Бирок менден айырмаланып күчтүү инсан. Бул жагы атасын тарткан окшойт. Мендей болуп дарактан үзүлгөн жалбырактай ар кайсы жерге учпай, бекем. Салмактуу. Кээде сүрдүү. Ал эми Салимаш болсо мендеги эң бактылуу учурду алып калгандай. Дайым шайыр, бактылуу, жылуулук берген кыз. Менден айырмасы – башында акылы бар.

Кыздары тууралуу улам токтоп сүйлөп жатты Бактыгүл. Үнүндө сыймык да, өкүнүч да бар болчу.

– Сиз жакшы эне болушуңуз керек? Ушундай кыздарыңыз бар болсо.

– Жок, мен дүйнөдөгү эң жаман энемин,- деди кесе.

Айтурган таң кала түштү. Бактыгүлдүн ыйлап жатканын көрдү да, көрмөксөнгө сала берди. Бирок бул аялдын ичиндеги бугун, кайгысын көрүп турду. Бакырып жибере тургандай ыза толуп турганын байкады. Экинчи күнү Салимага кеп баштады.

– Менин кесибим психолог, билесиң. Сенин апаң мага жардам берип жатпайбы. Мен да ага жардам бергим келет. Байкуш аялдын жашоосу оор болгону көрүнүп турат. Макул болсо, күнүнө эки сеанстан иштейли. Кандай дейсиң?

– Апам макул болбойт го...

Бирок Бактыгүл макул болду. Балким, кызынын кесибин улантышына себепкер болгусу келдиби, балким, чындап ичиндегисин айтып, кимдир бирөө менен бөлүшкүсү келдиби, ким билсин? Энеси экенин билбеген кызы, кызы экенин билип, бирок жашырган эне күңүрт бөлмөдө отурушту.

– Сиз канча жылдан бери ичкиликке көз каранды болдуңуз?- деди Айтурган. Бактыгүл өзүн кимдир бирөө жаакка чапкандай сезди. Колдору титиреп кетти.

– Кайдан билдиң?

– Билдим.

– Эсимде жок. Көп жыл болду.

– Эмнеден улам ичкиликке берилип кеттиңиз?

Бактыгүл үн катпай калды. Бул суроонун жообу өтө көп болчу. Кудум ичиндегини окуп койгондой Айтурган суроосун улай берди.

– Билем, көп себеп бар. Бирок эң биринчи эмнеден улам башталды?

– Мен түрмөдөн чыктым. Бирок ал мени кайра таап алды. Баары башынан башталды. Баткакка батарымды билип турдум. Бирок ал адамдын мага гипноз сыяктуу эле күчү бар болчу. Кечирдим. Баары кайрадан башталды. Аны менен эң бактылуу да, эң бактысыз да аял болчумун. Сүйүүдөн жинди болуп кете жаздачумун. Ошол күндөрдө боюмда болду. Ал билсе алдырып салат деп жашырып жүрдүм. Баланын алдыруу убагынан өтүп кетсе, балким, мени менен калат, мени тандайт деп ойлодум. Анткени ал да мени сүйчү эле. Бирок...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
05.10.2020. 10:36 
Тайпасы:
Жаран
Комментарийлердин саны:
12
Катталган:
01-02-2017
Соӊку аракети:
30-11-2020 13:58
Жынысы:
Белгисиз
+1
Мен биринчи
07.10.2020. 22:10 
Тайпасы:
Жаран
Комментарийлердин саны:
395
Катталган:
15-08-2017
Соӊку аракети:
26-11-2020 08:33
Жынысы:
Белгисиз
0
Апасы эмне болуп камалган эле?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24796;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: